若學生記憶好中三選科可否只選中史，中國文學，經濟

王家爸爸

Arabellahk 發表於 19-12-4 15:11
文科的確不是全部靠記，只是相對理科而言。

對大部分人來講，文字邏輯比數字邏輯難。例如，數字邏輯，你只需要熟悉公式，基本上大部分數都做到。文字邏輯就好唔同，例如任何語言，都唔可能靠熟悉語言既公式（語法、結構）就自己寫到好文章，理解到其他人寫既文章。原因係數字邏輯無例外，文字邏輯有好多例外，而且呢啲例外係會隨著時間而改變，無固定既規律。

Jane1983

如果記性好，對數理都喜愛，其實讀理科攞高分搵陣好多

Arabellahk

shevachevy 發表於 19-12-3 15:57
回覆 Arabellahk 的帖子

有記性又有興趣, 加上讀書態度正面的話成績一定唔差喎!

BAFS好像不是每所學校都提供，不知什麼類型學校提供？是否普遍？

Arabellahk

YolandaTam 發表於 19-12-3 14:16
金融同經濟科數好重要，最好有 M2, M1 都唔太夠用。

謝謝！
請問M1,M2中的微積分難度是否一樣？統計，代數哪個難？各適合什麼類型學生？

YolandaTam

Arabellahk 發表於 19-12-4 23:32
謝謝！
請問M1,M2中的微積分難度是否一樣？統計，代數哪個難？各適合什麼類型學生？
...

M2 微積分難啲， 但其實呢科主要難度係比較抽象，咩 odd/even function, trigonometric function, mathematical induction 等等，仲有牽涉唔同空間嘅 vector ，必須專心去諗，講緊嘅係肯花大半個鐘至一個鐘去諗(除非係天才)，少啲熱誠都想死。但偏偏 econ 同 finance 用頗多呢啲數學工具而 M1 係無教。

1998Ruby1998

我同學記性超好，讀 BAFS、Econ、Chem、M1。
最後讀 HKU Law Acc double degree。
每一科都需要背誦，亦需要理解。記得都要識運用。簡單啲舉例，如果論文題目問紅樓夢「從王熙鳳與賈璉的婚姻關係中，探討女性如何掙扎於傳統的婚姻關係」，你就算背曬成個故仔，你都要識「用腦」分析邊啲例子有用，邊啲對白係加分。死記係冇用。同埋人記憶有限，考試時間亦有限，望住條論題腦袋一片空白唔係冇可能。
理科商科一定係容易高分過文科，你幾可見文科 5** 分數係 hit 到 90%？hit 到 80% 都偷笑。商科理科要 hit 5** 起碼要 85%，安全係 90%+。
BTW，就算英文底好，揀 Eng Lit 前要三思。

MrBeast

YolandaTam 發表於 19-12-5 01:23
本帖最後由 YolandaTam 於 19-12-5 01:26 編輯

M2 微積分難啲， 但其實呢科主要難度係比較抽象，咩 odd ...

呢d我起初少少struggle但之後打通任督二脈後中學唔覺得太難，反而stats, series 之類就唔掂

MrBeast

王家爸爸 發表於 19-12-4 15:49
對大部分人來講，文字邏輯比數字邏輯難。例如，數字邏輯，你只需要熟悉公式，基本上大部分數都做到。文字邏 ...

所以小朋友小時我花很多時間在這方面

王家爸爸

Arabellahk 發表於 19-12-4 23:32
謝謝！
請問M1,M2中的微積分難度是否一樣？統計，代數哪個難？各適合什麼類型學生？
...

M1既微積分比M2淺啲，至於統計、代數邊種難啲，其實好睇個人。如果小朋友基礎數學概念好，又需要確確實實咁知道啲步驟點嚟，代數可能容易啲；如果小朋友基礎數學概念模糊，只需要大概知道啲步驟點嚟，無知道啲步驟點嚟既「強迫症」，咁統計會容易啲。

YmOra

1998Ruby1998 發表於 19-12-5 04:24
我同學記性超好，讀 BAFS、Econ、Chem、M1。
最後讀 HKU Law Acc double degree。
每一科都需要背誦，亦需 ...

會唔會"文人"比"邏輯人"少好多好多，市場出現相關嘅參考書籍和解題技巧指引極少，無乜支援下才令少文人攞到５**。

YmOra

Arabellahk 發表於 19-12-4 23:32
謝謝！
請問M1,M2中的微積分難度是否一樣？統計，代數哪個難？各適合什麼類型學生？
...

