英華 vs 陳守仁 vs sfa

monodad

進取型=SFA
穩陣型= YW
經濟型 = TSL

fadgare

monodad 發表於 18-10-23 11:07
進取型=SFA
穩陣型= YW
經濟型 = TSL

其實yw也是經濟型呀

monodad

fadgare 發表於 18-10-23 11:15
其實yw也是經濟型呀

課外活動駛費唔平，例如樂器班，出國表演等

小曳人

fadgare 發表於 18-10-23 09:49
sfa，純學術，又可抽獎，因有細佬跟尾。英華好好但係要體藝驚應付不來。
...

好睇你家細佬天份
其實每個家庭嘅concern 都唔同，好難有標準答案
你俾我，就SFA>TSL
個YW又平又有中學，咁大競爭都有offer的話，唔係咁多人會為SFA/TSL而放棄喎~
除非，你已見到某校有d特質，係你接受唔到嘅，又唔同講法...
所以，因人而異，不如有offer先再煩啦！

sunnymama2

monodad 發表於 18-10-23 11:56
本帖最後由 monodad 於 18-10-23 11:57 編輯

課外活動駛費唔平，例如樂器班，出國表演等

乜唔係間間課外活動都要比錢嗎?其實完全唔參加課外活動亦可。

樂器豐儉由人，平的中國笛百幾蚊，貴至管樂萬幾都有。

學校係唔會強迫小朋友參加校隊或樂團，如果為學校出國表演，係好高殊榮呢，呢種人生經歴好難得，我睇過d高年班出國比賽的相，真係好羡慕，我同老公講將來個仔有機會，我會請假同佢出國支持佢，就算老細炒我魷我都一定會跟埋去!

fadgare

小曳人 發表於 18-10-23 13:14
好睇你家細佬天份
其實每個家庭嘅concern 都唔同，好難有標準答案
你俾我，就SFA>TSL

有offer後可以考慮的時間就唔多了，除非一面hold住晒啲位一面諗。而且直資要放棄抽獎，所以想事先討論一下而已。我小朋友係讀書型，受谷，性格動靜皆宜，但男仔來講算係比較內斂。

fadgare

monodad 發表於 18-10-23 11:56
本帖最後由 monodad 於 18-10-23 11:57 編輯

課外活動駛費唔平，例如樂器班，出國表演等

請問 spb 需要一體一藝嗎

monodad

sunnymama2 發表於 18-10-23 13:15
乜唔係間間課外活動都要比錢嗎?其實完全唔參加課外活動亦可。

樂器豐儉由人，平的中國笛百幾蚊，貴至管樂 ...

唔駛羡慕嘅.....只要妳肯投資，一定有機會俾妳炒老細魷魚去睇YW concert。BTW，所謂經濟型嘅定義每個人都唔同，有D學校嘅orchestra 同樂器班都係免費嘅。何如香港仔隧道男女小學，6K學費表面好似幾貴，但包3個ECA，起碼唔駛萬萬聲去學樂器，咁我都覺得貴得嚟都幾經濟。不過當然，要去比賽攞獎，蜚聲國際，咁就當然要最好嘅指揮同最強導師先得啦⋯⋯所以收費貴D好正常。最後要諗下，入一個重視全人教育，鼓勵學生多方面參與各項活動嘅學校但因為經濟問題叫小朋友唔好參加ECA係咪要諗清楚其實適唔適合自己呢？

fadgare

sunnymama2 發表於 18-10-23 13:15
乜唔係間間課外活動都要比錢嗎?其實完全唔參加課外活動亦可。

樂器豐儉由人，平的中國笛百幾蚊，貴至管樂 ...

