超大B有咩壞處?

ChanBi

nixphoenix 發表於 18-6-29 14:42
回覆 ChanBi 的帖子

多謝你祝福

多謝你分享就真(emoji)
打咗支強心針一樣(emoji)

jaagor

ChanBi 發表於 18-6-29 11:52
噤都好啲，起碼無噤擔心，
之前一路睇，好似一盤盤冷水噤潑埋嚟，
依家可以諗，今年唔得，下年再嚟過都可 ...

少少個人感受/分享

我原本都俾阿女試吓做超細B，雖然阿女生得高又好識講嘢，不過始終比起大佢一年或以上嘅超大B仲係有段距離。加上又唔捨得佢咁早返學驚成日病，雖然有好好嘅傳統學校offer但最後都放棄咗。

決定俾佢做大B之後buy time了解多咗個女其實比較適合活動教學，同埋唸清楚自己嘅理念開始識得選擇邊啲學校比較適合佢，重新regroup過全盤計畫。我覺得好過當初我作為新手爸爸未唸清楚又未了解足夠個女就夾硬推佢去讀學術型傳統學校

現今嘅幼稚園教嘅嘢已經深過我哋以前好多，與其擔心佢跟唔上冇咗自信，又驚佢俾同學蝦，倒不如喺適當嘅年齡接受適當嘅學習程度，俾佢ready先返學

ChanBi

jaagor 發表於 18-6-29 15:33
少少個人感受/分享

我原本都俾阿女試吓做超細B，雖然阿女生得高又好識講嘢，不過始終比起大佢一年或以上 ...

你囡囡好叻呀，
細B都入到好嘅傳統學校，

我囝囝比較活躍，所以依家主要目標都係啲比較活動教學嘅學校，
有時我都會諗到底係咪佢活躍就等於適合活動教學，定其實更加要佢學習坐定定，我都好亂

為咗了解佢咩都出齊，之前聽朋友講皮紋測試，都仲諗緊應唔應該睇，唔係錢嘅問題，係怕最後原來係呃人，信錯咗幫阿仔揀錯方向

jaagor

ChanBi 發表於 18-6-29 15:49
你囡囡好叻呀，
細B都入到好嘅傳統學校，

我個女都係比較好動，又多嘢講，但我視其為優點。我另願放大佢嘅長處，培養佢對學習嘅興趣同自信心，我相信活動教學會比較適合。

我唔expect阿女將來學術強，但一定要勇於嘗試，有自己主見，做個開朗同主動嘅人。

ChanBi

jaagor 發表於 18-6-29 21:04
我個女都係比較好動，又多嘢講，但我視其為優點。我另願放大佢嘅長處，培養佢對學習嘅興趣同自信心，我相 ...

haha 我都係想囝囝開心型多啲，我諗性格上其實都係有遺傳，我自己都坐唔定，好難要求個仔坐定定

daitodum

見到一個超大B，佢唔識開心笑，每次都要做懂事，照顧人的好姐姐。因為我個仔係細B，但有進步獎，而大B就冇獎。見到佢失落，都唔識安慰她。

ChanBi

daitodum 發表於 18-6-29 22:00
見到一個超大B，佢唔識開心笑，每次都要做懂事，照顧人的好姐姐。因為我個仔係細B，但有進步獎，而大B就冇 ...

都係嘅，超大B就做好每件事都好似係［應該］噤(emoji)

Samantha_Mex

ChanBi 發表於 18-6-28 13:14
BB 2016年12月,
唔知應該做超大B定超細B...
其實超大有無咩唔好處?

我的小朋友是10月細B, 有報名幼K1, 報了9間，有2間收。都有用超大B身份報了1間名幼PN, 但沒有收⋯⋯所以超大B 都不是必勝。有兩手準備比較妥當～

馬高文

其實到K2尾，K3頭已無分別，好多細B表現仲好

ChanBi

Samantha_Mex 發表於 18-6-30 01:51
我的小朋友是10月細B, 有報名幼K1, 報了9間，有2間收。都有用超大B身份報了1間名幼PN, 但沒有收⋯⋯所以超 ...

明白，我都會作兩手準備，睇下好唔好彩啦(emoji)(emoji)(emoji)

ChanBi

馬高文 發表於 18-6-30 09:14
其實到K2尾，K3頭已無分別，好多細B表現仲好

如果K3已經差不多，又好似細B都唔錯(emoji)

lambeanmama

我仔也是12月b, 第一年以細B考K, 有出名亦心儀的幼稚園收。即試做細B。學術上，我仔不比中大b差，而且生得高大。不過呢。開學三個月開始，久不久會收到老師提點某些事，要追趕其他小朋友的發展；包括認字，執筆。無問題，力追。也追到。不過，有一點是無得追，就是自信同社交。幸好當時給了自己一個退路的選擇。有另一心儀K1的位可選擇重讀。repeat一年K1, 望見小朋友的成長。無後悔。

有時，學術能力可輕易追趕，大小手肌到時到候就會得，不過真別小看性格及心靈發展。這是影響終身的。當然，每位小朋友不同，有些人仔細細但性格強。我仔不是。當媽的，要瞪大眼睛睇清楚便可以了。

crystal媽咪

做超大b，如果小學中學要留班， 同同學年紀嘅距離會越嚟越大
同埋有啲口賤嘅老師會話唔識答問題嘅超大b，點解你大人哋咁多但係都唔識

ChanBi

crystal媽咪 發表於 18-7-1 10:02
做超大b，如果小學中學要留班， 同同學年紀嘅距離會越嚟越大
同埋有啲口賤嘅老師會話唔識答問題嘅超大b，點 ...

真係好難揀

nixphoenix

其實我覺得而家超大b都算幾普遍
以我小朋友做超大嘅學校為例
可能有四/五份一都係超大b
大b(1-3月）都唔少
到上到中小學到佢地年代呢個現象應該都仍然持續
所以應該唔會好似我地讀書年代咁罕見

不過我都覺得如果唔係能力問題或者有好心儀嘅學校好想入，做細b又讀得開開心心都無問題

建議樓主n又報k又報
去interview時感受下小朋友對每間學校嘅感覺
再睇下到時有咩offers
可能易諗啲做超大定細b

momo_cheung

....

MrBeast

momo_cheung 發表於 18-7-1 22:04
如果做超大都追不上要留班，難道做細B會好過嗎？

唔明d家長點解會形住要留班 預留一年比子女
若做細跟唔上要留咁就是當初做錯決定

ChanBi

nixphoenix 發表於 18-7-1 15:16
其實我覺得而家超大b都算幾普遍
以我小朋友做超大嘅學校為例
可能有四/五份一都係超大b

我都係噤諗，有時候都唔係好識分自己小朋友係咪跟得上，或者同同齡差幾遠，我諗面試老師會有能力、經驗啲

ChanBi

Samantha_Mex 發表於 18-6-30 01:51
我的小朋友是10月細B, 有報名幼K1, 報了9間，有2間收。都有用超大B身份報了1間名幼PN, 但沒有收⋯⋯所以超 ...

有時又怕準備太多，面試太多小朋友好吃力

MrBeast

ChanBi 發表於 18-7-2 17:54
我都係噤諗，有時候都唔係好識分自己小朋友係咪跟得上，或者同同齡差幾遠，我諗面試老師會有能力、經驗啲
...

父母冇這方面的知識，係好難