Ｍ１和Ｍ２的難度不一樣。但是，對"解方程式"或"三角程式"強的人來說，Ｍ２易過Ｍ１好多。不過，最終都係要因人而異。

shevachevy

回覆 IloveJJ 的帖子

我記得我讀HKU當年係第一年開law o既mixed degree programme, 果時得 govt & law 同 bba & law, 而家就加埋 ba & law, 讀mixed果d同學真係未必 target 做律師咖, 做AO也有, 有d會打算做幾年律師做大公司 in-house, 咁mixed degree 都有幫助o既

王家爸爸

IloveJJ 發表於 19-12-5 15:40
讀呢啲雙degree, 同讀單獨degree有咩分別？當事人讀完係打算做咩專業呢？

讀多一年，但係有兩張證書。

LingChiBaBa

YolandaTam 發表於 19-12-5 01:23
本帖最後由 YolandaTam 於 19-12-5 01:26 編輯

M2 微積分難啲， 但其實呢科主要難度係比較抽象，咩 odd ...

M2最難嘅係syllabus範圍比M1大，始終都係數學，要放時間操卷。
Trigo-function嘅Calculus離不開幾度板斧，Mathematical Induction係望住答案砌返出嚟，正如MrBeast話齋，想通咗，其實好Straight forward。

1998Ruby1998

回覆 IloveJJ 的帖子

同 shevachevy 講嘅一樣，要讀 5 年，出黎有兩張 cert（某程度上你當係讀完 2 個 degree），唔一定要做律師，但唔少都係 aim in-house。

1998Ruby1998

回覆 YmOra 的帖子

都可以咁講。但主要係文字同數學唔一樣，數學有對錯，文字有灰色地帶，可能一個字眼嘅分別，就導致冇分。有啲人可以寫 2 版就攞 20 分，亦有人寫 4 版先 18 分。同 Arts 一樣，係好主觀畀分。數學來來去去都係公式，背啱左又識用就可以攞分。
大學課程亦一樣，文科基本上一篇功課攞到 6X% 已經係好好，70% 係超好，冇可能會攞 80%。但商科理科嗰啲，70% 係普通。

某程度上，我覺得文科更需要邏輯。商科理科係機械操作，差在你識唔識條公式同埋有冇計錯數。文科要理解文字，要睇嘅資料量更多，第一堂老師就教唔同字眼代表唔同答法，某啲「同義詞」，係唔可以亂用。你可以咁諗，越唔可以靠機械人嘅「工作」，係更需要人類邏輯同思考模式。

亦有另一種睇法，就係呢個社會重理商多於文，讀書叻嘅，就算文科成績同理商一樣好，都要選擇讀理商，剩餘嘅學生，因為額滿，就多數只能夠揀文科。咁由於文科人成績參差，導致好難攞高分。

October.

又咁講，數學淨係記得條式都冇用，大把人教極都理解唔到，轉唔到灣。如果語文同數理一樣叻既人，5以上拉curve, 做岩幾多個%唔重要，在文商競爭對手較弱既情況下，易啲取5**都說得通。

只不過，香港叻人通常唔會咁揀。

YmOra

1998Ruby1998 發表於 19-12-5 19:53
回覆 YmOra 的帖子

都可以咁講。但主要係文字同數學唔一樣，數學有對錯，文字有灰色地帶，可能一個字眼嘅 ...

謝謝你的分享

第１段，十分贊同你的說法，讓我明白更多文人的情況。

第２段，體會到從不同角度看文人理人商人可以有不同的結果，你的角度我清楚明白了。我對理科的看待如一條邏輯理論有着無限的伸延。當兩條邏輯理論撞埋就有更大更大的無限樣事件發生。唔知你有無睇過"死亡筆記"，我好喜歡這套動畫，那筆記的使用條件只有兩三條，但主角所運用的邏輯思維製造出無限的使用方法。這種就是我認為的數理邏輯，我認為不只是似個機械人，我會形容為係一個ＡＩ機械人，有不斷成長不斷思考不斷從基礎擴大到無限。

YmOra

October. 發表於 19-12-5 20:14
又咁講，數學淨係記得條式都冇用，大把人教極都理解唔到，轉唔到灣。如果語文同數理一樣叻既人，5以上拉cur ...

對於點解多人記得公式，但又使用唔到出來。

我的睇法是，一條公式有着百題千題甚至乎萬題的題目可以使用得到，但倒過來看，要從百題千題甚至乎萬題題目中聯想番嗰條公式就很少人做得到了。這就是我認為數學的難處所在。