返小一ge仔仔囡囡開心嘛???

yuetmama

winwin323 寫道:
[quote]
大小不梁 寫道:
你地怕唔怕阿仔阿囡係學校比人恰呀????

唔怕~ 我阿女幾高o下, 以前o係幼稚園都無人敢恰佢 [/quote]

me too.... my girl is even taller that other P2 kids who are quereing up for the school bus.

Bluestar

我個仔讀幼兒園時，是全班住得最近但又通常遲到，每早總是不肯起床又扭計。
但今早6:15便醒再睡到7點，昨晚整晚睡不好，叫起身無扭計，順利送到街口搭校巴7:23am。
他全班最高，比一些p3更高大，又有學跆拳道，理應無人敢恰佢卦。但monday返學校學習排隊，他說有個肥仔擋住路，不讓他及一些同學通過。
提點他要結識一些乖的同學朋友仔，又放本簿仔入他的書包，讓他可以問同學仔取tel no。(monday 他的鄰座女同學已問他取tel no，但他卻連同學姓名也不知道。)小食帶了火腿芝士麵包卷，小蛋糕，糖。還帶了八達通，萬一要去小食部買飲品。希望他不會買薯片。
這兩天1pm放學，但校巴要2:19pm才回到街口。   

yinyin

[/quote]
咁好呀 , 可以父母送入課室, 我囡囡間學校只可以送入門口, 只見佢回頭好迷茫咁 望左我一眼, 跟住就消失於人海中 :-|

好掛住阿女tim [/quote]

亞女剛剛放了學回家了, 佢好興奮呀

kitty

yinyin 寫道:

咁好呀 , 可以父母送入課室, 我囡囡間學校只可以送入門口, 只見佢回頭好迷茫咁 望左我一眼, 跟住就消失於人海中 :-|

好掛住阿女tim [/quote]

亞女剛剛放了學回家了, 佢好興奮呀[/quote]

咁快放學?

比比

我都好擔心我個囝囝，因為佢重好懷念幼稚園時期，成日都話唔想返小學，佢又剛月中做左割包皮手術，家陣都未好得晒，重要蓋住個紙杯仔，所以今日特別送佢返學，諗住同老師講聲囝囝去廁所可能要ee幫下手，但個班主任好似唔多想理咁，只係同我個囝講你大個仔要自己照顧自己架啦！唉！大姐，我夠知啦，如果平時去廁所囝囝都唔想人睇佢呀，但家陣佢重有傷口。見到班主任d反應，我真係好唔放心同唔開心，幼稚園同小學真係差好遠呀..........我怕唔適應果個係我唔係我個囝。   

kitty

比比,
我見你咁樣就諗返我女上一年的情況,我女上年日日都肚痛架,可能真係唔慣啦,而我個心見佢咁亦都很心"up"由其是佢自己一個小息時行來行去,好似冇人同佢玩咁...後來好彩女女的班主任好好,我一開學幾日已講了女女的情況比佢知,佢都好好會特別留意我女,間唔中又同佢傾下計...到下學期已好了好多,我覺得你唔駛話怕唔好意思,有咩真係唔怕同學校講,始終有一些小朋友真係冇咁快適應到!

其實你仔仔而家好番未?我冇這方面的經驗,所以我唔知,不過小學冇姨姨照顧去廁所,叫仔仔慢慢來得嗎?或叫老師留意下佢開學初期的適應問題!

比比

kitty

其實囝囝係18號做，家陣都好得七七八八，但因為有傷口未好得晒，重要用個紙杯仔蓋住個下體，我都知小學係無ee陪去廁所，但因為囝囝去廁所時要將紙杯除左先去到，咁我怕佢又要再貼胶紙又要黏紙杯，所以諗住特別交帶下班主任囉！但班主任話怕ee來唔切喎........

BO_BO

我囡囡今早也自動自覺一早起身... 不過我始終覺得大部份的媽媽是緊張過小朋友, 因為小朋友要真正面對獨立, 不會像幼稚園時有老師... 很多同工的照顧(包括洗手間也會有老師或姐姐)... 各位BK媽咪, 你們昨晚有沒有提醒小朋友今天要點...要點.....

yinyin

kitty 寫道:
[quote]
yinyin 寫道:

咁好呀 , 可以父母送入課室, 我囡囡間學校只可以送入門口, 只見佢回頭好迷茫咁 望左我一眼, 跟住就消失於人海中 :-|

好掛住阿女tim [/quote]

亞女剛剛放了學回家了, 佢好興奮呀[/quote]

咁快放學?[/quote]
我又住得近行路, 的士都不用跳錶
week 1  返2小時
week 2 -4 返半時
week 5 正常返全日
學校都安排得幾好
  

大小不梁

阿仔今日放學返黎好開心.......   
佢一出黎,我就見佢咩住個書包......勁重呀!!!!
今日學校先至比返d書我地,所以又要攞返屋企...我一攞上手~~~~嘩~~~真係好重呀~~~~~
我返到黎....包書包到暈暈地.....又睇左好多通告,簽左好多通告...好累呀....但係見到阿仔又咁開心...我又真係好開心ge....累c都值la~~~~

hellokitty123

我仔仔今朝 6:15 自己起床, 跟住同我講"媽咪, 今日開始我係小學生喇! 我會照顧自己!" 當時聽到, 感覺很欣慰!

