非常多謝大家既分享! 讀IB, 父母要比讀LS嘅投入去了解小朋友喺學校嘅情況同學習進度, 呢點我自己近半年在唔同朋友既情況都了解到。 父母對讀緊LS既小朋友,偏向十全大補, 全權交比學校同補習班不停催谷學術,到出考試成績或評估報告時,有咩唔達標就針對加強外補,無限輪迴到考DSE ; 另一邊讀緊IS既,父母明顯地”完全”信服PYP, 唔清楚小朋友在學情況,比小朋友自由發展, 父母著眼點樣填滿小朋友放學後既空餘時間,去上興趣班(非學術)或最多都係學下phonics, 同有充足既時間比小朋友閱讀, 見佢地屋企零中文書,
父母表示上到MYP會全力幫小朋友谷一谷,唔得就放棄中文, 轉線去學西班牙文或法文。 我相信兩邊家長各有自己理念, 無對與錯。 未正式接觸IB, 暫時個人感受係: 選擇比小朋友讀IB, 除左父母要相信個教學理念之餘,新手如我既家長, 就一定要好花心機同時間去觀察小朋友既發展,至於去到邊個位應該出手去幫小朋友一把,同點樣去幫
(屋企教定外補),我地暫時都係摸石過河,聽下過來人, 好似大家有經驗既分享,同埋希望學校(兩年後RCHK)之後可以比多些機會家長去參與學校既活動同講座,等我地可以多了解小朋友在學校各方面既情況去配合小朋友需要
。
| 
發表於 25-5-22 09:27
咁即係如果原校144個學生, 全部學生揀直升RCHK, 咁咪連插班都無機會? 之後如果少左外校生, 唔知十幾年後個IB成績又會點樣呢?
。咁Y1應該都仲有廿零個可以入。