亞女唔識字,點先可以改善?有無辦法呀?

homacarol

hivy,

我好讚同你的教法 !! Good idea !!

羊咩咩太太,
而家教細路....d 家長都要乜都試同十項全能呀 !!

homacarol

homacarol

HiuTung,

係呀,有時仲要扮唔識...等佢教我...佢會話返我.."你要溫習多d 呀, 睇多d 你會記得的 !" 真係比佢笑死...

homacarol

marinayiu

Hi HiuTung,

請問青田那套叫甚麼名字? 我都想買給我女兒看看, 我都覺得佢識的字太少.

hviy,

你的方法好好呀, 真係要向你學習呀.

Nov媽媽

請問有咩字卡好介紹呢???
因已買過圖連字的字卡,囡囡次次都是記圖唔記字
我想買d只有字沒有圖書的!!

KiuKiu媽媽

我都想分享下, 首先講故事系要"朗讀"圖書, 唔系講故仔, 系要全讀出故事內的每一個字, 自己就加上高低音, 增加生動, 可以的話指著字來讀, 咁小朋友就會由看而認得生字, 另外認字亦可以從部首開始, 將字拆開, 用部首來學生字, 咁佢地會深刻D, 這些系從三年的幼稚園學習中所得的經驗, 確實我的小朋友在中文認字好強, 基本系100%可以讀出, 就算唔識佢都會估下, 而且學習興趣都會大...

例如, "日"字部, "心"字部, "人"字部, 開頭教佢地, 跟住叫佢地找出某部首的字有邊D

或者您地都可以試下!

HuiTung

marinayiu,

是青田出版的《我自己會讀》, 舊版有4輯 (新版用顏色分, 有7輯), 每輯12本.  設計給3-7歲的小朋友.  我覺得給3,4歲最適合, 對5,6 歲的可能較淺.  教協及田園有售.  一套要百多元, 都幾貴.  可試試圖書館, 因我也是問人借的.

Nov媽媽,

可以自製就最好, 我沒時間唯有買, 我用緊三之三那套, 沒有圖的.

HuiTung

KiuKiu媽媽,

多謝分享呀!  我個袋又多d $$$啦!  

有d小朋友真係好犀利, 我姪仔3歲半可以讀報紙  

marinayiu

HuiTung 寫道:

有d小朋友真係好犀利, 我姪仔3歲半可以讀報紙  

你姪仔可能係資優兒呀.

homacarol

KiuKiu媽媽,

Thanks for sharing, 我又學多一種教小朋友的好方法...

hviy

Nov媽媽,

我記得以前同個囡去飲茶,等枱時佢跟咗佢老豆去書報攤,係都要買糖 我話一定唔買,無得傾... :evil: 佢好無奈咁 我話買書就得,佢就好開心咁去揀,結果揀咗一份字卡,後來發覺叠咭幾好,正面圖畫背面字,認字一流,好過圖文並茂嗰種....我唸呢d野唔一定要去大書局買嘅

睡覺

唔知係唔係個個小朋友認字方式唔同。

我如果用有圖片的字卡，到沒有那幅圖時，佢便有機會唔記得。如果用詞語如﹕「浮沉」(我只係隨便舉例...我唔記得邊d)咁，第時佢見返其中一個字，如「沉」，佢可能會讀浮.....如此類推咁..

因此，我而加仍然用返 無圖的單字，自己求奇買d顏色螢光卡字用粗筆寫上去，每日五個咁俾佢認。
今天五個，第二天就溫返昨天五個再加新五個。
咁，第三天，就溫十個再添五個，如果一些幾天都第一時間識，我就唔再溫住，.....如此類推...

咁，li個方法....都唔錯。
咁，由於佢已經有左一d根底，咁，佢都願意自己看圖書，看自己好愛的﹕如 狼與七隻小羊。
咁，我陪係佢身邊，佢自己唸，一有唔識我會教他。但通常下次都唔識，因為本身li本書太多文字了。

咁，以前，我去圖書館借一些圖書，一版可能得二十多三十個字，咁，佢便會好有興趣的重覆讀，唔識我教佢，如是者，由於佢重覆咁閱讀，佢好自然就記左個字喇。

咁，認字卡加埋閱讀圖書....佢認字能力就能大大進步啦﹗

另外，對於一些佢認極都唔識的字，你可以把這個字卡帶出街。例如﹕"兼"，你同佢講，阿"兼" 今天想你帶埋佢去返學呀，佢係屋企好悶.....
咁，一路行，佢一路拎住，你就不停話，嘩，太陽好猛烈，你快d望下阿兼有冇哂親？咁，佢又望多眼喇。...阿兼好累呀，阿兼話明天唔想上學了.......

