升中三諗選科，是否太早？

ANChan59

我哋讓兒子中一中二honeymoon ，升中都要適應期，也是反叛期，好多嘢未必聽得入耳。

中三我哋帶佢去三大聽information day，冇乜特別想法，等佢開始了解，他最大得着係知道個別有興趣學科係要高中讀什麼科目，這個是他自己發現，自己會懂得取捨，對中四選科很關鍵。

他也去聽中大港大J and NJ不同入學講座，知道不同遊戲規則，收生不同要求，選擇NSS抑或lB也是重要考量。他當時決定係NSS，都中三出最後成績，二選一，爆冷選lB。

個人覺得中三是恰當的，如果中二去聽大學收生講座，可以早半年了解，中三才發力，可能係最佳時間點。

October.

kchan1997 發表於 24-8-13 20:24
姨娚女數理方面較弱，成績最好係兩科歷史，好大機會揀文科，但相對大學選科就較少選擇，所以先想早少少部 ...

其實睇送食飯，唔算好少選擇，除左純文科外(含翻譯)，LAW, 新聞，Social Science, 社工，政政，幼教等都有得讀，有興趣讀護士既，港大Bio 都唔洗夠分就收你，當然你話一定要讀醫科，咁就唔得啦。
咁多大學BBA，我估有啲BBA 可能都收文科生（這點我沒查過，有興趣可以查下）。

識個男仔最後一屆A LEVEL（第一屆DSE）,數學唔合格，中文A, 入唔到大學，最後讀副學士博返入非三大翻譯，畢業後中大讀電腦MASTER（我認知少，想像唔到） ，一路係保險公司返IT 工，聽講人工唔錯，所以世事好難估。

cloud999

liverpool2023 發表於 24-8-14 09:30
又如何呢？除非能逆轉數理弱既問題，否則數理弱能讀得好Phy,Chem,M1/M2嗎？
Economics 就應該比較容易
...

所以理科生咁多年來也是著數些；基本已成定律。

kchan1997

October. 發表於 24-8-15 11:48
其實睇送食飯，唔算好少選擇，除左純文科外(含翻譯)，LAW, 新聞，Social Science, 社工，政政，幼教等都有 ...

多謝你的分享，好有鼓勵性，唔講都唔醒起，原來文科，揀大學時都多選擇，之後升學都有唔錯的發展

果位男仔好犀利，本科係文科畢業，但Master可以入到電腦科，真係唔好咁快限制自己的能力，勁

可能我仲停留喺自己讀書年代，以為純文科，揀唔到BBA，或者Nursing 科，咁可以叫姨娚女留意一下，謝謝你

kchan1997

Poyau 發表於 24-8-15 02:59
想想 中史+歷史+經濟/地理 如何

DSE 2024

呢個組合唔錯，我家人都認為此配搭較多元化，唔會太偏科

很有用的數據，會慢慢研究，睇吓姨娚女學校，哪一科成績較突出，而她的能力又應付到，謝謝

kchan1997

ANChan59 發表於 24-8-15 10:28
我哋讓兒子中一中二honeymoon ，升中都要適應期，也是反叛期，好多嘢未必聽得入耳。

中三我哋帶佢去三大聽 ...

你哋好有心幫兒子選科，囝囝亦關心自己的學業前途，所以合適的部署，真係有需要，知道自己的興趣，有目標地去逐步完成自己的夢想，很有啟發性，值得大家借鏡

twobirds

我細嗰個今年中二升中三，因經歷過哥哥選科, 涉及考IAL 或DSE的對比，DSE放榜， 聯招放榜，Appeal 等過程，自己慨嘆中三將會是好重要嘅一年，要俾心機讀書，諗定自己點揀科了。希望唔好得個講字

kchan1997

twobirds 發表於 24-8-16 13:41
我細嗰個今年中二升中三，因經歷過哥哥選科, 涉及考IAL 或DSE的對比，DSE放榜， 聯招放榜，Appeal 等過程， ...

男仔來講算好識諗，起碼知道中3選科對上大學重要

姨娚女跟你細囝同年，佢只知道鍾意中史同體育，未明白中4選科對將來影響

我會跟她及家人，縱合反映大家給予的寶貴意見，集思廣益，作出一個較合適的決定

TAIOU4

liverpool2023 發表於 24-8-14 09:30
又如何呢？除非能逆轉數理弱既問題，否則數理弱能讀得好Phy,Chem,M1/M2嗎？
Economics 就應該比較容易
...

數理弱唔保救
但數學又冇得唔讀
其他科都未必超靚分
Best 6冇科數變Best 5
玩完

October.

TAIOU4 發表於 24-8-16 19:18
數理弱唔保救
但數學又冇得唔讀
其他科都未必超靚分

數學弱只要有心學,有得救。我囡強文科，中學B1A校，佢中二下學期開始數學唔合格，到咗中四下學期見唔補唔得，去咗一間蚊型補習社，佢自己下定決心，好俾心機學，DSE 時經常關埋門，SET 鬧鍾操題，結果DSE 數學取5，算唔錯。

所以，我覺得智力正常既人，只要有心讀書，取**或者難，但要拎 4-5應該得。

TAIOU4

October. 發表於 24-8-16 20:30
數學弱只要有心學,有得救。我囡強文科，中學B1A校，佢中二下學期開始數學唔合格，到咗中四下學期見唔補唔得 ...

見好多人文科有2科5以上
都算是聰明人

死科數
Best 5 唔夠23分
冇乜好科選

TAIOU4

liverpool2023 發表於 24-8-16 20:08
點會呢？數學只要保2
其餘還有中英文和三科選修喎！best 5就可以啦！
當然，你要讀醫就梗係唔得

有D學校唔畀低分人收多過2科
以前有通識頂多科變6科
變成5科後
數學得2畀你其他全5都係得22分
有乜好科可選?

TAIOU4

liverpool2023 發表於 24-8-16 22:35
而家沒了通識，學校不是都主張學生修三科嗎？

成績好就係
先要自己有價值
人家才覺得你值

學校好窩心地同要補底學生講
叫佢o地讀少科都係為佢o地好
驚佢o地讀唔掂呀

ANChan59

October. 發表於 24-8-16 20:30
數學弱只要有心學,有得救。我囡強文科，中學B1A校，佢中二下學期開始數學唔合格，到咗中四下學期見唔補唔得 ...

她很有決心去攻關，抵贊！

October.

liverpool2023 發表於 24-8-17 06:00
你女當時花咁多時間在數學，佢其他科唔駛花時間嗎？文科在後期唔需要好多時間溫習嗎？
...

佢其它科花既時間唔多架，因為佢從來都唔係一個讀書好勤力既人，好在佢記性好。

佢當時數學唔合格，並唔係能力問題，係上堂唔聽書，睇小說，寫野，有啲青春期反叛，性格我行我素，只做自己有興趣既野，被老師見家長，話好可惜。

好彩高中遇到好老師，數學科主任，叮一聲開竅（肯去努力追反課程），好搞笑，佢後尾話佢中意咗數學，有啲太遲，如果早啲開竅，成績應該會更好。

October.

ANChan59 發表於 24-8-17 10:50
她很有決心去攻關，抵贊！

所以我成日覺得，人係可以改變既，只要自己有決心肯努力。

大學畢業後，更加脫胎換骨，變咗個人，感恩！