考試/測驗時小朋友成曰唔小心出錯, 點解救好..唉!

Mimi_Ma

我曾經見過家長為了字型的問題,  拿著兩本成 吋半厚 字典同老師傾計, 最後老師發覺問題修正自己字型的教法及寫法.  

cameo 寫道:
係咁o架,,,,,
我個女幼稚園時都係咁,要跟老師寫法作準,不過最激氣係一次出考試範圍,我用佢學校張中默考試範圍紙同個女溫習,個女話我錯,原來佢學校出張紙又無跟番自己個準則,我之後咪用番個女平時本"詞語簿"去溫習囉~
[quote]
Mrssslui 寫道:
我咪又係,仲以為點解自己個小朋友會咁差,原來好多人都係咁.
明明個字係啱,但係老師都可以話佢錯.
佢只係幼稚園,但標準跟老師既唔一樣,就當錯.(最幣係我地做父母既都唔知老師係咩標準,都唔知點教,明明係屋企我地話佢啱,默完番來都係有一兩個錯)
例如:花字,你地寫時,個'化'右面穿唔穿出來架?
你地有冇咁既情況架?

[/quote]

大頭綠衣

昨天我個女新鮮滾熱辣數學派卷, 加數連加法, 加咗頭 2 個之後第 3 個唔再加就寫答案, 減數連減一樣喺咁錯.

有寫單位, 有計直式, 橫式直式答案不同 ... 天天新款, 天天不同     

大頭綠衣

我都想過張這個方法教個女, 但有個問題 ... 當計數要計直式和橫式時, 我就要佢計完直式先再寫答案落橫式到(因為佢成日心算計錯數), 如果用手指住答案...咪 X 手囉???

Yukyuk

可以試下用個ruler / eraser 當指引, 指住個直式答案.

大頭綠衣 寫道:
我都想過張這個方法教個女, 但有個問題 ... 當計數要計直式和橫式時, 我就要佢計完直式先再寫答案落橫式到(因為佢成日心算計錯數), 如果用手指住答案...咪 X 手囉???

大頭綠衣

都好, 試吓先, 希望佢肯聽啦! 唔該哂!

Yukyuk 寫道:
可以試下用個ruler / eraser 當指引, 指住個直式答案.


[quote]
大頭綠衣 寫道:
我都想過張這個方法教個女, 但有個問題 ... 當計數要計直式和橫式時, 我就要佢計完直式先再寫答案落橫式到(因為佢成日心算計錯數), 如果用手指住答案...咪 X 手囉???

[/quote]

cameo

其實之前老師個寫法無錯,家長個寫法都啱,只係以前間幼稚園要跟佢地個寫法"統一"咁教,所以我都同個女講左,媽咪寫法唔係錯,但跟學校個寫法去學囉!
今年升左小學比較鬆,老師話只要寫法啱唔一定要跟足,但我都叫個女跟書本or老師寫法會好過跟我,筆順可以跟番書o既內頁,因我都好難肯定自己每一粒字係啱,又唔可以做到每一粒字都對字典,所以若唔係對某個字有太大疑問,都由得佢跟書本寫法了!

Mimi_Ma 寫道:

我曾經見過家長為了字型的問題,  拿著兩本成 吋半厚 字典同老師傾計, 最後老師發覺問題修正自己字型的教法及寫法.  

Teresa

今日派左常識卷, 我個仔居然答"用鼻子來看東西"!!!!!!!!!!!!!!!!!!!!!!!!                 

你地話, 點教? 係咪激c ?!?!?

tamannabel

我女今日派左常識,
~佢竟然選左,"衣不整身"既圖畫是對的."咁就扣左10分     
好在老公一句"讀書不是求分數咋!
當時我係降左火la,
我就分析番點解會咁答呀!,佢好坦白咁話得.全班得佢同一男仔答錯.(個男仔係佢死對頭)重加多句全班都拿到100分!!
你地話C唔C.....
    

WINTERMON

你地有無睇過<<哈佛女孩>>呢本書呀,呢本書入面有寫點樣可以令到個小朋友細心d架.....好似係抄電話號碼....

大頭綠衣

哎吔! 抄電話號碼未睇到呀, 要睇快啲先.

不過睇到裏面有一項 : [size=x-large]不搞標準答案, 鼓勵一題多解

照噉睇呀仔冇錯喎 !!!      

