心情好差，想要正能量！

happygirl1284

非常認同，好多小朋友都未能透過小學面試展現自己的優點和實力，仲有漫漫長路，小朋友適應力強，潛力無窮，聽過很多例子都係後來追上。最緊要家長保持正面態度，同小朋友一齊努力，大家加油

ipki

心態決定命運
現時要做的係檢討不足,收拾心情
1.求神(搞笑姐)
2.睇下小朋友有咩唔足,READY定叩門,仲有3個月時間MA

我經驗係,直私面試經驗對叩門好有幫助
我地最後都入到最想入的私校,同叩到從未諗過的津校

darkgard

我女上年都同你一樣。我好明你心情。

收拾心情，準備叩門。未到最後一刻，世事都會變。

我上年，同你遭遇一樣，即刻操個女考筆試，始終叩門的話，好多都係埋身肉博。

仲有時間，俾啲耐性。

P.S 我女到最後叩到8間小學。最後揀左九龍塘一間名小。

唔好灰心丫，媽媽！

veglotus

媽媽笑番，個遊戲重有排玩，唔好氣餒！

jennylady

回覆 hkcsty 的帖子

點解覺得名幼坐係度就有offer?
人地付出多少你知道嗎？

大家都公平競爭

我識唔少人讀卷幼都考得好好

只不過卷幼學生大多等抽獎

唔多出來考而已

Jean1769

jennylady 發表於 21-4-2 01:04
回覆 hkcsty 的帖子

點解覺得名幼坐係度就有offer?

名幼唔講家長背後有無做野，至少每年拎多幾皮野出黎交學費，學校都要交返咁上下質素出黎啦，起碼語境好啦。

jennylady

回覆 Jean1769 的帖子

名幼亦唔係一定考得好
考得好唔好好多因素
學校有無比interview 的訓練（卷校應該無？LH的教材真係好好）
父母有無身教，有無陪伴閱讀的習慣，有無多教導小朋友
小朋友的學術（要有基本的中英數能力先有2nd in)
小朋友的性格..內向就真係🈚️行
小朋友的溝通技巧例如show n tell ，看圖說故事，答題要似小司儀

因為考小學，我睇到小兒的不足
知道弱點就要改善

happygirl1284

考小學有太多因素影響，除左學術和soft skills仲包括好虛無的眼緣和運氣。我小朋友係讀其中一間討論度頗高的九龍塘私幼，學校語境的確好，小朋友中意講英文，認識的詞彙也不少，學校也有面試訓練。但這些遠遠不夠讓我地坐定就有offer. 部分直私學術要小一二程度，但絕大部分喜歡表達能力高又主動的小朋友，soft skill比學術更重要。偏偏我仔表達能力弱又係保守觀察型，所以好多學校2nd in都入唔到，就算去到2nd in對答唔掂就露餡，最後入到重學術的私小，可能就是因為這間對soft skill無咁著重。以上講學校喜歡的特質很多券幼小朋友都會有。

hkcsty

回覆 happygirl1284 的帖子

樓主想要正能量請睇多幾次我的回覆，有需要我再補充

名幼生努力加上名氣，多幾個offer的人應該不少

佢地"坐" 定了自己學校，就會有好多offer(放返出來) ！

Kaytechan

加油樓主，唔好灰心，努力裝備小朋友，叩門再努力💪🏻未到最後一刻都唔好灰心。 撐住，you are not alone!

Yuenfamily

加油！小朋友會感受到父母的心情，為咗小朋友，發放正能量！失望一定有，但考小學只係人生一個小關卡，諗返自己小朋友，屬於好彩嘅一群，原本我都唔敢諗考邊一間小學，都係打算乜都考吓，因為我嘅小朋友一面對陌生人就會好靜，佢學術其實幾好，但就唔係好肯出聲，開頭上面試班，見到同其他同學嘅分別，真係又擔心又傷心，其他小朋友一放學講唔停，我嗰個好靜，問佢鍾唔鍾意上堂，佢又話鍾意，但一面對外人，就收起晒佢嘅活潑，我小朋友真係好好彩遇上好老師，令佢變得自信咗好多，去到面試嘅時候，肯答問題，我真係好感動，之前聽前輩講，學術好叻都未必好多offer, 主動、勇於表達嘅小朋友係最受學校歡迎，原來係真。我唔知你小朋友嘅情況係唔係好似我小朋友以前咁，我只係想講，日後讀書日子漫長，比到信心佢、令佢覺得自己係得嘅比佢考到間小學重要！加油！未去到最後都未知結果！good luck!

jennylady

其實樓主係咪讀卷幼？
定係讀私幼都無offer？
讀得卷幼，父母的教導更加不可少
而且讀得卷幼，考直資難少少好正常吧
栽培和投資都不同。
如果私幼和卷校考到成績一樣
又點會有人讀私幼
不過讀咩學校都好，考到直資都不是天跌落黎
家長和小朋友付出都好多
自問自己，我真的好努力教仔
我考得都不是很好
我見人地好多offer 真係父母好識教

Jean1769

jennylady 發表於 21-4-4 08:49
其實樓主係咪讀卷幼？
定係讀私幼都無offer？
讀得卷幼，父母的教導更加不可少

你講得好中point

wannabefa

jennylady 發表於 21-4-4 08:49
其實樓主係咪讀卷幼？
定係讀私幼都無offer？
讀得卷幼，父母的教導更加不可少

求指教，請問你見到人地父母點樣識教？有無例子？

pwhr

回覆 jennylady 的帖子

點解覺得名幼坐係度就有offer?
人地付出多少你知道嗎？

大家都公平競爭

非常同意, 作為父母做咗幾多唔使刻意同人講, 唔係特意收收埋埋, 只係現時資訊咁發達, 既然有時間whatsapp signal facebook, 為何沒有時間籌劃子女的學習安排?

jennylady

回覆 wannabefa 的帖子

我自問係有用心陪伴和教導仔女陪睇書陪練琴陪玩睇功課等
但我係唔識教

識教的父母除了學術上
他們會好了解仔女的強弱
因材施教
好識開解，鼓勵小朋友，管教
應該係好了解兒童心理學的父母
我有請教過我好欣賞的媽媽
睇多些兒童心理學的書

lambeanmama

jennylady 發表於 21-4-5 09:26
回覆 wannabefa 的帖子

我自問係有用心陪伴和教導仔女陪睇書陪練琴陪玩睇功課等

用心的媽媽，便會教了。
育兒道理不難明。多看兩本書、請教吓人也會學懂一二。但最終肯堅持花時間心機的家長；其實才會笑到最後。

小一只是人生一個小階段。入學後，大家都要繼續努力的。肯用心，你已比其他人更接近「成功」。

wannabefa

jennylady 發表於 21-4-5 09:26
回覆 wannabefa 的帖子

我自問係有用心陪伴和教導仔女陪睇書陪練琴陪玩睇功課等

感謝指教

有沒有什麼兒童心理學的書籍推介？
因為坊間有很多，理論也有不同，請問比較推薦那些，謝謝你

jennylady

回覆 wannabefa 的帖子

我唔係識教個類父母😅所以我無睇啊