的確出國表演嘅小朋友水準一定有番咁上下，係唔會用埋曬啲廉價樂器。 不過我都相信係有番咁上下嘅家庭先至會負擔到出國表演。 而且如果自己喺出面學樂器洗費都唔平。 不過呢個唔係一個考慮， 重點是有冇咁多時間去練樂器。

fred1920

請問知唔知邊個會做英華新校長？

fadgare

fred1920 發表於 18-10-23 13:36
請問知唔知邊個會做英華新校長？

我覺得現任校長都幾畀心機做， 好似好多嘢都親自落手落腳， 唔知下一任校長有冇佢咁多熱誠呢

monodad

fadgare 發表於 18-10-23 13:30
請問 spb 需要一體一藝嗎

其實冇邊間學校講到明一定要一體一藝嘅，每個學生嘅狀態都唔同，未必所有學生都適合發展體育或音樂活動，但有部分學校比較喺體藝方面上有傳統優勢，為咗繼續保持呢種優勢，會積極鼓勵學生們去傳承落去，所以先至令大家踴躍地去參加課外活動同校外錦標，為學校爭光。

fadgare

monodad 發表於 18-10-23 13:43
其實冇邊間學校講到明一定要一體一藝嘅，每個學生嘅狀態都唔同，未必所有學生都適合發展體育或音樂活動， ...

總之唔係強制我就ok， 因為我爬文見到有啲學校一定要學音樂。 我覺得為咗興趣而學係冇問題但係唔想為咗比賽去谷體藝。

monodad

fadgare 發表於 18-10-23 13:46
總之唔係強制我就ok， 因為我爬文見到有啲學校一定要學音樂。 我覺得為咗興趣而學係冇問題但係唔想為咗比 ...

妳終於明白重點

sunnymama2

monodad 發表於 18-10-23 13:32
唔駛羡慕嘅.....只要妳肯投資，一定有機會俾妳炒老細魷魚去睇YW concert。BTW，所謂經濟型嘅定義每個人都 ...

I see, 原來有些興趣班係學費交埋。

講真，真係好羡慕點解人地仔女咁叻ga 。我嗰個有佢地一半已經偷笑。我預左個仔喺裡面做過最平平無奇的人，開開心心番學就足夠了。佢有能力入到校隊而自己願意，我作為家長無任歡迎。佢冇能力，就乖乖讀書，中英數操行合格升上書院都唔係太差啫。

fadgare

sunnymama2 發表於 18-10-23 13:47
I see, 原來有些興趣班係學費交埋。

講真，真係好羡慕點解人地仔女咁叻ga 。我嗰個有佢地一半已經偷笑。 ...

我覺得最重要係搞掂中英數等學術方面嘅嘢，然後大學揀到一門佢鍾意讀嘅科目，將來發展佢想做嘅職業。我自己是不太想花太多時間去比賽同谷體藝。反而谷數或辯論比賽我ok。

fadgare

monodad 發表於 18-10-23 13:47
妳終於明白重點

即係點呀？ 其實我好鍾意聖保羅書院但係我諗冇機會

monodad

fadgare 發表於 18-10-23 13:52
即係點呀？ 其實我好鍾意聖保羅書院但係我諗冇機會

其實今年可以樂觀D，因為出生率同零雙非影響之下，直私學位應該冇咁緊張。SPCPS同YW對我嚟講係同一層次同類型嘅學校，分別只係一間見報率高D，一間歷史悠久同低調D嘅傳統男校。如果妳想更上一層樓又願意投資喺子女學術上嘅，首選SFA，因為唔駛等6年已經有機會俾妳跳去其他名校或神津。但如果唔想煩，想輕鬆過小學生涯，YW或SPB揀近自己住果間就ok。但如果想用十分經濟嘅學費但換到十分不俗嘅語景，科學、世界觀思考能力，TSL係唔錯嘅選擇。

fadgare

monodad 發表於 18-10-23 14:05
其實今年可以樂觀D，因為出生率同零雙非影響之下，直私學位應該冇咁緊張。SPCPS同YW對我嚟講係同一層次同 ...

多謝你的意見。聽你咁講應該sfa最適合我仔， 係差在有冇信心佢可以名列前茅。 同埋係驚佢會唔會太悶。 其實谷嘅津校就最啱，因為仲有細路妹跟尾。

monodad

fadgare 發表於 18-10-23 14:17
多謝你的意見。聽你咁講應該sfa最適合我仔， 係差在有冇信心佢可以名列前茅。 同埋係驚佢會唔會太悶。 其 ...

津校點谷都唔會夠SFA嚟，如果同時有細佬同細妹，咁唯有搏P2插班HRGPS、仁立、油天、沙呂.....睇下幫唔幫到佢地。