初中生媽媽聊天室~分享會

黃o禁o禁

sm0411,
我個囡o米又係，放完中秋假我記得有maths既小test，佢唔記得温，星期ニ朝我突然間想起o米問佢，佢話：係呀，今日喎！不過我吾記得左溫...o個朝比我鬧到七彩！
至於功課又真係比舊時小左o的，逢一、五先比...我o米做 亞鵝日o我夜o我叫佢o係ニ、三、四自己温，六就我同佢溫lor~，我而家又鬧佢啦，要test sci 竟然唔温

tkkmama

黃o禁o禁:

由佢啦,既然佢要自由....你放心啦,不出下學期,佢一定緊過你,佢入到英中,小學成績一定唔會差得去邊,如果佢成績大趺市,你估你驚d定佢驚d??.....你忍一忍先,到時先當頭捧喝啦

黃o禁o禁 寫道:
sm0411,
我個囡o米又係，放完中秋假我記得有maths既小test，佢唔記得温，星期ニ朝我突然間想起o米問佢，佢話：係呀，今日喎！不過我吾記得左溫...o個朝比我鬧到七彩！
至於功課又真係比舊時小左o的，逢一、五先比...我o米做 亞鵝日o我夜o我叫佢o係ニ、三、四自己温，六就我同佢溫lor~，我而家又鬧佢啦，要test sci 竟然唔温

KWT

大家好!我仔仔今年中一,開學咁耐,都不見他有功課做,當然一定沒有test.只聽見他說中文老師叫他們下期背孔子的什麼三人行必有我師.....學而時習之等等.嘩!從來冇想過中學會咁少功課做.就這樣.....     

MKma

黃o禁o禁 ,

你唔駛咁擔心既，我兒子去年剛升中一時，都是好輕鬆愉快咁過左整個九月 -- 又留校踢足球，又去參加陸運會啦啦隊排練，又去不同的課外活動clubs看比賽或介紹會，加上剛升上第一志願的中學，心中不免有些飄飄然。

好了，十月中開始測驗，他才知撞板，竟有一兩科測驗不合格(他從讀幼稚園開始都未試過不合格的)！之後他便肯真心聽我話，每日放學吃過下午茶/看一會兒電視後，會自動自覺先做完功課(如有的話)，再溫習一下當日教過的課文，如有不懂得讀/解的字便會問問我，默書測驗都是自己溫的！

不過，有時學校都會有些課後活動，又或者他要去學樂器/畫畫那兩三天，如果他回到家中真的太累的話，我便會讓他休息多一會，由他決定自己的作息時間的！

所以，我覺得在剛升中時，可以有時間追上進度的話，就讓子女跌一次，勝過你日哦夜哦，他們都咁大個了，都知成績不好會"醜"的！

fong媽

每日放學吃過下午茶/看一會兒電視

你仔仔間學校是不是很近啊! 我阿女每天放學回家都差不多5
時多了,如果去補習或參加課外活動的話,無7時都回不到家,
最近我還發覺她傾電話多左,好似琴晚咁,又傾左成個鐘,
佢去涑涼都可一個鐘,所以我好多時都問佢做晒功課未呀?
佢梗係話都無功課,死未?

MKma

fong媽 ,

我兒子的中學近天后站，離家只是四個地鐵站，所以如果那天沒有課外活動的話，他在四時左右便會回到家中的了。不過，他都有兩三日要在家休息一會兒後，便再出去學樂器或畫畫，他暫時都沒有補習，所以留在家的時間可能會較長，但很多時佢都會游魂，咪咪麼麼，成晚都唔知佢做左mud！

我個仔好少傾電話，同學打來都只是問下功課，兩三句便收線的了。但我有個朋友個女都係自中一開始便常常傾電話，還要一傾便傾上一兩個鐘，傾到十一、二點都唔肯收線，激到我朋友紮紮跳！有一次我朋友催個女收線，個女發晒脾氣，話阿媽嘈住晒，還與媽咪對罵，攪到我朋友嬲到爆，結果dang爛左個電話！ :evil:  

GreyParrot

黃o禁o禁 ，

我兒子都是今年上中一。  我覺得佢地咁大個都應該俾番d責任佢地， 但不可以完全放手，因為一下子放得太鬆，恐怕佢地自律能力不足。  我會間中(大約一星期三次)抽查功課，睇下每科教了甚麼，抽問睇下佢識唔識，唔識就叫佢溫下。  有些科多生字或者有些必背的我會叫佢背左先，提醒佢有乜係要預先溫。  默書我就完全放手了。

如果你女兒唔肯比你跟功課，你可以同佢講明，唔跟都得，不過第一次測驗要取得合理成績，否則就交回你幫佢跟。  不知這個提議是否可行。

GreyParrot

fong媽

MKma,

個女發晒脾氣，話阿媽嘈住晒，還與媽咪對罵，攪到我朋友嬲到爆，結果dang爛左個電話！

我都驚驚地有咁情況出現的,其實阿女一直都好聽話的,
或者大左,有少少反叛吧!希望阿女識諗啦,因為真係管不到佢咁多啊!

