培道 & 聖三一堂小學

UBABY

The important is my child can study happy in the early age.   It's 聯繫中學 has 聖三一堂中學, 聖公會何明華會督銀禧中學、協恩中學.  Is it mean the graduate can be easily accepted by this schools.  This school is very good for me although they are not the most reputable one.  The following comment to 聖三一堂中學 is copy fm education city.
近兩年本校的公開試成績續有進步。高考中，合格率達100%的科目有會計學原理、電腦；十一科(包括中、英)的合格率高於全港的平均合格率。中學會考的整體成績高於全港合格率；大部分科目的成績超逾全港平均表現。理科班學生會考成績尤為良好，其中數學、電腦、附加數學、生物、普通話及體育科合格率為100%，其他各科合格率均約90%；最佳個人成績為5優2良(六科29分)。聯課活動中，表現最出色為女子手球、田徑、童軍及話劇。女子手球隊屢獲香港學界賽全港總冠軍或亞軍；田徑隊連奪中學校際田徑錦標賽組別及團體冠軍；同學獲選「中銀香港紫荊盃傑出運動員獎」、「全港模範童軍」、「香港傑出少年獎」及「九龍城區傑出中學生選舉」優異獎。

BB2WONG

MIMI&LONG,

我通常係乘巴士去旺角中心，到了那裡大部份（大概有8架巴士）都可以到，如果落雨我會去到旺角坐的士，約hkd30。

葵涌都可以坐mtr去到旺角中心轉車，或者40號就去到九龍城落車行10分鐘，不用轉車，另外有些荃灣開出的飛快van，經葵涌的，去土瓜灣或九龍城都好似得，20分鐘就到。

因為我自己都出太子道番工，咪送佢地番學，可以在車上傾多d，又可以串字及一起看報紕，我好enjoy一起乘車的時間。佢地有搭校車放學，單程就hkd630，全程就900，不過我係頭站，要6:45上車我唔想阿仔咁早番到學校都唔知做什麼？而且我中意先送大仔上到操場，同d同學仔、太太及老師校長傾下計交流下，又可以等細仔多d認識小學的生活，細仔已成學校的老師都識佢，有d老師什至連大仔唔識都識佢。
跟住才送細仔番學，又跟d太太老師傾一下，8:30才乘車回到公司8:50還有10分鐘吃早點。睡少d可以同阿仔傾多d又可以同老師交流多d，我feel 好值得。

BB2WONG

我有問過校長，聖三一中學係直屬中學，如果係選第一位，一定入到，但如果擺在第二位或更後，就跟其他人同一樣的機會，無優待。聯系中學有協恩、銀禧都係比其他人優先，但唔代表一定收，機會會大過普通人。不過協恩自己都有小學，所以一向都係收幾個聖三一的學生，而且協恩係英中，又係女校，差不多九龍區的女仔都會選或去考，所以機會都不大，但係銀禧就年年都收10個或更多（我印象中），銀禧都已經係我level來講係好好的學校。

另外那個資料我都有見過，我比較中意見到學校清楚註明整體會考合格率是多少%，佢只係寫高於合格率，無註明。我中意d中學會考合格率最少有90%

sausauma

BBwong
My friend son is study in pooi to primary 4. In my exprience pooi to also is a good school. The schoolmaster and teacher is kind.They all love children very very much. Not too much homework. The student conduct is very good.
二零零四年度小六畢業同學就讀中一學校名單 You can find more ifm in pooi to web site
  

phoebepanpan

BB2WONG,
你好利害, 一拖二坐咁耐車返學.
小班教學真係好吸引

beast_jojo

Dear all,

My daughter has an P1 interview on 29-Oct in Pooi To Primary School.  Please share with me if you have any past experience.

