「沙紙」何價？幸好姜濤讀不上大學

beastiebistro

twhkleung 發表於 26-5-15 23:45
諗諗下, 可能我澄清一下會好啲. 怕年青人睇到我咁講, 以為唔讀書, 一樣可以讀到好大學.

- 我話唔讀書, 其 ...

謝補充。

咁完全係兩回事，唔至於考第尾，或者要做藍領啦。

你可以詬病香港嘅教育制度，但係基本上你係有能力讀大學有餘。

但係你對下嘅80%同學，我認為有好多根本冇能力讀大學，亦唔應該為咗多啲人入大學而開多啲3、4、5流大學或者米奇學科...

twhkleung

beastiebistro 發表於 26-5-16 00:11
謝補充。

咁完全係兩回事，唔至於考第尾，或者要做藍領啦。

其實有啲嘢, 一隻手掌拍唔響, 都係tug of war...
全世界嘅政府, 都諗辦法賺多啲錢, 最後諗到連大學教育, 都商業化, 產業化, 再加上亞洲平均資源 per head 緊張, 大家都以為, 讀完大學, 就會美好生活, 會發達... 有得入大學, 點都畀冇得入好. 自己嘅理想係乜? 自己嘅強項係乜? 完全唔理. 最後, 變成而家咁樣嘅錯配, 為咗入大學, 而入大學, 畢業後, 更欠下一屁股loan... 更可能, 只係攞住個爛GPA 嘅degree畢業.

我都唔想講到, 自己好似好清高, 喺局外, 睇盡局內嘅世情咁, 不過, 事實確是如你所說, 3、4、5流大學, 或者米奇學科, 氹咗一大批同學仔, 花錢, 花時間, 最後個degree唔知有乜用...

呢啲大事大非, 整體決策性嘅大方向, 都唔會係我哋 呢啲小市民, 可以說三度四. 可以做嘅, 可能就係好似你咁, 做學弟們的mentor, 畀多啲意見, 喺自己範圍內, 做到幾多, 幫到幾多, 就幾多!

最近, 間中都會睇下各大學教授們的研究projects, 幫阿仔睇定, 如果佢有興趣讀PhD, 可以搵邊啲Professors做師傅. 先驚醒發現, 就算有好多一線名牌大學嘅教授, 做嘅projects, 都係一忽忽, 東一啲, 西一啲, 沒有一個完整的方向, 我估都係產業化/商品化, 嘅結果, 大家求其寫啲idea出嚟, 攞research funding, 可能再過多幾年, 連啲PhD生, 都唔知自己係做緊啲乜, 而係為PhD 而PhD, 不再是為咗自己心入面一個學術問題而研究 .

聽講話, 有某啲地方PhD畢業生, 要做送外賣維生...都真係冇乜嘢可以好再講.

(多咗啲勞蘇廢話, 唔好見怪)

beastiebistro

twhkleung 發表於 26-5-16 07:54
其實有啲嘢, 一隻手掌拍唔響, 都係tug of war...
全世界嘅政府, 都諗辦法賺多啲錢, 最後諗到連大學教育, 都 ...

唔會牢騷多啦，大家都係抒發下啫。

呢啲政策根本就係不負責任嘅政府諗出嚟嘅屎橋，美其名係提升國民質素，實質係將問題延後。到真係爆鑊嘅時侯，佢都完晒任期、攞晒光環。鑊就睇下到時邊個唔好彩執政，硬食。

就講我最熟嘅英國，其實呢個問題係「世紀罪人」貝理雅同佢嘅新工黨搞出嚟嘅。當年係佢話要起碼50%學生入大學，大力鼓吹，製造唔讀大學就做唔到上等人嘅假象。佢如意算盤有幾樣嘢：
- 推啲本身18歲做嘢嘅入大學，政府借錢佢讀，就可以減低青年失業率（讀大學唔算失業），做靚盤數。
- 為咗消化呢啲學生，咁咪要開大學、開米奇學科，想唔產業化都難。
- 大學已經被左膠攻陷，工黨「保送」多啲學生入大學，尤其係呢啲三四五流新大學同埋啲米奇學科，就可以接受左膠洗腦，出嚟就會投工黨，佢哋可以自己製造自己鐵票，永續執政唔係夢。
（當年董生搞香港教育都有一同二嘅考慮）

問題係：
- 根本就冇咁多人適合讀大學，增加入學率咪即係降低門檻。（我嘅年代，經UCAS報5間大學，全部都要認真interview先會出offer，到後來根本就冇可能有時間安排interview所有報考生，唯有求其靠PG出offer。）
- 好一大部份呢啲「大學生」，根本就唔係讀大學嘅料。但係讀完大學，覺得自己係向上流動咗，就點都唔行做藍領工作。英國就係咁，搞到要盲目收移民/難民，因為只有呢啲人先會肯做藍領工作。
- 大學就繼續產業化。佢哋最好搵嘅cash cow就係taught master degree。咁既然本科去到咁濫，佢哋當然樂於幫手吹噓只係讀過本科唔夠，點都要加個碩士先夠照，財源滾滾來。

