想問下你地的囡囡 p1 幾次默書 (中文 ) 幾分? 我囡囡就一般, 無次 100分, 英好少少

hkcwchan

其實是否 100 分不是最大問題, 我仔仔今年 P1
目前默了 3 次書, 每次都有  1  or 2 個小問題錯
其實我看上去都不太覺得有錯, 但老師捉得很緊

我認為最重要他有儘力溫習便可以, 不是 100 分沒
有問題, 自己讀書時都沒有可能啦, 是嗎 ?

BonnieKam

我囝仔都係啦, 我已經喺默書前2, 3晚開始同佢預默, 佢都識晒架, 但番嚟結果都無次100分, 目前共默了2次英, 2次中, 2次英文都係85分, 兩次中文都係90分, 除左第一次中默係我大意沒為意原來要默埋課文後面(老師預先"剔"左)果句句子無溫到所以佢唔識外, 其它都係錯d careless mistake同埋佢話默果時突然諗唔起個字點寫. 但我之後隨意問番佢, 佢係識架. 咁証明佢真係識果d字啦, 可能真係未完全習慣或有時太緊張所致. 所以我都同佢講儘左力就可以, 但默書時不用太緊張, 默完自已check一次, 儘量避免少d錯 !!

Bambi

我都覺得有無100分都無所謂, 最緊要你知佢用功過, 如果努力過, 就算唔係100分都唔會差好遠. 我呀仔就最鐘意錯埋d無謂野, 有次冊多左個句號唔記得補返 -- 99分. 重有次英默Crocodile同Elephant無用大楷 -- 98分. 但起碼我知佢唔係唔識就ok.

chichima33

Bambi, BonnieKam,

哈哈同我個仔一樣, 不過佢學校唔用分數只係用 A,B,C,D or 優,良,常.

英文100分是A+"星"
中文100分是優+"星"

囝囝次次都差dd, 拿A+無"星". 可能男仔粗心大意d (女仔比較細心), 中文字寫到歪歪的扣了分, 英文明明溫了好多次都在 comma後的生字頭一個字,寫了大楷, 又扣了分. 無話過佢叫佢錯o左下次小心d.

ChristyBBmama

我囡囡中文黙書就暫時3次都keep到100分, 不過佢次次都唔多肯定有冇錯, 睇怕佢都唔慌會黙完check一次 100分都係好彩

wksin

想請問大家每次黙書的字深唔深呢? 我覺得我個仔的字都幾深, 佢雖然唔係成課書黙, 係2本story book 的生字, 但係每次都有16-17個生字, 而且都會抽黙番之前幾次黙過的。

今個week 仔仔黙英文如下:
spider, sandwich, bread, grasshopper, tomatoes, pickles, meat, would, like, worm, peanut, butter, mouse, monster, cheese

上個week中文黙書: (3課書的生字)
燒菜, 澆花, 喝茶, 口渴,  老伯, 手帕, 拍球, 怕, 帶

cameo

我個女英文範圍唔太大,今次默18個words,深d係eraser,crayon等等...
至於中文範圍較大,每次三課,今次背默一課,另兩課抽默,較深生字有"彎彎腰",""伸伸腿"等等~~

sandycat

cameo 寫道:
我個女英文範圍唔太大,今次默18個words,深d係eraser,crayon等等...
至於中文範圍較大,每次三課,今次背默一課,另兩課抽默,較深生字有"彎彎腰",""伸伸腿"等等~~

請問你囡囡英文書是否用Step Up？


平日默書2-3pages,默了4次,2次100其他2次80-90
，不過好奇有D字間會有時記得，有時唔記得，都唔知你點解？

我個仔next Tuesday默書測驗(默書測驗分佔的比重與測驗卷一樣)10 pages out of 3課書

scarlettes

我囡囡就暫時默過一次中文,得95分咋,總要笑笑口安慰佢.      明天英默啦,都有擔心啊   

cameo

sandycat,
我女英文用朗文呀,,,,
我女間學校考試的默書係計平時分,所以唔洗考默書,但其實分別又唔太大,因平時默o既都係一d所謂重要o既key words,到測考時都需要識串呢d字~~
我個女都會默完第二次就忘記左第一次的內容o架,唯有間中問一問囉,佢遲吓都會有unseen,到時重無得計嘞,講真丫,唔記得一d都唔出奇,一下子記得太多,個印象其實都唔係太深刻,呢頭默完又要溫下星期範圍嘞,,,我自己都好體諒小朋友,佢地真係盡左力,我地只可以檢討自己係咪付出時間唔夠?係咪溫習方法有問題呢??
我女間學校早排都開左家長會,因今年英文要跟教育署指引而有好多改變,就以朗文,都出左兩套書,一套深一套淺,我女間學校話因為淺那一套比原先用開的還要淺,所以只可以揀深那一套.....英文老師就話,而家要教一課書,一定要小朋友先學識左課文的key words,因呢d words在文中會重覆出現,唔識呢d生字更難理解課文,條件因素下,唔默唔得la........無奈!!!
有時小朋友記唔晒,你可以試吓叫佢將個錯字用拼音方法拆開俾你睇,咁佢會容易留意錯處&印象深刻d啊,好似我個女,間中就將crayon串成"crayou",我咪叫佢拆開讀吓,咁"on"會容易睇到,加上錯處由佢自己發現,比由我去幫佢,係印象深d啊~~~~
其實touch wood我女而家中英文4次默書都好好,但我心目中只係要求佢個過程有盡力,我已經好滿足嘞!諗起自己6歲時都只係一舊雲,其實個女已經好叻呢~~~

cameo

我女都係mon英默,唔好擔心咁多啦,溫夠書咪得囉~
95分已經好叻啊~

scarlettes 寫道:
我囡囡就暫時默過一次中文,得95分咋,總要笑笑口安慰佢.      明天英默啦,都有擔心啊   

ChristyBBmama

scarlettes 寫道:
我囡囡就暫時默過一次中文,得95分咋,總要笑笑口安慰佢.      明天英默啦,都有擔心啊   

95分都好好lu wor, 通常都係錯d careless mistakes

kitty

[quote]
wksin 寫道:
想請問大家每次黙書的字深唔深呢? 我覺得我個仔的字都幾深, 佢雖然唔係成課書黙, 係2本story book 的生字, 但係每次都有16-17個生字, 而且都會抽黙番之前幾次黙過的。

