小一補中英數是常態?

boyboobee

bananaGi 發表於 22-5-18 13:57
你唔係補全科咩??

大女兒小一至小三有老師上門，不過主要是督促做功課和測考前溫習，因為孩子很抗拒做作業和溫習，沒有人督促就欠交。小四開始只到外面補中文了，英文基本上無需補習，數學科雖然也比較弱，但小五前仍可應付，小五開始由學校老師幫忙，加上自己跟進也勉強能跟上。

bananaGi

boyboobee 發表於 22-5-18 14:27
大女兒小一至小三有老師上門，不過主要是督促做功課和測考前溫習，因為孩子很抗拒做作業和溫習，沒有人督 ...

你今年呈分?

boyboobee

bananaGi 發表於 22-5-18 14:50
你今年呈分?

9月入讀中一了

bettylm98

朋友個仔小二英文補3班,分別writing,grammar 同oral,中文補2班,普通話,寫作,仲要補埋數學,日日放學都要補習,小朋友真辛苦mouth:" />

Raccch

小一一般作業不多，其實主要都係培養小朋友習慣小學生活。感覺小一小二其實應該未需要補習，小朋友留心聽書就夠。我都識其他小朋友由幼稚園開始已經好自覺讀書溫書唔使爸媽操心，但自己個個唔係。
我女雖然中意睇書，但係寫作就一般般，可能以前未開竅，我覺得有老師補習作文可以提高得快啲。我自己中文英文都唔係話好差，但係睇完啲教材都覺得自己係教唔到寫作。

day_bo

PSKLAI 發表於 22-5-13 20:51
有時外判俾人效果更好自己教係得
不過好易變成家嘈屋閉

家嘈屋閉係因為每日檢查功課叫佢改又唔合作?一或連做功課都唔肯?
我也是雙職。我o個個算肯做功課，當然有時會有錯地方，叫佢改就拆天...一個錯處糾纏好耐。於是我尤得佢錯，小二開始冇check功課了，但你要接受好間唔中攞丙...(明白未必人人接受到)，間中會提佢要認真做功課....不過你會分到其實佢跟唔跟到，佢錯完改正明番跟到咪得攞，功課唔一定要o岩哂。當然測驗考試前幾日都一定要同佢温，一直成績總算不錯，9月升中一了。小五、六較弱既一兩科係藉得補下既...但初小我覺得不太需要，除非真係落後好多。

Raccch

回覆 bettylm98 的帖子

吓？小二仲係初小已經分開補？一般只有高小準備呈分先聽講分開專補。即使經濟唔係問題都要考慮下小朋友係咪頂得順咁樣補習法，如果小朋友真係各個方面都達唔到學校要求真係要諗下學校是否適合繼續讀落去。

sydneywongaus

宮二 發表於 22-5-15 07:39
學校教得好，上課留心，自動自覺自己做好功課，就算是雙職家長，都完全唔駛補的。
課餘時間留下來做運動、 ...

才小一, 已經去補習太痛苦了吧?如果補習係去玩咁學, 都還可以...
悶悶的操練方法可能會讓孩子討厭學習

PSKLAI

day_bo 發表於 22-5-20 16:30
家嘈屋閉係因為每日檢查功課叫佢改又唔合作?一或連做功課都唔肯?
我也是雙職。我o個個算肯做功課，當然有 ...

敢問一句, 本身同學們谷唔谷?

day_bo

PSKLAI 發表於 22-5-21 08:37
敢問一句, 本身同學們谷唔谷?

家長之間好少談論點樣谷溫習之類，我諗本身間學校較少家長狂谷，不是名校，但算是地區一線津小。

mclh

有需要先補

retriever

PSKLAI 發表於 22-5-13 20:51
有時外判俾人效果更好自己教係得
不過好易變成家嘈屋閉

小一補中英數點會係常態?


諗起多年聽到一個真實笑話. 辦公室有人懷孕, 年輕女同事起哄, 聽埋聽埋結論話很多女人如不開刀生不出小孩. 有口痕男同事忍不住爆了一句: 如果真是這樣, 人類早絕種了

