請問有冇人的仔女在藍田新或舊的兆強小學讀,請問兩間的分別,舊校是否很多功課,p

Rosannaau

ibm,

唔該晒, 我想俾我既小朋友讀迦南唔知好唔好呢? (好似應該post響"談幼稚園". 不過想聽下你有無意見)  

idyhk

Rosannaau:

我o的小朋友之前係天水圍o的幼稚園讀,所以都唔知道邊間幼稚園會派會好o的,我係第一輪入架!!
不過我記得上年交表時我搵唔到我張畢業證書,佢話咁會無左5分,收表個書記話得15分機會好微,後尾我搵番張證書,好彩俾我後補,唔係都唔知點算!!
第二輪其實邊間都有機會,係睇個小朋友好唔好彩,因為係大抽獎,係無根據架   
第三輪我就見過有o的bk媽咪講,話有個成績優異但讀普通幼稚園既小朋友唔收,有個成績普通但讀九龍塘某名校幼稚園就收左,唔知係咪真呢!!     
不過我都希望你成功啦!! :

idyhk

以前我個仔都係咁架,我就將o的句子拆開做生字,次序調亂晒,等佢串熟再默,效果幾好,因為佢唔懂得同一個生字識呢一句就識下一句,只係一句一句死記,依家做人媽咪認真難,佢地默書考試時我地又要搞盡腦汁幫佢地溫書,又要參加課外活動因為多元智能,更加要培養德育要佢地做個好人,唉...做人媽咪真係難!!     

ibm

idyhk:

妳呢個媽咪都算全能,我就唔得,若果我係妳,就死緊
我老公有時話我太緊張,時時迫個仔讀書,有時都會自我反省,但見到佢讀書就 火到o黎,
妳今日無同佢地去o下街,享受一o下呢個重陽節假期咩?
妳試唔試免費游泳班?我好想比個仔試,但我老公話無用,我想免費咪試試囉,依家仲未決定,要等我老公返o黎再傾,我好想個仔學游水,但d朋友話依家開始凍,不如等夏天先,我個仔好怕做運動,我有時叫佢 跳繩,佢就話唔識,唔跳,一d運動都唔願做,   比佢激死.

ibm

Rosannaau:

妳呢個媽咪都算犀利,小朋友未讀幼稚園巳幫佢搵學校,
不過正如idyhk話若果讀d名校係有d著數,    
話分兩頭,可能到妳選校時,兆強未必好喇!
況且依家最好係秀茂坪聖馬太,我幫我仔選校時,因聖馬太收生小,我怕我的小朋友第一輪唔得,所以先幫佢選兆強
唔怕慢慢o黎 :  :  :

柏生兄弟

各位家長好

我是在第一輪報了德田李兆強的, 我很想知道這間學校的情況, 可否告之一二呢?

傳統教學?活動教學?
對校長, 老師的看法?
小朋友上學開心嗎?

thanks a lot!

ibm

柏生兄弟 :

間學校都好好,老師主任都好好人,一二年級是活動教學,功課都有一定數量,不過通常係課堂都做得七七八八,英文就做左大部份,留返三份一返o黎做   
你有幾多分,15分都好未,今年有好多仔,好難入,都祝你好運   

idyhk

我都係一個緊張大師,佢地未讀書之前,我o的EQ都好高架(自己讚自己添    ),自從佢地開始返學之後,我O的EQ好似坐過山車,時高時低咁,有時我都會好頂唔順,要出去行一兩個鐘呌下氣,唔係我發癲都似呀!!
重陽節既節目係好耐都無既親子遊戲,佢地o的玩具自開學無耐到而家都無玩過,真係"鄧"佢地可憐!! :cry:  :cry:
至於游泳班我有問佢地去唔去,我個仔話試下先決定玩唔玩,但我個女就應該玩一堂就唔玩架啦,佢都係俾阿哥"威迫"佢去,唔係彩我都傻,不過我老公話過多兩年先學好o的喎,話大o的會易學o的,仲話呢個咁重要既任務留番俾佢喎....
我o的仔女咪又一樣唔鐘意正正經經做運動,但去到公園就好似甩繩馬騮咁     
我暑假個排有帶佢地去行山,佢地好合作,知唔知點解.....

haha...因為山上有公園,我同佢地講如果唔去呢個公園就唔去其他公園,佢地唯有跟我一齊行,不過而家我地都無時間可以咁做啦     

柏生兄弟

IBM

謝謝你的資料, 令我的心安定了不少, 我的兒子有20分, 我相信都要抽籤, 很同意剛post message的媽媽, 我現在已為了兒子入小一的事, EQ一落千萬丈呢!要常提醒自己才行呢!

