新增2018DSE狀元來自將軍澳官立中學

Smarcoy

kk1186 發表於 18-8-8 15:29
首增非傳統名校狀元　將軍澳官中女狀元曾患抑鬱症　盼從醫助人 (14:30)考評局今日公布成績覆核結果，考獲7 ...

希望帶旺番95區，等啲小朋友唔駛跨區咁辛苦，慳番啲交通時間嚟休息，做功課，讀書，學野，去玩都好  

其實讀書叻唔叻，小朋友資質最重要，最叻嘅小朋友去到邊讀書都會叻，睇下邊間收到咁解，用時間去加強這區嘅教育環境   

遲吓等ust 再開埋醫，等啲學生唔駛去咁遠   

kk1186

回覆 shun282 的帖子

官校是比較低調的, 識人讀將軍澳官立中學, 佢話入面的老師都有很多很用心教學的, 如果不是, 將官不可能在幾年前升做英中.

kk1186

回覆 Smarcoy 的帖子

非常認同, 其實區外的除非是傳統名校, 如果只是band 1 B 和 band 1 C 的中學, 是不需要跨區去讀的, 留在本區讀可多些時間做運動或閲讀, 學生多些時間做自己喜歡做的事.

小黃豆B

kk1186 發表於 18-8-8 20:19
回覆 Smarcoy 的帖子

非常認同, 其實區外的除非是傳統名校, 如果只是band 1 B 和 band 1 C 的中學, 是不需 ...

需 ...

將軍澳無B1A中學，B1A生跨區當然選返B1A中學。但其實B1B,B1C學生自行階段試區外，未必係嫌將軍澳學校差，反而係怕入唔到，因為佢地自行選同區英中，對手可能係同區B1A生！

maggieswyam

hkpapa852 發表於 18-8-8 17:18
唔, 現實唔係咁, 將官係俾區內家長嫌棄既英中.

部份家長眼中, 甚至認為佢可能連區內B2學校王華湘都不如

同意，很多B1學生家長話寧願大抽獎跌入王華湘都好過入將官，我二女今年大抽獎乙二入將官我其實已很滿意，但因她極想入埋家姐間女校（觀塘1C女校）與家姐一齊返學，故最後她叩門入返家姐學校，個人感覺將官一直被本區家長低估，但其實學校只是一直較低調。

bbq.

雖然我唔係將軍澳居民，但都好鄧佢哋開心     

kk1186

回覆 maggieswyam 的帖子

啱, 將軍澳官立中學不喜歡宣傳, 其實佢都是有一定實力的. 無理由比不上王華湘.

sfuhsg

manmonster 發表於 18-8-8 18:23
回覆 ok3 的帖子

同意。其實將軍澳父母自幼稚園開始，已不斷替子女找區外（他們認為）較佳的學校，小學階 ...

我都見身邊人寧願出去讀二線都唔肯留喺將軍澳

sunnymama2

小黃豆B 發表於 18-8-8 19:36
作為今屆將軍澳升中家長，我真係完全無考慮將官，乙部亦排係其他英中後。主要係完全唔知間學校係點，學校本 ...

唔需要在意。

一間學校叻唔叻，唔係睇最叻嗰位，應該睇學校整體的成績，從而看到學校拔尖補底的能力。

christy2011

回覆 sunnymama2 的帖子

同意

Smarcoy

sunnymama2 發表於 18-8-9 08:10
本帖最後由 sunnymama2 於 18-8-9 08:13 編輯

唔需要在意。

這是數字遊戲，大部份叻人去同一間中學，入大學率，公開試成積肯定亮麗，名校有能力吸納地區精英，這樣只會加強這方面的數據，久而久知，就會形成現在的名校效應，有資質小朋友留係地區都少咗，地區數據反映一般，點努力都升唔到level ，如果小朋友不跨區，新巿區，例如將軍澳肯定學術成積只會越嚟越好，跨區又要早起身，坐校車，長年累月係咁，有資質嘅學生都會打折扣，這是父母辛苦工作想見到嘅結果? 一個社會嘅意識形態成型，係要每一位有分參與組成，係集體意識嘅結果，不覺醒，只會加劇社會嘅惡性循環，有能力走嘅，總會話外國幾好幾好，留係到只會跟循這個社會盲目向前

bb鼠

Smarcoy 發表於 18-8-9 09:03
這是數字遊戲，大部份叻人去同一間中學，入大學率，公開試成積肯定亮麗，名校有能力吸納地區精英，這樣只 ...

