開心-關心-體驗生活

加樂爹

ANChan59 發表於 24-9-24 13:17
你這招高呀，他知道你點解咁要求，佢會早點上床瞓，以退為進！

我沒有高招, 正如我寫野都是直直板板錄下來, 亦希望有人可以同樣分享.
看別人的有趣方法, 可能獲益更多.

簡單說, 好像不懂講笑話的人, 就要常常聽笑話.   

beastiebistro

加樂爹 發表於 24-9-24 19:23
好呀, 會睇下你日誌, 我仔都係一個大書虫, 不和你比較, 只是嗜書嗜書再嗜書那種.
Board games, 有時好羡慕 ...

當然可以呀，圍棋我仔係有玩開，亦係而家英國學校圍棋學會會長（棋力大約一級同一段之間）。等佢今年搞埋報大學考A level嘅嘢，可以讓年青人交流下呀。

加樂爹

beastiebistro 發表於 24-9-24 19:42
當然可以呀，圍棋我仔係有玩開，亦係而家英國學校圍棋學會會長（棋力大約一級同一段之間）。等佢今年搞埋報 ...

你呀仔呢D太高手啦, 勁呀!
我一坐入去, 就知自己唔係呢瓣; 阿仔睇小我, set 住凡慢慢玩.

你應該享受過好多.

你呀仔高手, 3個叻

beastiebistro

加樂爹 發表於 24-9-24 19:52
你呀仔呢D太高手啦, 勁呀!
我一坐入去, 就知自己唔係呢瓣; 阿仔睇小我, set 住凡慢慢玩.

馬馬虎虎啦，佢有兩個大陸學弟，有成三四段功力，佢哋先真係勁。不過佢哋都係得閒先玩，因為學校有太多好嘢玩

ANChan59

加樂爹 發表於 24-9-24 19:39
我沒有高招, 正如我寫野都是直直板板錄下來, 亦希望有人可以同樣分享.
看別人的有趣方法, 可能獲益更多.

阿仔初小開始，每日講一個笑話俾CEO聽，慢慢有幽默感，啲gags有啲好好笑。到高小要求他用英文講，開始當然生硬，慢慢有改善。

到現在出嚟做事，講故事，講笑話係佢嘅強項，可以緩和冷場。

天外之人

原來你們喜歡POST自己野在日誌. 在網上我好少做呢啲,正常唔會放個人野及家庭野在網上,衹會手寫在薄上不公開. 可以講你們知我連IG/FB/微博呢D都冇玩,所以在論壇上算係講得比較多,正常論壇上沒有封號或關閉網站,應該都可以睇翻以往既留言.

還有留言既幾位家長孩子喜愛閱讀,沒有抗拒讀書既念頭,這就已經可以係孩子享受學習既根源,有了這個'心'自然不用担心孩子學習,亦都係我所指原意.

加樂爹

天外之人 發表於 24-9-24 21:34
原來你們喜歡POST自己野在日誌. 在網上我好少做呢啲,正常唔會放個人野及家庭野在網上,衹會手寫在薄上不公開 ...

其實我都係果D明係比佢玩，暗是導引佢去睇及投入學習的家長。
我問beastiestro平日完成功課後，子女玩物，原因係比我阿仔打機既，覺得其實佢係有佢喜愛既野，當我見佢做超過了面前功課，希望你比佢玩一陣機，係咪錯呢？我很難忍得心下去。

佢返放學，小息，學校讀書會，都會睇書，算學校出聯校比賽的主力。之後去完功課班，返到黎屋企，和我review完功課進度後，呢段空間做物好？！

我會除左引他去看科學，歷史得電視節目，我可以令佢同我睇慶余年，繁花...因為普通話都可以加強，阿仔5年級，大既都比我引導佢睇左1/3既慶余年小說 （全集我記得約20幾本）。

呢D係佢樂趣，正如beastiestro說都是2~3歲家長刻意種落既功夫。

但是佢有空都想打機。

所以，我有問自已，我係咪過份，我想有些小朋友天生係好強意志和自律性去讀書，所以考試會好; 但我呢條細路，鍾意讀，鍾意找資料, 但係馬夫...所以真係唔比佢D空間去打下機嗎，我常問自己

beastiebistro

加樂爹 發表於 24-9-24 23:31
其實我都係果D明係比佢玩，暗是導引佢去睇及投入學習的家長。
我問beastiestro平日完成功課後，子女玩物， ...