Azzurro

只要你去個啲補習中心集中地走個圈就會見到人山人海
呢啲集中地基本有唔同中心：中，英，數，普通話，鋼琴，畫畫
中英數都好多初小小朋友

初小中文同英文好簡單，多睇書一定成績好
成績好，必然係多睇書
所以圖書館相對少人好多就知道點解補習中心人多

香港整體來說的話，有少部分家長（可能 20%）係 0-6歲已經有所準備（睇書）
所以初小唔使補習

但係一部分家長（可能 20%）係小朋友 0-6歲嘅時候冇任何準備，當然要係初小開始還債
不過圖書館依然比補習社有效得多

當然更多的家長（60%）依然係初小嘅時候一頭霧水

以上 20%-20%-60% 就成就了以後升中嘅 band 1-2-3 分流嘅歷史源頭。。。

Azzurro

由於幼稚園和初小嘅內容比較簡單
基本上正常冇讀過大學香港家長一定搞得掂中文和數學
讀過大學嘅家長應該都好容易搞掂英文
基本上小朋友投入同產出必然成正比

初小成績一般/ 差只是正確反映了過去六年父母嘅方法和習慣某程度有問題。。

如果一個小朋友冇睇書習慣，只一個星期去補習中文三次每次一個小時（3小時投入）
還是
一個小朋友星期一到五睇中文書一個小時，週末每天 2-3小時（共 10小時）比較好

係智力差不多情況下，肯定係後者產出好得多
大費周章送去補習社只係家長比自己有出錢出力嘅假象。。
（難道某些家長覺得自己小朋友智力比較差？）

要係學校和測驗考試建立正激勵循環只睇學校教科書肯定唔夠
因為學校一個班對住 30-40人，一個人都分唔到幾多分鐘
成績好，又鐘意測驗考試嘅人必然經常睇課外書。。
鐘意測驗考試嘅人大有人在，因為有成就感

Zleep

Azzurro 發表於 22-5-26 09:21
由於幼稚園和初小嘅內容比較簡單
基本上正常冇讀過大學香港家長一定搞得掂中文和數學
讀過大學嘅家長應該都 ...

完全中哂point，真係經驗之談

pollywcw

我想話好多小朋友睇好多書, 又去補習, 兩樣同時進行~
是但只做一樣, 唔會特別優秀~
讀一線小朋友通常已經睇好多書再加補習
家長有心有耐性有時間可以同佢定時溫書已經可以唔洗補

有D人補習係追成績
有D人補習係為咗再上一層

今時今日唔係成績差先補習

hkgra

回覆 Azzurro 的帖子

我覺得補習,可以訓練答題技巧, 鞏固知識。
睇書就闊0的, 唔係單單學習某一個層面既事

Azzurro

Zleep 發表於 22-5-26 09:27
完全中哂point，真係經驗之談

我覺得小學以前培養小朋友閱讀習慣不難（其實就係誇張地照書讀而已）
冇咩技術含量，重要係投入時間比自己小朋友
無奈三分之二（我打賭）家長都冇培養

幼稚園階段冇分數，讓家長們掉以輕心
到了小一有分數，開始狂叫小朋友去還父母嘅債

我認為不少小朋友比較可憐。。
我認為大部分小朋友都很有天分，只要父母改變自己習慣（唔係小朋友嘅習慣）
小朋友重上正軌不難

忙嘅父母如果星期一到五冇時間，可以週末一天兩天長時間陪著小朋友係圖書館兒童部睇書
要中文英文各一半！
咁多書，4-5 小時好快過，自己鐘意可以睇報紙或雜誌，如果唔鐘意睇書
圖書館寧靜環境可以幫助培養閱讀
其實小朋友嘅書好好睇，大人都值得睇
之後借 8/16/24 本書比小朋友星期一到五自己係屋企自己睇
操作完全好簡單，每個父母都可以做到。。。。

Zleep

Azzurro 發表於 22-5-26 13:55
我覺得小學以前培養小朋友閱讀習慣不難（其實就係誇張地照書讀而已）
冇咩技術含量，重要係投入時間比自己 ...

無奈三分之二（我打賭）家長都冇培養 ==> 我覺得十分之九都冇做
到了小一有分數，開始狂叫小朋友去還父母嘅債  ==> 怪獸之路，但唔係個個小朋友都受谷



可以週末一天兩天長時間陪著小朋友係圖書館兒童部睇書，要中文英文各一半！==> 一半中一半英有難度，多數小朋友都偏食。


圖書館寧靜環境可以幫助培養閱讀 ==> 中哂，個個都拎住本書，就算一開始小朋友走黎走去，到幾次後就會開始坐定定，但大人要配合。

之後借 8/16/24 本書比小朋友星期一到五自己係屋企自己睇 ==> 要家長陪睇，唔一定要一齊睇果本，家長只要係身邊睇自己書就得（ 如小說／股票書／ 中西史／哲學／任君喜歡）都係培養出個氛圍出黎，之後小朋友就會自動波閱讀，但培養的時間就因人而異，主要係恆心同耐性。

操作完全好簡單，每個父母都可以做到。。。。==> 幼稚園同小學係學習態度黃金期，過左就改變唔到了。

mclh

不是常態