華夏杯獎項對升中面試有幫助嗎?

BSCYL

ppjing 發表於 25-1-17 21:19
應該都要看portfolio整體，同面試表達能力。華夏杯一等獎特等獎應該可以起到一些作用，但不會全部。二等就 ...

阿仔當年奧數，港區二等獎， 鋼琴三級。 同屆同學，一班超過半數有金獎， 一等獎。 鋼琴， 手提琴演奏級也不少。他能入1A 中學， 成績好是必須， 還有不少類近學術性獎項， 與體藝拉不上邊。

LeeCC

babyaustin 發表於 25-1-17 18:44
多謝各位意見，阿仔P.1開始都一直保持到級一，但只係3線小學，老師叫我比佢參加多D比賽，拎D獎會好好多，因 ...

三線小學，級一，要出去考d公開的學術試，尤其英文，證明畀中學睇，你的級一唔係流既，係有一定程度

朋友女兒當年三線級一，佢老師極力叫頭幾名band 1學生出去考toefl, Cambridge 呢d cert,去證明自己英文程度

334455

回覆 babyaustin 的帖子

始終校內成績為主，課外獎項為輔。除非特異功能全港一枝獨秀。初小趁早規劃；成績標青首要插班到更好學校為上計，一間好的學校環境影響很深遠身邊同學仔都叻，另外多參加坊間不同的奧數賽事，爭取獎項有分量又能遍地開花。一線小學入更好中學機會更大

Rpp

環亞太盃，華夏盃，呢兩個昇中遊戲玩奧數都夠了，港澳盃因為難度不大。含金量不高。

tummypooh

呢啲獎，我個人覺得真係幫助不大，尤其呢啲咩咩數學比賽，睇成績表已經夠，唔知幾時開始咩嘢人成日吹話靠奧數入咩咩中學咩咩大學，其實本身個小朋友成績唔差先係重點。
體育，你體育勁到港隊級，學界頭三，咁你唔寫都自然有人搵你。

音樂，鋼琴我諗你冇八級以上都唔使諗住有分加，小提琴又係。一係你又係拎到啲超勁獎，唔係香港個啲每年咩鬼全港小學比賽。

你當務之急不如轉小學吧，你三線小學，每年派位有幾多人入到BAND 1中學？同埋係邊一間，呢啲統計資料係有用的。如果得一兩個，你要擔心係咪一路KEEP到個第一名，不如轉去啲勁啲小學。唔使一下子由三線跳到一線，如果你只係初小，咪先跳去二線, 再去一線, 唔係你到時叩門都蝕晒

B.B.BaBa

我地當年華夏全國二等獎，都無擺出來獻醜。
當然，都要睇你想報咩中學啦...

Rpp

中二我個數學白痴華夏杯決賽攞開豬肉獎的，參加港澳盃得金獎。學校校隊據說無一人參加呢個低級別的奧數盃。因為金獎幾十個，含金量非常低。被人笑話。

LeeCC

樓主現在幾年級？如果高小，轉去新學校，要適應，又要呈分試，未必有著數
反而努力保持級一地位，考出面的學術試或比賽，裝備好英文面試

認識有三線級一，一樣可以自行一二的2間地區1A,和直資1A-B的offer, 佢有各類學術考試證書和數學比賽獎項，樂器5級。
入左1B直資,都考到級頭

Dylanli2017

小學既數學獎，得保良局小學數學精英選拔賽有d用。華夏杯果d冇咩認受性。

KeyonZ

Dylanli2017 發表於 25-1-18 19:03
小學既數學獎，得保良局小學數學精英選拔賽有d用。華夏杯果d冇咩認受性。 ...

有小小用途，但是用途不大，主要還是看RO

Rpp

Dylanli2017 發表於 25-1-18 19:03
小學既數學獎，得保良局小學數學精英選拔賽有d用。華夏杯果d冇咩認受性。 ...

