ADHD 家長孩子同樣受壓

monkeymama

丸媽媽 ,

Would you pls give me more information about the "認知"技巧課程"  where can I enroll and course details  

By the way, anyone attend the 香港小童群益會 parents' group (learn how to manage ADHD children skills) / ADHD children (social skill groups) Please comments !

klyie

丸媽媽 ,
祝妳仔仔今天生日快樂. 好多謝妳ga意見.其實我已經盡量唔陪讀,但,我一起身,佢就行來行去.我叫佢坐定自己做功課.完全系唔會,但現在好了少少,可以坐系度抄詞語和英文生字,不過個口就(依依我我)話寫咁多.我其實都唔想迫佢,無辦法學校的功課,考試,默書實在太緊迫.上次我去佢學校見輔導老師.佢同我講,唔好比佢見到妳就覺得剩系讀書,寫字,如果形象深入左好難改變小朋友對我ga形象睇法.所以我都希望盡量可以改變一下.大家努力.

Hei-Hei

你地 d 小朋友的成績點o架!?! 學校會否支持??

小朋友會否不願做功課??

如有懷疑, 應去那裹求助?? 那裹評估??

謝謝!

rachaelmum

Dear all,

幸好有bk讓大家宣洩、分憂、鼓勵和支持, 因為真是長期處於作戰狀態(面對每天層出不窮的問題)。

不過呻完哭完又會重新振作!


丸媽媽, klyie,

我也會盡量學習放手, 對小朋友的功課要求低些, 如果因為追求高分數好成績而損害親子關係真是好可惜, 反而孩子能學會負責任, 自動學習更為重要。

丸媽媽

klyie>>多謝你對仔仔祝賀
好贊成果位輔導老師所講,家長緊張子女學業係好自然,但我唔想彼此關係只有建立響學業成績上,曾經見過一位朋友女兒,本身成績已不錯,但她寫了一封信給佢媽媽,內容大概埋怨媽媽, 一切關心只有學業成績,當成績稍遜媽媽便板起口面,從來無真正關心女兒感受....

這件事對我成為一個警惕,每次回家或打電話返家時,對仔女第一句講的說話,盡量會避開學業問題,例如: 做晒功課未? 或者 默書幾多分? 等等...(雖然真係好想問,但點都會兜完一大個圈先問 ）

monkeymama＞＞關於"認知"技巧課程",我開左另一個topic問意見,可以去睇睇! http://www.baby-kingdom.com/modules/newbb/viewtopic.php?topic_id=430914&forum=44#7018651

gongonma

雖然我個仔不是ADHD，但一樣有專注問題，當然跟你們比你們一定辛苦百倍！

健腦操有鍊過一段時間，專注問題有幫助。不過所有都要鍛鍊，不是1hr/wk only! 每天都做一定有些效果！

  

將心放下，不要跟其他人比，每天只跟同一人比 (就是孩子自已) 。人抬頭望天也覺美麗些！

mabel0809

  

monkeymama

丸媽媽 ,

I cannot see the link, pls help me  

mpcy

我佩服你們可以控制脾氣而往好的一面去思考
而我卻常常發脾氣 罵人 處罰再看到小孩無孤的眼中含著眼淚
而後悔,每天不知重覆了多少次,明知若連媽都瞧不起又有誰能瞧得起呢?但是想到他的未來看到他目前的表現....... 我的心真的好難過!!

丸媽媽

monkeymama 寫道:
丸媽媽 ,
I cannot see the link, pls help me  

sorry~sorry~抄錯link
呢條先岩 http://www.baby-kingdom.com/modules/newbb/viewtopic.php?topic_id=442747&forum=45#7033644

丸媽媽

mpcy 寫道:
但是想到他的未來看到他目前的表現....... 我的心真的好難過!!

