給內向型小朋友的家長去考小一的一點意見

超能爸爸

回覆 Greyma 的帖子

小朋友慢熱型，6月叩門時結果會好一點。

不過，現階也不要氣餒，只係這個遊戲他不擅長，並不是他的錯。

要有耐性，給他信心，順風而行，不要執著於一兩間學校，放鬆心情，好結果一定會來，只是時間問題，加油呀。

nicolekwok1214

超能爸爸 發表於 22-10-10 22:06
回覆 Greyma 的帖子

小朋友慢熱型，6月叩門時結果會好一點。

你好, 我小朋友都係內向慢熱型. 你覺得面試班幫唔幫到依類小朋友

我驚佢上堂會有挫敗感
但又可以適應面試形式

Greyma

回覆 nicolekwok1214 的帖子

我覺得有用，可以熟習面試模式，係有進步，但始終係小朋友性格，好難360度改變。

yubaba

多謝分享~ 仲有一類如我嘅小朋友, 不是全內向型, 看環境、心情, 表現差好遠~ 我一直以為佢唔怕生, 的確某D環境, 特別可同校長、老師freetalk嗰D學校表現好D, 如果流水作業, 如tsl or 港同zoom in, 就完全發揮唔到, 仲變得緊張。我本身心儀一間傳統40人一班嗰D私校, 經過呢幾個月面試, 使我對我小孩認識更多, 我應該都會揀一間比較多元化同學得活D嘅學校比佢~

超能爸爸

回覆 yubaba 的帖子

其實大人面試也講狀態，何況一個只得5嵗左右的小朋友。
我個仔上年Zoom in拍片全部喊咁口，現場interview又好正常的。

每個小朋友也是獨一無二，因塵佢的性格能力去選學校一定冇錯。

你已經很了不起，會觀察佢而改變自己原本的想法，好多家長也一成不變，這只會害了小朋友。

祝你小朋友入到心儀學校。

MsMJ

請問樓主，你覺得內向型小朋友是否應該多攞啲獎狀或考試證書，平衡返自身表達能力上的不足呢？謝謝你。

Ckw2019

MsMJ 發表於 22-11-23 12:30
請問樓主，你覺得內向型小朋友是否應該多攞啲獎狀或考試證書，平衡返自身表達能力上的不足呢？謝謝你。 ...

我覺得如果係第一階段，報名就有得見，係唔需要太多獎狀或証書，GAPSK, Cambridge真係通街都有。反而叩門個啲階段就可以睇埋參考下，不過都係個句，一般嘅學術獎其實大把人有。
我小朋友有少少內向，考直私都有唔錯嘅結果。我鼓勵佢，點都要試下答人問題，唔好唔出聲，或者輕易放棄，不斷提醒佢呢幾樣嘢。我知道我小朋友就算唔係好自信都好，佢都努力去回答問題。可能啲學校都要balance一下搵啲定定地又肯答下問題嘅小朋友，所以都有唔少收左我小朋友。你諗下，如果全班都係活躍型，老師嘅class management會好難。

tummypooh

奬狀證書，除非你係一啲含金量超高的比賽，否則張「證書」真係冇咩用。
證書冇用，但可能你去學的嘢對你面試筆試有用，所以應該係以學習的心態去上個啲課外班，而唔係為左張證書。

Dybala

nicolekwok1214 發表於 22-10-28 11:33
你好, 我小朋友都係內向慢熱型. 你覺得面試班幫唔幫到依類小朋友

我驚佢上堂會有挫敗感

面試班有用, 但唔好去啲太chur或者有mock interview但只會比返排名同成績你睇, 而唔會同你傾有咩改善方法嘅
當年個女去間係呢類型嘅, mock interview佢200幾人排到尾十咁上下, 結果家長同細路都好泄氣

雖然根據呢個成績係可能會全軍覆沒, 亦都打定輸數, 但結果又唔係咁, 都攞到幾個雖然唔係一線, 但都值得讀嘅offers

所以搵間老師能夠用正面方式幫到小朋友改善interview表現, 老師又樂於同家長溝通嘅面試班, 點都係有幫助嘅

yubaba

Dybala 發表於 22-11-24 11:07
面試班有用, 但唔好去啲太chur或者有mock interview但只會比返排名同成績你睇, 而唔會同你傾有咩改善方法嘅 ...

講得啱, 嗰啲排名真係冇乜用~ 我嗰間係好粗略話咗畀我聽, 我仔係頭40%, 咁出嚟個結果都幾啱, 超過3000人報嗰啲基本上都行人止步, 但二千多或者二千以下嗰啲基本上有second in或者有offer~

超能爸爸

回覆 MsMJ 的帖子

我覺得證書好像甜品，不是完全沒有作用，但又不是主菜。

對於唔係個個都in的學校，佢一定係從portfolio，幼稚園學校或證書等去判斷給面試機會與否，所以用處可以去表示你有心栽培小朋友，唔係靠晒學校。

至於係咪都有得in的學校，可能看也不會看證書，主要看面試表現。

對於內向小朋友，我建議去讀Trinity，一來可以訓練他面試交談，二來證書含金量亦不錯，其實Trinity到level 3也學很多文法，對打好基礎亦有幫助。

tcdino

超能爸爸 發表於 22-11-24 22:59
回覆 MsMJ 的帖子

我覺得證書好像甜品，不是完全沒有作用，但又不是主菜。

多謝你一直以來的分享，很勵志和實用（即使我孩子不是文靜類型）! 我之前就是看你推介Trinity 3, 我孩子考到也覺得很有幫助，現在有幾個心儀的offer

超能爸爸

回覆 tcdino 的帖子

恭喜你呀。
多謝你話我知，其實幫到人我比你更開心。

Wonggyymm

超能爸爸 發表於 22-8-31 15:10
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心 ...

請問係卷幼定名幼？係咪卷幼再難啲訓練？

超能爸爸

回覆 Wonggyymm 的帖子

我小朋友係讀券幼，有些名幼會幫手訓練interview當然會幫助大啲，但自己用心幫他也可以做到的。
如果肯努力，其實結果一定唔會太差。

多多宝

Greyma 發表於 22-10-10 12:58
多謝你既分享。不過真係越 in越擔心，小朋友慢熱性格內向，好似點準備都好，都已經輸左7成，我已經有心理準 ...

慢熱內向唔緊要，只要學術OK，有問有答，一定有唔知一間一線學校收。

18babycome

回覆 超能爸爸 的帖子

謝分享

chingchub

建議如果小朋友係初小階段仍然保持內向慢熱口齒唔伶俐，係升高小後仍有需要盡早加強口語思維訓練，升中面試係另一個更重要既戰場

Anne_Hall

chingchub 發表於 24-2-11 17:56
建議如果小朋友係初小階段仍然保持內向慢熱口齒唔伶俐，係升高小後仍有需要盡早加強口語思維訓練，升中面試 ...

我仔就係慢熱怕羞型，升小時考直資，用盡方法令佢無咁慢熱，但最後都得兩間二線龍校正取，一間call waiting收，叩門結果反而好少少。

但佢而家初小仲係好怕醜，其實學校比好多機會小朋友表現自己，但佢性格係咁，除左等開竅都諗唔到仲有咩方法。

jinJJ

thanks. it is worth reading this post.