亞囡比老師話 ： 不誠實???

cameo

我記得以前唔知睇過邊一本書,有時小朋友講大話都算係成長必經階段,好多時第一次講左大話自己都未必知,偶然俾佢發覺到講大話o既好處,就可能開始"有心"去講大話嚟逃避啊!大人對住小朋友講大話令小朋友難受,小朋友都要知自己講大話同樣令大人難受啊~
其實手冊中係咪唔止兩句說話,見到有"...."省 略 號,係咪手冊上唔只兩句呢??唔敢話個老師用咩心態去對呢個小朋友,但只少睇到係家長先提出小朋友寫手冊出問題(太慢寫唔晒),老師就去問佢寫晒未,而小朋友未寫晒而"講大話"話自己寫好!
可能我一向都認同手冊係學校同家長溝通o既途徑,所以我會接受到老師以寫手冊通知我小女在校情況,或者而家某d家長會覺得手冊重係將來有意轉校可能用得上的"文件",所以即使只係欠交功課都唔希望俾老師寫上啊,將心比己,一個老師要對住咁多學生,我都好想老師可以將個女o係學校大大小小問題(不論以電話,電郵或手冊的方式),當然老師可以提供埋安慰及改善方法就最理想啦!但至少知道個問題,我先可以幫到個女啊!
睇到睡覺講個老師例子又確實令小朋友難受呢,為左打發小朋友而隨口"up",重講埋d"歪理"同家長死撐,誤人子弟呢~  :tongue:

麟媽媽

樹大有枯枝，我也見過不負責任的老師，
係咁既情況下家長更要落力點作出指引。
但總有春風化雨的好老師既。

EmilyDavey

誠信好重要, 十分同意 !!
我成日同阿仔講,你做錯事,我會唔開心,但我一定會原諒你!
但你做錯事而去講大話掩飾,我就會很傷心, 講時仲要加多幾分表情!   

TWMa 寫道:
未抄手冊, 點解要話抄左, 的確要好好了解下原因.
但任何情況下都唔應該講大話, 絕對要自細教導同要求.
誠信好重要.

珠仔

講真小朋友要呃我地，我地都可能被佢地蒙騙，最重要係令佢地明白到講大話是一件不道德的事。我記得小時候有一次默書不及格，我不敢告訴父母，最後冒充他們的簽名交給老師；後來我竟然識得警誡自己下次要努力，不可以再不及格。那時候可能都是三年級左右。我覺得能令到自己內心有一份罪惡感，自我反省不要再犯，仲來得更有效，起碼直至而家我仲記憶尤深。所以都係多得我老豆比我講咗嗰次既大話，我先至領會到這個道理。如今，我地都應該比小朋友講大話既權利，不過就要識得點樣令佢地領會到做人道理。

kingkongdaddy

珠仔 寫道:
我地都應該比小朋友講大話既權利.....

    

cameo

其實每個小朋友都會有講大話o既第一次,但有權利就會有義務,後果都要佢自己承擔,權利越大,義務越大~
我無能力去100%肯定地阻止個女第一次講大話,但總要俾佢知道後果~

睡覺

        

貓大姐

佢一返來我已經同佢講, 其實老師想幫你, 所以你要老實同老師講, 唔洗講大話架.........

但係我老公好緊張, 同亞女傾左一個鐘.....

我覺得亞女唔知禁樣叫講大話, 因為我地問佢野, 佢成日都 是但答就算, 好似問佢午飯有冇食晒飯盒, 佢就話食晒, 我問返老師, 老師話：飯盒好大盒, 老師都會食唔晒

其實我地已經教緊佢, 不過, 係咪需要一些時間呢??

HappyBee 寫道:
應該平心靜氣地同囡囡傾下事情的經過, 可能係佢一時驚起來講了假話, 又可能係和老師在言語上出現誤會.
再而找老師問清楚整件事 (可能同囡囡的版本會有D出入).
要瞭解清楚情況和原因後, 再找方法解決.