oilichan007

我覺得根本唔駛,咁大個識take care自己ga喇!唔通仲好似bb咁take care佢咩?!

zimba

唔好意思, 睇到你地gei分享, 諗起自己阿爸當年點放手俾我, 忍唔住都想係度借個位愐懷一下.
我阿爸係我小學時都係跟得好緊架, 默書, 測驗, 考試如果低過90分, 一定會打. 每晚佢返屋企前, 一定要做哂d功課, 食完飯就溫書. 佢仲嚴過d老師. 小六下學期佢就無再跟我讀書, 結果我由第四名跌到第九名! 幾驚佢打我! 但係佢竟然無罵我! 結果我好內疚, 覺得自己令到阿爸失望.
中學入到間好好gei英中, 但係功課少過小學好多, 全年竟得2次考試, 真係成個人鬆懈哂, 好有渡假feel......我爸爸竟然同我講:"你大個女啦, 書你自己讀la." 咁佢真係完全無再過問我d功課, 測驗, 考試等等. 但係因為我驚爸爸失望, 所以雖然唔想再係咁辛苦keep 住係top位, 但都好努力唔俾自己跌落低位. 中二, 中三開始真係為自己想讀好d la.
正正係因為我爸爸一句都無責備過我, 當我成績有d回落時, 我反而怕爸爸失望, 自己俾心機追返上去.

所以我覺得關係係最重要.

黃o禁o禁

如果阿囡好似zimba咁就好喇！我而家要跟返佢o的 science...因為好多專有名詞佢唔識讀同聽唔切老師o的讀音 佢未試過唔合格gar~..o個日sci 默書唔合格，又唔敢話比我知，後尾講心事先喊到fing呢fing厘話好辛苦同仲未適應，我話唔緊要啦，我教你讀，一齊合作冇話唔得既，足知佢有返信心拿住本sci 書來睇 正傻女！

zimba

黃o禁o禁 寫道:
如果阿囡好似zimba咁就好喇！我而家要跟返佢o的 science...因為好多專有名詞佢唔識讀同聽唔切老師o的讀音 佢未試過唔合格gar~..o個日sci 默書唔合格，又唔敢話比我知，後尾講心事先喊到fing呢fing厘話好辛苦同仲未適應，我話唔緊要啦，我教你讀，一齊合作冇話唔得既，足知佢有返信心拿住本sci 書來睇 正傻女！

咁又真係要幫幫佢呀!
我去到中學先識感激我阿爸小學對我咁嚴咋. 小學時佢幫我溫默書, 係要我默哂嗰page所有gei字, 我同佢講老師只要默某段某段咋, 佢就一個厲眼咁話唔准多咀, 默哂佢! 到中二學校先教個d perfect present tense, perfect continuous tense等等, 我阿爸早就教哂我la. 佢仲識教我用phonics串英文, 教我用國際音標查字典. 而家先覺得爸爸好勁! 話放就放.
今日到我自己教仔真係望塵莫及......

黃o禁o禁

zimba ,
可唔可以分享o下你阿爸點教你佢仲識教我用phonics串英文 ,因為我有概念炸 ,但我真唔曉點教番阿囡呀!! 唔該你啦 好多個唔該          ......

Msma

ZIMBA, 你呀爸 同我真係好似 ，一樣無數講!  

zimba

黃o禁o禁 寫道:
zimba ,
可唔可以分享o下你阿爸點教你佢仲識教我用phonics串英文 ,因為我有概念炸 ,但我真唔曉點教番阿囡呀!! 唔該你啦 好多個唔該          ......

Sorry ar, 佢識教, 我唔識呀 , 所以話望塵莫及lor......

universe_star

暫時仔仔正式上課只有6天,
功課不算多, 大多是上網搜集資料,
雖然大部份課堂轉用英語授課,
他完全不覺得吃力,
還說英文老師(外藉女士)的講解十分清楚易明.
中文(用普通話)也十分輕鬆有趣,
他相當滿意/享受學校生活,
總算沒有選錯學校.

黃o禁o禁

universe_star ,
甘即係同我阿囡一樣做project多,你估甘樣得唔得呢???冇功課做既,甘佢地識唔識o架？

universe_star

黃o禁o禁, 起初選校的時候也有擔心過,
不過自知仔仔唔係一個"填"得的學生,
不過求知慾卻很強,
他比較適合活一些的教學方法.
雖然上課時間的日子尚短,
不過卻沒有因少功課而唔識,
之前六年級都有跟他的功課,
現在沒有再跟了,
只有他主動問唔識的,
趁他睡了才偷偷看他的功課,
大致上沒有大問題,
只係數學有d大意.

黃o禁o禁

universe_star ,
甘你有福喇!!個仔甘乖!

sm0411

我都係咁話，如果我個仔識驚就好喇！佢D性格過份樂天，永無憂慮，天跌落