去到學校門口, 亞仔已很興奮! 他急不及待地自己行入課室, 轉眼已消失於人海!

放學的時候, 看見他怪怪的樣子, 很擔心! 問他做什麼, 他說"我...........很急尿!"
我真的擔心亞仔是否懂得照顧自己!!    

大小不梁

hellokitty:
叫仔仔小息一定要去洗手間呀~~~

比比

今日接囝囝放開時見到佢個樣好開心都有d安慰，佢話小息時同隔離個同學仔玩得好開心，但佢今日係學校4個鐘都冇去個廁所，我估佢怕醜唔想叫ee，所以死忍。

大小不梁

oh~~~~你仔仔學校仲有ee可以幫手呀...真係好....我阿仔間學校就冇lu~~~全部自己攪掂ja~~~

比比 寫道:
今日接囝囝放開時見到佢個樣好開心都有d安慰，佢話小息時同隔離個同學仔玩得好開心，但佢今日係學校4個鐘都冇去個廁所，我估佢怕醜唔想叫ee，所以死忍。

Hellomummy

阿女今日都係第一日番小一, 著起套校服行出街果下, 顯得好神氣!

不過番到學校就要立即排隊, 佢好似有d唔慣, 眼神顯得很迷網, 剛巧老公打電話給她打氣, 她也不知答了什麼, 只對爸爸說: 唔好成日問黎問去啦..... 老公投訴: 點解個女咁無禮貌 我話, 佢依家好迷網呀......仲拍左vedio為証

yankit

本來早兩日我囝囝都好開心番學架 ma,點知今日佢比亞 sir
好大聲咁鬧到佢喊~我今日如常咁問佢係學校點,佢話今日冇帶鉛筆,
冇舉手大聲說:老師我冇帶筆,跟住亞 sir行埋佢到,
好大聲說:冇帶筆都唔可以咁大聲講野,佢跟住咪好驚同喊 law~
跟住我問清楚我囝囝之後,我覺得佢番左3日學啫都未適應,
(因為係幼稚園老師好少執得咁嚴要先舉手,後講話架 ma!)
使唔使咁大聲鬧到佢喊呀~
咁我打電話搵佢亞 sir law,我係講呢件事前已聲明,我唔係
怪佢鬧我個囝,我同佢講我囝囝今日為呢件事非常唔開心,
佢竟然答:咁我以後唔出聲 law~你話佢幾冇禮貌...
跟住我咪話 law,佢唔識你教佢 law,唔好咁大聲鬧佢 ma,
佢番得幾日學週圍既人同環境咁陌生,你仲咁大聲鬧佢,
佢會好驚架 ma,佢話之前兩日有敎佢地先舉手,後說話 wor!
佢跟本就係自己冇耐性,我個囝又唔係傾計,玩到大聲,
只係話佢知佢冇帶筆啫,佢都咁鬧法,如果d高年級d玩或傾計,
咪比佢打都有份~~~
  
我諗住睇下我個囝幾日,睇下有冇因為呢件事而有d乜野影響,
如果有,我實向校長投訴佢,  
可能有d人睇左會覺得我小提大做,但我真係覺得佢同家長
講野都咁冇禮貌,對d咁細既小朋友就更加唔使講~~~

   
    

Thomas-Hei

都係咁咁上小一

比比

大小不梁

我囝囝間學校本來都係無ee幫小朋友去廁所架，我之前都有提過，因為囝囝係月中做左割包皮手術，重未好得晒，要用紙杯蓋住下體，咁我同佢班主任傾過，希望(係我自己希望咋)佢去廁所時有人幫下佢，但我諗我囝囝唔敢出聲所以半日都冇係學校去廁所囉！(其實我諗就算話要去廁所，都未必有人會幫佢囉)

比比

yankit

你囝囝個老師幾唔掂喎，尤其佢果句-----佢竟然答:咁我以後唔出聲 law~    

Bambi

唔係妳唔o岩! 妳絕對要同果個老師講清楚, 如果佢o甘無耐性同愛心, 絕對唔適合教小一. 唔好令妳小朋友留下陰影.