考插班成績要求！

mch411

我亞仔學校測考每班有龍虎榜, 每科頭三位上榜,
小一數學試過15人上榜, 淨係佢果班15個100分,
到高小開始龍虎榜得返3,4個人

b3410

mch411 發表於 19-5-7 10:15
我亞仔學校測考每班有龍虎榜, 每科頭三位上榜,
小一數學試過15人上榜, 淨係佢果班15個100分,
到高小開始龍 ...

低年級鼓勵為主，我覺得小朋友大家考高分都幾開心。最驚出題深，一下子唔合格，打沉咗

bobbob

Agatha209 發表於 19-5-6 12:15
唔係heat爆既學校，有提供考試時間地方，考5個同考10個差別好大咩？做大龍鳳定扮高竇sale知名度，無人知！ ...

我意思係站在家長立場，明知學校唔會收咁嘅成績，我寧願佢哋一開始唔收我張表，好過俾個false hope，等個小朋友面完考完結果都係唔收

lulumelody

1998Ruby1998 發表於 19-5-7 09:15
初小好多人都可以攞 9X 甚至 100，程度教得快、考卷深嘅如 DG、GH 也有人可以科科 9X，更何況係次熱門嘅學 ...

有時名校教深D卷反而淺和直接。中英文科真係還可，但有D學校D數真係深，加了很多奧數入去，小一要明未知數，solve equation，考D小二數，真係要可以最高分得八字頭，有大半班不合㭘。

Agatha209

1998Ruby1998 發表於 19-5-7 09:15
初小好多人都可以攞 9X 甚至 100，程度教得快、考卷深嘅如 DG、GH 也有人可以科科 9X，更何況係次熱門嘅學 ...

咁中英數89➕100➕100同90➕90➕90，分別係好大？拒無話平均分，係每科呢？

Agatha209

ar_mak 發表於 19-5-7 00:08
學校可以參考世界盃既做法,先係各區打外圍賽,然後按各區學校強弱去分配入圍名額; 之後就到分組賽,強校就可 ...

依家唔係咁玩法咩？

Yanamami

Agatha209 發表於 19-5-7 12:26
咁中英數89➕100➕100同90➕90➕90，分別係好大？拒無話平均分，係每科呢？
...

但门檻就係门檻……無人情講的｡

Agatha209

ar_mak 發表於 19-5-7 18:43
不如咁勒,我的收入+李嘉誠的收入,再除2,這就是香港人的平均收入.

你明唔明規矩就係鐵板一塊,係咁就係咁,正 ...

咁你又知唔知規則係死既，人係生既？
你認同所有遊戲規則咪又係鑽牛角尖！

1998Ruby1998

回覆 Yanamami 的帖子

佢可能就係自己仔女學術唔過門檻，插班無望，依家係度話人地唔公平。人地定左呢個 cut off，就即係往年都收好多科科 9X 分嘅學生，唔愁冇人插班。
小學 59 分就要留班，60 分就可以升班，89 分 B 90 分 A，DSE 40 分攞 2，39 分攞 1，12 月 31 號出世嘅小朋友，升小可以今年唔掂仲有下年，1 月 1 號嘅，只可以一 take 過。但 31/12 同 1/1 出世差咁遠咩？係，就係始終差左「一年」，過左就係過左，未過就係未過。

咁講，如果小朋友 89、100、100，又或者上下學期都坐過山車，我係學校都擔心該科長期積弱，如果再睇埋個小朋友來自咩學校，如果學校係課程淺，咁更加唔敢收。反而科科 90，個小朋友讀書平均又高質，冇特別弱嘅科目，收得過，呢個道理到升中都一樣。但既然 po 主覺得規矩係死，人係生，對自己有信心可以寫信同插班學校講「校長，規矩係死，人係生，我小朋友係差一分咋嘛，我覺得佢叻過好多 90+90+90。」如果小朋友真係咁出色，低分啲都收。

喇，我知有幾間學校，有辣有唔辣，但人人筆試有份/冇寫明分數門檻，po 主咁想插班的話，我可以分享下，睇下你願唔願意報，不過好多都一早截止。

Agatha209

1998Ruby1998 發表於 19-5-7 23:32
回覆 Yanamami 的帖子

佢可能就係自己仔女學術唔過門檻，插班無望，依家係度話人地唔公平。人地定左呢個 c ...

所以咪話唔明你個門檻，無話要你就我㗎，你咁睇重成績，咁3條9係小一全級排名去到中位數既機會都高，一定包唔會坐過山車咩？分高分低不嬲睇名次，59分唔合格，但最高分係佢，都係算佢叻！

mandytanghk

Agatha209 發表於 19-5-8 08:52
所以咪話唔明你個門檻，無話要你就我㗎，你咁睇重成績，咁3條9係小一全級排名去到中位數既機會都高，一定 ...

門檻只是减少考試人數，减輕老師工作，過到門檻不代表一定叻，但仲要考筆試，冇料概都唔會收啦。
當然，達唔到門檻都可以叻，但如好多人考，學校可能都不在乎少量漏網之魚啦。
如果門檻set 到95/95/95，可能妳感覺好些？
另外，名次有時都未必是最好方法，寶校既級頭未必比一線校既中位叻。

Jane1983

識人讀新派直資考級前列，出去報插班。佢覺得襯得佢小朋友起，又值得轉的一綫津校，全部無得考插班試，機會都唔比一個。佢當然覺得委屈，但做家長係咁，啃咗去lor。

明明1972

我小朋友插班英華和陳守仁，問過其他家長，基本上是全級前十才有機會面試， 當然你可以說這個制度是十分殘酷， 比你係學校都會揀精英囉。 畀你面試 仲要過五關，斬六將。

mytambb

明明1972 發表於 19-5-20 16:08
我小朋友插班英華和陳守仁，問過其他家長，基本上是全級前十才有機會面試， 當然你可以說這個制度是十分殘 ...

對啊！插班就是選賢舉能，面試門檻只是第一步，之後更有考筆試、面試等。若要參與，必須要先有心理準備。

美美羊

樓主不用為89/90分勞氣，我仔讀緊私小，低小，級五以內，4主科全年平均98分，有樂器4級，識日文，幾個奧數比賽金奬，但DB，LS插班都冇筆試機會，我都問自己，個仔有冇咁差！獲邀學生水準究竟有幾高？

334455

回覆 美美羊 的帖子

可能只係尚未收到信件，今明再check下，祝你好運。