每個小朋友都唔同，每個家庭都唔同，每個家長取態都唔同。天生就係人人唔同，冇可能一套方式用落所有人度。我認為我做法最啱我小朋友，你嗰套亦可能最啱你小朋友，大家都可以好好，換咗我嗰套落你小朋友又未必效果最好。

最重要係主動權完全喺家長手，最怕有第三者（或政府）強套邏輯，夾硬控制唔俾選擇。

打機冇大問題嘅，唔沈迷就得啦。我嗰啲只係因為我嘅舖排，變咗冇咩打機意欲，真係一鋪起兩鋪止，寧願走去搵書睇。

加樂爹

beastiebistro 發表於 24-9-24 23:58
每個小朋友都唔同，每個家庭都唔同，每個家長取態都唔同。天生就係人人唔同，冇可能一套方式用落所有人度 ...

其實你做得唔錯，所以請教下。

ANChan59

beastiebistro 發表於 24-9-24 23:58
每個小朋友都唔同，每個家庭都唔同，每個家長取態都唔同。天生就係人人唔同，冇可能一套方式用落所有人度 ...

有些家長認為打機無問題，也有些家長認為十惡不赦。我不喜歡二分法，在1和0中間有無限可能。

大家傾出一個中間方案，例如先做完功課，溫完書，係可以玩嘅。

在初中他打機打到攞亞洲區冠軍，好似係足球，獎金有幾萬元港幣，但他贏咗就冇再打比賽，我覺得奇怪問點解唔再打，他的答案係好花時間同時要求體力及精神專注，跟讀書有衝突，所以改為玩票性質，不再沉迷打機。

另一個原因係上網速度，我哋住宿舍，當時光纖拉未到，網速差太遠，他好難跟其他人打。他問過管理處，網絡供應商，知道冇辦法，就不再勉強，我都慶幸當年冇光纖網絡。

他的同學屋企管得嚴，只可以假期來我們家打機，我哋會自動消失，給兒子錢買外賣，其他同學家長係知道嘅。結果到大學及畢業之後，他們久不久都約在我們屋企打機。而新屋裝修，所有光纖網絡無線上網就他一手策划。

天外之人

加樂爹 發表於 24-9-24 23:31
其實我都係果D明係比佢玩，暗是導引佢去睇及投入學習的家長。
我問beastiestro平日完成功課後，子女玩物， ...

人係有思想,基本上正常係個個做法都唔同,表現出效果亦都唔一樣,我既一套得人地唔得,陳sir/你/beastiestro等等那套得亦可以講其他人唔得,大家都係講出自己方式,睇既家長自會去參考. beastiestro家長都識得講主動權在家長,令孩子有"心"既動力,所以做成呢個"心"我係覺得唔關學校事,大部份都係家長用簡單或過度方式做成,得與唔得睇孩子自己,因此家長做法亦都做成孩子成長心理與外在健康因素.現階段要家長改變係好難,制度改善比較容易去令家長改變.最近得知瑞典係第三個更改教育制度既國家,人地教育制度咁好都要去改,為何孩子學習壓力咁重及開心指數咁低既香港,仲要研究?

沉迷呢個字,各人都有自己準則,亦都定唔到怎樣才叫超過,玩樂係孩子天性不分男女,亦可以講係人天性,冇得玩唔開心基本上會影響其他野(包括學習),亦都係產生叛逆開端. 就好像陳sir講孩子初中贏咗就冇再打,孩子都知道好花時間同時要求體力及精神專注,之後改為玩票性質不再沉迷打機. 我的孩子就冇咁厲害玩到有獎金,不過佢玩"皇者"都玩到好高級,但都任佢玩到一定時間,因他知道我冇抗拒佢玩(更陪佢玩),玩多了就會厭,慢慢成長到中學生思想漸成熟,自會分輕重去做每件事多與少. 當然早期愛的思想教育不可缺少,要做到自覺鐘意睇書,從小培養對書本喜愛很重要,這樣孩子就算玩到咩時間都會容易停止,更唔會限制佢睇咩書,始終好多書作者都唔同寫法(加上我唔好既中文),這樣更令佢知道有什麼不同,亦都因此令佢寫既野,常常都可登在書本上列出給同學參閱.