大頭綠衣

tamannabel,

對唔住, 攪錯咗, 喺呀女先 "arm", 請原諒.

looby

大頭綠衣 寫道:
昨天我個女新鮮滾熱辣數學派卷, 加數連加法, 加咗頭 2 個之後第 3 個唔再加就寫答案, 減數連減一樣喺咁錯.

有寫單位, 有計直式, 橫式直式答案不同 ... 天天新款, 天天不同     

Hi!大頭綠衣：
我真係想介紹我囝比你囡識，佢哋一定好夾，咁似嘅！
我囝三年级，數學考四位加四位減四位，佢都夠膽死用心算， :evil:  
成日心算完先寫直式，直式計啱又唔改翻橫式答案..........
d字寫到識飛！0字似6字............7字似1字.........3字似彎咗嘅1字............. :evil:  :cry:

looby

pingubj 寫道:
我仔英測失分仲激氣,佢寫錯字擦字個時擦埋上面果個字,your擦左個y字,先生當佢成個字錯,扣左5分,原本有100分,你話激唔激死,成日叫佢擦字唔好咁大力,擦左又唔寫返喎,唉......請問你地有冇解救方法.   

HI!pingubj:
我囝都係咁o架！所以很多人話BoXX擦膠好用，我都唔買，我用無印X品個隻筆形擦膠，比較幼身，無咁易擦到其它字，好好用o架，幾蚊支，又可換refill。

hhma

looby
哈哈...好攪笑...你講得....唔好意思, 我唔應該笑....哈哈哈

講下我個大仔...佢個"5"字可以寫到好似3字甘架..知唔知點解呀, 因為佢可以一筆過寫個5字....死味....
+計左-, -計左+就唔洗講啦...時常都會出現....無停過...
學你話齌, 都三年級啦...重係甘既...
係呢, 你係test左未呀?  我仔test左啦
佢唔識寫"0"型同"瑤"型, 扣左八分呀....無陰公呀....

[quote]
looby 寫道:

Hi!大頭綠衣：
我真係想介紹我囝比你囡識，佢

hhma

我家大少一模一樣
英文dict, unseen岩晒.  seen可以錯既....

BB2WONG 寫道:
呢D都係小朋友通病，我大仔小三，由小一就天天提佢，幫助只係有少少，要睇佢自己當時既狀態及心情。

好似英默，都默到熟到死，一樣番來字尾漏S、大小草錯、漏標點。

常識問題要對的填紅色、錯的填藍色，佢會倒轉。又或者對的要TICK，錯的要X，佢只TICK對的，沒有X 錯的。

中默就周時漏標點，或者漏--的、了、D尾字！

數學更可怕，抄題落DRAFT紙都抄錯、或者計對了寫ANSWER時寫錯：如1234，寫成1324。計時間下午可以寫成--不午，忘記借位進位呢D多不勝數。明明條條數都識，就係錯D CARELESS MISTAKE，真係好唔抵！

KWT

你哋都比我好.細仔派測驗卷,慘不忍睹,還要扮"笑".數字寫得不清楚算了,數式答案對,抄答案落卷竟然抄錯.中作句子要求12-15字,他說只想到8個字,給果全部漏空,唔見了21分.不懂寫的字,就打"x",他說老師以前教落,我見到那些"XXXX",禁不住火滾,正字唔記得,只有x.心想咁既成績,很容易變Band2, Band3學生.而仔仔一些都不緊張,總覺得合格就可以.真不知他何時才開竅.       

song

  

一路看你們寫的東西，一路大笑，原來孩子都是一樣的，講講我的女....

pencilcase... 應為pencil case...家中溫習時分開的..默書時合在一起，當2個字錯，扣了6分....    這只是冰山一角

judy

有小朋友造句，两句都相同，原来佢發覺第一句句子己包含了第二句那個詞，所以第二句照抄。如果你是教師，會不會扣分呢？

littlecat

今日囡囡測英文, 但囡囡對'white' & 'write' 成日都分唔出, 所以我由昨日至今早, 佢上學前都一路提醒佢, 話老師一定會出呢個字, 所以要小心串, 點知佢剛剛打電話比我, 佢話真係串錯左呢個字, 我聽完真係好激氣, 但冇法啦, 都唔知點幫佢.  我相信好多小朋友都係咁.