今個week 仔仔黙英文如下:
spider, sandwich, bread, grasshopper, tomatoes, pickles, meat, would, like, worm, peanut, butter, mouse, monster, cheese

上個week中文黙書: (3課書的生字)
燒菜, 澆花, 喝茶, 口渴,  老伯, 手帕, 拍球, 怕, 帶

珠仔

我個仔寫個j字，"店"唔到條線，兩個j字一共扣了五分；其實默書的真正意義是鼓勵小朋友認識個字，故此我認為默書是不應該計較大小草及字體問題；如果spelling對，就不該扣分，只是讓他們知道下次要寫好一點就得！大小草和字體等事，應該在平時的penmanship和worksheet等有所練習和提示。

navigator

雖然如今是追求滿分的時代，但在小一這個階段，特别是在默書方面，我認為就毋須這麼認真了，因為這根本就是小事一椿。假如家長為了『虛榮』而誓要使小朋友非取得100分不可，花了過猛精力和時間進行『催谷』而學校又為了炫燿其程度是奇高，這樣就會使小朋友死了不少腦細胞，極為不值得呀！默書的主要用意，無非都是要小朋友學會多幾個生字而已，其實這在小朋友學習的漫漫長路上，自然會巡序漸進地學曉，過程應該是不含壓力的。這樣也容易牢記於心，終身受用，不會像採用地獄式『催谷』的學習辦法：因為一時的光輝並不代表永恆呀！所以在進行温習默書或製定內容，宜按照平均小朋友所承受的能力度身訂造，適可而止。盡了力就行了，家長何必又要這麼介懷要得100分呢？就算拿到，我相信最高興的那位必定不是小朋友！小朋友的要走的路還長着哩，還有其他更重要的東西等着需要他們損耗腦細胞追求滿分哩.... 曾經有一套理論說過人的慧資並不是長用長有的，因此我們作為家長的，為培育好子女，就得必須先明白應如何運用有限的腦資源。

scarlettes

道理係咁      不過做起上來都有難度.

navigator 寫道:
雖然如今是追求滿分的時代，但在小一這個階段，特别是在默書方面，我認為就毋須這麼認真了，因為這根本就是小事一椿。假如家長為了『虛榮』而誓要使小朋友非取得100分不可，花了過猛精力和時間進行『催谷』而學校又為了炫燿其程度是奇高，這樣就會使小朋友死了不少腦細胞，極為不值得呀！默書的主要用意，無非都是要小朋友學會多幾個生字而已，其實這在小朋友學習的漫漫長路上，自然會巡序漸進地學曉，過程應該是不含壓力的。這樣也容易牢記於心，終身受用，不會像採用地獄式『催谷』的學習辦法：因為一時的光輝並不代表永恆呀！所以在進行温習默書或製定內容，宜按照平均小朋友所承受的能力度身訂造，適可而止。盡了力就行了，家長何必又要這麼介懷要得100分呢？就算拿到，我相信最高興的那位必定不是小朋友！小朋友的要走的路還長着哩，還有其他更重要的東西等着需要他們損耗腦細胞追求滿分哩.... 曾經有一套理論說過人的慧資並不是長用長有的，因此我們作為家長的，為培育好子女，就得必須先明白應如何運用有限的腦資源。

cameo

咁又唔係o既,靚唔靚唔緊要,但格式及大小草都應該有一定規定o既,特別係大小草添啊!!!
除非你小朋友平時做o既penmanship和worksheet都無規定格式又另計啦~
不過5分又好似多左d,減1分好似合理d..^.^

珠仔 寫道:
我個仔寫個j字，"店"唔到條線，兩個j字一共扣了五分；其實默書的真正意義是鼓勵小朋友認識個字，故此我認為默書是不應該計較大小草及字體問題；如果spelling對，就不該扣分，只是讓他們知道下次要寫好一點就得！大小草和字體等事，應該在平時的penmanship和worksheet等有所練習和提示。

cameo

追求都唔一定係催谷o既,可以算一個目標....
只要過程唔好俾過份壓力就ok啦!
我個女暫時3英2中默都100分,想100分的唔單止係我,佢自己都想o架,但相對我每次都會同佢講"100分真係唔容易",至少俾佢明白,即使偶然失手亦要佢學識點去面對!
每次派默書成績,我都等個女自己主動同我講,今日100分我會讚佢叻,即使明天99分,我都一樣讚佢叻,因為佢有用心去溫習過嘛,只要俾佢自己知道自己錯乜,提醒改善咪得囉~

CKC

小兒間學校(李宗德小學)上星期四才第一次默書(英文), 中文就暫時未默過, 他取得一佰零幾分, 即跟默書範圍默到滿分之外, 如再寫到由B字開頭的英文生字, 每寫到幾個就加幾分, 而小兒雖然將大小階寫錯, 老師亦照俾分, 好欣賞老師會指正但又唔扣分這種做法, 這樣不會打擊小孩們的自信心, 使小兒變得有求學之心, 回家再睇下更多由B字開頭的英文生字, 由A字開頭的英文生字.........等, 而這種創意默書真係好值得向各學校提倡的.