英國大學是否參考IGCSE 成績？

myfanwy

好多謝你哋咁有心機既回覆，請問如果考左IGCSE又考得唔太好，大學是否一定會有record?

etoile

myfanwy 發表於 22-4-30 22:35
好多謝你哋咁有心機既回覆，請問如果考左IGCSE又考得唔太好，大學是否一定會有record?
...

一定要報㗎。

yoyo123

etoile 發表於 22-5-1 10:10
一定要報㗎。

好彩入嚟睇下，仲諗住試吓考下

luckyangel

如果只考一兩科也要報UCAS嗎？

beastiebistro

回覆 luckyangel 的帖子

理論上都要報。
其實我仔喺9歲嗰時已經喺香港考咗iGCSE extended maths（當時純粹佢數學超前好多，自己想挑戰下，都A*咗）。去到而家boarding school，學校都係要佢照考多一次GCSE maths 。學校嘅說法有兩點，第一始終喺英國讀書都係考返英國本土版認受性好啲。第二其實大學唔鍾意見到散開幾科幾科考，對大學嚟講GCSE重點唔係成績，而係學生能唔能夠同時handle十科八科考試。好成績無幫助，反而懷成績有負面影響。

longlokma

beastiebistro 發表於 22-5-1 14:00
回覆 luckyangel 的帖子

理論上都要報。

唔可以話GCSE好成績冇幫助, 不過gcse成績唔好有負面印象就一定。
因為係叻嘅就唔會淨係GCSE考得好而A level考得差。
大學係會睇整體， 所有利好因素都係有用嘅。
正如靚仔靚女揾工係咪有幫助， 一樣冇人可以講得實，但樣衰嘅人應該就預咗較难有人願意請~

barque

如果學校不是本身行igcse 課程，我覺得冇特別需要去自修去考igcse. 首先考幾課沒有什麼用，除時有反效果。如果考齊10科或以上，而成績又好可能會有少少幫助，但係唔值得為此投入這麼多時間。香港有些IS已經全部轉晒MYP而都唔再考igcse.

女兒是學校最後1，2界考igcse的。有幾個今年有Oxbridge offer的同學一般igcse成績都是9A* 以上。當中包括first language English, English Literature, maths, Physics, Chem, Bio, two humanities subjects, arts/musics/drama … etc.

beastiebistro

回覆 longlokma 的帖子

討論其實係香港去英國sixth form須唔須要考"i"GCSE，我就認為唔須要，對入大學無乜關係。

至於喺英國讀緊嘅朋友仔其實一定要考GCSE。我就認為GCSE成績好冇幫助攞大學offer，反而散開考或者成績唔靚絕對有負面影響。

longlokma

barque 發表於 22-5-1 14:56
如果學校不是本身行igcse 課程，我覺得冇特別需要去自修去考igcse. 首先考幾課沒有什麼用，除時有反效果。 ...

所以亮麗的IGCSE/GCSE成績係錦上添花，作能力证明的一定係有好過冇。
但冇信心考得好就真是不如唔考，因為考左一定要報，冇得輸打赢要

Poyau

Glossimar 發表於 22-4-30 14:46
會。尤其打算申請入讀名牌大學，Igcse/gcse成績一定要好。

我仔就係過來人。香港讀國際學校，IB PG 43，L ...

謝謝分享
請問 LSE 要求多少科 GCSE A*/A

barque

Poyau 發表於 22-5-1 15:56
謝謝分享
請問 LSE 要求多少科 GCSE A*/A

收到LSE Law offer, 要求IB 38。

angelleungyp

好視乎每間大學，同埋大學讀什麼科目。
例如：我的大囝當年大學報讀牙醫，他是在沒有考GCSE 的情況下。他都能入讀到uk牙科。我記得當年大部份有牙科的大學都要求睇 GCSE/IGCSE 的成績，只有兩、三間可以不看GCSE/IGCSE。

另外今年女兒報醫科，也是大部分大學都要看GCSE的成績。雖然GCSE唔係最重要部分。不過我們去某些uk大學看醫科open day，GCSE，是其中一環計算是否有interview機會的一部份。

longlokma

angelleungyp 發表於 22-5-1 17:41
好視乎每間大學，同埋大學讀什麼科目。

例如我的大囝當年大學報讀牙醫，大部份有牙科的大學都要求睇 GCSE/ ...

