求問聖方濟各英文小學家長，你地認為學校好唔好？

JenLau88

SFA出名收學術型學生，三測三考(遲啲轉三考)，並無要求學生要有特異功能或學乜學物，比較簡單。就睇家長覺得是否適合自己小朋友。當然亦有家長唔鍾意佢單一追求學術，都係嗰句，百貨應百客。

學校學習風氣好好，小朋友都愛閱讀，緊張自己學術表現。當然校內亦有資優課外堂比資優學生培養其專長。

學校冇分精英班，所以校內並無標籤問題。課程係會教快教深，絕對唔可以hea讀(超班例外)。

我覺得如果小朋友適合，SFA絕對係好學校。

fadgare

非常同意！好多直資都要小朋友主動健談先收！但sfa比左機會一些內歛但學術強的小朋友有地方發揮，其實學校合適便好了！

chieco

同意，一間學校無話好唔好，係你小朋友受唔受。
當年小朋友有 wkf 同 SFA  offer, 佢選擇呢間。相信如果揀咗 wkf , 佢返學嘅壓力會仲大。

SuperLoveMyGirl

fadgare 發表於 18-11-10 12:06
非常同意！好多直資都要小朋友主動健談先收！但sfa比左機會一些內歛但學術強的小朋友有地方發揮，其實學校 ...

非常同意，感謝學校比這個機會我個女！

yatyat0701

kwan_kwan3 發表於 18-11-9 20:00
本帖最後由 kwan_kwan3 於 18-11-9 20:17 編輯

本帖最後由 kwan_kwan3 於 18-11-9 20:06 編輯

認同

SuperLoveMyGirl

yuenkw 發表於 18-11-10 12:51
唔係SFA，相信呀仔升唔到而家呢間中學！
每個選擇都有所得失，但有d係可以并存，學校重學術同小朋友待人接 ...

請問小朋友讀得開唔開心？

assado

識三位家長, 一位頂唔住, P2 轉走其他校, 另一位, P1小朋友做功課, 做到喊, P2 想走但成績吾太好走吾到。
第三位, 有其他 offer, P1 已放棄SFA.

如果樓主是全職家長, 小朋友又受得, 都可考慮SFA.

HAPPYT

識兩個朋友囡囡讀到小二捱唔住轉校, 轉去左真道&CKY繼續升學, 佢地講SFA功課多固然辛苦, 但最辛苦反而係太多同學學術水準超高, 再努力可能都係下游人仕, 直接影響了小朋友自信心同家庭和諧。


但親友囝囝亦讀SFA, 如魚得水, 入讀男拔, 小朋友有禮大方, 成績優異。

所以, 真係睇小朋友受壓能力, 有人遇強越強，有人可能反而影響自信, 睇自己小朋友性格來決定吧。不過, 入得SFA, 要有心理準備對手強勁。

assado

HAPPYT 發表於 18-11-10 13:42
識兩個朋友囡囡讀到小二捱唔住轉校, 轉去左真道&CKY繼續升學, 佢地講SFA功課多固然辛苦, 但最辛苦反而係太 ...

如果家長是比較分數, 排名, 間間校都有强勁同學。

HAPPYT

assado 發表於 18-11-10 13:54
如果家長是比較分數, 排名, 間間校都有强勁同學。

除幾間神校外, 三私一直0既強勁同學比例相對比較高, 當好努力後仍然在下游,  有些家長&小朋友難免會氣餒。

aztecs

HAPPYT 發表於 18-11-10 14:22
除幾間神校外, 三私一直0既強勁同學比例相對比較高, 當好努力後仍然在下游,  有些家長&小朋友難免會氣餒。
...

點相對較高，有什麼數據嗎？

assado

HAPPYT 發表於 18-11-10 14:22
除幾間神校外, 三私一直0既強勁同學比例相對比較高, 當好努力後仍然在下游,  有些家長&小朋友難免會氣餒。
...

一線津小, 背後家長/同學都好强勁 !

bearbear2003

aztecs 發表於 18-11-10 14:42
點相對較高，有什麼數據嗎？

Pre S-1result 會show 到，同一份卷，知道排名就知。而推算，當然你讀的中學係全港top10,才有推算價值。

bearbear2003

我仔都讀得好開心，佢做嘢算快手，功課都好快完成。算係打好學術個底，上咗中學，真係好得心應手。如果小朋友太hea，做嘢唔爽手，及資質有限，唔建議讀SFA.

HAPPYT

aztecs 發表於 18-11-10 14:42
點相對較高，有什麼數據嗎？

點相對較高? 或者我量化一下。

全港除了那些龍校/直屬外, 4XX間小學, 有幾多間可以做到有接近8成BAND1 學生? 他們考取學校的能力, 正正代表著他們的能力, 亦是我所說強勁對手的原因。

HAPPYT

assado 發表於 18-11-10 14:55
一線津小, 背後家長/同學都好强勁 !

讚成, 一線津小都有强勁的家長/同學, 呢點不容懷疑。
所以, 我只是說SFA強勁的家長/同學相對比較多。

MrBeast

assado 發表於 18-11-10 13:19
識三位家長, 一位頂唔住, P2 轉走其他校, 另一位, P1小朋友做功課, 做到喊, P2 想走但成績吾太好走吾到。
...

身邊有working mum, 佢孩子最終升到b1 英中，過程當然辛苦，C補亦是ftm 的option 之一