15分的家長,你們徬徨嗎?

nicoleyying

gracelam 發表於 19-9-24 20:31
咁你自己及另一半都有讀過小學, 都有嗰5分㗎喎!!

只不過你唔揀返自己小學!

本帖最後由 nicoleyying 於 19-9-25 08:21 編輯

同意，而且父母為舊生，熟悉學校理念，多分d都合理

況且，依家多咗咁多直私學校可報，有準備就唔會徬徨

lcyesther

gracelam 發表於 19-9-24 20:31
咁你自己及另一半都有讀過小學, 都有嗰5分㗎喎!!

只不過你唔揀返自己小學!

世襲係有不公平。如果母校已殺校，咁就要白白無左五分？
有不合時宜就要反省改善，不是一直如此就等如果件事正確。

cat20203

小一算是多元化，有催谷(預備)去考直私，世襲，派位(好彩派到第一志願又唔駛叩門)
有弟妹唔介意跟兄姐，已經唔愁
只係太多人望高處，唔見好就收，堅持玩到叩門，入名校，苦了其他全程食白果的同學

宮二

讀過更應該清楚知道母校是否適合下一代，手執25分神津都唔要的大有人在，㨂間近屋企又適合自己理念的更為重要，無謂執著有幾多分、公唔公平。

legolas625

無準備的人，就會徬徨

利申: 無世襲分，已升小

manmonster

當年都好傍偟，唯有努力考直私。一路咁鬧，自己唔開心又改變不了制度，對自己小朋友又沒好處。
公平與否。不想討論。再者，任何一個社會，不公平的事何其多。

gracelam

lcyesther 發表於 19-9-25 08:37
世襲係有不公平。如果母校已殺校，咁就要白白無左五分？
有不合時宜就要反省改善，不是一直如此就等如果件 ...

我自己間小學同樣已殺校, 老公嗰間就算把啦!!

如果改制度, 又有一堆喇叭/聖馬你/馬你落, 舊生出來嘈, 沒完沒了!!

我樓上講左, 沒有一個制度係乎合晒所有人願望, 想不公平中找一點公平, 去考直私, 不過考直私都會存在不公平, 就係有一樣叫"識人好過識字"。

ipcs

Ytfc 發表於 19-9-24 20:42
世襲分我覺得冇問題，都叫做關照下啲舊生

反而我覺得宗教分好大問題

宗教分有咩問題?
同信念緊係應該讀返同信念嘅學校啦
況且只是大d機會取錄，如果大家想入讀某宗教的學校也可以預先作準備呀（當然唔建議為左入學校先信某信仰）
而家又唔係將所有學位畀晒相同宗教，其他人也有機會的。
交朋友都會揀個你自己覺得同聲同氣掛

lcyesther

如果制度好難改變就不提出，甚至批判一下也不可以，就無人會有動力去作改善。
任何制度也有問題，但可以做到盡量公平。如完全無世襲分的，可以俾佢地在抽獎階段先抽。咁一人著數一次，無分也可以寄望大抽獎機會大D。
二十分的就要衡量，用舊生分定不用，因為之後抽獎機會細左。

教育優勢，不應長久落入咁些家庭中。

legolas625

我觉得最公平係大家一起要去考，取消抽獎

jclee11002

ipcs 發表於 19-9-25 10:10
本帖最後由 ipcs 於 19-9-25 10:24 編輯

宗教分有咩問題?

以下是轉載其中一網友以往的評論

發表於 16-11-22 13:22 |只看該作者

本帖最後由 dereklg 於 16-11-22 15:40 編輯 其實，覺得宗教分有爭議性，不妨了解一下教會學校之發展史。 早期的教會，政府視為福利機構，冇咩錢比佢地，但會撥地比佢地做地區工作。運作資金一般來自教會本身及教友捐獻。 而作為教會，雖說惠及蒼生，讀書及派米惠及不同階層，但說到底都是希望學生/受惠的街坊，最後能成為教友，教會夠人多才可壯大。當然，真的有不少學子讀下讀下日聽夜聽，最後都成為了教友。當時的教會學校，架構上等同私校，資金及運作都是獨立自主，大致不受政府干預。 到了7-80年代，因baby boom，學童數字暴增，政府有建新校仍不足夠，於是向教會校以津貼形式買位，校方有資金增加設施及增加學位。此為津校之雛形，但校方仍保有包括收生的大部份自主權。 再經過十多廿年演化，政府將學校更規範化，教會津小會讓出一半學額給政府統一處理 (即大抽獎)，而校方則保留一半學位可自主收生 (即自行階段)。 但所謂自主，為了比較公平，引出了計分制，對教會校而言，有宗教分對他才真正公道。 如果要一間教會校，服務社會多年，到了今天有了成果，卻不準許他局部照顧一下自己的教友，是不是有點說不過去? 所以，我一直都覺得宗教分其實是很合理的一件事。 看事情要多幾個角度及全面一點，某些家長們自己冇宗教分，就說不公平。 唔去了解前因後果，而只著眼自己現時一刻蝕底左少少，未免睇得太窄吧。

ok3

世襲10分呢項, 對某啲小朋友嚟講真係好唔公道. 其他計分項目都仲可以透過後天努力去改變, 唯獨呢項係先天不可逆轉. 小朋友父母/兄姐嘅小學可以被殺校或父母/兄姐不在港讀小學......

jclee11002

可看舊帖，有各方的意見和討論及解答

https://www.edu-kingdom.com/forum.php?mod=viewthread&tid=3380327&extra=page%3D44&page=1

medicine

BabyBookBu 發表於 19-9-24 14:03
15分的家長,你們徬徨嗎? 係呢個都教育制度上,我覺得父母世襲分係好過份....為什麼家長係校友便可以高分? 如 ...

當年，細路都係15分。細看制度細則之後，知道相當於0分。

再回想早一年插班揾幼稚園

K3的彷徨情景

，萬幸尚有一間願意收。進去后發覺

充滿愛心，細路好中意返學，適應算理想。至今，作爲家長的我們對該得一個班的極不起眼幼稚園充滿敬意。

到了準備升小，“N”無的我們卑微地放棄自行。大抽獎交表前，亦唔敢選填報網内的最熱門，選報稍爲沒甘熱的派位尚可的一間宗教小學（希望增加中獎機會）。得幸運之神關顧，中第一選，打開派位表一刻心情大好。細路升小后同樣開心返學，成績逐步提升。目前算係Band1a,快到選校，尼一次相對來講係淡定：我們‘離’直私甚遠，亦會報，僅僅摞面試經驗，希望自行官津成功不需再參加大抽獎（上次已經夠運）。

分享一下，係希望各位家長樂觀少少，即使15分幾乎肯定沒機會，或20分唔中自行都好，後面有大抽獎。最關鍵，仲有六年時間，小朋友可以通過學習獲得進步。尼一個過程，彌足珍貴。倘得成績，與有榮焉！

希各位學生升學如意

b3410

好多人15分，我女當年一樣，唯有唔寄希望於此，當放棄呢一輪。之後還有抽獎，也可以考直私。

zz77777

         其實大部分人都是15分，我家去年也是15分。第一輪就當作放棄了，給叩門111做準備了。當然也會擔心派不到好學校，所以做了多種準備。

        有去補習，考直私，考劍橋為了叩門做準備，
忙乎了一年多offer少，waiting多，周圍朋友也大多如此。
        其實第一輪能派中的真是少少。幾個朋友孩子也都派到了第N志願，
但最终结果还是好彩滴，都叩返回了自己所在区的111，多寫幾封求位信還是有用滴，
焦慮肯定是有的，很多都是8月才收到call，都不容易。家長用心不放棄也很重要。
加油💪🏻希望今年的小朋友們也能都進入自己喜歡的學校。

Ytfc

jclee11002 發表於 19-9-25 11:55
發表於 16-11-22 13:22 |只看該作者

唔好意思我講得唔清楚，我絕對認為關照返自己教友係冇問題啦，正如世襲關照返舊生一樣，係好合理。

只係眼見有唔少人，為咗宗教分而返教會，最終真係信咗都冇問題嘅。但有啲上咗岸就冇咗件事咁，我就覺得唔係咁好啫

jeremyhsieh

人生係長跑，好小事姐

Poyau

官津自行唔成功還可寄望大抽獎

DengCK

Ytfc 發表於 19-9-25 14:53
唔好意思我講得唔清楚，我絕對認為關照返自己教友係冇問題啦，正如世襲關照返舊生一樣，係好合理。

只係 ...

佛教轉天主教我都聽過啦。

如果父母不是做開教徒，但無端端受到神的感召捉個小朋友去信教，真係神蹟顯靈