Many thanks in advance,
beast_jojo

wksin

BB2WONG,

想請問, 聖三一堂的小一的功課量多不多呢, 佢地英文係用test book 定係story book教? 黙書你一個星期中, 一個星期英, 定係中英都要同一個星期黙? thanks.

wksin

BB2WONG

wksin,

我覺得佢地功課量不算多，但係我大仔都有一兩個同學由幼稚園上到小一時有投訴太多功課後來轉左去國際學校讀。我大仔在小一時天天都係學校已做完功課，因為佢在學校參加補習班，3:30至5:30，在5:30才上校車，2小時天天都可以完成。仲有時間去圖書館（圖書館收4:30）。後來佢一、三、五都參加了課外活動，所以就要番到家晚飯後才做，辛苦少少無tv睇，8:00開始都會在9:00前完成。

現在小三就多些，因為今年評估，無課外活動那天回來做1小時以內，如有活動那天就要2小時才完成。而且我大仔就做得好慢，唔識自動自覺，我一走開佢就停手。所以我估功課量都唔算多。
我有朋友讀油天，2:30放學3:30回到家洗澡吃茶點要5:00才開始做，包晚飯要10:00才完成（初初小一時晚晚都11:00）。那位小朋友已係好醒那種。另外有朋友讀協恩，她每天在45min內自己一定能完成功課，不用別人陪做，開學一個月後連check都唔使（佢係資優）仲自己天天溫書半小時，開學初時中文默書一次過默5課詞語都唔使阿媽幫手溫。我就feel我阿仔係好慢那隻，但係在9:00一定完成功課都好合理。

另外默書一星期中、英各一次，通常在一星期前通知，咁我通常在sat、sun都溫定，咁默前那天抽d未來默下就ok，而且佢係默前那一天通常都有找書，咁我會叫佢仔唔好抄，我讀給他默，又可以做功課又可以溫默書，一舉兩得。

另外英文係用test book教，我大仔小一、二時係用longman的書教，現小三就改用了oxford，我都覺得longman及oxford教grammar不錯，由淺入深。

我阿仔十月尾考試範圍都派左：中文考6課、數學考10課、英文只考3課。我初時還擔心英文會好深，因為佢現在學緊tense，對佢來講都幾難，就好彩學校講tense又慢慢浸，多d重複用來熟，所以今之考少d範圍。等佢地溫熟d present tense及continuous tense先至再去past tense.
考試範圍早d派，咁我地d家長就可以早點同佢地慢慢溫，溫熟d。就算每sun溫1-2小時，佢地都唔覺好辛苦，咁在考試前再溫多幾次就ok啦！唔使到考試前逼得咁辛苦。

BB2WONG

beast-jojo,

我大仔之前都有去面試培道，但係之前都無什麼prepare，我想著以平常心去，平時我一向都教好多課外知識給他。

他在培道面試時都係d好簡單的問題（平時放假去那裡玩 / 有沒有去圖書館/有沒有去過海洋公園，裡面有什麼動物），然後畫下畫（老師用英文叫佢--use red color to draw an apple, use brown to draw a house) 跟住叫佢可唔可以寫番個名在house door上面。佢問的問題開正我阿仔個範，動物一向係佢強項，佢就把什麼虎頭鯊、??鯊都講晒出來。唔係是否因為咁就收左。另外有差不多7個朋友（同一幼稚園）去，當中有3個一向我feel佢地好醒，都無收，後來再補考先收左其中一個）

beast_jojo

BB2WONG,

Many thanks for your sharing.

beast_jojo

UBABY

BB2WONG
Yr kid is very smart, that's why you say his english is not bad.  Do you know is any foreign teacher in the kinder, and how many class per week?