貓大姐

我都覺得好突然, 好似好嚴重, 不過我的同事話, 有d老師會咩野都寫在手冊上, 當係與家長交流........

我又唔覺亞女 好 hurt, 佢好似咩都唔知禁  

Jackielee 寫道:
寫低在手冊上，好似有啲嚴重bor！
馬上要了解一下，如果係小事，寫低在手冊會唔會好hurt個小朋友呢？

貓大姐

好多謝大家的回應

老師寫手冊"不誠實"這件事 是 星期二發生, 這兩天 我已經想左好耐, 應該要點樣處理, 先可以無下一次 又或者 點解佢要禁樣做呢........   單單是這個 "不誠實"的問題, 我已經好煩惱啦....  究竟係個細路 特登講??  定係是但答老師呢??

在未解決"不誠實"問題,  昨日老師又在手冊上寫, 不專心情況仍沒有改善, 請嚴加督促       

令我覺得, 老師通過手冊想我知道 學生 在學校的上課情形??  定係這學生真係有問題呢??

可能我仍然 停留在 : 寫手冊 = 學生有問題, 如果明天有時間, 我會打電話給老師 (希望找到她)

Yukyuk

quot from 教養文章, 以作參考

孩 子 為 何 說 謊  

   
　　 對於關心子女的父母而言，最討厭的莫過於「說謊」的孩子，因為在他們認知裡，說謊話就是「壞孩子」的具體表現。
　　事實真是如此嗎？絕對不是，因為分辨真假並非本能，而是經過學習而來的。年幼的孩子有時很難明瞭真假的區別，對說謊的定義也不甚清楚，如果只因他們的過度幻想，就把他當成愛說謊的小孩，那就有待商榷了。

　　再者，孩子不會無故說謊，當父母發現孩子說謊時，除了糾正他以外，還應探究孩子說謊的動機。有時孩子知道說出真象會被處罰，為了逃避處罰，孩子就說謊。有時說謊是一種心理防衛的作用，假使孩子相信他犯的錯是很難被原諒的，他也會甘冒說謊之錯了。一些物質的引誘亦會促使孩子說謊，因為這些都是孩子不為自己行為感到愧疚的好藉口。

　　提醒你：請不要將教導孩子誠實的責任，全部交給老師，因為老師面對的孩子確實太多了，唯有你多費心，他們才能真正受益。此外，你還應明白誠實不是叫孩子去做一個告密者，你得讓他了解其間的差別。

　　當孩子逐漸學習分辨真假時，父母的身教亦就是一個重要的指標了，如果孩子常見你說謊，他對誠實也會日漸失去信心。

cameo

貓大姐,
或者電話聯絡唔到,可以嘗試夾張便條or一封信在手冊俾老師都可以啊,我個女學校有內聯網,我會以e-mail講左小朋友問題等老師自行抽時間打電話俾我,但學期初內聯網未用得时,我就夾左封信俾老師,一來比起自己打電話搵佢易d,二來老師對住咁多學生,可能一時間都需要諗一諗學生真正原因先可以同家長溝通!
其實唔係當時人我唔知老師係點,但可以肯定的,更差的老師係可以真係唔理件事,我女上年k.3就有一個好不負責任o既班主任,即使我已提出個女問題,佢都一一幫我個女"解圍",乜都話唔係問題,當然問題不但無改善,更影響到佢其他方面添啊!
其實唔好將"學生有問題"諗得太嚴重,我相信小朋友或多或少都會有o既,小問題都叫係"問題"嘛,只要諗到方法去幫佢咪得囉, ,希望你同老師溝通完可以有個好方法啦!

睡覺

YUKYUK...
       善解童意的yukyuk..........    你係唔係社工黎架？

======
我都係一本書度睇到...另一種說謊孩子說謊的原因。


又四號孩子有一點很值得父母關注的，就是說謊的問題。曾經輔導過很多四號孩子，他們在父母和老師眼中都是一些喜歡說謊的孩子，小至五六歲，大至十五六歲，普遍的評價是他們有說謊的習慣。

當我深入地與他們傾談的時候，發覺這是因為他們過於沉醉在自己想像和幻想的世界中，有時會分不清真假，也可能因為渴望得到父母的愛而作出種種的幻想。

黃茵----因型施教.....讓孩子活出自己...

