我想同個仔申請轉班 :-(

simsim

溫柔,
我同意Bowiema的說法，有時要比老師知你緊張個仔的每件事，佢地先會同你跟緊d，你試下用婉轉d的語氣，叫老師再幫手，當然面對面會較有誠意同表現到你對事情的重視程度啦!記住老師雖然係忙，但有問題唔出聲，蝕底的是自己的小朋友。

Bowiema

溫柔,

甘真係要睇下你阿仔學校既style, 如果佢地係主張家校多溝通, 我相信老師唔好厭你煩既. 我地校長就會叫家長, 有問題一定要即日搵老師, 今日既問題要今日解決, 唔好留待明天. 因為明天又會有明天既問題. 你真係試下用d平和d, 客觀d既方法去同老師講. 我好明白你既隱憂, 但唔講, 你仔仔成日甘比同學攞野亦都唔係辨法, 你亦要比阿仔有種正面既思想, 要比佢覺得呢個世界有公理ga.

我應該無記錯你阿仔讀邊間學校, 我好相信你地學校校長既辦事+教學理念. 因為佢係我小學5,6年級時既班主任   當年我阿仔都有考, 不過因為諗住油尖旺區既中學網較理想, 同埋我喜歡宜家阿仔學校既作風(因為我係比較緊張既家長, 鍾意同老師溝通多d), 先轉咗區出去讀.

simsim,
係呀, 學校d老師知我係緊張mummy, 一唔見野, even工作紙, 功課, 我都會即刻call老師, 佢地真係會對阿仔既野緊張d, 可能佢怕我煩佢啦....

溫柔

simsim,Bowiema:
好多謝你哋既意見,我唸或者係星期一我會打比老師約佢見一見面,同佢傾下,睇下佢有d咩反應先再算!

Bowiema

溫柔,

係啦....支持你ga, 希望你可以快d解決件事, 阿仔開開心心上學去.

溫柔

到時再話比你聽個結果係點呀!

didima

溫柔:
我覺得你可以打比班主任同佢先了解下,如果仲係未攪掂,你就要take serious 同班主任make appointment 再了解下,比佢知道你很在意呢件事,之後同佢講一星期後再面談,直至件事解決為止
不過唔好用挑戰的態度
didima

溫柔

之前我己經中過招,攪到我個仔要入A&E,但佢就卸晒膊,話冇得追究,呢單嘢我都算+la,而家我唸冇可能一個電話就可以解到個問題!

didima 寫道:
溫柔:
我覺得你可以打比班主任同佢先了解下,如果仲係未攪掂,你就要take serious 同班主任make appointment 再了解下,比佢知道你很在意呢件事,之後同佢講一星期後再面談,直至件事解決為止
不過唔好用挑戰的態度
didima

Bowiema

溫柔,

點解甘嚴重ga? 校長知唔知? 不過班主任甘講又真係......

溫柔

係咁既...我個仔係有氣管敏感同哮喘,係上個月尾天氣開始轉,條氣管開始唔係咁好,咁就同佢睇醫生,醫生就話佢有氣管炎,開咗d氣管藥比佢當中有抗生素,所以我叫個仔帶返學校食,我就寫咗封家長信比佢班主任,叫班主任搵人睇住佢食,話埋要食幾多,咁個老師就叫d義工 "愛心媽媽" 睇佢食,我個仔食完飯就同個d所謂 "愛心媽媽" 講,ee我食完飯la,你幫我食藥..點知個所謂 "愛心媽媽" 講,你自己坐埋住自己食la,就係咁我個仔就係冇人睇住既情況下自己食藥,佢返到屋企食完下午茶我就唸住再同佢食藥,點知一拎出嚟,d藥全部得返兩格,原本每次食一格,點知佢一次過食咗 "5" 格,我即時拎埋d藥同隻傻仔去A&E law,打去學校問點解有人睇住我個仔食藥,交帶咗d義工媽媽,唔知道會攪成咁,佢話由於人哋係義工,追究都冇用喎,但佢自己就唔覺得責任係佢身上,重話如果佢再要食藥就叫佢去校務處到食.............
    

simsim

Bowiema,
我都係緊張大師，有什麼也打難沙盤去問，其實只要有技考客氣d去問老師，老師一定會幫我地，我女女可能較特別，加上佢仲係幼稚園，所以老師都好緊張，有什麼事都自動打比我投案。
溫柔,
我同意Bowiema所言，要幫你仔仔番個公度，如果唔係佢以為甘做係無問題就煩啦!

Bowiema

溫柔,

嘩, 真係好大件事呀, 比係我一定嘈到察天, 一定complaint到底. 雖然話係義工, 都唔可以甘ga, 幫得手就要有責任, 加上甘細個小朋友. 不過小學就係甘, 真係無幼稚園甘好照顧. 又或者甘, 下次真係萬一再有甘既機會, 你另外用d"吉"既藥水樽仔, 將一次既分量倒入去, 就叫阿仔食晒佢, 甘就唔會食多咗份量, 又唔駛再求其他人, 只係叫人提阿仔食藥就得. 甘樣自己安心又放心d.

不過佢地既處理手法真係唔係甘啱....難怪你會有d顧慮既. 小學就係甘, 好多野都要小朋友自己攪掂, 唯有自己想多d辦法, 做多d野去減低呢d事情發生.

溫柔

Bowiema:
如果今次係第一次有問題我就梗係會去問la,但上次話完個班主任,今次又再話佢,我怕佢會覺得我兩仔乸煩,就係咁我先至唸應唔應該再插手呢件事law!

Bowiema

溫柔,

真係幾無奈既......但唔講, 又怕你阿仔會誤會甘樣係正確既思想, 做法. 同埋會助長咗果d同學再犯, 再去攞你阿仔既野. 最慘你入唔到學校去同果幾個同學仔講, 如果唔係都可以自己做功夫, 等佢地知道唔可以再甘做.

anyway, 有同學攞野唔係d小事, 真係要老師正視先得. 煩都要搵佢再講, 再唔係, 只有搵校長......真係要比小朋友覺得何為公理先得.

支持你ga...有結果再話過我地知啦.....希望係一個令人開心既消息.

溫柔

我今朝係個仔本手冊到到寫咗,叫老公打比我傾下點樣解決問題,我個仔一返嚟我就問佢有冇比老師睇到本手冊,佢話老師只係問有冇人攞咗,隔咗成4,5日先問,攞咗都唔認la,雖然d小朋友細啫,唔係short + ma,唔通自己舉手話,,[size=large]miss係我攞咗呀咁咩,我打去學校搵佢又搵極都搵唔到,叫佢打比我了解下點解決又唔打,我真係好谷氣!     
卒之我同個接線既書記講,個書記就搭咗條線比負責呢個奬勵計劃既姑娘,我由第一次比人偷嘢開始講,佢話佢完全唔知有過咁既事,佢話一定會幫我小朋友攪清楚究竟係咩事,會同班主任傾下件事既始末,同埋佢話一定唔會不了了之喎,我同佢講希望係放假前可以解決到呢個問題,佢又答應會盡快,不過就唔知佢有幾快la!     

Bowiema

溫柔,

請怒我直言, 你阿仔既班主任處理班務真係麻麻地. 不過甘, 有d老師教書係好好ga, 不過處理班務就唔係甘好, 甘又唔可以話佢全部都唔好眉.

你睇下個姑娘點講, 真係唔掂就要搵校長好d. 希望你可以快d解決件事啦.