而家英國政府莫財，政府又左膠搞到冇晒投資，再加上脫歐搞到連歐洲嘅funding都攞唔到，所以問題一下子爆發。有啲大學要執粒、合併、cut科，我其實拍爛手掌。高教界真係需要整合，執晒啲三四五流大學，cut 晒啲米奇學科，減到20％學位就差不多喇。

香港狀況（除咗意識型態嗰part），其實差不多一樣。我個人認為以香港嘅人口，3間大學都嫌多，其他嘅轉晒做職業訓練學校就得嘞。

barque

beastiebistro 發表於 26-5-16 09:41
唔會牢騷多啦，大家都係抒發下啫。

呢啲政策根本就係不負責任嘅政府諗出嚟嘅屎橋，美其名係提升國民質素， ...

英國傳統的大學本科雖然是三年制，但近年來確實有越來越多大學大力推行四年制的「本碩連讀課程」（Integrated Master's Degrees，例如 MEng、MSci、MChem、MBiochem 等）。是大學為了增加學費收入並緩解長期的財政危。其實這些碩士課程只係掛個名其實好大機會同學士讀多一年冇分別。

beastiebistro

barque 發表於 26-5-16 09:56
英國傳統的大學本科雖然是三年制，但近年來確實有越來越多大學大力推行四年制的「本碩連讀課程」（Integra ...

差不多直頭一樣。大學就肯定可以袋多一年錢，學生孭多啲學貸以為冇分別，仲提升咗個degree，其實出嚟好多都係冇嘢做。

twhkleung

beastiebistro 發表於 26-5-16 09:41
唔會牢騷多啦，大家都係抒發下啫。

呢啲政策根本就係不負責任嘅政府諗出嚟嘅屎橋，美其名係提升國民質素， ...

如果你講到呢個層面, 我真係冇辦法, 唔百分之200同意你.
1. 大學質素下降,
2. 再配合埋大學生質素下降.

所以, 最近呢十年八載, 開始出現一個新興嘅行業, "同大學生補習", 我初初聽到, 真係嚇到跌咗落地下.
大學生質量中學生化. 再過多幾年, 會唔會出嚟做嘢, 打工, 都要搵補習?

大學可以話係守尾門, 將人從一個由向別人學習模式,過度到完全自我學習嘅一個關鍵轉捩點, 如果係呢個最後階段裏, 都過唔到, 第時請佢嗰個老闆, 就大件事了.


所以, 可能除咗成績達唔達標入大學之餘, 同學的心態, 係咪已經準備好讀大學, 都係非常重要.


題外話, 一個笑話, 以前有時sit in 同事嘅interview, 見到個applicant講, 你哋公司係好多嘢學, 我想入嚟學嘢... 我心諗, 你讀大學要交學費, 所以大學教你, 但係, 你而家出嚟做嘢, 公司要出糧畀你, 心態係咪應該要改變一下?

其實呢啲種種, 可能因為都係同大學中學化有關, 所以, 啲非主力大學, 培養出嚟嘅學生, 心態上, 可能仍然停留在中學生角度去睇嘢.


題目: 「沙紙」何價？真係幾有意思

twhkleung

beastiebistro 發表於 26-5-16 10:01
差不多直頭一樣。大學就肯定可以袋多一年錢，學生孭多啲學貸以為冇分別，仲提升咗個degree，其實出嚟好多都 ...

我見過某啲大學嘅四年制MEng, 所謂第四年, 其實係揀返3rd-year 的electives.

如果係要讀master, 我都會suggest d同學, 讀research-based嘅master, 而唔係taught course嘅master.

簡大學, 同簡中學, 真係分別好大, 中學跟當地教育局制定syllabus, 而大學, 教乜嘢課程, 教得幾breadth? 教得幾depth? 可以差別非常大. 如果話見到一個master嘅水平, 比唔上一個undergraduate, 我未必會好surprise.

beastiebistro

twhkleung 發表於 26-5-16 13:29
我見過某啲大學嘅四年制MEng, 所謂第四年, 其實係揀返3rd-year 的electives.

如果係要讀master, 我都會su ...

你啱㗎。不過而家嘅情況我估係10個本科畢業生，都唔知有冇兩個有能力讀research master。唔係俾錢「買」嘅taught master位，都冇咩機會讀master。我都係主張，減本科位，留返俾啲真係有能力做學問嘅，其他全部出去做嘢最好。

akys

twhkleung 發表於 26-5-16 13:29
我見過某啲大學嘅四年制MEng, 所謂第四年, 其實係揀返3rd-year 的electives.

如果係要讀master, 我都會su ...