======
我小朋友就在一個月前同我講左一個好精采的故事...講了一個鐘我先知道原來係假的....都有d生氣...搞到我陀陀轉...似層層...話佢係由天使降落人間......等等云云...

但係想深一層..佢又真係想像力好豐富..以佢"大話"內容的資料，都係結合夢境和我以前輸入過俾佢的資料...
如佢係我肚度被羊水包圍等..
佢已經把一堆資料性的東西..結合佢ge想像力混淆埋一起了..

"講大話"咁精采...將來可能做編劇呢...

Yukyuk 寫道:
quot from 教養文章, 以作參考

孩 子 為 何 說 謊  

   
　　 對於關心子女的父母而言，最討厭的莫過於「說謊」的孩子，因為在他們認知裡，說謊話就是「壞孩子」的具體表現。
　　事實真是如此嗎？絕對不是，因為分辨真假並非本能，而是經過學習而來的。年幼的孩子有時很難明瞭真假的區別，對說謊的定義也不甚清楚，如果只因他們的過度幻想，就把他當成愛說謊的小孩，那就有待商榷了。

　　再者，孩子不會無故說謊，當父母發現孩子說謊時，除了糾正他以外，還應探究孩子說謊的動機。有時孩子知道說出真象會被處罰，為了逃避處罰，孩子就說謊。有時說謊是一種心理防衛的作用，假使孩子相信他犯的錯是很難被原諒的，他也會甘冒說謊之錯了。一些物質的引誘亦會促使孩子說謊，因為這些都是孩子不為自己行為感到愧疚的好藉口。

　　提醒你：請不要將教導孩子誠實的責任，全部交給老師，因為老師面對的孩子確實太多了，唯有你多費心，他們才能真正受益。此外，你還應明白誠實不是叫孩子去做一個告密者，你得讓他了解其間的差別。

　　當孩子逐漸學習分辨真假時，父母的身教亦就是一個重要的指標了，如果孩子常見你說謊，他對誠實也會日漸失去信心。

睡覺

"在未解決"不誠實"問題, 昨日老師又在手冊上寫, 不專心情況仍沒有改善, 請嚴加督促 "

貓大姐...

      我小時候的成績表都成日有"inattentive"的評語.....

通常有比較 '突出"的inattentive...可能有兩種原因，

其一是可能患有add...注意力缺乏症

其二是他的右腦較發達...喜歡發白日夢，想像力或創造力較高，這類小朋友的夢境較多和精彩..在寫作創作、音樂或繪畫或許有多多少少的天分...也可能比較感性及善解人意....

注意力欠佳的孩子..不論是add或係創造力較高，他們都比較容易忘這忘那...例如忘掉抄功課等....因為上課時佢個心可能飄左去好遠....老師問佢野時，佢都可能神不守捨......牛頭唔搭馬咀.....

我看過外國講及創造力資優的孩子...佢地可以在一群親友吃飯中...自己係度自言自語...並幻想自己正在外太空中..甚至以為是真實的.......他們的夢境通常都是彩色的，而且非常逼真...好似莊子咁...唔知道係自己夢見butterfly..定係butterfly夢見自己...   

你多一點了解下佢啦....

  

貓大姐 寫道:
好多謝大家的回應

老師寫手冊"不誠實"這件事 是 星期二發生, 這兩天 我已經想左好耐, 應該要點樣處理, 先可以無下一次 又或者 點解佢要禁樣做呢........   單單是這個 "不誠實"的問題, 我已經好煩惱啦....  究竟係個細路 特登講??  定係是但答老師呢??

在未解決"不誠實"問題,  昨日老師又在手冊上寫, 不專心情況仍沒有改善, 請嚴加督促       

令我覺得, 老師通過手冊想我知道 學生 在學校的上課情形??  定係這學生真係有問題呢??

