漁翁撒網連報8間直資，終於撈到個水泡啦！

黃o禁o禁

kathy_good ,
hi!!!!!!!!你3月25號果日點呀

有消息未呀???琴曰成班red cross去行山呀~~~陳sir帶,佢地行完返到嚟就一味      激死我
仲有 果曰佢地sportday既相入咗pc之後我唔識send 比你呀,遲d學校有活動既話如果可以join埋你我再比你睇吖...唔好意思

黃o禁o禁

dougdougma,
放心比佢讀啦,直資ymca來講,佢算好top架(仲要比起官津band 1果d),我都冇後悔比個小朋友入咗去,仲覺得好好彩,好彩佢冇派到自己心儀既中學,好彩冇入到你先頭提及果幾間自己懶巴閉認為自己成日係band 1既中學,如果唔係而家佢地唔會有咁好成績同滿ロ英文返嚟屋企
..ymca 真係幫我慳唔少英文補習老師費(至少唔會好似官津老師用中文教英文)...果日sportday我有去,d老師全場都係講英文,甚至乎叫學生返果house(舍)(佢地有四個唔同色既舍)果邊都係講英文(d學生走咗我地家長坐果邊),冇廣東話...早會周會上堂都係英文(除咗小息),中文用普通話(係正统老師),理科maths既老師又係好正,英文數學其實本書都好深架,但佢地教得好清楚....你仲想知乜你pm我啦,其實我都pm咗你喎 有時間去飲茶啦...

dougdougma

vvtong,
荃灣區係冇直資中學架，所以我地住青衣咪報哂沙田所有直資和le間ymca，去沙田乘49X、去東涌乘E31都算係有車到架啦... dougdoug仔in過沙田區既直資有：德信、培基、林大輝、培僑、浸大黃錦輝，其實六年級上學期學校會派給一本直資中學詳細list，不過如果你想早d計劃，可以search佢地既wedsite參考下。

October,
5年前大B就係banding五轉三既受害者，當時教育政策極為混亂，有一半學生對派位結果提出上訴，大B上訴被駁回因為獲派的中中確是band 1(陳兆民，但同荃官點比？) 結果銘賢咪要留返個位比同區會既上訴學生羅！

櫺囹桼兄,
大B當年就讀荃景圍基慧小學，就係因為荃灣英中學位少而家住青衣所以跨網轉回葵青區，而大B同學住荃灣就留底抽中荃官。
dougdoug仔成績好唔穩定，唔止淨係數學，佢3次報分試：1st~中A英B數A、2nd~中B英C數B、3nd~中A英B數C，咁既成績真係對派位冇信心呀  

KOKOMAN,
基慧小學在荃灣區屬band 1，大B自行選校是安柱，有interview但冇通知即收，填表第一志願亦是安柱，可惜英中全部落空。

kathy_good,
ymca最遲28/4要註冊，但dougdoug仔成績出哂，數學C孟唔返去band 1，大抽獎唔敢博呀...睇埋黃o禁o禁既sharing...唔諗啦...決定讀le間啦...

黃o禁o禁,
好多謝你提供既寶貴資料，已pm你，pls check^^

黃o禁o禁

dougdougma,
收到喇!!聽日call 你啦

vvtong

dougdougma,

多謝你的回應。
我想問係官小讀完上直資中學會唔會好難銜接ga, 因睇到黃o禁o禁既sharing話d學生及老師係全英語及普通話的, 我驚我個仔唔掂呀! 讀直資中學d學生係唔係大部份係普通ge官津小學去讀架?

謝謝!

