為什麼中文怎樣也不好

Felix223

sickbanana 發表於 18-11-22 11:16
文字/文章理解問題, 是否閲讀理解, 排句成段, 重組句子，無錯，佢失好多分在這些，是否要改改溫習方式呢， ...

我個仔都有類似問題, 是在閱讀理解個part失分最多, 不過佢只是小一, 所以最近我加插了一個星期做一至兩篇理解同佢一起做, 看完文章會慢慢解釋D內容詞語比佢了解多D, 唔好期望短時間會有效果, 因為中文詞彙始終都要累積, 要明白個詞語本身的意思先可以解題.

sickbanana

Felix223 發表於 18-11-22 11:40
我個仔都有類似問題, 是在閱讀理解個part失分最多, 不過佢只是小一, 所以最近我加插了一個星期做一至兩篇 ...

你阿仔小一仲有時間，早發現問題早解決就好，我其實小三才開始比練習佢做，可能時間未夠未能進步

Felix223

sickbanana 發表於 18-11-22 11:43
你阿仔小一仲有時間，早發現問題早解決就好，我其實小三才開始比練習佢做，可能時間未夠未能進步
...

你同佢一起做, 不是急住要完成寫個答案落去, 反而了解究竟佢明唔明D詞彙意思, 你先可以知 - 原來佢一直都唔太清楚意思, 清楚了解個字的意思, 又可以學多樣野.
做exercise 唔難, 但原來當中好多時只係估估下, 即係唔明..大大下D內容深了, 就會出現更多問題.

sickbanana

Felix223 發表於 18-11-22 11:50
你同佢一起做, 不是急住要完成寫個答案落去, 反而了解究竟佢明唔明D詞彙意思, 你先可以知 - 原來佢一直都 ...

都係，呢樣嘢唔可以交比補習老師，只能親力親為才知道佢明唔明

Felix223

sickbanana 發表於 18-11-22 11:52
都係，呢樣嘢唔可以交比補習老師，只能親力親為才知道佢明唔明

暫時仲夠時間, 要自己跟貼一D

YolandaTam

sickbanana 發表於 18-11-22 10:47
佢理解能力好差好差，佢2歳半攞只懂得叫’媽E’即係我，返幼乜都唔願講，佢好似乜都比別人慢，連長高也慢 ...

請別介意多口問句：平時令郎見到人哋喊，跌倒，天災人禍有無跟住傷心？如果無，可能同性格太理智，少同理心有關。
我老公同女都係咁，老公尤其嚴重，呢種人英文會比中文好，數理更是出色。但中文，尤其抒情文會感受唔到，答唔到問題。記敍文講感受，體會嗰部分，佢哋會唔明同前文有何關係，結果又答錯。

sickbanana

IloveJJ 發表於 18-11-22 12:46
咁你已經知道係「理解力」既問題，咁其實唔止影響中文，對常識都有影響，越高年級影響越大。
咁你一邊可以 ...

佢常識也不好，三年級六十幾分，今年一開學我每教一課就同佢溫，教三四課後又重新溫一次，佢今次八十幾分，好多題目冇做因為佢唔理解，我轉返啱佢問法就識，所以你也明白中文唔理解影響好多

raymondmessi

如果默書好，考试唔夠好，會唔會做卷速度唔夠快，除咗多閲讀外，在家做卷時可以練下速度

sickbanana

YolandaTam 發表於 18-11-22 13:00
請別介意多口問句：平時令郎見到人哋喊，跌倒，天災人禍有無跟住傷心？如果無，可能同性格太理智，少同理 ...

