delete

retriever

IloveJJ 發表於 18-10-14 12:46
係多架!我細仔做功課好少錯，默書小測又係錯一題半題咁，所以「改正」對佢差不多唔係功課。大仔就相反，英 ...

你提到既例子，又引起多一個問題。

即係除左數量，其實學校咩情況要改正，又點改亦係影響好大？

如你講，無左FULL STOP， 大細階，數學格式，學校要整條重做（段估唔會抄10次FULL STOP），咁又確係幾咁。

以上例子我細路學校只圈唔駛改正。

onas

大家會改晒小孩錯的功課才交嗎？我覺得因為小孩知道會有我對功課把關，所以第一次做更加不小心。結果每晚浪費時間對功課。

但是我諗如果我唔幇手對功課，老師打交叉，印象會否更深刻？對小孩學習會否更好？

Elenalan

onas 發表於 18-10-14 20:12
大家會改晒小孩錯的功課才交嗎？我覺得因為小孩知道會有我對功課把關，所以第一次做更加不小心。結果每晚浪 ...

我只check有冇做齊, 唔對答案，除非佢主動問我點做我就會教。我認同跟得太足佢易依賴又唔上心。

我連默書小測都由佢自己溫，但每個星期六上午(2小時)會同佢睇一次全個星期教過嘅野，問下書，或按需要俾d額外練習佢做。

Mrs.Luckycat

AndrewHo_FB 發表於 18-10-13 05:45
小一剛開學了約一個月. 每天都有 6-13 樣功課. 正常嗎??

小一的功課，如果六至八樣，還可應付。但十樣以上便過火了。

MrBeast

onas 發表於 18-10-14 20:12
大家會改晒小孩錯的功課才交嗎？我覺得因為小孩知道會有我對功課把關，所以第一次做更加不小心。結果每晚浪 ...

睇送食飯，若連改正要做到11點，咁就要把關la

retriever

onas 發表於 18-10-14 20:12
大家會改晒小孩錯的功課才交嗎？我覺得因為小孩知道會有我對功課把關，所以第一次做更加不小心。結果每晚浪 ...

你要諗下，佢最後係自己面對呢個世界，最簡單，小測大考你都唔會在身邊係咪？

我哋都係唔對內容，有冇做都唔對，只睇手冊，佢有掦哂就簽名。

咁做有度好，考試跟功課差距唔會大，唔會有驚訝！

Elenalan

retriever 發表於 18-10-15 09:27
你要諗下，佢最後係自己面對呢個世界，最簡單，小測大考你都唔會在身邊係咪？

我哋都係唔對內容，有冇做 ...

你地係咪一開始都唔理小朋友有冇做齊功課? 我隻矇豬女剛升小一，佢第一個月都經常抄漏或抄錯哂手册。例如做P.12, 佢抄左P.21, 未教過又照做喎，咁嘅情況下係咪都由佢呢?

TwinWong

AndrewHo_FB 發表於 18-10-13 05:45
小一剛開學了約一個月. 每天都有 6-13 樣功課. 正常嗎??

正常
初小6-10样(連改正), 9:00瞓
高小8-12样(連改正)  9:30瞓
星期五各多中英数EX BOOK 或TSA
我囡小改正, 佢知改正多一样,
所以一定會小心做功課
小朋友要夠瞓, 第二日學習才能專注
功課就做得快同輕鬆
(高小后, 星期六 再加補習中文, 數學練習各兩份)
会放補習后做晒

mimi1102

IloveJJ 發表於 18-10-15 09:34
不過要留意一點，功課唔對，但派返嚟要睇，睇下佢識唔識改正?老師有無教返佢點解?有啲學校(名校嗰啲)，係 ...

我大女讀直資時, 本身功課唔多, 就算錯左, 反黎改正都唔甘, 所以我好快就放手, 冇對功課, 只睇有冇做齊.

細女讀津校, 小二, 功課同其他學校比唔算多, 但每日六至八樣是常事. 改正先甘, 真係漏一個full stop, 錯大細草都要全句改, 本身做功課做得慢, 我唔想6樣變12樣, 所以迫不得已要幫佢對功課. 我本身係懶人, 我真係唔想對, 但無奈迫住要同佢對.

今年二年級, 明顯佢自己都小心左, 功課整齊左. 雖然對功課會做成依賴, 但我發現, 可能時間唔夠, 好多課文, 文法或數學, 老師都講得唔太清楚. 對功課時, 可以知道佢有咩野唔識, 咩野唔明, 及時解釋番比佢聽, 依個算係我同佢"對功課"的藉口.

S-Kwok

IloveJJ 發表於 18-10-15 09:34
不過要留意一點，功課唔對，但派返嚟要睇，睇下佢識唔識改正?老師有無教返佢點解?有啲學校(名校嗰啲)，係 ...

所以有時我仔改正係比例上用嘅時間會多過做嘅時間（同一份功課）, 因為我要佢解釋比我聽。 （當然唔會條條解，視乎佢錯咩）

Felix223

AndrewHo_FB 發表於 18-10-13 05:45
小一剛開學了約一個月. 每天都有 6-13 樣功課. 正常嗎??

我仔小一功課是4-7樣, 少的時候, 一般半小時完成, 多的時候都係算做得快. 除非是中文工作紙比較煩複, 要多D時間去協助.
平日晚上我見到佢, 只是跟一跟有無錯, 會另外花15-20 分鐘, 溫下當日的所學課文/ 重讀之前所學過的內容. 9.30pm 睡覺.

Felix223

Mrs.Luckycat 發表於 18-10-14 20:56
小一的功課，如果六至八樣，還可應付。但十樣以上便過火了。

同意, 過8樣以上我都覺得Over ! 所以10樣以上更加唔可以接受 !

Lingfung813

現在私校小三，4-6樣，通常半小時至45分鐘完成。

以前在津小就10-12樣，仲每星期都有中或英文默書，所以平日要用2小時至2.5小時完成功課

AndrewHo_FB

小一䦕學一個多月, 父母是否需要在旁協助小朋友做功課, 還是由他自由發揮??

Lu324

Elenalan 發表於 18-10-15 09:36
你地係咪一開始都唔理小朋友有冇做齊功課? 我隻矇豬女剛升小一，佢第一個月都經常抄漏或抄錯哂手册。例如 ...

小一開學需要家長幫手。大仔時，我有對手冊抄寫同對功課答案，直至第一次考試後，見佢ok, 變成間中對手冊抄寫，功課只睇有冇做。第二次考試後見到老師，佢話小朋友hea左，咁我又執番緊D。
要小朋友知道，做功課係佢責任，唔識要出聲，家長一定會協助。
今年小二，經歷左恐怖九月，十月又正常番。我朝向放手默書考試方向

奇異果小邱

每個小朋友都唔同

大仔小一時,成班同學都知做完功課可以玩,係做得快...(但唔小心)。唔計默書,每日一、1.5個小時內可完成功課。

今年妹妹小一,小一的班主任一樣,但據老師講,到而家都返咗學一個火月, 好多同學都凹凹漏漏,大家連手冊都未識寫好。

奇異果小邱

抄寫好視乎需要

我記得阿仔開始時係不用抄寫....(講真有心記,不用抄,都記到點寫同點串)

但後來大家的成績MA MA,先加插了抄寫5次呢樣功課.(抄完又係唔記得,又未必寫得好)

SO FAR,阿妹小一都係抄其1~2句3次。我唸如果大家唔係考得差,應該不用(差唔多每1天抄)句子/生字