(真人真事)...哪裏來這樣的媽媽??

yuetmama

River2004 寫道:
這樣的媽媽，我見識過，手段甚至更狠！

她一直想個女讀女拔，小一考唔到未死心，年年谷成績去考插班...呢位媽咪就要工人同細路放左學踩勻九龍新界去上courses...九龍灣操水(每週4次)..返旺角上公文(學足3科)，...太子道學畫...入沙田學普通話...仲有奧數同兩樣樂器，搞到個個工人都頂唔順做唔長....辭工，可憐個細路女就唔知捱到幾時....我對呢位媽咪做法真係深痛惡絕！

me too      I am afraid her girl becomes MAD before entering into 女拔  :cry:  :cry:

m1m1sam

x心的程度雖比一般小學高，但與芸芸名校相比，肯定不算是"狂谷"的那款，而且算是較有"人性"的了(舉個例:升中失手派唔返中學都有得"ai"，因為佢地會顧番自己學生，你看xx瑟，唔掂即out，寧願收外面d叻人都唔收自己學生)。

我都相信這個case是母親的問題，並非學校的問題。

Mrssslui

既然佢女女真係追唔上,係唔係應該轉校呢?
搵間程度合適既好過.

mercury16

邊有可能補習到咁多個鐘!每日3hr而經好夠,仲多2-3場真係哂唔訓.佢越迫佢,佢越驚,死記係冇用.
其實你朋友都好有問題,不過子女入到名校,或多或少都有壓力,不過p1巳谷到咁,往後嘅日子真你無法想像,同你朋友傾吓,睇吓有冇第二Ｄ方法教教個囡.

Yukyuk

總之, 奉勸一句, 小女孩之心靈可以好脆弱, 隨時想唔開, 好似教會內一位虔誠教友父母, (大女兒未出事前未信主), 他們把女兒當係公仔咁舞, 他們的女兒大概感覺唔到父母對她之關心, 只有嚴厲的指導, 事實上她的爸爸承認自己是極權主義者 = 希特勒二世,成績唔好會施行體罰 (好勁果隻).  他的太太(大女之母親)又唔敢出聲.

好不容易, 大女都考上一間band one 之女校.

但不幸的事終於發生了!  中一開學的第一天, 她在住所跳樓輕生.  雖然, 她沒有立下遺書, 但她的父母非常自責, 認定左自己是殺人兇手, (心情好像將他們打落十八層地獄, 永不超生一樣.) 生活像行屍走肉!

後來, 經過教會悉心地唆導他們, 他們才重生做人, 好好生活, 當他們受洗後, 他的太太發覺自己有了新孕, 他們非常感謝主再度俾他倆有多一次做人父母的機會.

其實,當他們講述此事, 細女(現在應該是10歲左右)也在旁聽及有少少分享, 看到她的細女咁活潑可愛, 笑容常常掛住嘴邊) 就可以見證了父母的成長.





(我第一次聽都哭了很久才平伏番心情)

kookooloo 寫道:
                   (真人真事)...哪裏來這樣的媽媽??

我認識一位媽媽﹐在暑假時撞到﹐閒談一會(請大家耐心看) ﹕ 背境﹕佢女女讀港島區某名女校(X心)﹐在P1時﹐老師話佢女女D分數唔掂﹐佢立刻找人補習。

呢幾年來分數也日見改善﹐ 我也替她高興。 我問佢個補習老師點教導佢個女女﹐佢話每日佢自己負責check 功課& 默書(咁可以節省時間)﹐個女女就日日放學後響個補習老師到做練習﹐日日如是。。。佢話每年都購買大約 $700 - $800 額外的練習比個女女做﹐咁仲未足夠﹐個補習老師話做一次唔夠﹐起碼要做3次先夠。所以每本練習佢要再複印幾次﹐個度又大約$400大元。

如果考試﹐佢就會每日分 2-3場﹐每次3個鐘。。。。。        因為個補習老師話佢個女女唔掂﹗﹗可憐的小女孩  -_-

於是我又問佢個補習老師收多少$$一個鐘? 佢話 $200/h

我﹕佢係教師嗎?
佢﹕不﹐是我妹妹的舊同學﹐在學校做書記的。
我﹕嘩﹗佢都好昂貴喎﹗ 我地教師價都係$200/h 喎。。。
佢﹕嘿﹐(佢改變話題)。。。省去...

