限制使用手機程式

kyu0203

Amy12 發表於 20-9-13 11:00
小朋友ID要同家長同步嗎？

與家人共享到加小朋友apple id

Amy12

kyu0203 發表於 20-9-13 11:04
與家人共享到加小朋友apple id

小朋友手機睇到到家長手機D資料嗎？我係自己手機可以睇到小朋友手機睇緊咩嗎？

kyu0203

Amy12 發表於 20-9-13 11:19
小朋友手機睇到到家長手機D資料嗎？我係自己手機可以睇到小朋友手機睇緊咩嗎？
...

會睇到小朋友用咩app用左幾耐？

小朋友會係「尋找」app到睇到我既位置，同樣我也睇到他的位置。

little_yolky

kyu0203 發表於 20-9-12 19:11
我小朋友初初係比samsung 平價機佢，後來朋友教我，小朋友同大人一齊用iphone，幫小朋友係iphone 到開個ap ...

乜可以響我部機度控制的嗎？

kyu0203

little_yolky 發表於 20-9-17 21:09
乜可以響我部機度控制的嗎？

你指iphone ？定android ？

iphone 可以

android 好似都得，若小朋友年齡13歲以下（好似係）用小朋友名開個電郵同埋係手機到登入，好似大人要裝個google 家長監控app黎控，但我冇真正試過。

little_yolky

kyu0203 發表於 20-9-17 21:15
你指iphone ？定android ？

iphone 可以

我哋三母女都係iPhone。

kyu0203

little_yolky 發表於 20-9-17 21:19
我哋三母女都係iPhone。

你個女的apple id係咪佢地自己？夠18歲未？
要佢地電話係自己獨立id，年齡18下。。

你係家庭成員到加埋佢地，就可以了。

boyboobee

我家10歲的丫頭，由8歲開始已經沉迷到，半夜爬起床用我手指開指紋鎖，偷睇畫圖或數字密碼，各種各樣方式都有。今年初買咗個華碩路由器，下載個apps就可以遙控路由器開關，可以設定邊部設備能連接，又可以預設每一部設備可以或不可以連接wifi的時段。至於電話或平板，我選用咗一個付費apps, 可以遙控鎖屏，可以限制那些apps不能用，也可以預設使用時段，也可以在不同時段限制不同的apps。不過，依然要花自己非常多的時間去監察。

heidicyli

回覆 boyboobee 的帖子

你好專業監控我估你小朋友十分聰明。你是被逼出來的

boyboobee

heidicyli 發表於 20-9-25 17:59
回覆 boyboobee 的帖子

你好專業監控我估你小朋友十分聰明。你是被逼出來的 ...

佢用哂所有智慧去解鎖同解密碼，又識去用人地冇鎖的wifi或手提電話的熱點。我呢兩年畀佢逼到變咗網絡監察員啦，無論瞓覺定工作都精神緊張，簡直係碟戰咁刺激(emoji)

heidicyli

其實我都明白一味限制也不是辦法，正因為疫情，整天待在家裏打機，對其他的娛樂又提不起興趣，但隨着返學、活動開始增多，有運動.....和社交.....，打機的意欲會越來越少！

王家爸爸

heidicyli 發表於 20-9-27 22:52
其實我都明白一味限制也不是辦法，正因為疫情，整天待在家裏打機，對其他的娛樂又提不起興趣，但隨着返學、 ...

同佢一齊煲劇，學英文。

In2c68

我反而覺得限制停用年青人好反感，尤其佢知道你想控制佢的私人時間私人空間，我通常佢攪得掂佢喜歡點就點，佢同朋友玩吹晒水我有時都join, 了解下年青人玩乜同講乜，而我了解到大多年青人父母成日叫佢唔好乜唔好物佢地好唔like! 始終反叛期，越想佢咁反而佢地故意做你唔想果樣。所以溝通和了解反而係重要一課。

Sad2020

In2c68 發表於 20-10-2 18:10
我反而覺得限制停用年青人好反感，尤其佢知道你想控制佢的私人時間私人空間，我通常佢攪得掂佢喜歡點就點， ...

