黑色暴雨, 補習社仍收費？

karenkkl

本人都覺得ming2講得好arm

我琴行既學生打風, 黑雨都係有得補堂既, 而且會盡量安排學開既老師補堂, 但黑雨那天, 有家長打電話黎話好不滿無得順延下堂, 只得補堂, 但佢一開始補名時,學生守則已經寫得好清楚黑雨係有得補堂既, 點解佢不滿昵? 有時家長都要清楚琴行既處境, 如果可以順延的話, 家長唔得閒又請假, 考試又請假, 1個月可能學得1, 2 堂, 琴行既租金, 水電費又要比, 其實我地已經作出補堂, 家長又有何損失呢!
正如ming2所講, 我地上堂時, 好多時都教過時, 我地都唔會同家長計啦!

我只係宣洩一下, 有咩得罪請見諒

ming2 寫道:
hi 叮鈴

please check pm also..

順帶係度補多句...

可能d人睇到我所寫0既野會以為我係得益果d"老師",不過我可以話你地知就係..."我唔係lor..",...我d所有私人學生我係上足堂,基本上只要係早一兩個鐘請假個d,我都會補番...至於琴行0既學生,就如我之前所講,報名時已經講好個遊戲規則係點,願意接受0既就黎,唔願意接受0既可以去第二度,..不過我地就好多時都會體諒家長0既處境,係情況許可下,雖然我地唔會順延一堂,但好多時都會係其他堂上多少少時間咁去補俾個學生....講真個句呀..老師好多時遲左落堂,都唔會叫個家長補"OT"錢架啦...咁又點計呀?!...要計0既話,當你一堂多一分鐘,一年52weeks,都多成52 mins 啦...又何況好多時係唔上多一分鐘咁少,咁你話有時d野邊度計較得咁多呀...

做人0既野唔係下下都只係想自己0既...多d企係其他人立場想一想,個人就會冇咁易唔開心架啦.......  

睡覺

你講得係arm ge..，只係我間琴行個老闆，係直情唔會補堂果種.......    即使後面一個學生都無，佢亦唔會送多你一秒鐘......

我本人都唔鍾意延課，一個月先得四堂，延了進度便慢了。

我本好想在暑假，琴行又有空檔的時段，想睇下可唔可以一星期學多一堂或一個月學多一堂，但係想起暑假多風多雨ge季節，又無得補堂之下，我又唔係有錢之下，"風險好大下"(哈，真係"風"險)，所以就打消這個念頭了。

煩媽媽

如果學費如此昂貴，報名時就要問清楚呢d情況點安排！如果真係無得補，就要諗清楚值唔值得報讀！如果仔女真係讀得開心，老師又好的話！打風落雨or病番唔到，又無得補番，亦無可口非(應該之前問清楚，事後先追討似乎有d無理)，我同意：唔可以成日自己著數晒，都要諗下人地處境先得架！

睡覺 寫道:
smiile,
      
      講真，真係睇你點睇為之少少錢﹗一個月四千幾元學習費，對我來說，幾乎係我地全家收入ge一半囉.............
        

所以，我無咁多錢，真係唔好俾仔女學乜學乜....應該量力而為，咁就自然不會為了"少少錢"有怨言了吧？你說對嗎？

不要誤會，我只係有感而發。
[quote]
Smiile 寫道:
其實我囡囡上年都試過連續四個星期週末沒有得上課，(第一個星期黑雨、第二個星期打風、第三個星期她臨時病了、第四個星期又是下大雨)，咁學費是在前一個月尾交，接住四個星期沒有上課，總共交了4,800學費都沒有得補。我不覺得好"sit"，因為報名前我都已經知道請假及颱風暴雨規則。而且教我囡囡的鋼琴老師每次都多出很多時間給她、試過沒有學生時(即有學生突然請假)她會問囡囡的繪畫老師可否囡囡入去彈琴和再複琴 (我囡週末留在琴行整天 - 學繪畫、鋼琴和日文)，學繪畫經常超時1-2小時，所以我覺得
ming2說得對，很多時老師都沒有問學生家長取回ot錢啦 !

所以無謂為了少少錢同補習社或琴行傷了感情。

Smiile

[/quote]

rebec8888

"真想去消費者委員會告"

If they have written enrolment policy posted in the school campus or other sources (eg. website or others) , 告唔入架！

We better check it clear before the enrolment. 如果本身都知policy係咁，就唯有揾第二間囉！報啲社區中心平課程，一樣無得補，只不過銀碼唔大無咁肉赤者。有時比錢嗰個梗有啲雙重標準。

但好質素的都係咁，自己考慮囉！食得咸魚抵得喝，無謂鬧。可以唔食佢揾第二度。

  

Vernique2005

睡覺 寫道:
如果學到好高級，一堂一小時要千幾元咁，
你話啦，唔係個個都咁有錢，千幾元當十元架，有d人好困難，節衣縮食咁先拿到一千元出黎俾小朋友上課架。

我想唔補堂果d補習社或老師，通常都係收生足夠，或係好叻ge老師，唔休無學生果d掛，係巴閉d架喇，係要睇佢地臉色架喇。
所以，你想搵好d ge機構或老師學野，就係要受咁ge委屈架喇，受li d唔係好公平ge對待架啦，然後佢地會話，好公平丫，你情我願姐架....

如果以老闆雇員關係作例子，咁即係學生係老闆啦，但係卻要受 "雇員"(如老師) 氣喎，乜都係雇員話哂事.......
咁"雇主"d委屈氣點算呢？

咪就係...自己爭氣d讀好d，學好d，學得好叻時，第時都係咁樣對待d "雇主" 學生囉﹗.........................

:tongue:

我想都仲要看看老師的工作性質和態度是什麼﹐我都聽講過有些補習老師﹐常常都掛著--就算你吾學我都一樣有學生--的心態去上堂﹐但問題是﹐老師自己的工作態度或多或少都會影響學生的﹐一個好的老師﹐除了有料﹐都仲要有品啦﹗否則﹐長此下去﹐只會是一個ABUSIVE CYCLE。。。