後來得知佢每個月僅僅補習已經用了$8000 至 $10﹐000
鋼琴又搵個補習老師個女教﹐PTH 又搵個補習老師個老公教(呢個補習老師都好識做生意﹐ 真係好想舉報佢)

未計算學公文數﹐近來仲報了學林數。。。瘋了﹗﹗﹗

Oh....my.....見佢個女女已經毫無童真可言﹐死咕咕咁。。。
    So sososooso poor ....little girl......

大家可以教我點樣點醒佢呢 ? 佢好像中了呢個補習老師既毒一樣------謝謝

Mrssslui

聽了都很心酸.

kookooloo

其實我地D媽咪都有同佢講過﹐我也嘗試過﹐但因為我礙於職業既問題﹐佢會覺得我在Sell 佢。。。每次佢都話到個補習老師點好點好。。。又話個補習老師曾經同佢講﹐如果佢個女女再係咁﹐就唔再補佢。。。

佢老公同我地好friend,佢都話佢老婆有問題﹐個補習老師唔補咪唔補囉﹐個補習老師有o物 咁巴閉﹗ 最慘就係佢自己都講佢唔點﹐ 有時自己放假想同女女去玩佢老婆都唔比﹐為此更always argue.....   

有時我地 gathering時﹐佢老公都會有意無意間比說話佢老婆聽﹐話﹕ 唔讀 X 心 會死嗎? 又唔係無佢( X 心) 會無書讀﹗。。。又話叫佢睇下我地點教。。。

**我地會按住良心話﹕o下﹗唔好囉我地來講啦﹐哈哈。。我地係D不盡責任既媽媽來阿﹗**因為唔想佢地會 argue...唯有咁回答。

萬般無奈.....可憐的小女孩。。。想幫也幫不了。。。     

hviy

     連工人淨係接送都頂唔順,可憐個小朋友仲要上堂   

kookooloo

解答﹕

1. 佢小朋友唔係在家補﹐係去個補習老師的家補的。

2. 平日係下午去補 2 - 3 小時

3. Sat. and Sun. (如果無 測驗 或 考試)就補  2 - 3 小時﹔如要 測驗 或 考試 就 會分三場---早午晚各一場﹐每次同樣 2 - 3 小時。

4.我覺得佢不會是炫耀~而係::::走火入魔::::

5.個補習老師唔係x心書記,而係嘉XX小學的書記。

6.佢女女宜家叫做都追得上﹐
   至於轉校~~我想佢唔會囉 ﹗
   a.因為佢見佢女女宜家叫做都追得上﹐個補習老師更加加分﹐更加會讀落去
   b. 當年佢係用人事牌的﹐咁艱苦先入到。。。

cameo

我諗我真係見識少,我真係唔可以每一日叫到個女做到咁多野啊,,,
我自問真係一個唔叻o既媽咪,以前有試過去谷個女,當然同而家d case差一百倍la,英文生字串唔好,要佢串到識為止,佢喊住都要佢讀,,,,,事實上"谷"只係得一時效果,唔止係讀書,其他方面都一樣,因為慢慢我發覺,令小朋友自發咁去學先係最重要,我亦試過谷個女去學琴,個女一d都唔鍾意,o個段時間佢唔止彈琴無咩好表現,連帶讀書都好似差左,脾氣亦差左....
我而家都有去"谷",係谷自己諗多d氹到小朋友o既方法,令佢鍾意睇書,而課外活動亦唔會以"有冇用"去揀,我無再迫個女去學琴嘞,佢想畫畫我俾佢去畫,佢會有心機做自己想做o既事,能夠滿足到佢興趣,而佢又畫到一張好靚o既圖畫時,佢o既自信心真係可以帶到其他方面啊,,,,,,
或者嘗試勸勸朋友俾個女選擇一樣自己想做or想學o既事,當中真係可以分別到小朋友自發性地發揮o既威力啊,遠遠比"死谷"嚟得更有"效果".....反正佢都要個女學咁多樣,真係不妨叫佢試吓聽一次個女o既意願