可能我仍然 停留在 : 寫手冊 = 學生有問題, 如果明天有時間, 我會打電話給老師 (希望找到她)

貓大姐

打左電話比老師啦 , 佢話：唔專心問題比較嚴重, 叫我地操下佢, 而且做野好慢, 怕她考試做唔切題目......

老師都好客氣, 可能 亞囡 激得佢大犀利  
    

我地已經  經常 o我 佢, 你唔可以成日話 : 以為....  唔知道...  可能會....

佢老豆一聽又 o我 佢半個鐘........        

cameo

貓大姐,
"不誠實"問題解決了嗎?
見你提到小朋友唔專心,我個女今年升左小一都係咁,特別係佢無興趣o既科目,每日都無聽老師講書(返到屋企唔識做功課),佢更會上堂時無神神拎本手冊出嚟寫添啊~
不過我諗用"操"o既方法係咪真係work呢?
我個女對英文科特別唔專心,我覺得應該搵出佢"唔專心"o既原因,係無興趣呢?定老師教書方法好悶呢?定係佢已經識,無心機再聽落去呢????
我自己為左呢樣唔專心問題,同佢英文老師傾過,返過去幼稚園同校長傾過,覺得問題在於佢起初對呢一科無興趣,所以唔留心,慢慢跟唔上,繼而無信心~跟住吸收左老師意見,用遊戲方法每日同佢溫習(大部份在屋企英文科溫習都以遊戲方式),而英文科老師亦經常有意無意俾鼓勵佢,呢個方法好快已經睇到有改善了!!
所以我覺得,若現行方法係work,其實唔"操"佢都應該唔會"太唔留心",若哦佢有效,其實哦一次都見效啊,不如先了解小朋友諗法,嘗試俾佢自己講出自己唔留心原因吧!
因我都有同個女傾過,上一堂英文堂時間都唔短(間中會連兩堂),上堂又無得玩無得傾偈,咁佢唔聽書有乜好做呢?佢自己都講唔出o架(我估佢咪成堂發夢囉!).慢慢我鼓勵佢試下聽吓英文老師講野,總好過坐o係度無野好做,咁佢都開始有少少改善(見佢d功課比以前好左)!
以上只係我對我個小朋友"唔專心"o既方法,希望可以幫到你啦!

珠仔

我都係"家庭教育"既支持者，我個仔暫時未見佢有唔專心既問題，好有可能係我在他課餘時額外補充多d知識比佢有關。好多時我都教多d野比佢本身程度深d既野，k2&k3時開始教小一學問，今年小一就教小二或小三的東西，等佢再在學校學時，就好似似曾相識，同埋容易上手d。好似常識科，其實好多都係我地大人的Common sense，知道的話我都會當傾計咁講多d比佢聽。數學就更容易，平時到茶餐廳食野咪叫阿仔加下要比幾多錢，買雲吞時咪問阿仔買兩打有幾多個，買三打半有多少等等。我總覺得不要全部依賴學校和老師，家長是有一定的責任，有時阿媽教真係好過老師教。

felix喵喵

貓大姐,

打完比老師, 有冇同囡囡傾吓呢 ?.........喵喵......

哦冇得!.......咪讚吓她囉.....女孩子最喜歡人讚.
唔好意為這是舊"喬"唔work啊, 讚賞和鼓勵是永遠可行的.

比如說, 她上課不留心, 咪同她玩遊戲, 若果她可以專心上課十分鐘, 就有獎勵 (可以是"親子遊戲時間", 或"食ice cream"等). 當她贏到獎品後, 就慢慢加長時間, 慢慢她就會習慣上課留心了. 當然, 欲極"束"則不達, 比多少少時間她改善吧 !
...........喵喵...........

cameo

很同意珠仔提到有關"常識科"呢~
平時俾多d機會小朋友參與大人o既話題,佢地未必好明白,但至少對身邊事物有少少概念,我相信對呢一科好有幫助啊!