見到呢個topic我就覺得好難過， 究竟我做得咩地方唔好， 一開始個女升上中一， 交部手機畀佢之前已經傾好條件， 但係個女根本冇遵守， 我真係冇咩辦法
見到你哋個個都話好叻自己啲仔女都係可以唔使管嘅， 我真係想問下你哋仲有啲乜嘢可以做， 我個女日日都攬住個電話， 食飯話咗唔畀用電話佢就食食下飯攬住個電話去廁所繼續睇， 瞓覺時間話唔畀用電話， 佢就繼續半夜喺度偷睇， 佢連屋企個電視機都唔放過， 半夜走出嚟睇youtube， 睇到第二朝zoom係實係 恰眼瞓㗎， 喺側邊拍佢兩下佢又唔認，佢死都話自己冇， 雖然而家返咗學好少少， 放學返嚟就 走去瞓覺， 半夜就攬住個電話同埋偷睇電視， 所有傾好嗰啲條片佢都只係喺面上面講， 死口唔認自己有玩， 佢其實唔係鍾意打機， 佢淨係鍾意睇埋youtube嗰啲爛笑話爛gag， 其實已經睇過好多次翻睇就翻睇又翻睇， 我真係真心想問下大家仲有啲乜嘢可以做

In2c68

Sad2020 發表於 20-10-3 17:07
見到呢個topic我就覺得好難過， 究竟我做得咩地方唔好， 一開始個女升上中一， 交部手機畀佢之前已經傾好 ...

其實如果要好似其他人咁set 乜set物，始終佢有其他辦法偷雞。我比較簡單條件一早講好，如果唔聽無論電話定wifi都cut得，反正學校d功課又唔係樣樣要電話，要做功課先開wifi都重得！

YmOra

Sad2020 發表於 20-10-3 17:07
見到呢個topic我就覺得好難過， 究竟我做得咩地方唔好， 一開始個女升上中一， 交部手機畀佢之前已經傾好 ...

估計你都係一個比較淋善嘅人，若然"條件"不遵守就一定要切實執行，我記得我的孩子剛上中學，我話明無論咩功課都不能用手機協助完成，即是話做功課期間電話要放响離工作枱更遠的位置，日子耐咗孩子都習慣可以無電話專心做功課，亦講明成績差到大家商議好的標準之下，台費需要孩子用零用錢自付費用。

Amy12

YmOra 發表於 20-10-4 07:59
估計你都係一個比較淋善嘅人，若然"條件"不遵守就一定要切實執行，我記得我的孩子剛上中學，我話明無論咩 ...

我小朋友做功課都要擺部手機係身邊，叫佢擺係廳就發脾氣，話擺係我書台又如何，我都唔會玩，事實上佢係有睇手機，硬要佢手機擺係廳，一定係吵架，跟住冇心情做功課！

Sad2020

YmOra 發表於 20-10-4 07:59
估計你都係一個比較淋善嘅人，若然"條件"不遵守就一定要切實執行，我記得我的孩子剛上中學，我話明無論咩 ...

我都唔知道 我係邊一種， 其中個問題係佢唔肯認， 佢其實係唔精嗰啲蠢蠢地， 佢真係可以唔食飯跟住拎埋個電話呢喺廁所度個幾鐘， 你話佢佢堅持自己冇， 試過zoom 佢恰眼瞓我話都冇話淨係拍咗一下， 轉個頭食飯嗰陣佢特登話返我，我都冇瞓你做咩拍我啫， 佢唔肯認有違規， 你真係罰佢佢又會大發爛渣， 試過夜晚話佢喺房玩電話佢唔認， 佢發脾氣拆爛咗個窗花出嚟去作隔離嗰個大窗

Sad2020

In2c68 發表於 20-10-4 04:38
其實如果要好似其他人咁set 乜set物，始終佢有其他辦法偷雞。我比較簡單條件一早講好，如果唔聽無論電話定 ...

熄wifi無咩用， 我個女唔係打機，係睇片佢一早download曬， 而且佢都係睇啲 youtube  爛 gag 笑話，類似 Carl 果 d， 佢就係翻睇再翻睇同一片都仲係要睇