Mrssslui

cameo,

  

晴晴晴

hviy

有個friend嘅囝囝好辛苦至搞到入xx瑟,結果小四轉咗去聖xx返.佢無話個囝俾人out,可能留班(要面    ),但係佢話阿囝轉咗校好開心,唔使再喺鍊獄返學喎!    希望你個friend可以好似我個friend咁醒覺啦   

Mrssslui

我老公都有兩個同事個仔讀xx瑟,佢地都冇問題.
有一個仲順利升中,佢地都冇話好谷.
我諗好睇人.

麟媽媽

呢樣真係好睇人的，
老實，讀書都靠點天資天份。
同學兒子讀St. Jo，keep住考全班10名之內。
我同學超級女強人，日日無8、9點唔返到，
老公係國內做野，兒子真的「自己顧自己」！
佢無補習架，功課亦無人對，時常有錯架，
但我同學掂吖！佢話錯怕咩吖？咁下次先記得嘛！
佢個仔一睇個樣都超醒目架喇，
佢三年班咋，自理能力高，
獨立自主，時間分配適易，非常不錯！

Mrssslui 寫道:
我老公都有兩個同事個仔讀xx瑟,佢地都冇問題.
有一個仲順利升中,佢地都冇話好谷.
我諗好睇人.

viewer

就算要催谷, 都冇理由請個學校書記....

              

CD

agree

viewer 寫道:

就算要吹谷, 都冇理由請個學校書記....

              

wlk168win

Kookooloo:
1.        我都話中哂啦, 其實來來去去係個媽咪過唔到自己個關, 佢根本就係走火入魔, 於是當個女係 “復仇” 機器, 係禁 “質”, “贏” 字最緊要, 面子更加唔駛講.
2.        佢應該已經唔識點去真正關心個女, 佢無感覺架啦, 唔feel到身邊d人既說話.  
3.        睇住黎啦各位, 唔駛幾耐, 可能佢見到個女讀唔到某科時侯, 佢會顛到自己攞起埋本書自己讀…或者…  
4.        …有朝一日知道個女唔得加埋個 “邪教祈福黨富貴同黨總書記” 話唔同個女補習..個女唔得, 第一個痴線受唔住打擊既會係佢.
5.        講真, 不如我地每人輪住教佢個女點成長, 總好過比 “祈福黨” 剝奪一個小孩既同年啦….書記有咩禁叻呀???!! 真係睇唔到呢個書記有咩料, 吹水就可能好勁!!
6.        真係奉勸個媽咪一句, 正如亞婆輪米一樣, 辛苦輪到就話好彩, 有驚無險; 長此落去, 始終有日 (唔係咒佢) 輪到都無命分享啦!!!  
7.        各位, 啱唔啱聽呀???????

Mimi_Ma

我朋友以前 '谷' 得個女好勁,  但有日發覺個女考完試番屋企,  係房 亂剪自己的頭髮,  而且係到不停講' 點解唔記得',   嚇到我朋友以後都唔敢 '谷' 個女.   

事後我朋友話, 好彩發現得早,  如果'谷'  到個女傻o左,  就後悔死.  
  

pigmei

看畢大家的分亨後,我更堅定地要囡囡成為一個平凡但快樂的小女孩. 你們提的個案實在太扣人心玄了!尤其教會那兩位.