唉!我孩子就係喺英國讀緊4年制MEng，多一年貴好多又唔知對報PHD會唔會比Msc差。冇得揀3年制，局住讀。

twhkleung

akys 發表於 26-5-16 14:07
唉!我孩子就係喺英國讀緊4年制MEng，多一年貴好多又唔知對報PHD會唔會比Msc差。冇得揀3年制，局住讀。
...

坦白講你小朋友讀MEng, 在現今大環境下, 應該唔會有錯, 因為成個英國大學趨勢, 都係響呢個方向發展.

個人經驗, 再原校升讀PhD, 應該是最有優勢.
如果唔好彩, 發現自己大學的research groups, 並沒有自己的興趣, 咁唯有早些準備, 找一位合適的PhD老闆, 對將來發展, 有著重大影響!

beastiebistro

twhkleung 發表於 26-5-16 13:22
如果你講到呢個層面, 我真係冇辦法, 唔百分之200同意你.
1. 大學質素下降,
2. 再配合埋大學生質素下降.

呢個就係當年董生搵唔識教育嘅梁錦松做教改遺留落嚟嘅禍害。

要抄美國334，又冇諗過香港的小朋友腦筍都未生埋。我做咗20年mentor，每年見超過100個高中生。當年仲有AL嘅時候，啲中六生都好多唔係咁成熟。轉左制，啲中五生唔少更加係幼稚。（嗰啲年齡爭一年差天共地）又冇經過會考洗禮，先淘汰一班唔應該讀大學嘅。有咩辦法唔質素下降？

DSE又係抄IB，但係抄啲又唔抄啲。人哋IB好處係又啲flexibilty，香港就抄足要讀咁多嘢，但係完全無晒flexibility。唔識教育就係唔識教育，梁錦松害死咗幾代嘅香港學生。

如果唔dumb down curriculum，冇可能達到收生要求。咁所以咪出現讀engine，但係冇修M2連calculus都要入咗大學惡報呢啲笑大人個口嘅荒謬情況。

我認為沙紙「賤」價，先係真正嘅標題。

beastiebistro

akys 發表於 26-5-16 14:07
唉!我孩子就係喺英國讀緊4年制MEng，多一年貴好多又唔知對報PHD會唔會比Msc差。冇得揀3年制，局住讀。
...

係咁架喇，而家英國Bachelirs差不多零價值，大學梗係開4年學科，lock你四年學費。讀得好嘅，唔影響報PhD 嘅，不過點都要睇下你搵到咩師傅喺邊間大學。

ANChan59

beastiebistro 發表於 26-5-16 14:27
呢個就係當年董生搵唔識教育嘅梁錦松做教改遺留落嚟嘅禍害。

要抄美國334，又冇諗過香港的小朋友腦筍都未 ...

阿蟲只係推手，落手落腳去做嘅係Arthur 及飯焦。

協助及教唆，相對誤殺或者謀殺！

ANChan59

twhkleung 發表於 26-5-16 14:19
坦白講你小朋友讀MEng, 在現今大環境下, 應該唔會有錯, 因為成個英國大學趨勢, 都係響呢個方向發展.

個人 ...

英國Engineer Council chartered的 min requirement現在改咗係master，這個才是主因。

stillgood20

beastiebistro 發表於 26-5-16 14:27
呢個就係當年董生搵唔識教育嘅梁錦松做教改遺留落嚟嘅禍害。

要抄美國334，又冇諗過香港的小朋友腦筍都未 ...

我認為沙紙「賤」價，先係真正嘅標題。
一一一一一

供求問题。

是必然的。

。

同样。

有求有供。
也是需要的。

。。。

靠張<沙纸>。

真係叻，就靠自己，好了。

beastiebistro

stillgood20 發表於 26-5-16 18:33
我認為沙紙「賤」價，先係真正嘅標題。
一一一一一

當然應該靠自己。
只係婉惜制度嘅扭曲令到紗紙無奈貶值...

beastiebistro

ANChan59 發表於 26-5-16 18:03
英國Engineer Council chartered的 min requirement現在改咗係master，這個才是主因。

應該都係「果」。因為「因」係本科dumb down得緊要...

ANChan59

beastiebistro 發表於 26-5-16 19:15
應該都係「果」。因為「因」係本科dumb down得緊要...

但係要Master 應該有20多年了。

beastiebistro

ANChan59 發表於 26-5-16 21:59
但係要Master 應該有20多年了。

咁應該同4年master冇直接關係喇。呢啲都係近呢幾年先開始盛行，始終都係lock多一年錢，同埋齋本科唔值錢...

ANChan59

beastiebistro 發表於 26-5-16 22:13
咁應該同4年master冇直接關係喇。呢啲都係近呢幾年先開始盛行，始終都係lock多一年錢，同埋齋本科唔值錢... ...

好似係入歐盟後，要跟歐洲一致。