有沒有別的選擇？

靜靜媽

catcatmom 寫道:
Dear 靜靜媽
朋友個女係一間津校讀,成績幾好（全班第3），想P3轉私校讀，考慮緊KTS，但又怕追唔到，可否比D意見。津貼學校轉私校的問題。

catcatmom:

我分享下我的經驗，給你朋友參考。

我們由津校轉到KTS私校後，有得著的是：
一. 囡囡非常開心，更加喜愛返學；
二. 教學模式由原來的死板轉為較靈活，我們覺得有利於小朋友的思維發展；
三. 先生好nice，多用鼓勵方式對待學生，有利於小朋友建立積極的學習態度；
四. 課程方面，因為程度較深一些(英文高一級，數學高半級、學埋英數，中文也有較多課外閱讀)，所以升中時不怕(升上中學也不用擔心)同其它學校的學生相比較，而且每班人數較少(P3每班不超過30人)，先生容易掌握及照顧到每位學生的學習情況；
五. 講到升中，KTS屬九龍城區，升中校網為全港最理想之區域；
六. 在校內未發現有特別頑皮的學生，個個都幾好禮貌，也未聽說有問題學生；
七. 學校環境寬廣舒適，清潔衛生做得很好，給人好放心好安樂的感覺；
八. 學校的管理很有水準，有條不紊，事事都考慮得好周到。

一時諗到係咁多，若有其它，下次再討論。

靜靜媽

漏咗回應追唔追到的問題。

我覺得小朋友的接受能力是最強的，KTS的學生也不是三頭六臂，咁多學生都追到，點解你朋友個個會追唔到呢？

俾點信心啦，實得！

gigi2

靜靜媽 ,

真開心終於有位高過小女年級的家長回應。老實話，本人也真的非常喜歡KTS，眼見小女班中無論成績勁或一般的，每人也有不同的課外/校隊培訓，合唱團、籃/羽毛/足球等等，各式各類，看得出學校十分注重小朋友的發展和培育各人的長處。就算話我係宣傳都要咁講，因為這是我的感受和真心話。

catcatmom

靜靜媽
好感激你甘詳細回應。
因我之前看過一個ＢＫ媽咪既case，佢個仔係九龍塘官立，全级第一，佢想囝囝更上一層樓，便轉左宣小。因官小程度很淺，所以係第一次既考試中，亞仔全班好似考３８名，但後來都追番上去，但這位媽咪無講，追番上去幾前。ＫＴＳ除左你所講既優點，有無覺得你囡囡以前間津小，教得好少野，即係中英數的内容無ＫＴＳ甘充實呢！因我覺得亞仔間學校（津貼），教既野好少，考試時候有Ｄ係出課外野。有無覺得私校課程係充實好多呢？我朋友個case係一個女讀私校，一個讀地區名津校，佢都話佢果間私校既教學方法有系統好多，而令佢讀私校個女學多好多野喎，希望有時間再給我一些意見！

靜靜媽 寫道:
漏咗回應追唔追到的問題。

我覺得小朋友的接受能力是最強的，KTS的學生也不是三頭六臂，咁多學生都追到，點解你朋友個個會追唔到呢？

俾點信心啦，實得！

靜靜媽

catcatmom 寫道:
希望有時間再給我一些意見！

請給我幾天時間，因為我明天出發，31日至返香港。

cherrie159

其實KTS的正確名稱不是九龍塘小學
是九龍塘學校(小學部)
兩間是不同的小學!
是老師告訴我女兒的