好明白你感受,我每日都為呢種眼前挫折而氣憤,要自我化解呢d憤怒真係唔易,唯有聽多d或睇多d正面說話來鼓勵自己,才有力量再吸啖氣繼續面對孩子。

看到你話因為擔心孩子將來而難過,最近在收音機聽到一句好鼓勵的話係咁: "孩子現在只是有問題,並不是沒有將來,他的將來是可以創造的。"

我聽完之後,的確又好似叉左電咁,希望你們都領咯到呢句說話的意義

klyie

rachaelmum,

其實我初初都要求囡囡成績高分數的,後來我發現唔系佢唔努力.而系力不從心.為左大家唔好唔開心.和不影響大家關係,我會同佢講自己盡左力就得.我次次講完佢都好似放鬆左咁.
丸媽媽講得對,我都是每次回家或打電話返家時,我不會第一句講:
做晒功課未? / 默書幾多分? 等等...(雖然真係好想問,但點都會兜完一大個圈先問  ）.不過有時囡囡都會話.媽咪妳有一樣未問我,我就會扮傻咩未問妳.真的等佢唔好以為妳剩系關心佢d成績.佢會開心好多.
我現在要佢自己對手冊惕功課和執書包.佢都ok.想慢慢訓練下佢.妳都努力啦,每一樣事情都要經過時間去磨練.慢慢來呀.我支持妳.
    

monkeymama

丸媽媽 ,

Thank you for your reply  

rachaelmum

klyie,

謝謝您的鼓勵!

套用Joeymama的說話, 雖然大家小朋友的障礙不同, 但所面對的困難和壓力彼此都身同感受, 像剛看到另一topic
ADHD小朋友接受藥物治療後的副作用, 我自己也覺得好心痛!

理性上我明白我們孩子在能力上的限制, 無論ADHD也好, A-FEATURES也好或甚至某一樣發展障礙, 先天的專注力欠佳要他們應付日常繁忙的功課已不容易, 更何況是應付香港傳統小學的測驗考試標準-最緊要錯得少, 扣少D分, 但可惜在現實中自己卻不自覺成為追分一族, 用分數, 用成績, 靠別人的肯定去衡量自己的孩子。

下星期囡囡要考試了, 這何嘗不是給自己一個考驗, 看看自己是否給女兒無條件的愛和接立?

Peanuts

由 丸媽媽 於 2005-10-25 17:46:28

我仔仔明天十歲,佢未上小學已經出現做功課困難(寫字冇力+易分心),上小學頭一個月我已經被老師召見,話佢完全唔主動抄家課冊,要不斷提佢先會抄,默書時,老師話已經開始讀了幾句,佢連支筆都未拎起,考試試卷漏做幾版簡直家常便飯。這些都明顯反映佢處於分心狀態,對於眼前工作無法進行。

我女同你仔仔簡直一模一樣, 而家回想起之前可怕嘅日子, 眼淚又再湧出來.......我大女又係由k3開始巳經做功課困難, 升上小一之後佢唔願做功課, 唔肯溫默書, 經常唔抄家課, 次次考試測驗都唔會完成全份卷, 文具書簿經常不見, 明明做左功課幫佢執左落書包, 但佢又搵唔到, 於是欠交功課, 我主動聯絡老師但老師冇乜反應, 家人將女兒評為"曳", 升上小二因為搬屋所以轉了校, 女兒的問題持續, 而且開始經常恰眼瞓, 尤其做功課的時間, 於是放學後俾佢去功課班, 但係一個半鐘佢瞓左1個鐘, 日日都做唔晒功課, 等我放工番屋企同佢做, 佢又恰眼瞓, 於是開始打佢, 跟住一發不可收拾, 有一段時間經常打, 同佢堅持要完成功課, 溫默書, 每晚都1, 2點才上床 第2朝6點幾起床, 日子耐左, 有時2母女一齊對住D功課恰眼瞓......就咁樣又過左一年, 升上小三, 上堂經常恰眼瞓, 週會未開始巳經瞓左, 試過默默下書瞓左, 考考下試瞓著左.....於是老師同我投訴, 要我"督促"個女早D瞓, 於是我送佢去託管中心, 希望時間長D可以完成功課, 夜晚早D上床, 但係中心姑娘話佢每日打開功課就瞓覺, 有時成個鐘都完成唔到一樣功課, 最後提議我同佢去評估, 果時才如夢初醒, 原來...個女唔係懶...唔係曳...       

