校車安排

mandy_ng207

同情你的處境，當年我自己讀小學，同區（九龍城區）嘅校巴都要兜足一個鐘先返到屋企。我連返學都要早個半鐘上車返同區嘅學校，都幾無奈。如果可以安排姐姐坐的士去頭站接，都係一個可行嘅安排，總好過自己去學校接放學。但ECA方面可能要改遲少少，或者唔好日日上。我個仔今年都轉校，要坐校巴，我特登打去問咗校巴公司有冇我個站（佢寫喺度嘅站唔一定會開），結果俾我發現佢放學根本唔會上我屋苑，架車停完火車站就出九龍，我只可叫屋企人出火車站接佢坐小巴返屋企。只係經驗分享，下次比大訂前要自己打去校巴公司問清楚先，網頁上寫嘅嘢未必準確。無論如何，希望你小朋友嚟緊喺新學校讀得開心，又可以搵到適合嘅放學方法。

JackyTY

melobi12 發表於 22-8-16 12:01
個人經驗只可以硬食....

我地揀學校前明明睇左上一學年校車有我地屋苑呢個站，我地先選擇間學校 + 買樓搬 ...

係，都預咗硬食，所以佢先未等我哋覆，就二話不說cancel咗我個service。明白每個家長都會想盡量縮短自己小朋友嘅搭車時間，校車公司亦會希望選擇一條較方便佢哋嘅路線，明白兩者好難平衡，不過如果校車公司提供往年嘅校車站資料，呢個係會影響家長選擇學校嘅決定，如果會有重大改變，對受影響嘅家長嚟講亦都好唔公平。

mandy_ng207

JackyTY 發表於 22-8-16 12:27
係，都預咗硬食，所以佢先未等我哋覆，就二話不說cancel咗我個service。明白每個家長都會想盡量縮短自己小 ...

經驗之談啦，校車網頁路線唔係咁可信⋯就以我仔新學校為例，佢返學有一架車專去佢嗰區，但放學架車就要出埋九龍，所以就飛咗兩個要上山嘅屋苑，但係另外兩個上山屋苑因為順路出九龍，佢又肯停。但路線嗰度唔會話俾你聽放學會飛咗你個屋苑，你唔打去都唔會知。

JackyTY

mehaha 發表於 22-8-16 12:05
完全明白，我女黎緊返學搭校車嘅話來回都要1.5個小時（自己搭的士嘅話只需20分鐘）….本來我地accept offer ...

最後都係唯有家長自己安排接送，我都好無奈，因為自己真係有了解過校車路線，見到有自己屋苑再加上係比較近嘅站先做決定。希望大家嘅小朋友都揾到適合，又唔使交通方面太折騰嘅學校啦。

964000

JackyTY 發表於 22-8-16 12:34
最後都係唯有家長自己安排接送，我都好無奈，因為自己真係有了解過校車路線，見到有自己屋苑再加上係比較 ...

係真係好無奈，我都試過以前有間學校，因為見校車40min所以放心報，點知到開學先通知combine咗兩條線，變咗要1hr20min才到（自己駕車25min), 當時小朋友才三歲，和學校反映都幫唔到，只可選擇坐同唔坐，唯有自己稔咗好多方法，例如搬屋兩年/請part time司機車一程，後來好采有人好快頂唔順退出（退出又唔比再join返），少了一個站咁我地便早30min到了，第二年轉了校要過海，校巴車程反而只需30-40min (自己駕車也是25min).
所以我發現這方面大校加連中學部有個好處，人數夠便可以開多啲線唔洗兜咁耐。

ckmammy

JackyTY 發表於 22-8-16 11:50
去程返學係我嘅屋苑上車，之後有多一個站就直接返學校。 回程放學係第10個站，最後落車嘅一個站。
...

你可唔可以返學嗰程坐校巴，放學姐姐接？

Augesttime

JackyTY 發表於 22-8-16 09:37
我都唔知應唔應該反映，小朋友日日都响佢哋車，擔心會有說話聽之類。 其他方案就係姐姐搭的士去頭站 (約10 ...

make sense 好多人都係咁做。自己早幾個站接咗再去其他活動。

不過你話一星期有四日咁樣又多啊。
但抖唔抖先去，呢d都係自己再諗諗點取捨啦。

祝早日解決，都快開學了

JackyTY

964000 發表於 22-8-16 13:47
本帖最後由 964000 於 22-8-16 15:51 編輯

係真係好無奈，我都試過以前有間學校，因為見校車40min所以 ...