HPChingchingma

yammyma 寫道:
dougdougma ,

我朋友個仔仔都有相似經驗,上年佢又係對阿仔好有信心,諗住大抽獎都唔會差得去邊,點知派左去band2既中文中學,之後叩門既學校全軍覆沒,焗住都要讀派位間中中,

yammyma

我都係咁諗喎  

而家點好    

黃o禁o禁

vvtong ,
我初時都有你呢種担心,但每一間直資教學方式唔同架,ymca本身係一所類似國際學校既模式,無論運作方面等等,加上佢有好多net teacher同外藉學生,所以佢地一定要造就英語環境比學生同老師,初升上中一ymca大多數會用中英去輔助學生去適應,但之後就全部要用上英文架喇,有需要既時侯都會用返中文去輔助...試問官津既中學冇可能做到咁(在乎老師既質素),至於你話官小讀完上直資中學會唔會好難銜接ga,我想唔係去唔去到既問題,而係小朋友升上邊度中學都要去適應中學既生活(官律與直資),至緊要學校一開始唔好死谷要d學生死背死test就得,加埋老師用一d 靈巧既方法,小朋友就容易上手架喇,我而家都唔使跟佢考試&功課喇,只係偶然突擊check一下,相比起以前讀小學日子,讀ymca我地真係舒服好多....

註:但假設果間直資係冇咁多外藉老師同學生,環境同教法可能同官津一樣,只不過好小小咁解lor~~

dougdougma

vvtong 寫道:
dougdougma,

多謝你的回應。
我想問係官小讀完上直資中學會唔會好難銜接ga, 因睇到黃o禁o禁既sharing話d學生及老師係全英語及普通話的, 我驚我個仔唔掂呀! 讀直資中學d學生係唔係大部份係普通ge官津小學去讀架?
謝謝!

vvtong,
老實講，現階段報直資既學生有邊個係好top架？dougdoug仔都只係band 2頭，依家考入去既應該大部份係官津band 1尾band 2頭學生，band 1頭既點會咁快棄權丫...就算買保險都去考直資既聖保羅、男拔、女拔啦。
我對ymca有信心，佢係所有直資中學內最多外籍老師既，加上1/6外籍同學，相信在這樣的學習英語環境下，孩子愈早接觸愈容易適應，總好過讀中中去到F.4先至轉全英文；當然升中初階段要花多些時間和孩子一起適應，不能以為孩子升上中學就大個啦放哂手比佢自主；仲有就係比佢多d講英語，從dougdoug仔開始報直資，我就比佢每星期返2小時外籍老師教既全英語班，讓佢可以早d適應。我都覺得做得遲呀，應該5年級開始較好。

黃o禁o禁

我想再補充一點,其實ymca唔止1/6既外藉學生,佢仲有大部份既移民回流生(即係喺外國出世果d),學校亦配有完善既教育服務比佢地,例如外藉生唔需要修中文,可轉修法文..而abc就可以修法文or修中文基礎班..

而大部份課外活動都由外藉老師及一位港藉老師一齊負責推行,一齊造就一個雙語環境比學生.

所以我亦睇到校長Mrs.Chan佢係好努力推行英語,可能佢曾經係英語學會主席,我曾經睇過一篇報章既報導,大部份外藉老師喺官律校エ作係非常唔開心,因為跟港藉老師溝通唔到,去食飯既時侯都係自己一個孤令令咁..試問咁樣可以有一個好既英語環境麻??但ymca唔同,Mrs Chan佢至力於創造英語環境比學生及老師,我去過好多次佢地既活動,大家融洽一片,無分國藉,無語言界限,好似去咗另一個小世界咁,好開心架..
我曾經去過ymca既家長會,Mrs Chan講咗一d說話令大家都有感慨:「今時今日既英文唔知點樣去競爭(下刪幾十個字,我唔記得咁多句說話,只記得呢兩句)........恐怕第二時無人會識講無人會識寫英文.....」
我諗唔到有邊一間官津有咁好既語言環境比個小朋友,加上又唔使比學費,如果有的話,勞煩各位通知通知 我試下同佢插班...不過講笑咋,我同過佢傾轉校問題,佢話:「你叫我死咗去好過...我好鐘意呢間呀,唔好迫我啦,拜托拜托.」我就嚇佢:「你唔努力,我一於同你轉第間.... 」跟住佢就勤勤力力去讀書....我醒唔醒目??? 不過話時話,如果ymca係唔好的話,佢地都唔會咁鐘意返學 亦都多謝佢囉,佢地F1可以自動波,我可以出返去做野,如果唔係冇$$交學費lu~~,讀得好既交足7年都好重皮架~~~no money la

kathy_good

黃o禁o禁,
    已經收到信了!我的女兒很高興。她很喜歡學校。
我比 dougdougma 好彩一次ok! 現在考慮是否簽確應信呢?