佢在巴士站見過學生比車撞到彈開，三年級生我覺得應該好驚會喊，佢只係打比我冷靜地講過程，有講唔知會不會死，如果同學喊，佢只會話唔知佢仲乜鬼咁都喊，有人好曳在沖涼房鬧交打架，佢永遠睇唔到，出來其他家長問冇人出來？佢答唔知，轉頭我問佢先話我知，我同現任老公鬧交，佢對仔女驚到喊，我仔只會理智地當睇唔到，除非茅頭指向佢，佢先會好傷心喊，所以佢絕對沒有多咀，沒有八掛多事沒有扭計唔願意既行為，佢操行非常好，所以教佢既老師都稱讚佢超乖，但又唔係壞心地，一叫佢照顧個妹，佢真係好有責任感拖實佢過馬路，但佢唔識主動去先關心別人需要

sickbanana

raymondmessi 發表於 18-11-22 13:21
如果默書好，考试唔夠好，會唔會做卷速度唔夠快，除咗多閲讀外，在家做卷時可以練下速度 ...

中文科佢一二年級通常只做到三分二，低年級較易，所以也有七十分，高小也有呢個問題，趕緊做快，連想覆卷先做既都冇時間，慢係佢因為真係唔識，諗耐咗咪慢

sickbanana

YolandaTam 發表於 18-11-22 13:00
請別介意多口問句：平時令郎見到人哋喊，跌倒，天災人禍有無跟住傷心？如果無，可能同性格太理智，少同理 ...

請問你女有冇中文科的問題，用咩方法來幫佢呢？

HaYi

我識几個類似情况是有自閉傾向，佢地默書可以高分，但一需要理解便不通，已高小，因愈在愈多要理解，中，常都有問題，英好些因二三線仲淺

sickbanana

IloveJJ 發表於 18-11-22 12:46
咁你已經知道係「理解力」既問題，咁其實唔止影響中文，對常識都有影響，越高年級影響越大。
咁你一邊可以 ...

我會參考你考既方法，今天開始唔會叫佢死背死記文字，因為我太著重怕佢再差，諗唔到方法咪每日死讀課本，其實今次常識我真的改了方式，每課解釋佢聽，平時生活接觸到又講吓，冇叫佢死背書，輕鬆的反而意外地考到八十幾

raymondmessi

回覆 sickbanana 的帖子

如果喺咁，都喺由多閲讀做起。

sickbanana

raymondmessi 發表於 18-11-22 14:04
回覆 sickbanana 的帖子

如果喺咁，都喺由多閲讀做起。

我已經亂了，覺得掛著閲讀，課本既字咪唔識，背哂學校既先睇書啦⋯⋯今次我認為佢識字太小，一路上高班就幾努力都考唔好

YolandaTam

sickbanana 發表於 18-11-22 13:42
請問你女有冇中文科的問題，用咩方法來幫佢呢？

小女喜歡閱讀，小學時中文無問題。
到中學，白話文閱讀理解徘徊合格邊緣。因為中學閱讀理解只問極少文章內容，大部分著眼於
1)作者用某種修辭手法的用意，如果唔用又有何弊病；
2)某段能否刪去，刪去後對文章有何影響；
3)哪些部分詳寫，哪些部分略寫，用意為何；
4)某事物的象徵意義
5)作者立意，弦外之音
就算睇好多書都未必估中。
所以小女係靠聆聽及綜合，寫作，課文問答同文言文拉分。

Felix223

YolandaTam 發表於 18-11-22 14:49
小女喜歡閱讀，小學時中文無問題。
到中學，白話文閱讀理解徘徊合格邊緣。因為中學閱讀理解只問極少文章內 ...

吓, 而家D 問題問得咁複雜??

Olympian

sickbanana 發表於 18-11-22 13:30
佢在巴士站見過學生比車撞到彈開，三年級生我覺得應該好驚會喊，佢只係打比我冷靜地講過程，有講唔知會不 ...

聽落好像"心智解讀"方面弱，即唔明人家的感受，唔係好識睇人眉頭眼額。可以買下一些關於講解情緒的圖卡或圖書比佢睇。4年班下學期會有記人記敍文的閱解和作文，會強調人物性格特徵，可以同佢講解下，睇下補充相關練習。