教仔教到好攰好灰，好想放棄佢

蘋果香蕉橙

Jane1983 發表於 19-12-11 12:39
佢真係有困難，唔係詐死扮嘢偷懶，你又何必火。佢咁既情況，係學校都唔會好受，包容吓。面對呢d情況，都係 ...

係，佢喺學校都唔好受，成日要留小息，因為堂課做唔曬。不過學校都幾好，搵幾個叻的同學坐佢隔離，有時可以幫吓佢堂課，甚至幫手抄家課冊。

蘋果香蕉橙

anfisonbb 發表於 19-12-11 11:33
老套啲講 天生我才必有用
好明白你而家好嘔血 同意樓上講 試吓搵ROOT CAUSE先 對症下藥

真係發掘唔到咩天份、才能。 個人真係冇咩叻。運動、音樂，佢都冇咩興趣咁。成日想hea ，睇電視，食嘢，打機(好少俾佢打，因為d功課完成唔到)。

蘋果香蕉橙

另外想問一下，我仔咁嘅情況，即係見佢之後都應該唔係太讀到書嗰類，唔會升到本地大學。
中學送佢去赤柱航海學校寄宿，學返紀律、一技之長，會唔會好d?
又如果中三後送佢去外國讀，入大學機會可能大d，就算讀唔到大學，當去幾年學吓英文見識世界。呢條路可行嗎?

MrBeast

蘋果香蕉橙 發表於 19-12-11 12:35
筆順 phonics 呢已經係由細教到大。佢就係唔跟，佢話筆順好難，但用自己方法又寫錯。phonics 出去學過，我 ...

Apps 遊戲中學習。phonics 學過blend 得ok 嗎？

MrBeast

蘋果香蕉橙 發表於 19-12-11 12:26
評估過是視覺感知有些問題，即抄寫有困難。
但佢問題係完全唔想面對功課，抗拒唔願做。鼓勵、讚賞已經盡量 ...

有冇看過職業治療C？有些小朋友平均行力弱也會影響閱讀和抄寫能力

Cheeselover

蘋果香蕉橙 發表於 19-12-11 13:02
真係發掘唔到咩天份、才能。 個人真係冇咩叻。運動、音樂，佢都冇咩興趣咁。成日想hea ，睇電視，食嘢，打 ...

我認為跟他說一下他自己有什麼想法？自己的將來？
我猜他最大嗜好是電視，吃東西和打機，先看看在有條件下作有限度提供(當然三餐是必須的)，條件當然是完成學校基本要求，再增加力度來換取好處，例早半小時完成功課就多半小時電視時間。用時間來迫使他完成任務，若未能及時完成，便扣減好處，看看是否有初步改善。

MrBeast

蘋果香蕉橙 發表於 19-12-11 12:22
小一時已經去咗政府做評估，結果不是讀寫障礙，又不是專注力不足。但是視覺感知有些問題，即刻抄寫有困難 ...

協康之前有個眼動協調小組班，你chk 下仲有冇辦，要評估過有問題先收，另外一些班比疑似讀障的小朋友，你問問，要快，因為通常都是for k3-p2, so州過後冇艇搭。冇人天生就識教子女，若有時間去聽下parenting seminars（非牟你），坊間不少是免費或只是幾十蚊。

仔仔錫錫你

自然學校可能幫到小朋友
http://www.gaiaschool.edu.hk/
或者搵行芬蘭教育的本地小學都應該得

貝珠

你講到佢完全冇動力，睇嚟都係要轉去非傳統學校，要搏一搏。處理左做人態度先，功課學業遲啲先算。

haihaimom

回覆 蘋果香蕉橙 的帖子

其實視覺感知，係好影響讀寫能力同數感。試諗諗小朋友大部份時間都在學校，默書零分，測試考試低分，佢喺學校有自信嗎？開心嗎？自我形象價值如何？回到家佢需要媽媽嘅安慰、鼓勵，唔係再打沈佢。你需要話佢知，佢唔需要同猴子鬥爬樹，佢可能係一條條魚，游得快過猴子，亦可能係一隻小鹿，跑得快過猴子，你話佢知我哋一齊去搵答案，俾佢知道你俾佢嘅係unconditional love,即係無論佢叻定唔叻，你都一樣愛佢。盧冠庭有讀寫障礙，佢寫嘅電影音樂，攞過幾多㢡，Tom Cruise 同Jammie Oliver大家都識，一樣係有讀寫障礙。你話佢圈住都抄唔到，要你串，其實已經好明顯，佢真係有困難。人類好得意，一個感官有事，會發展另一個。一個人失明，佢嘅聽覺就會發展得比其他人好，下肢有問題行唔到，上肢就會特別有力，你需要同佢一齊搵一個適合佢嘅學習方法，佢唔係視覺學習嘅人，但可能係聽覺或觸覺學習嘅人，話佢知媽媽唔會放棄，你都唔好放棄。

jstarry

蘋果香蕉橙 發表於 19-12-11 12:55
多謝你嘅提議。我會盡量試吓用玩嘅方法教。
其實每日放學返嚟，我都係心情愉快嘅情況之下叫佢開波做功課㗎 ...

可唔可以叫佢響妳放工番黎之前做左識做既功課先？如果自發做功課就有獎勵貼紙，慢慢攪番好個學習態度先

同埋要同佢講明，妳要求佢做功課果陣唔可以離開個位，或者挑戰下佢，妳估妳今日做功課會唔會離開個位，會走開幾多次？希望慢慢可以培養佢專心番d

miujoey

我相信每個小朋友各有天賦, 叻既野都唔同, 天份不在讀書方面, 不坊發掘其它長處, 運動音樂?  唔好太早定奪小朋友無興趣,樣樣野都要放多d時間比佢試下, 慢慢可能佢會感受到當中樂趣, 培養小朋友的自信心好緊要. 媽媽辛苦了, 加油  

haihaimom

回覆 haihaimom 的帖子

要放棄嘅唔係佢嘅學業，而係那些出現在測試卷或成績表上嘅分數。希望媽媽有一曰唔會再因為仔仔唔懂的東西而懊惱，而係會因為佢𢤦的東西而鼓舞，媽媽加油。

little_yolky

貝珠 發表於 19-12-12 10:23
你講到佢完全冇動力，睇嚟都係要轉去非傳統學校，要搏一搏。處理左做人態度先，功課學業遲啲先算。
...

睇嚟唔關學校事，係家庭問題。

little_yolky

蘋果香蕉橙 發表於 19-12-11 13:15
另外想問一下，我仔咁嘅情況，即係見佢之後都應該唔係太讀到書嗰類，唔會升到本地大學。
中學送佢去赤柱航 ...

其實你連送佢去讀航海學校都無問題，咁做唔到功課、默書唔合格，又有咩問題呢？

你話佢學緊除數，即係二年班啦，你自己俾D心機學下如何教有呢類問題既小朋友，睇唔得就讀俾佢聽，讀下D有趣既課外書，中文同英文，持之以恆。放假同佢一齊煮下嘢食、踩下單車、就算行下公園都好，總之，你同佢都要放輕鬆。讀唔到書唔駛死既，唔開心就會死喇！係架，放工放假仲做咁多嘢，辛苦架。做人阿媽係咁㗎啦。

roseangel

樓主我同你情況一樣，我個仔小一，又係對學習完全冇興趣，無論係返學，學游水，學畫畫，學樂器，對任何嘢都冇學習興趣， 功課日日拖慢版 ，做唔曬就欠交，我都係日日拉牛上樹，好辛苦， 好明白你感受