我所知同你一樣，top U同競爭性高的科係會睇埋GCSE/IGCSE成績的，雖然比重唔會高，但始終PG唔係真正公开試成绩，有埋GCSE/IGCSE成績对報大學自然更有說服力。
咁當然有人實話冇GCSE成績都有top U收，正如有人唔温書都可以考满分一樣，咁你會唔會叫仔女唔驶温書呢？

barque

Oxford 通常只會面試大約30%的學生. PG, 入學考試和IGCSE一齊考慮是否能夠獲得面試機會

iloveyoga

回覆 angelleungyp 的帖子

完全同意，我個小朋友當年考醫學院，學校每個申請的同學，個個最少都有8A*, 如果冇考IGCSE心理壓力會好大。

LLLT

Whatdotheyknow綱有英國大學代表回覆end users的 Q&A，裏面有些長盡的收生數據。而top universities（e.g. Cambridge）雖然無講GCSE的重要性，但係收生的GCSE（如果有考）成績基本上都非常好。所以我覺得如果無信心考好GCSE又唔一定要考，就唔好試。

beastiebistro

大家睇翻樓主嘅原始問題，係準備喺香港讀到中四（？）然後去英國讀sixth form，應唔應該喺香港考定iGCSE（唔係去英國讀Y9／Y10然後考GCSE）。

我嘅睇法係唔需要，如果唔係咁多年嚟咁多香港學生讀完中四，冇考iGCSE（當然又冇GCSE）去讀sixth form，咪冇人入到牛劍G5或者醫科／PPE？唔可能啦。淨係我都識唔少係冇GCSE又冇iGCSE嘅sixth form學生入名大學。求其考幾科冇用，考十科八科小朋友又未必負擔到，到時考得衰仲反效果添。

講翻GCSE，如果大家有留意英國行情，就會知好多大學而家講明要睇context。即係話如果讀嗰間學校往績係好多9或者A/A*嘅，其實個weighting反而低咗。呢個好抱歉講係因為左膠當道，要夾硬level個playing field。所以一個頂級public school（年年幾百條9或者A*）出嘅學生就算10條9都未必捏贏一個state school（一年全校計埋可能得十零廿條9）出嘅7條9或者6條9，in the name of diversity喎。當然我唔係話喺英國讀寄宿唔使或者唔好考好GCSE，不過個重要性真係好低。或者反轉講係考得好係必須（唔會特別加分），反而考得冇咁好會大幅減分。

又講一次純粹係我個人意見，大家可以唔同意，一啲問題都冇。我都一開始講咗，樓主想試就即管試。

barque

beastiebistro 發表於 22-5-1 20:51
大家睇翻樓主嘅原始問題，係準備喺香港讀到中四（？）然後去英國讀sixth form，應唔應該喺香港考定iGCSE（ ...

同意，沒有必要特別去考。

kct18

依個考唔考IGCSE講呢個問題都一直困擾左我幾年，尤其是過去嗰兩年無得考試，根本連考都冇得考。
早兩年同小朋友報Sixth form 嘅時候，我都問咗幾間幾好的學校Admission，得出個回覆都係一樣，就係除非你有信心一定要考得好好，否則千其唔好考！
今年有幸佢冇IGCSE成績，甚至連IELTS都未考嘅時候，都一樣有UCL， LSE ，KCL 的Offer，雖然唔係最top嘅科目，亦都唔係Med or law！
希望比到少少啟示大家！

iloveyoga

kct18 發表於 22-5-1 22:34
依個考唔考IGCSE講呢個問題都一直困擾左我幾年，尤其是過去嗰兩年無得考試，根本連考都冇得考。
早兩年同小 ...

恭喜你，可以放下心頭大石，順利入到心儀嘅大學。