谷成績vs預備面試

dayedaye

王家爸爸 發表於 21-7-16 16:35
谷成績既方法比較明顯，準備面試其實可以好簡單。多啲見下長輩，多啲同人接觸，由同樓下看更講早晨開始，去 ...

謝謝建議，會試試。

王家爸爸

dayedaye 發表於 21-7-16 16:36
本帖最後由 dayedaye 於 21-7-16 16:38 編輯

謝謝你回覆。

如果爸爸係安柱校友，加上有相同宗教信仰既話，有無諗過可以主動參加舊生會活動，例如帶埋小朋友去annual dinner，一來可以俾小朋友對學校有熟識感，二來見下啲老師，取下經。

dayedaye

王家爸爸 發表於 21-7-16 16:50
如果爸爸係安柱校友，加上有相同宗教信仰既話，有無諗過可以主動參加舊生會活動，例如帶埋小朋友去annual d ...

都可以，雖然一直無參與開，但可以向佢提議下。謝謝你建議。

subb

安柱近年熱潮已經退下來, 無咁熱架啦 !
不如開始留意各心水中學， 睇下喜歡邊間先啦 ！

睇自行收生標準， 葵青多數次第行先
考好呈分先吧 !

dingyan

阿女有上過幾堂面試，唔係好記得，譬如可能十堂，初頭係一對一，家長有得旁聽，之後趕家長係道簾後等，最後一定兩次係小組。好驚喜原來我以為唔多出聲嘅小朋友比想像中識諗識表達得多，而miss都幾高效，係咁引導drill好多問題。我覺得幾好，最起碼大人小朋友都大概知道面試係點，同埋多咗信心。我覺得呢啲幾好，一星期一個鐘，有針對性無乜廢話，練習同陌生人應答，組織答案，同時更了解自己。

dayedaye

dingyan 發表於 21-7-16 17:30
阿女有上過幾堂面試，唔係好記得，譬如可能十堂，初頭係一對一，家長有得旁聽，之後趕家長係道簾後等，最後 ...

謝謝你，請問有相關資料嗎？

dayedaye

subb 發表於 21-7-16 17:11
安柱近年熱潮已經退下來, 無咁熱架啦 !
不如開始留意各心水中學， 睇下喜歡邊間先啦 ！

Icic，thx!

behappydad

gracelam 發表於 21-7-16 14:51
一定成績行先

True

meganb

dingyan 發表於 21-7-16 17:30
阿女有上過幾堂面試，唔係好記得，譬如可能十堂，初頭係一對一，家長有得旁聽，之後趕家長係道簾後等，最後 ...

請問係邊一間面試班呢，謝謝！

twobirds

mcl203 發表於 21-7-16 15:06
如果估計自己係本區B1尾，可能，穩定自己成績會好啲。自行係無保證，面試我估盡咗力就足夠了～～～
...

同意，冇安排小朋友參加任何面試班，志在搞好成績，keep到B1大抽獎入到B1便心滿意足

maomaochoi

我覺得一定係成績行先，如果你係級頭，基本上面試唔係騎騎呢呢都會收。而且面試有啲都係考學術，普通對答，我暫時未聽過會考好有深度嘅問題

mcl203

maomaochoi 發表於 21-7-17 12:22
我覺得一定係成績行先，如果你係級頭，基本上面試唔係騎騎呢呢都會收。而且面試有啲都係考學術，普通對答， ...

又未必，當你係級頭，你目標可能又唔同。中學要求又唔同，考生嘅水平亦唔會一樣～～～

maomaochoi

mcl203 發表於 21-7-17 12:32
又未必，當你係級頭，你目標可能又唔同。中學要求又唔同，考生嘅水平亦唔會一樣～～～
...

唔好意思，有少少唔明。我仔好多同學一直班中游，谷成績最終呈分考到級頭/ 級前，博大抽獎，最終大部分都入左band 1a。大抽獎或自行唔係都成績行先？一般band 1a 都ok, 除非考神校

mcl203

maomaochoi 發表於 21-7-17 13:46
唔好意思，有少少唔明。我仔好多同學一直班中游，谷成績最終呈分考到級頭/ 級前，博大抽獎，最終大部分都 ...

一般睇法係成績優先，但事實又可能未必係。正如，當個個都已達高水平，咁又可能會考慮其他因素，A5可能同A3口感已經唔係差好遠，咁就睇返位食家取向了。另外你都已經自己答咗了，當你考所謂神校，你就面對目標神校嘅考生，大部分已經手持1A級嘅入場券（成績）分別總是有的，咁咪睇埋邊個贈品多囉（隨身技能），所以係視乎你考嘅中學。還有一些1A中學，可能睇重嘅係英語水平，成績未必需要太前列～～～

maomaochoi

mcl203 發表於 21-7-17 14:05
一般睇法係成績優先，但事實又可能未必係。正如，當個個都已達高水平，咁又可能會考慮其他因素，A5可能同A ...

但樓主小朋友性格內斂，如其花時間train面試博自行，咁不如谷成績大抽獎，因為大抽獎係純睇banding同你號碼，就算抽b1a英中，學校都唔知你英語水平

自行除咗面試表現，最基本都係睇成績，有啲仲要睇你有冇獎。成績一般只靠面試好危險，自行咁多人爭，如果到時自行唔收，但成績一般，去抽獎會好危險

dingyan

我都覺得既然樓主目標清晰係區內b1英中，保證b1成績係根本，因為無論自行，抽獎或叩門都有需要。而面試表現都會係錦上添花，雖然唔多人俾朵花喧賓奪主，但條條錦質素都差唔多時，花當然可能影響印象分。
面試唔一定特登用好多時間準備，網上都搜到好多模擬面試題，家長小朋友得閒攞嚟傾解都可以用下。其實當呈分考察「硬知識」，面試可能睇溝通表達的「軟技巧」，呢啲本身就更生活化，而第日返學present，考劍橋口試之類都可能有少少相關。

mcl203

maomaochoi 發表於 21-7-17 14:59
但樓主小朋友性格內斂，如其花時間train面試博自行，咁不如谷成績大抽獎，因為大抽獎係純睇banding同你號 ...

我#11 回咗樓主啦，我並無叫樓主刻意做啲乜。再清楚啲，我係叫樓主注意成績，確保自己一定係1仔，無謂為面試去浪費自己注意力，面試時隨心就得～

樓主話估計係1C，或B1邊緣，呢啲位係監介位，自行唔一定成功的～～～

dayedaye

dingyan 發表於 21-7-17 15:13
我都覺得既然樓主目標清晰係區內b1英中，保證b1成績係根本，因為無論自行，抽獎或叩門都有需要。而面試表現 ...

謝謝你建議。