小五，不小心成為了老師的眼中釘（長文，慎入）

rubyick

回覆 mandi_lui 的帖子

好彩 你仔可以及時轉校，校園欺凌如果是來自老師，仲難處理。感覺有一些老師心態都係打份工，最緊要唔好阻住佢收工

請問什麼是band 0學童，小六才轉校為什麼會少了一次呈分呢？

mandi_lui

rubyick 發表於 25-3-28 19:34
回覆 mandi_lui 的帖子

好彩 你仔可以及時轉校，校園欺凌如果是來自老師，仲難處理。感覺有一些老師心態都 ...

連教育局和學校職員都答唔到我，呈一的分數可唔可以跟學生轉校一起轉走。如果沒有了第一次呈分的成績，新學校有可能唔能夠替學生呈分，那學生便成了 band0。一旦學生要參加升中統一派位，band 0學生的優先等值最低，即是將會待 band 1、2、3 完成派位，才會處理band 0 學生。就算學生要報考直資學校或參加自行分配學位，rank order 也必然是最低值。

這是我的理解，希望有高人指點一下。

馬烏

對樓主深表理解，但此類問題在所難免。
可能不少小孩在學校都會遇到相似情況，只是程度不同。
成長過程，什麼人都有可能遇到，社交始終是重要一課。
我仔有段時間數學老師對他非常刻薄，導致他不願意聽數學老師的課，還好小學數學簡單，升班也換了老師。
但也有非常好的老師，我仔小六了，學校評選最佳老師，他每年都是選小一時的班主任。可見這位老師在他心中的分量。另有一位老師，會在班上所有小朋友的生日，都送上一張賀卡，並手寫上祝福語，這不是每個老師都能做到，有些老師能讓學生感恩記住一輩子，不是憑空得來的。

ANChan59

twobirds 發表於 25-3-28 18:07
小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰 ...

有冇考慮過搵校長開心見誠咁傾？

UTB

睇完你個case，轉校係明智之舉。其實老師欺凌學生的情況一直存在，只不過畢業後事過境遷，好快就忘記這些不快的經歷，又或者覺得係小事一樁。不過回想當日，被針對的過程有如精神虐待。香港有些學校好黑暗，佢哋有部分老師係心理變態，所以點解揀學校咁重要。

UTB

ANChan59 發表於 25-3-29 09:12
有冇考慮過搵校長開心見誠咁傾？

如果校長係開明能幹或可解決問題，否則事件鬧大咗會更麻煩。

cafeva

幾拾年前一樣比老師針對. 不過果時已經中四/六 身心健全對我無咩影響.
小學生真係大影響

twobirds

ANChan59 發表於 25-3-29 09:12
有冇考慮過搵校長開心見誠咁傾？

有，一言難盡，總之，有時找校長並不能解決問題，尤其遇上充滿語言偽術的校長。
不過，兩年後，嗰個老師冇再做班主任了，唔知係咪俾家長投訴得多，校長不勝其煩，冇再俾佢做班主任了。

Rpp

同屆同學讀區男女B1A，英文唔好抽獎入讀，成績不好跟唔上進度，班上只要同某個人傾偈都係罪，因為是某個條仔，同學分幫結派杯葛霸凌，長年缺席所以留班，因為情緒有問題要多次出入醫院，呢啲問題發生在校園多到平常，家長要多留意自己仔女情況。

Rpp

有靚女形象讀書又叻的收乒唔止一個，有同學問點解分手又復合，係咪經濟有問題？女生答係。個傻仔樣貌普通讀書一般，基本上無存在感嘅。

mandi_lui

馬烏 發表於 25-3-29 07:22
但也有非常好的老師，我仔小六了，學校評選最佳老師，他每年都是選小一時的班主任。可見這位老師在他心中的分量。另有一位老師，會在班上所有小朋友的生日，都送上一張賀卡，並手寫上祝福語，這不是每個老師都能做到，有些老師能讓學生感恩記住一輩子，不是憑空得來的。

能遇到讓學生感恩記念的老師真是人生大幸，老師真係可以用生命影響生命的工作，所以好老師係好值得表揚的。你仔仔沒有因為一位老師的行為影響他對學校的觀感真係好彩，證明恩典還是比厭惡大。

我成日同大女兒講她是幸運兒，小學階段遇到幾位好老師，一直用心教導，用愛帶領。雖然已經離開咗好多年，但仍然可以好proud咁話畀人聽她來自那間小學。

mcl233

mandi_lui 發表於 25-3-28 20:53
連教育局和學校職員都答唔到我，呈一的分數可唔可以跟學生轉校一起轉走。如果沒有了第一次呈分的成績，新 ...