黃o禁o禁

恭喜哂 咁你點呀??

kathy_good 寫道:
黃o禁o禁,
    已經收到信了!我的女兒很高興。她很喜歡學校。
我比 dougdougma 好彩一次ok! 現在考慮是否簽確應信呢?

櫺囹桼

[quote]
dougdougma 寫道:

櫺囹桼兄,
大B當年就讀荃景圍基慧小學，就係因為荃灣英中學位少而家住青衣所以跨網轉回葵青區，而大B同學住荃灣就留底抽中荃官。
dougdoug仔成績好唔穩定，唔止淨係數學，佢3次報分試：1st~中A英B數A、2nd~中B英C數B、3nd~中A英B數C，咁既成績真係對派位冇信心呀  


其實睇band1生與英中“比例”計，葵青只比荃灣好ddd！時也命也，所以就算大B當年留低都未必一定抽到英中，而家dougdoug仔就唔使煩！

louwendy

天水圍果間直資叫做香港青年協會李兆基書院呀，剩係個校長都夠晒號召力啦，加上青協幾十年的青少年服務經驗，我就極之推介嘞，我個大仔前年先跟青協去北京交流，返來都唔知幾開心，佢話眼界大開呀，有得出入人民大會堂，仲同國家領導人大合照添！講返間中學，我個細女已經被佢地接納左嘞，個女聽完個簡介會已經急不及待要我地幫佢報名，佢就最鍾意學校有個特別設計加大碼圖書館及自學園地，仲有呀，校長話要將聖保羅的優良文化引入新校，我都望可以係天水圍既ＳＴ　ＰＡＵＬ’Ｓ　ＣＯ－ＥＤ啦．仲好似話計劃有Ｄ　ＳＨＵＴＴＬＥ接送學生，住遠小小都唔怕啩？

dougdougma

kathy_good,
恭喜 恭喜哂
我地後日去註冊呀，希望dougdoug仔同你女兒做到同學啦

黃o禁o禁,
真係好多謝你既sharing，好清楚好詳細，thx a lot!
雖然直資要比學費，我覺得$1500/month有10幾個外籍老師教係好超值既...依家dougdoug仔學緊既每月8小時外籍老師教全英語班都唔止le個數，比起每月幾萬既國際學校更係抵...抵...抵...呀     

黃o禁o禁

dougdougma,
唔好客氣啦,正如電話裡頭你話乜資料都冇,係好既咪要講lor~,不過你唔好信哂我噃,小朋友成唔成才都要佢自己個人努力,加埋父母支持同學校既配合先造就到架!!三方面缺一不可.....
為人父母唔係話要子女一定要成龍成鳳,只係想佢喺一個比較好d既環境裡面學習,學會自我爭取,自動自覺去做好自己本份,我諗對佢第日出去社會上做事都有幫助掛 起碼做好本份都會有飯食啦 加上而家英文真係好重要,唔識真係連飯都冇得食   