BB2WONG

我大仔在英文考試次次都95分以上，默書都唔100就95分，佢寫OK，但係唔敢講，外籍老師一星期有三堂，而且我仲比佢參加了星期二放學的英語話劇及星期六的PHONIC班。佢都時時講唔係好聽得明，又唔肯開 口試講，試過個外籍老師派緊DISNEY公仔（SEVEN 換緊那些）佢見我地欠那隻DAISY，都唔敢問老師

BB2WONG

UBABY,

SORRY！你問KINDER？好似係一星期有2-3堂都係講故事同PHONICS為主，我細仔前幾天才回家教我--A, E, I, O, U的正確發音！唔知幾ENJOY！因為佢地學校好多參觀及活動，如果有參觀那個星期好似外籍老師堂會縮減1堂。

wksin

BB2WONG,

Thanks for your sharing.  請問d功課多唔多抄寫式的? 幾時開始要中文及英文作文呢?

wksin

BB2WONG

抄寫好少，我大仔現小三。中文教一課就會抄一次，每次約10字以內各一行。常識都係5-6個詞各一行。以上都係一星期會各一次抄寫，英文會一星期二次，抄一次生字（約10個以內各3次）默書範圍一次（隔行寫都不足一頁），反而作業會多D，各科每天都有最少一份作業（即最少中、英、數、常）1-2頁的作業，中、英、常其實都係填幾個洞（答案），除非係閱讀理解就答多些問題。只係數學就真係要計。

另外小二下學期他已開始真正的中作（小一要週記），英文作文好似而家有開始，因為功課就未見過，不過佢昨天才說，在學校英文老師見佢地寫幾句英文介紹自己。

mimicarol

HI BB2WONG
多謝你的分享, 可否分享一下你晚上與兒子溫習的時間安排

謝謝

BB2WONG

我大仔在學校3:30就放學，我有比他參加學校的補習班--即留校老師陪做功課，因為佢好唔小心，經常寫完家課冊自己都睇唔番，所以留在學校做功課，唔知唔明都可以問下同學及當值老師，去年佢教英文的老師，仲特登放學後帶開幾位英文差的同學，好細心地遂個遂條題目教，後來D同學媽咪都話好大幫助。

通常都可以完成所有功課（除了星期五或假期前），但我要CHECK功課，CHECK到有錯就叫佢改而且解釋一下。另外佢一、三、五放學後有課外活動，所以全部功課就要回家才做，佢就好生性，知那天有活動，小息就唔去玩在課室做功課，咁夜晚回家就不使做咁多。就算全部回家做都好，1小時內一定完成，佢6:30回到家，洗澡後7:00開飯，8:00開始做功課，多數9:00前完成。如果第2天有默書就默一下生字。
MON-FRI我好少叫佢溫書，因為做完功課都要獎佢看一下TV或者打15MIN機。SAT、SUN就會溫番那WEEK教的書，而且學校會通知下星期的默書範圍，中英都係，咁又可以在SAT、SUN默定，在默書前一天我就只係同佢再默番D錯字！如果QUIZ我都無特別溫，反正唔計分，當TEST下他的實力。
9:30一定要入房，因為仲要講故事又傾下計，10:00入睡。

好忙的一天就完成！

BB頭maimimi

BB2WONG,

我終於要係講小學的topic裡面,先揾到有媽咪講聖三一中心幼稚園,因為我囝囝剛係聖三一中心讀緊nursery, 好開心見到有其他媽咪讚呢間學校!

BB2WONG

唔知是咪聖三一唔出名，在幼稚園及小學都無人講，我在小學雜談中見到，拿拿聲上來不停講！

我細仔而家讀緊中心幼的低班，己由n班開始，所以跟每個人及每個地方好熟，所以天天都好開心！

佢n班時我無很多時間請假，而且之前阿哥又係在中心幼讀（而家在聖三一小學讀小三），所以n班已好跟各老師嬸嬸都好熟（如學校每次旅行、活動我都一家四口出值）臨讀n班之前，阿哥高班因沙士無暑假放（3-4月時放了2個月）咁我就多d帶細佬去接放學，等佢去多d。好彩d老師肯幫手，比我n班時第一天就10:30接走，第2天就比佢跟初班吃完lunch先走，第3天就睡醒先帶走（約2:00)，第4天就4:30接走，第5天已跟阿哥一起乘校車（5:30開車）。咁佢就適應左。


呢間真係一個小朋友的天堂學校！個個放學都唔肯走，以前我6:00才去到接大仔放學，佢都要留到最後一個小朋友走佢先肯走！