求分享考直私心得同經驗 - 小一選校 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小一選校 › 求分享考直私心得同經驗

123 4 下一頁

發新帖

樓主: yi_116	go 求分享考直私心得同經驗 [複製鏈接]

Rank: 4


	874

21^#

發表於 23-11-15 18:29 |只看該作者

由大仔 pn 開始，我基本上每日都會上EK 蒲吓，已經8年啦。留意到每年總係考小前後出現一堆「分享」post…每一次內容好似唔一樣但係都條路不外乎係：

讀卷幼/內向/唔清楚公海情況——所以面試班是必須的！

讀私幼/條件好/還是沒有好offer —— 因為人地兩歲開始上面試班而你冇囉！

有上面試班但冇好offer —- 咁一定要考cert 同上叩門班為叩門做好準備啦！

玩完兩次升小遊戲，再經歴過小朋友響小學嘅d真實生活，只能對以上「必勝路線」笑而不語。而家資訊泛濫，要搵升小資料其實唔難…. 但作為家長，critical thinking 真係必須㗎。

我成日有個疑問，當面試班老師講到面試班幾咁神奇嘅同時，莫非佢哋個個都train 倒自己D仔女入神校？(emoji)

利申：大仔因為當時作為新手，有上面試班同考cert, 最後只有一間考筆試（iPad)差唔多完全冇interview 成份嘅私小收，細女因為已經知道個game 係點，冇上面試班，冇cert, 最後考十間中八間。講到尾，求人不如求己

點評

發表於 23-11-17 01:41

Rank: 2


	31

22^#

發表於 23-11-15 18:34 |只看該作者

luichamama 發表於 23-11-15 18:29
由大仔 pn 開始，我基本上每日都會上EK 蒲吓，已經8年啦。留意到每年總係考小前後出現一堆「分享」post…每 ...

本帖最後由 yi_116 於 23-11-15 18:39 編輯

本帖最後由 yi_116 於 23-11-15 18:38 編輯

過來人睇法，個game係點，求己，咁您自己做咗D咩幫小朋友？thanks

Rank: 5 Rank: 5


	4277

23^#

發表於 23-11-15 18:48 |只看該作者

本帖最後由 lot888 於 23-11-15 18:50 編輯

回w家長，你可能太focus直小offer，忽略你手上發光的籌碼。由於你有別一般家長，冇迫小朋友學乜學物，迫佢记一大堆家長都未必識嘅生字。亦由於有这無壓力環境，小朋友已自己培養出學習興趣，自己找故事聽，要做到這點不容易。無直小offer眞不算什麼，好嘅津小其真不小，如你小朋友能入讀並保待這態度(唔好俾佢太早接觸手机) ，加上讀津小很少會偏料，中英都強，最後小學呈分，畢業成绩更可能為你帶來驚喜，入讀名直，名津中學绝不是遙不及，相反更是唾手可得。家長，對自己產品要有信心。

Rank: 2


	31

24^#

發表於 23-11-15 18:53 |只看該作者

lot888 發表於 23-11-15 18:48
回w家長，你可能太focus直小offer，忽略你手上發光的籌碼。由於你有別一般家長，冇迫小朋友學乜學物，迫佢 ...

但如果只靠抽獎，又好無保障

Rank: 5 Rank: 5


	4277

25^#

發表於 23-11-15 19:00 |只看該作者

回覆 luichamama 的帖子

家長果然清醒。每每看到一些回覆話後悔冇上面試班，應一早要報,....，我就會小心或skip個post。因為中間已隱含利益元素，可信道大減。

Rank: 4


	779

26^#

發表於 23-11-15 19:13 |只看該作者

luichamama 發表於 23-11-15 18:29
由大仔 pn 開始，我基本上每日都會上EK 蒲吓，已經8年啦。留意到每年總係考小前後出現一堆「分享」post…每 ...

你講得好啱，要了解個game 點玩，如果家長好熟，家長充當軍師絕對可以。我細仔無再參加大仔之前的興趣班，只係集中覺得有幫助有興趣的。之前大仔考得一般的題型會加強係細仔身上。

只係講身處其中，好多家長都係好搏的。

Rank: 5 Rank: 5


	1208

27^#

發表於 23-11-15 19:13 |只看該作者

lot888 發表於 23-11-15 19:00
回覆 luichamama 的帖子

家長果然清醒。每每看到一些回覆話後悔冇上面試班，應一早要報,....，我就會小心 ...