問題係將軍澳b1位唔夠，好多b1生跌落b2,所以先會有人選擇走

sunnymama2

Smarcoy 發表於 18-8-9 09:03
這是數字遊戲，大部份叻人去同一間中學，入大學率，公開試成積肯定亮麗，名校有能力吸納地區精英，這樣只 ...

你講得有道理! 我曾經諗過為何中學唔可以好似小學咁用運氣大抽獎。咁做每間學校的學生資質較平均，咁學生的成績，不是更能反映到老師和學校的功力嗎

我哥讀男校，我讀女校，我地 學校係ek眼中B1A的學校，我唔係話要哂乜野，但呢d名校的老師唔覺得教得好有心，上堂就係叫學生自己操past paper, 然後自己對答案，老師就成堂只係坐，完全冇教學的質素。又有老師唔喜歡個別學生，會寸同學當上問的問題。仲有好多例子呢度唔列舉，但呢d學校的DSE成績好，真係9成9係靠學生的。

所以呢，神校之所以神校，好多都係因為歷史攸久，有track record, 從而吸納一批勁的學生。

aa06

回覆 Smarcoy 的帖子

講得好, 我支持學生不跨區上學, 千里迢迢日花兩小時上學, 浪費時間, 金錢和體力, 況且將軍澳四間band 1中學都晤錯, 如果俾心機讀, 都一樣可以取得好成績.

pccw2017

hkpapa852 發表於 18-8-8 17:18
唔, 現實唔係咁, 將官係俾區內家長嫌棄既英中.

部份家長眼中, 甚至認為佢可能連區內B2學校王華湘都不如

Sorry 攪錯左

TLHE

小黃豆B 發表於 18-8-8 22:08
將軍澳無B1A中學，B1A生跨區當然選返B1A中學。但其實B1B,B1C學生自行階段試區外，未必係嫌將軍澳學校差，反 ...

是的，TKO 区迦密同宣基只是B1B成绩，但競爭自行位，係同区內B1A学生爭，B1B成功機會也不高的呀！
但如果有B1A成绩，反正地鉄沿線，交通也方便，自然会多人跨区自行試B1A校，是很常見的，学校也十分鼓勵，因為若所有B1A都留原区爭四間英中，B1位就更緊拙了！

其實，我2个兒子，一个TKO区內英中，一个跨区，反而跨区的上学時間更短更方便！所以，其實程度合適就好，TKO交通反而不用担心！

Smarcoy

aa06 發表於 18-8-9 09:59
回覆 Smarcoy 的帖子

講得好, 我支持學生不跨區上學, 千里迢迢日花兩小時上學, 浪費時間, 金錢和體力, 況 ...

如果區內多啲b1生，有成積數據支持，學校自己升grade，這是有蛋先定有雞先問題，如果今次將官出到文憑試狀元，證明這區學校係有能力，就算佢係b1c ，只要這區有大量的b1a 學生，這區的學校慢慢都會走上嚟，俾啲時間，俾啲信念，環境係可以改變。

anthony8899

小黃豆B 發表於 18-8-8 19:36
作為今屆將軍澳升中家長，我真係完全無考慮將官，乙部亦排係其他英中後。主要係完全唔知間學校係點，學校本 ...

係呀係呀，開放日在星期五，仲會改期話無位，給人感覺不好。
我覺得學校好不好要看整校平均成績，單獨一位高材生，不能反映學校基本因素。

aa06

回覆 anthony8899 的帖子

將軍澳官立中學今年不只是單一位狀元考得好, 上去它的官綱看, 都有很多同學考得不錯.

bbq.

sunnymama2 發表於 18-8-9 09:39
本帖最後由 sunnymama2 於 18-8-9 09:42 編輯

你講得有道理! 我曾經諗過為何中學唔可以好似小學咁用運 ...