無辦法啦 原來咁多家長都有類似經歷，校車公司根本唔會啋我哋，睇嚟都係要硬食，唯有安排姐姐出去接佢，或者再作安排啦。一個四歲嘅小朋友，坐1個鐘頭20分鐘，真係有啲後悔自己選校嘅決定。

siufan15

回覆 JackyTY 的帖子

我小朋友上年搭開校車，今年學校轉左校巴公司，早左15-20分鐘（如果自己接送只是35mins，校車要1個鐘10分鐘），我向校車公司詢問，佢話因為改咗路線，我都好唔明，轉校車公司時明明承諾有更好服務，點知係咁！最後我選擇自己接送，我同朋友講開，佢話新校巴公司d校車原來好污糟，冇消毒🙄

nerochar

原來咁多家長都有類似遭遇，想知道EDB有冇限制校車車程？ 又或者可以向EDB投訴向校車公司作出監管，限制車程時間同站嘅數目？

Choochootrain

nerochar 發表於 22-8-16 22:03
原來咁多家長都有類似遭遇，想知道EDB有冇限制校車車程？ 又或者可以向EDB投訴向校車公司作出監管，限制車 ...

車程長，校車污糟(垃圾，曱甴)，投訴無門，收費肉隨針板上硬食年年加，之前”放暑假”車費照收…

deco99

JackyTY 發表於 22-8-16 16:55
無辦法啦 原來咁多家長都有類似經歷，校車公司根本唔會啋我哋，睇嚟都係要硬食，唯有安排姐姐出去接佢，或 ...

得四歲坐咁耐真係慘，我揀學校真係睇埋校車，改路線好無奈

melobi12

JackyTY 發表於 22-8-16 16:55
無辦法啦 原來咁多家長都有類似經歷，校車公司根本唔會啋我哋，睇嚟都係要硬食，唯有安排姐姐出去接佢，或 ...

或者返學好開心呢。

我女都試過4歲時坐校車，尾站落車兜成個鐘有多。小朋友有得4歲，開始識同同學傾計同玩，有時佢又會攞隻自備嘅充氣頸枕（用手按制充氣，小朋友都handle到）出嚟瞓覺，瞓醒落車就好精神。

nervousmichelle

melobi12 發表於 22-8-17 11:08
或者返學好開心呢。

我女都試過4歲時坐校車，尾站落車兜成個鐘有多。小朋友有得4歲，開始識同同學傾計同 ...

咁真係睇小朋友嘅情況而定。我個女之前校車都要坐成個鐘，落車時次次都話唔舒服，想作嘔。返到屋企都要抖幾耐先可以做其他事。始終，可以唔坐校車咁耐肯定係最好嘅。後來自己每日地鐵接送，囡囡就好開心，唔會唔舒服。

964000

就算同一間公司，都可以因每年各人住所組合不同而路線不同，啱啱收到今年schedule, 做了尾站，比之前遲17分鐘上車，過海都半小時內到，好開心呀

melobi12

964000 發表於 22-8-19 10:09
就算同一間公司，都可以因每年各人住所組合不同而路線不同，啱啱收到今年schedule, 做了尾站，比之前遲12分 ...

返學做到尾站真係有中獎嘅感覺

nganchi176

JackyTY 發表於 22-8-16 11:50
去程返學係我嘅屋苑上車，之後有多一個站就直接返學校。 回程放學係第10個站，最後落車嘅一個站。
...

咁樣就好明顯。校巴公司係話要公平。你小朋友返學嘅時間已經短咗，如果放學都一樣係最快落車，咁對其他小朋友就唔公平。之前有家長問冠X，佢係咁樣答

eleung123

回覆 nganchi176 的帖子

Yes, it's a fair deal都好容易理解

nganchi176

eleung123 發表於 22-8-19 18:20
回覆 nganchi176 的帖子

Yes, it's a fair deal都好容易理解

yes i think it’s pretty fair.

我小朋友都係咁，去程要一個鐘返嚟20分鐘。

mehaha

nganchi176 發表於 22-8-19 17:26
咁樣就好明顯。校巴公司係話要公平。你小朋友返學嘅時間已經短咗，如果放學都一樣係最快落車，咁對其他小 ...

delete