黃o禁o禁

辦學唔同辦旅行同辦交流團噃 去旅行去交流團亦唔同返學噃.... 不過咁我都相信佢地校長搞得好既,佢有豐富經驗麻

louwendy 寫道:
天水圍果間直資叫做香港青年協會李兆基書院呀，剩係個校長都夠晒號召力啦，加上青協幾十年的青少年服務經驗，我就極之推介嘞，我個大仔前年先跟青協去北京交流，返來都唔知幾開心，佢話眼界大開呀，有得出入人民大會堂，仲同國家領導人大合照添！講返間中學，我個細女已經被佢地接納左嘞，個女聽完個簡介會已經急不及待要我地幫佢報名，佢就最鍾意學校有個特別設計加大碼圖書館及自學園地，仲有呀，校長話要將聖保羅的優良文化引入新校，我都望可以係天水圍既ＳＴ　ＰＡＵＬ’Ｓ　ＣＯ－ＥＤ啦．仲好似話計劃有Ｄ　ＳＨＵＴＴＬＥ接送學生，住遠小小都唔怕啩？

vvtong

黃o禁o禁 & dougdougma,

多謝你地的sharing呀! 我都係想個仔係d好的學習環境中長大, 唔使日日驚佢係學校比人帶壞,... 等等。而且我個人覺得英文係好重要的, 所以我亦想佢入讀英中, 奈何以佢成績入讀荃灣的英中的機會幾渺茫, 從bk網看到直資中學都係千多元一個月, 我都可負擔得來, 而且直資中學的口啤亦好好, 所以想找多d資料。睇完你地的sharing,現時我決定幫個仔首選直資, 如咁唔好彩無一間收先參加大抽獎囖。
再問多聲, ymca係東涌那裹, 是否E31可直達呢?
謝謝!

黃o禁o禁

vvtong ,
ymca喺東涌....可撘mtr到東涌站撘37或38p,返學時間38p就有五分鐘一班,都好密吓 ,每程$3.
如撘E31去東涌逸東總站就可以步行,約十分鐘至十五分鐘到,視乎你小朋友對腳長唔長囉
我就買咗單車比佢地踩返學,五分鐘到

黃o禁o禁

vvtong ,
你都唔好咁客氣,不過你話「我都係想個仔係d好的學習環境中長大, 唔使日日驚佢係學校比人帶壞.」

但有一樣野我好想同大家分享,每一間學校每一班就算名校都有乖同唔乖既小朋友,視乎家長點lead住個小朋友既心態,以我既好多朋友為例,佢地既仔女既程度係上唔到英中,但基於父母既期望咪要局住上(通常呢種期望係父母去比較,呢點大家要注意)...上咗之後,問題一籮籮,因為小朋友既成績常在於中間位,top又冇佢份,但又未至於最低,呢種小朋友喺學校可能會比較寂寞..何解??因為叻既同學又未必侵佢玩,因為揾唔到共同話題,而如果佢想有多d既朋友,佢既友情可能會偏重成績品行比較差既同學,因為悶麻,換言之可能會比呢d人再拉咗幾級落嚟,而呢樣係好多時升中後家長同仔女要面對既問題...所以佢地一升中我地既責任係要輔助佢成績方面之餘(因為跟唔到佢地就冇心機讀,但一定唔好將佢同人比分數,但求佢地盡力而為,如果唔係佢地壓力大既話更加冇心機去讀,會用逃避既方法唔會再去面對讀書),更要了解到佢學校生活方面,多d溝通,要知道佢常和邊d同學來往(最好你見埋佢d同學,用你既經驗同眼光去叛斷呢個同學既品性同行為),必要時拎埋自己佢識得你既朋友去講(好人同衰既朋友做例子),教佢去分析人,咁佢就唔會容易學壞,因為佢已經知道同 top 既同學玩同差既同學玩完出嚟個結果係會點....重有,佢做錯既一定唔好怪責先,要分析咁佢先學到野,成績有進步既比粒糖佢或者比小小bonus佢,佢都會好happy,因為媽咪認同咗佢既成功同努力...佢先唔會有挫敗感覺,呢個對佢嚟講係正面心態.

以上係我班騎呢怪升中得出嚟既經驗,呢種經驗可能對大家幫助唔大..因為每個小朋友特質唔同,大家要多了解自己仔女先可以因材施教,而我班騎呢怪係屬於遇强愈强果類人,所以我有時都好頭痛,其實我都唔知我自己講緊乜..唔好見怪 同大家分享分享囉