其實佢決定收唔收你入面試班時，已經會先睇左個小朋友有無能力考小先，學術差的根本唔會收，會話好多人waiting 跟叫你排，你係叻的，佢即時收你啦。面試班唔可以話完全無用，但又真係唔係甘神lo，最終有offer 的，都係因為家長本身操到個小朋友有能力考小。

Rank: 5 Rank: 5


	4277

28^#

發表於 23-11-15 19:15 |只看該作者

回覆 yi_116 的帖子

先唔好覺得抽獎有問題，有好多係打手制造出黎假像，佢哋要做大個餅，如直，私冇人報就大獲。如果抽入中區彼得仔，葵青兩仁立，灣仔兩軒，沙田兩呂，新舊大天，新舊油天，觀塘兩兆，TKO馮晴，將天，（其他區唔熟）還有很多很好津小，之後條路分分鐘重好行。如果你喜歡，小朋友配合，插班也绝冇問題。

Rank: 4


	779

29^#

發表於 23-11-15 19:17 |只看該作者

HOPEFORBB 發表於 23-11-15 17:13
回覆 yi_116 的帖子

我唔係有咩心得，反而係感受，今年我小朋友考小，成績好一般，一路過到第一round，但 ...

名幼並沒有每日操練面試題目。
真係靠家長自己。可能名幼的名對叩門地區津小有用。

P.S 名私幼用家

Rank: 4


	779

30^#

發表於 23-11-15 19:21 |只看該作者

lot888 發表於 23-11-15 19:15
回覆 yi_116 的帖子

先唔好覺得抽獎有問題，有好多係打手制造出黎假像，佢哋要做大個餅，如直，私冇人報就 ...

本帖最後由 fmf903 於 23-11-15 19:22 編輯

邊有咁多打手。
考直資其中一個原因是想要直屬中學，不想6年後要呈分。
我當時嘅策略只係報有band 1A中學部嘅小學。
這類學校真係唔憂冇人報，年年都幾千人

Rank: 5 Rank: 5


	2467

31^#

發表於 23-11-15 19:21 |只看該作者

yi_116 發表於 23-11-15 14:01
心得同經驗分享(emoji)(emoji)

例如小朋友有offer ，係有咩特質同技能？

本帖最後由 sandra1004 於 23-11-15 19:25 編輯

讀屋企附近的開心幼稚園就ok
太細的小朋友應該訓多d
即使現在上左小學，我仔女都9點訓

伴讀，由淺入深，不求認到字
只求可以當親子活動
上烹飪班，做義工活動
參與嘉年華
去各大博物館
去書展睇書
去圖書館
珍惜時間一齊去玩
有上左5堂面試班
小朋友技能：自信，肯開口表達自己，無論對錯，識或者唔識
上左小學，冇甘多時間玩
細仔讀直資小學，希望幫到你

Rank: 2


	31

32^#

發表於 23-11-15 19:27 |只看該作者

sandra1004 發表於 23-11-15 19:21
本帖最後由 sandra1004 於 23-11-15 19:25 編輯

讀屋企附近的開心幼稚園就ok

自信，肯開口，真係要加倍努力先得

Rank: 4


	795

33^#

發表於 23-11-15 19:55 |只看該作者

回覆 fmf903 的帖子

唔好意思，可能我講得唔好，我意思"操練"，唔係日日返學操面試，係名幼所教的學術內容係相對地接近小一水平，因為我見過朋友讀名幼的教材，同我小朋友幼稚園所讀一般私幼相比，程度上差好多，所以當去考小一考學術時，就好容易高下立見，即使我哋做家長的有同佢溫習閱讀，係時間上浸淫相比，根本不能同日而語

當然小朋友性格都有影響，因為唔怕羞，肯主動表達，係面試上都會佔優勢

Rank: 4


	795

34^#

發表於 23-11-15 19:57 |只看該作者

回覆 fmf903 的帖子

唔好意思，可能我講得唔好，我意思"操練"，唔係日日返學操面試，係名幼所教的學術內容係相對地接近小一水平，因為我見過朋友讀名幼的教材，同我小朋友幼稚園所讀一般私幼相比，程度上差好多，所以當去考小一考學術時，就好容易高下立見，即使我哋做家長的有同佢溫習閱讀，係時間上浸淫相比，根本不能同日而語