不會吧，保良局小學數學選拔賽我哋數學白痴都參加過，無記錯得過六百蚊獎金。咁肯定華夏盃認受性高啦。

Dylanli2017

Rpp 發表於 25-1-18 22:35
不會吧，保良局小學數學選拔賽我哋數學白痴都參加過，無記錯得過六百蚊獎金。咁肯定華夏盃認受性高啦。
...

咁你就知得少。有個IMO拎國際銀獎既學生當年考保良局小學數學精英賽是全場第1名。整個香港每年得6個中學生有資格參加國際IMO, 好多年先會有人拎金獎，拎銀獎就已經是香港數學最TOP既學生了。華夏杯呢D賽是商業性質，而且非常簡單，可以叫猪肉獎，咁多年你有冇見到華夏杯第1名果個可以入圍香港IMO代表？保良局比賽，總成績分數最高的三名學生，將依次序獲頒書券（一千元、六百元及四百元）。即是你個女全場幾千人考到第2名？佢參加邊年比賽？我去望下，因為數學賽好少女仔會考到第2名。咁多年，香港好似只出過1個女仔IMO選手。

Rpp

Dylanli2017 發表於 25-1-19 10:49
咁你就知得少。有個IMO拎國際銀獎既學生當年考保良局小學數學精英賽是全場第1名。整個香港每年得6個中學生 ...

華夏盃，環亞太盃呢啲無可否認有一定商業性質，個人覺得真正數學叻人未必會參加比賽，係一啲想昇中或者挑戰的會玩。我個講每次推理出幾題便攞個豬肉獎。跟住摺埋份卷瞓覺。
保良局數學精英賽有幾勁真的無研究了。

LeeCC

請問ICAS數學，英文試有認受性嗎？

babyaustin

回覆 LeeCC 的帖子

認受性我都唔知，朋友教國際學校數學科，佢知有ICAS呢個比賽但佢地冇比資料學生，而我地係學校比資料同代報名的，小朋友之前拎過香港+澳門TOP MEDAL，頒獎禮在生產力促進局舉行，得獎學生9成係名校生，我果個係少見的邨校得獎者

LeeCC

babyaustin 發表於 25-1-19 12:09
回覆 LeeCC 的帖子

認受性我都唔知，朋友教國際學校數學科，佢知有ICAS呢個比賽但佢地冇比資料學生，而我 ...

我聽中學都多參加ICAS,都曾聽過有二線津小參加，所以唔清楚係咪少小學參加

Rpp

Dylanli2017 發表於 25-1-19 10:49
咁你就知得少。有個IMO拎國際銀獎既學生當年考保良局小學數學精英賽是全場第1名。整個香港每年得6個中學生 ...

妳講到太誇張了，華夏盃雖說有一定商業利益，但講到非常簡單個人並不認同。又講到保良局數學精英選拔賽非常勁，幾千人參加，個人不認同，若無記錯係學校推薦5人去參加，全港得十多間學校參加咋，好像成績好有30人免費培訓，不過，昇中保持呈分試最大考慮，好多都退出培訓。最差無記錯其他三人都有張優異獎。

babyaustin

回覆 tummypooh 的帖子

多謝你詳細意見，但我地已經P.5，其實P.3時有同學家長知我仔去上資優學院數學班，都有建議過我轉校，不過阿仔同一班朋友仔相處開心唔想轉校，之前都有師兄師姐入九華，喇沙，伊中，真光，但當然係每年得1個果隻，普通BAND 1的話，每年大約有十幾個入到，而家就只想諗下有咩可以幫助到升中考學校，盡力而為啦

LeeCC

babyaustin 發表於 25-1-19 13:38
回覆 tummypooh 的帖子

多謝你詳細意見，但我地已經P.5，其實P.3時有同學家長知我仔去上資優學院數學班， ...

已經小五，就唔好轉校啦，不如裝備好面試
保持band 1,自行報心儀的學校，唔得就抽自己區或者他區借位的1A學校

就算無運，抽唔唔到心儀的，到底係級一，叩門入區內學校都有機會