Radiomama

睇呢個帖，發現應該可能或者係一個全男討論。
無我嘅事⋯⋯我都係出返去先。
感謝分享。

beastiebistro

Radiomama 發表於 24-9-25 13:53
睇呢個帖，發現應該可能或者係一個全男討論。
無我嘅事⋯⋯我都係出返去先。
感謝分享。

點會呢？歡迎分享呀

加樂爹

ANChan59 發表於 24-9-25 04:54
有些家長認為打機無問題，也有些家長認為十惡不赦。我不喜歡二分法，在1和0中間有無限可能。

大家傾出一 ...在初中他打機打到攞亞洲區冠軍，好似係足球，獎金有幾萬元港幣，但他贏咗就冇再打比賽，我覺得奇怪問點解唔再打，他的答案係好花時間同時要求體力及精神專注，跟讀書有衝突，所以改為玩票性質，不再沉迷打機。

真係估你唔到....高手在民間

天外之人

回覆 Radiomama 的帖子

錯,我都係師奶一名,論壇上係不分男女暢所欲言.

加樂爹

Radiomama 發表於 24-9-25 13:53
睇呢個帖，發現應該可能或者係一個全男討論。
無我嘅事⋯⋯我都係出返去先。
感謝分享。

你好, 未有意思全男分享.
只係剛剛好由另一個帖有關教育制度, 我覺得自己太多道理, 不如令自己留意生活一些點滴.

當然歡迎有不同角度, 對小朋友慼知既一面.

beastiebistro

加樂爹 發表於 24-9-25 16:40
你好, 未有意思全男分享.
只係剛剛好由另一個帖有關教育制度, 我覺得自己太多道理, 不如令自己留意生活一 ...

喺我家庭，食都係維繫嘅重要一環。除咗睇書同踢波之外，我最大嗜好係食，連帶仔女都感染埋。從前一到週末我哋就周圍搵嘢食，十蚊兜街邊嘢到一千蚊位我哋都去試。而家佢哋去晒英國寄宿，就我同太太去搵嘢食，我鋪係Facebook紀錄，佢哋會追睇。然後打返嚟傾偈嘅時候，我哋就講下有邊度有咩好食。到佢哋放假返香港，我哋直頭日日出去探險，邊食邊傾，都幾開心㗎。

ANChan59

加樂爹 發表於 24-9-25 16:27
真係估你唔到....高手在民間

你指我兒子？

ANChan59

beastiebistro 發表於 24-9-25 20:25
喺我家庭，食都係維繫嘅重要一環。除咗睇書同踢波之外，我最大嗜好係食，連帶仔女都感染埋。從前一到週末我 ...

我都話你係被廣告擔誤的美食家！

煮食，係我們家的共同點。

兒子試完會有honest feedback，我會改善，到他認為係他覺得的極致。後來去倫敦之前跟我學煮餸，去年去倫敦玩，我再跟他一齊去改良食譜，localise 啲食材及調味料，到我返香港搵，佢煮俾CEO食。你在我FB 都見過一些美食/劣食

他大學時已經有一批成年人飲食朋友，他們去捐窿捐Na搵好嘢食，而且配埋wine pairing。有些餐廳要預早半年去訂。他請過我同班朋友一齊試嘢，多數都係專業人士或者做生意。

這兩次去英國及歐洲玩，他帶我哋食米芝蓮及不少特色餐廳，我有放上FB，在倫敦他又搵到另一班飯腳，還有教朋友手沖咖啡，又識另一班朋友。

加樂爹

我做不到夠強硬都是原因，考慮他理由太多是短點。


打機會引致收機時情緒問題，起碼15分鐘左右。另外，專注情度變差，打完機後要做番15分鐘四則運算，我同佢講呢D係殺菌 （打機菌）既情序。


規舉定下，但只有靠他逐漸成長能確切執行幾多。
（所以寧願不容許，容易處理好多）


阿仔喜歡規劃，包括學習，有時畫晝，看書。。。不過，坦白說打機會增加很多痳煩。
我們一家出門旅行都是好隨意，佢會習慣早上都溫1-2小時書才出外的。
所以，我想只要讀書習慣，board games, 能夠平衡，沉迷都有個迴轉位。


我不多嗜食，因為我是運動人，可惜阿仔唔係，算只有喜歡田徑keep住跑練習。