柏生兄弟

ibm

促佢好運其實唔知有無方法可以另佢會自動自覺去做功課同溫書,唔洗我地勞氣,我記得我細個時候都係自己攪掂,依加d細就    先上進,
我頭先先幫我個溫完英文,但依舊唔識,     
依加佢  
祝佢好運   

idyhk

但係我地以前讀書無咁多野學,仲有只係返半日,時間又多又好用,起碼唔會因為讀書而無得玩先啦,我老公而家成日都話佢地成日都唔係屋企,除左番學仲要番興趣班,遲o的仲有劍橋英語同奧數呢,呢o的對將來好有用,又係必學既,諗起我都覺得驚,唔俾佢地學,又覺得好似追唔到佢地身邊o的朋友,俾佢地學,又覺得o的咁寶貴既童年就咁過左,我又覺得好可惜.... :cry:  :cry:  :cry:
我個時同幼稚園既校長傾計,佢同我講,現今家長迫得o的小朋友太犀利,想下佢地只係一個幾歲既小朋友,識得自己行自己食飯都係呢3,4年既事,其實迫佢地都係迫緊家長自己,試想下你既另一半(因為子女對你既親密度就如我地既另一半)因為想你好而要你學一o的你完全唔識又沈悶既野,你會點,不過我都學緊,因為呢樣野,講就易,做就好難,但我都會俾心機,因為佢地都好俾心機做一個乖孩子(須然我依然覺得佢地似條恐龍 ),所以你都要俾心機,努力呀!!!     

ibm

idyhk:

請問妳知唔知佢地派返黎個張填色比賽係唔係一定要交?

idyhk

係呀,一定要交架,學校想學生有機會攞獎,所以一定要交架,搞到填色比賽好似變左質咁!!   
你有無報游泳班呀,我今日下午收到電話啦,呢個星期日去,個泳會效率又幾快喎   

ibm

idyhk:

唔該曬,我o地咪要幫佢做,如果靠佢o地做,邊有機會得獎呀!
游泳班我o地無參加,我老公話驚個仔浸死,佢好鬼驚青,小小事都驚餐死. :-|  :-|   

柏生兄弟

各位德田兆強家長

小兒2006年度入小一了, 由於是新的油塘居民, 對本區小學並不認識, 在自行分配的階段選擇了德田李兆強(當時覺得他有68%入band 1 的中學, 自己的小朋友學習能力不俗, 本人有20分,都應該有機會抽籤, 現在心大心細是網頁看不到他們的教育理念....)

但是想了又想, 還覺得基顯很不錯(覺得網頁十分豐富, 透明度很高, 教育的理念及方向很明確, 當初沒有選擇是他沒有說明升中的成績及怕有太多新移民),

唉!真的不知怎算, 若在第二輪才選基顯, 到時兩頭不到岸時, 叩門分也沒有了, 各家長們可否給一些意見呢!

謝!

ibm

柏生兄弟:

其實48區都有好多好學校,但我個人覺得如果學校派中成績好的話點會唔標榜出來曬,而且依家咁小仔,佢地仲攬仔,容物易比李局長殺校,呢d純粹是我個人意見,若果有得罪任何人,請原諒.

柏生兄弟

ibm

謝謝你, 因我很怕做錯決定, 很怕很怕, 點算現在小兒才k3, 都唔知怕到幾時, 因我是一個很沒自信的媽媽.

IJJK

柏生兄弟:

I know quite a lot of 基顯 graduates go to Kwun Tong Maryknoll, 聖言, St. Paul....You can ask the school directly for the statistics. I don't know why there are some schools did not show this kind of important database though quite a proportion of their students did go to band 1 secondary schools.

Their 6 classes of P1 are full this Sep, and each class with about 32 students. They adopted activity based teaching for years, and they have a new Principal since these two years who seems to be quite famous and experience in education sector.

You compare these two schools in different aspects.

idyhk

柏生兄弟:
德田李兆強教育的理念係重思考,愛閱讀,亦都好注重孩子既責任心,而且從新生家長會講座,看得出校長對教育既熱誠,而且學校亦會搵好多資源去幫助學生,而且佢既適異教學我都好欣賞,可以培養每個孩子唔同既專長,佢亦都有中文科普通話班,不過就要二年班才開始有,校長話個原因係唔想小朋友剛升上小一就有咁大轉變,因為小朋友去到一個新環境,亦都需要一些時間適應,但學校亦明白兩文三語是非常重要,所以才在二年級開始,呢點我已覺得學校係好關心小朋友!!
    
至於迎新移民問題,除左直資同私校外,所有官津小學都避免唔到!!
其實德田李兆強都唔係好差,而且你第一輪已選了此校,如果第二輪第一志願唔選此校,第三次就真係無得叩門,至於基顯我就唔知第一輪唔選該校仲有無叩門機會,但基顯都係一間好學校(應該係,我見油塘媽咪好多都選該校),我相信第一,二志願選此校既人都唔會少,如你真係唔好彩要叩門,咁你機會會微好多,如果你未至於唔喜歡德田李兆強,咁我就覺得都應將德田李兆強第二輪第一志願,起碼唔好彩要叩門都有機會!!

柏生兄弟

idyhk

謝謝你的說明, 你小朋友喜歡返學(德田李兆強)嗎?在你的角度你是否覺得德田比基顯好呢?