直屬小學收得你，佢地玩法熟過你，直小生就係部署為中學部既子弟兵，收你一年叫你走，為乜呢？收得小六插班，只要係適合對辦，就自然有辦法令學生可以直升。只係，以往一直甚少收小六插班，早幾年例外～～～

ANChan59

UTB 發表於 25-3-29 10:54
如果校長係開明能幹或可解決問題，否則事件鬧大咗會更麻煩。

我哋都有過類似經驗，最後完滿解決。

ANChan59

twobirds 發表於 25-3-29 11:22
本帖最後由 twobirds 於 25-3-29 12:24 編輯

有，一言難盡，總之，有時找校長並不能解決問題，尤其遇上 ...

明白

mandi_lui

UTB 發表於 25-3-29 10:51
睇完你個case，轉校係明智之舉。其實老師欺凌學生的情況一直存在，只不過畢業後事過境遷，好快就忘記這些不 ...

現在我覺得轉校係明智之舉，但當時真係有點唔甘心，畢竟努力咗好多年，對升中選校有一定期望，當日轉校係有少少敗走的感覺。其實有其他同學有相同遭遇，都選擇忍一忍，不過我知道情緒病如同花粉敏感，你唔離開致敏原，只會越嚟越嚴重，冇可能自己好返。

mandi_lui

mcl233 發表於 25-3-29 12:28
直屬小學收得你，佢地玩法熟過你，直小生就係部署為中學部既子弟兵，收你一年叫你走，為乜呢？收得小六插 ...

我意思係因為三次呈分試分開咗兩年，所以小六轉校選擇好少，只可以揀有直屬小學嗰幾間，而事實上當時我哋的情況比較倉卒，所以只揀咗一間。

同你的諗法一樣，龍校收得點都唔會一年就踢走我，當時有心理準備，就算真係唔適合，大不了捱兩年。

mandi_lui

Rpp 發表於 25-3-29 12:04
同屆同學讀區男女B1A，英文唔好抽獎入讀，成績不好跟唔上進度，班上只要同某個人傾偈都係罪，因為是某個條 ...

已經去到多次出入醫院，就唔係普通情緒問題，一定要離開，一定一定要離開。成日有人講打交杯葛欺凌問題間間都有，好平常，但只要親身經歷一次，就無可能那麼輕描淡寫。

mcl233

mandi_lui 發表於 25-3-29 13:07
我意思係因為三次呈分試分開咗兩年，所以小六轉校選擇好少，只可以揀有直屬小學嗰幾間，而是實上當時我哋 ...

因為除左前幾年，直小係絕少係小六收插班生，甚或小五已經如是，一係因為呈分角度，另一係要保障原小生直升中學部既問題，多收一個外來生，就會影響一個原校生。始終辦學團體係希望提供12年教育比自己學生，所謂親生仔，只係要外流亦阻不了～

話當年，某校校長亦提醒過， "真係有需要要返黎，我一定收返，只係最好係小五前，你明的" 。佢都係只講“最好"，而非一定，咁多年小五已經絕少，小六直情未見過～

mandi_lui

Rpp 發表於 25-3-29 12:10
有靚女形象讀書又叻的收乒唔止一個，有同學問點解分手又復合，係咪經濟有問題？女生答係。個傻仔樣貌普通讀 ...

親身經歷，我細個讀書的時候也遇過這種女生，迷倒一衆外貌和能力都普通的男生，而且令佢哋越變越普通。
所以我唔太贊成中學讀男女校，特別係男仔。唔希望佢在未擁有能力和魄力之前，被眼前美色迷住。畢竟男孩子多數係視覺型人，同誘惑保持距離為佳。

Rpp

mandi_lui 發表於 25-3-29 13:22
已經去到多次出入醫院，就唔係普通情緒問題，一定要離開，一定一定要離開。成日有人講打交杯葛欺凌問題間間 ...

成績太差無辦法轉校。