不過，當然要適可而止，不要不停邊行無停口...咁太過乜喇。..而且走路要專心....唔係好危險。

如是者.....集集埋埋....佢就識好多字架喇。   

羊咩咩太太

我都開始問亞女d字係由邊d部首組合,佢都搵到,這兩天我講故事時都要亞女幫手讀d字,佢讀到時,我讚佢,感覺到佢好有成功感.

homacarol

睡覺...

你呢個方法都幾好喎.....等我都試下咁樣教個女先.

不過我想suggest 一本幾好的書 <1000個文字的故事> 我個大仔都係睇呢本書學到好多字.

homacarol

HuiTung

對啊! 睡覺, 我們也堅持用無圖字咭, 選一些頁數不多的書, 讀之前又加salt 加醋講到個故事好得意, 加埋佢識少少書中的字, 我仔就好開心地讀, 重複讀4,5 次, 佢己經可以自己讀哂成本了.  

HuiTung

marinayiu 寫道:
[quote]
HuiTung 寫道:

有d小朋友真係好犀利, 我姪仔3歲半可以讀報紙  

你姪仔可能係資優兒呀.

[/quote]

marinayiu ,

可能係.  可惜他媽媽只教音不教義, 同硬塞冇分別.  另外他的求知慾十分低.  這年歲一般會不停問東問西, 我從來未見佢發問.  

homacarol

小寶,

等我今晚返屋企睇下先, 呢本書大約~$78....唔太記得, 但有成1000個中文字, 我個仔對d 古字好有興趣, 佢可以記得個古字再默返個現代字...佢學到好多,佢有時又考我,計分...佢為左贏我, 佢會自動自覺事先溫習, 咁樣都係一個幾好的 pushing 方法...將來唔駛迫佢溫習....我個仔讀 K3, 而家5歲半....

你地都可以試下,等佢地知道要得到好成績,要常看書,記同練習等等....

try try la

twokidsmum

我4歲半的女兒十分喜歡看書, 一年前左右已懂自己閱讀圖書.  最近帶她到書局, 她自行選了幾本很多字的英文圖書, 原來是Grade 1-3的.  我說有60幾頁很多字喎, 她說想知道故事說甚麼. 我記得一年多前開始給她一些字+圖做matching, 或直接讓她看書, 慢慢便會懂.  

試想想, 若果妳小時候媽媽只讓妳看字不看圖, 妳會否悶死? 當讀書不再是為興趣, 又何來求知慾呢!

很多媽媽看用flash card, 我女兒和兒子都不喜歡.

twokidsmum

HuiTung

正如睡覺說, 每個小朋友認字方式唔同, 我姪仔是認字天才, 沒有用flash card, 沒圖畫也學得好快好開心.  一位經驗豐富的幼兒教師告訴我, 小朋友大多數是看圖讀字.  正如我仔用flash card學懂"汽球"兩字, 當看講顏色汽球的書時, 就會從圖畫中估顏色, 很容易就讀倒"橙汽球", "黃汽球" ...  (但並不代表他認倒"橙", "黃", 可能要看很多遍才會.)

小朋友對flash card 無興趣, 這方法當然行不通, 要是有好反應, 小朋友學得開心 (我仔會自動要求學的), 又有什麼不好?  況且是雙管(flash card + picture book) 齊下的話, 一樣興緻勃勃, 我每晚flash card 只用5-10分鐘, 反而和他讀故事書讀到口乾.

twokidsmum

如果小朋友接受flash card + picture book, 真是學得快很多.  我可能教的方法有問題, 常被他們搶了字咭自己玩, 我沒有勉強.

最近每晚放工回家還未除鞋, 細仔便立刻拉著我的手要我陪他看書, 大女又不停問這問那, 忙死我了! 不過我很享受這左擁右抱的感覺. :

睡覺教的方法很有趣, 我回家試試教細仔!

羊咩咩太太

請問這本書適合幾多歲既小朋友讀,係咪商務或三聯都可買到?