丸媽媽

Peanuts,
我覺得你分享囡囡情況時,亦同時講緊我個仔 呢d完全係惡性循環現象,我仔仔亦是上堂訓得之人

唉~跟功課時發癲不在話下啦,我有時遇到鄰居都唔多敢抬起頭望人呀! 好多時佢娘親我變"夜狼"時分總是夜欄人靜,一兩點都試過呀! 做我鄰居果個都咪話唔慘
總之愈夜就愈戥佢急,愈急就愈癲,但試過幾次發覺真係唔係辦法,兩敗俱傷       

對住我地呢類小朋友,想唔放開成績都唔得,發覺愈緊張佢地,就愈依賴,甚至愈放pair

又講番個仔,成績係唔掂o既,打死佢都冇用。我就唯有比多d機會佢周圍八,通街拎人d單張,通街睇海報,睇新聞,睇書,聽收音機,盡量唔會阻止佢,佢想知乜就由佢自己去搵料,起碼keep住佢對周圍事物敏感觸覺,因為我相信,求知慾能夠維持到,學習的路一定會更長久 :-|  :-|  :-|

我覺得適當的時候就要放手 (不過並唔=放棄)

rachaelmum

丸媽媽:

謝謝您的分享! 正如你所講對於我們這些在學校裏可能是"高能力低成就"的小朋友, 與其糾纏在考試分數上只會兩敗俱傷, 賠了親子感情, 反而如何令他們維持/提升學習動機和良好價值觀比成績更重要。

丸媽媽 寫道:

對住我地呢類小朋友,想唔放開成績都唔得,發覺愈緊張佢地,就愈依賴,甚至愈放pair

又講番個仔,成績係唔掂o既,打死佢都冇用。我就唯有比多d機會佢周圍八,通街拎人d單張,通街睇海報,睇新聞,睇書,聽收音機,盡量唔會阻止佢,佢想知乜就由佢自己去搵料,起碼keep住佢對周圍事物敏感觸覺,因為我相信,求知慾能夠維持到,學習的路一定會更長久 :-|  :-|  :-|

我覺得適當的時候就要放手 (不過並唔=放棄)

    

Peanuts

丸媽媽 & 各位媽咪,

而家先發現原來好多家長同我嘅處境一樣, 我並唔係孤獨嘅, 老實講, 身邊嘅朋友家人唔係好贊成我俾個女食藥, 因為亞女外表睇黎真係冇乜問題, 但係佢地唔明白我幾咁痛苦, 我都係通常11, 12點開始"變身", 有次對面窗有個男人叫過來"要不要報警呀", 當時火遮眼, 叫番過去"關你乜事呀, 鐘意就去報", 而家諗番都 , 自從跟託管導師傾談過之後, 上網搵過D資料, 知道亞女係有問題, 我就開始放鬆(唔係放棄), 不過, 真係要好好忍耐力........, 上年亞女張成績表真係慘不忍睹, 但係佢冇反應o架

klyie

Hello 各位mame,

考試將近,禽日星期日諗住有多d時間同囡囡溫下英文生字,點知4個鍾頭(12:00-4:00)識得4個生字,真的激c我.佢同我講咁樣迫佢讀我都記唔入腦啦,咁我發晦氣話咁妳唔好讀la.唉!佢即刻邦我收起將paper去玩電腦.我比佢激c我.我老公同我講唔好迫佢啦,我在想真的我迫得太緊?我真的太緊張佢ga學業?我都想唔緊張,但,Miss派了評估ga試卷,簡直係慘不忍睹,
但,佢叫我唔好提.但我話唔系鬧妳,只是解釋番將卷妳錯d咩.
唉考試了我只有叫佢識幾多寫幾多啦.

丸媽媽

Peanuts,
繼唔繼續比藥個仔食,我仲好矛盾
係呢~我響另一個topic見你話囡囡試過做腦電圖,作用係點?你囡囡響邊度睇? 我仔仔睇油麻地果位鄧醫生,Dr Tang冇提過呢樣野,仔仔轉介左去睇,第一次見佢傾左幾句計就已經話亞仔個症狀好明顯,之後就開藥佢食

因為亞女外表睇黎真係冇乜問題, 但係佢地唔明白我幾咁痛苦<---完全道出專注力缺乏小朋友既特徵和家長既痛苦 :cry: