Smarties House和nice studio

Bighamster

pizzafat 發表於 19-9-16 19:37
我收到試堂通知，但都想知其實係咪真係有小朋友試完堂會不被揀入面試班？

面試班都要面試先入到，真係無 ...

我收到試堂通知，但都想知其實係咪真係有小朋友試完堂會不被揀入面試班？-I think so.

我都book左trail，150蚊見識下神秘組織

pizzafat

Bighamster 發表於 19-9-16 19:40
我收到試堂通知，但都想知其實係咪真係有小朋友試完堂會不被揀入面試班？-I think so.

我都book左trail， ...

係囉，超神秘！無電話無地址

不過如果試完無offer 都會失左啲信心

kokoroame9

我阿二有返nice，但佢話好悶。鞠躬打招呼硬晒，我地唔鍾意，讀左一期冇讀第二期。唔係佢哋最出名個位老師教，好似係有個好出名的，揀人入班，其他都普通。唔記得名。 因為咁，細仔冇報nice 報左smarties。三位老師之中最後生個位教我仔，但佢好似返得幾開心，最初有話悶，因為要做task，後來習慣左都話開心。我自己覺得smarties好d。Nice，可能要搵到個位出名的老師先係好吧。

Bighamster

kokoroame9 發表於 19-9-16 21:34
我阿二有返nice，但佢話好悶。鞠躬打招呼硬晒，我地唔鍾意，讀左一期冇讀第二期。唔係佢哋最出名個位老師教 ...

ms pong or ms leung?

kokoroame9

Bighamster 發表於 19-9-16 21:42
ms pong or ms leung?

呢兩位好似係出名的。我小朋友係Ms Cheung教，佢當年話好悶唔想返。

Bighamster

kokoroame9 發表於 19-9-16 21:45
呢兩位好似係出名的。我小朋友係Ms Cheung教，佢當年話好悶唔想返。

我地有揀到ms Leung，睇下點先！橫掂smarties就算收都係出年1月先開學，仲有時間試

kokoroame9

Bighamster 發表於 19-9-16 21:46
我地有揀到ms Leung，睇下點先！橫掂smarties就算收都係出年1月先開學，仲有時間試
...

可以啊。我有識得人係兩間都返，feedback話都幾好。話nice d功課幾好，當練習做。smarties就上堂活潑d開心d。

happygirl1284

pizzafat 發表於 19-9-16 19:31
Smarties house 仲要面試後先揀人入，無被揀中嘅小朋友又係唔係真係無potential 最終無offer ?又其實係咪真 ...

我都想知小博士好唔好

lambeanmama

我有報面試班，坦白講，純粹是安心錢。是一個唔想令我面試前後不停反覆考慮或後悔嘅安心錢。

有無用？套用老公嘅說話：上堂學野，點都會有得著。

邊個面試班好一點？其實無一定。也只是各取所需。我個人research所得，Nice 早段課程以學術基礎鍛煉為主。好多worksheet同練習回家做。有家長喜歡，有些不。我是「不」個類，所以day one開始也沒有考慮。有另一個出名嘅面試老師，主張先破後立，把所有小朋友慢慢感化成一名面試型小朋友。也不適合我家。

我仔是讀smarties的, 現在考緊小一。「成效」方面，有面試班同學so far 咩都無（都只係有幾間出了offer及二面成績only) 。但我仔so far 又順利。關面試班事嗎？其實未必。

最重要，我暫時覺得，還是小朋友的性格。smarties面試班不重學術，比較重視禮儀同提供不同試題供參考。主老師三位，三位性格不同，學習取態也有少少分別。每班有一位助教。人數比例是2對10至12。我覺得正常合理。每堂有debriefing。我覺得好夠。老實講，班班都10個人，每個家長想再一對一問5分鐘，真係無咩可能。有問題想問，大家concise and precise一點去問，佢地都會答的。9是否重視有potential小朋友較多？emmm，我覺得都有少少。但都正常，佢地做生意，都要keep住成績去吸引下一年嘅家長。但又不代表佢地會放棄表現較差嘅小朋友。據說，往年有一些internal mock ranking較低嘅小朋友，最終也有直私offer, 老師都會幫手盡做的。但家長真係要配合。有一些要跟進嘅項目，就要留心吓。9月後會多人一點，因為升K3後好多人下午班轉上午班，調組情況比較多。

我明白K2 媽媽們的憂慮，希望以上幫到你。大家加油(emoji)

Bighamster

lambeanmama 發表於 19-9-18 07:32
我有報面試班，坦白講，純粹是安心錢。是一個唔想令我面試前後不停反覆考慮或後悔嘅安心錢。

有無用？套用 ...

太感謝了！Very useful！祝你小朋友考到心儀小學！

eleanoruby

eatbobo 發表於 19-9-15 23:43
曾經在smarties 上，感覺佢地只集中在比較有potential 既小朋友，debrief時亦不能指出小朋友的強弱項及應該 ...

完全同意，小朋友跟唔想就上，就好似被忽視，同埋佢地主要係針對入神校，其他二、三線直資係唔會理，比唔到咩意見

利申：曾經係用家

eleanoruby

lambeanmama 發表於 19-9-18 07:32
我有報面試班，坦白講，純粹是安心錢。是一個唔想令我面試前後不停反覆考慮或後悔嘅安心錢。

有無用？套用 ...

你是那位老師教？因為我仔讀smarties既時候，老師話佢學術唔夠，叫我外補，知道我一星期上一次英文班，話唔夠，話我仔其他同學係一星期兩至三堂

所以我唔覺得佢地唔重學術，可能係老師唔同吧！

C9Ma

lambeanmama 發表於 19-9-18 07:32
我有報面試班，坦白講，純粹是安心錢。是一個唔想令我面試前後不停反覆考慮或後悔嘅安心錢。

有無用？套用 ...

我仔仔都讀緊Smarties又係而家考緊小學。開始初期，Smarties曾經覺得我仔仔唔合作，完成第一階段之後就示意唔係咁適合。
之後，我哋同囝囝詳細傾談當中問題，希望佢明白上面試班並不是興趣班，老師係幫助佢去準備考小學。最終，仔仔明白並說其實佢上堂好開心想繼續去。
同Smarties溝通，最後仔仔繼續上堂。好多謝Smarties對仔仔嘅鼓勵，仔仔而家對面試好有信心，當然未知最後結果如何（始終講緊每間學校都幾千人申請）但見到仔仔嘅自信，我好滿意。
仔仔學術只是中規中矩，但係Smarties從未要求我加強外補。
我鍾意Smarties時常讚賞小朋友，令小朋友不害怕面試，增強自信。又時常教導小朋友要孝順父母，品德方面好注重。

993rs

lambeanmama 發表於 19-9-18 07:32
我有報面試班，坦白講，純粹是安心錢。是一個唔想令我面試前後不停反覆考慮或後悔嘅安心錢。

有無用？套用 ...

早排被畢業 KG 邀請回校分享經驗，有共通睇法，就係面試班既學術部份係意義不大，大家都認為要學術系外面固定上一個 英文/Phonics、一個 PTH，對小朋友來得有用。

我個人意見係強烈反對面試班。要面試經驗，報幾間冷門、早 interview 既小學拿經驗；禮義方面，我未見過面試班教得到：唔係指見老師講早晨、走要放回坐椅呢d表面野。友善自信既態度、正面主動既回應，呢d係家長既平日待人態度既反映，係去屆我識兩位小朋友入其中一熱門直資小學既共同特質。男/女神校，更收唔少 KG 認為有d跳皮既小朋友，我地估係基於自信、抗壓能力。

以上都唔係面試班「教」得出。係有小朋友有上面試班又入到神校，但要認清係面試班幫到手還是家長本身既功勞。

通過分享會先發覺原來唔少家庭都係，一個家長想上、另一個唔想，最終都係要上面試班，包括我自己在內。所以我相信入得呢個 post 最終都應該會報 剩底既 advice 係，唔好報 Nice。

最後分享一件趣事，早排同小朋友傾返升小 interview被問既問題，其中應該有類似問父母會同佢做乜，佢既答案係：帶佢上堂。利申一下，我只係帶佢上興趣斑，係體育運動、玩既；亦有帶佢去乜館、物管；系屋企做過唔少小實驗、一齊睇過既書上至天文下至地理；more importantly, 我知 nice 係有提供 model answer~! 無奈佢 classifies 所有被帶去、玩玩具以外既，都係「上堂」。學校咁有經驗，要 chok 一個小朋友講非 model answer係幾咁容易（當然我覺得反而小朋友有時會表達錯意思）。何況小朋友對事物既睇法唔係一個 course 可以改變，係要年年月月 setup、fine tune

lambeanmama

993rs 發表於 19-9-18 10:29
早排被畢業 KG 邀請回校分享經驗，有共通睇法，就係面試班既學術部份係意義不大，大家都認為要學術系外面 ...

所以我咪第一句講面試班是安心錢囉。as of 呢一刻，我都覺得我仔嘅進程，同有無上面試班關係不大。但能力負擔到，當俾錢買個免後悔嘅心吧。

其實每個小朋友不同。同一問題，我仔從不會講爸爸媽媽帶佢上堂。因為我們有很多其他活動和他一起進行。而且我們是很consistent 的。即長期在同時間做同一件事。所以某程度上，我個仔是「被洗腦」的。

考小，只是一個階段。考到，不代表叻。考不到，也不代表失敗。盡力做好，其餘交俾個天好了。

lambeanmama

eleanoruby 發表於 19-9-18 09:38
你是那位老師教？因為我仔讀smarties既時候，老師話佢學術唔夠，叫我外補，知道我一星期上一次英文班，話 ...

面試班老師同我講，學術嘅野，夠用就好。不要同人鬥勁，因為總有d 神人存在。你點追都無用。不如好好發揮小朋友所長，再修補小朋友弱項。我好 buy的。

利申：我仔學術是平均以上，但與勁字有一定距離。無cert 無award的。

993rs

lambeanmama 發表於 19-9-18 15:11
所以我咪第一句講面試班是安心錢囉。as of 呢一刻，我都覺得我仔嘅進程，同有無上面試班關係不大。但能力 ...

我係極同意「安心錢」呢個說法的，可以講得係為「世界和平」而付出，免得同老婆有拗撬。一下子寫咁多只係有感而發  

升小面試要上面試班，入面試班要上面試. 面試班，真係可以納入棟篤笑笑話

ok3

993rs 發表於 19-9-18 17:10
我係極同意「安心錢」呢個說法的，可以講得係為「世界和平」而付出，免得同老婆有拗撬。一下子寫咁多只係有 ...

又未去到"世界和平"咁誇張, "家庭和諧"啦BTW, 我見多數係啲亞媽話要上, 亞爸話唔使.

mrsmacaroon

kokoroame9 發表於 19-9-16 21:45
呢兩位好似係出名的。我小朋友係Ms Cheung教，佢當年話好悶唔想返。

Ms Cheung都係普通冇特別

win888

C9Ma 發表於 19-9-18 10:00
我仔仔都讀緊Smarties又係而家考緊小學。開始初期，Smarties曾經覺得我仔仔唔合作，完成第一階段之後就示 ...

Same feeling!  自問"仔仔學術只是中規中矩，但係Smarties從未要求我加強外補。
我鍾意Smarties時常讚賞小朋友，令小朋友不害怕面試，增強自信。又時常教導小朋友要孝順父母，品德方面好注重。"

上過小博士, 小狀元及smarties, 再選仍會係Smarties.    老師不但增強仔仔自信, 亦增強了家長我的自信!