當然小朋友性格都有影響，因為唔怕羞，肯主動表達，係面試上都會佔優勢

Rank: 5 Rank: 5


	1277

35^#

發表於 23-11-15 20:32 |只看該作者

yi_116 發表於 23-11-15 18:20
有無面試班介紹及分享，宜家都諗梗報咩面試班好

唔推介啦，我唔係打手。多同家長閒談，尤其是target直資嗰d，就會有知道多些行情。
當然亦好睇你target邊個級別的直資。要入最難入的那些，學術和各方面要求都最高，所以絕大部分入這些學校的都有讀面試班

Rank: 4


	874

36^#

發表於 23-11-15 21:27 |只看該作者

wannabefa 發表於 23-11-15 17:39
我讀的係名私幼
但都出名好淺
比一般屋村幼稚園仲淺

加油，玩完升小遊戲的確會令人反思好多自己一直以來堅守的育兒理念是否合適。我自己一直嘗試搵個中庸之道，快樂同興趣需要好好捍衞，同時學術也要兼顧一下，畢竟升小學之後成績都係建立小朋友自信心嘅一部分。

有時間，你可以去望吓小一嘅書同作業，諗吓小朋友到下年九月既學術底子應唔應付倒，如果冇咩信心，咁可能真係要升小之前打好小小底子，反正叩門亦會用得著。方法有好多，可以的話試吓自己教，可以由簡單認字，玩串字遊戲開始，當比小朋友早D習慣吓每日有一小段同爸爸媽媽認真「讀書」嘅時間。

Rank: 3 Rank: 3


	198

37^#

發表於 23-11-15 22:06 |只看該作者

去到呢個已放OFFER/二面既階段
我只能夠講真係好多決心好大(即係谷

)既家長
而佢地既努力大部分都獲得認同

至於小朋友, 我相信性格因素佔大部分, 特別係有自信既小朋友
係面試表現機會大好多 (呢點都係我之後要同小朋友再多加功夫)
學術只係需要基本, 唔係代表冇
讀邊間幼稚園? 其實唔會特別睇
運氣? 實力緊要過運氣, 但有時候你同邊個一組, 都可能會主導最後成績

Rank: 5 Rank: 5


	4277

38^#

發表於 23-11-15 22:21 |只看該作者

回覆 fmf903 的帖子

我並無挑戰之意，只想理性討論。看到閣下及很多家長唔想呈分，核心原因是什麼？呈分是一個比較客觀數據，教局可發給中學作收生比對。除少數龍校如st Marry直升，大部份龍中都有篩選，如小朋友冇呈分，冇RO，甚至冇實際學校排名，小朋友及家長會更大壓力，壓力原自對實際情況嘅掌握，未到最後，都唔知龍中收唔收，如想外闖又能拿什麼東西呢？如果發覺小學不適合，唔想升龍中又係另一頭痛位。有些學校要睇RO，無呈分，小朋友又再一次被拒門外。實際上，家長只可由一年級開始谷小朋友，提前施加壓力，這又是否你考龍校原意？事實上，這六年內，你只可做合作家長，很難對學校作出批評或投訴，你願意嗎？

Rank: 5 Rank: 5


	1249

39^#

發表於 23-11-15 22:45 |只看該作者

本帖最後由 f00130 於 23-11-15 23:06 編輯

yi_116 發表於 23-11-15 19:27
自信，肯開口，真係要加倍努力先得

老實講，小朋友性格好大部份係天生的，就算上面試班好可能只係幫到少少但未必如你想像般發揮好大助力有些小朋友學術不錯但把口真係撬唔開咁叻極都無用
如小朋友比較文靜係較輸蝕因為較難突出自己
但至少要令他肯聽從指令人地問問題，能用完整句子答人呢個係基本。
社交都重要簡單啲可帶佢多些落公園同不同小朋友互動，到教會或興趣班同不同年齡的人互動參加朗誦練大個膽等等逐步建立社交力和表達力。同埋唔好忽視親子時光、假日家庭活動，小朋友最誠實，一條最大路的面試題，平時爸媽會同你做啲咩？要給小朋友多些體驗，佢哋先具體講得出，若答咗去上堂就唔係咁好啦。

Rank: 3 Rank: 3


	133

40^#

發表於 23-11-15 23:03 |只看該作者

wannabefa 發表於 23-11-15 17:53
嗯，老師無講衰咩
話唔關事的
就合眼緣這樣

真相係小朋友學術，行為未達標，
家庭方面亦不是學校的want。

‹ 上一主題|下一主題 ›

123 4 下一頁

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