馬基 ~ 浸聯

Him1021c

回覆 q88p1234 的帖子

馬基有第二輪校車接送上課外活動的學生放學的.

q88p1234

Him1021c 發表於 18-6-25 14:11
回覆 q88p1234 的帖子

馬基有第二輪校車接送上課外活動的學生放學的.

係丫，但要另加10蚊一程，同埋星期六既課外活動都要自已接送，2間都係好好既學校，唔計學校教育方針，計校舍馬基一定冇得頂，但計方便，浸聯又優勝啲，所以好難取舍！

archie1728

q88p1234 發表於 18-6-23 23:09
今日去咗丫，老師帶住幾個插班生遊校園，我都覺得學校好有心，咁樣安排好好，小朋友都好鐘意，而且仲識到 ...

我係你我一定揀間近！慳返啲時間玩/學多啲野都好  

申利: 浸聯升小二家長

q88p1234

archie1728 發表於 18-6-25 19:20
我係你我一定揀間近！慳返啲時間玩/學多啲野都好   

申利: 浸聯升小二家長

你啱 (emoji)(emoji) 難得遇到浸聯家長，咁我都趁機問下，如果全職媽媽，冇咁多時間mon 住小朋友既功課，浸聯係咪適合？
浸聯課程輕鬆又唔太多功課，但上到高小情況又會唔會keep住一樣丫？ 小朋友唔另外學野，又冇家長長時間mon 住，相對係咪會吃力啲？

archie1728

q88p1234 發表於 18-6-25 21:01
你啱 (emoji)(emoji) 難得遇到浸聯家長，咁我都趁機問下，如果全職媽媽，冇咁多時間mon 住小朋友既功課， ...

1) 家長嘅角色其實係無可替代！當然，搵食都好緊要，但盡可能做到平衡囉，浸聯對家長都有一定要求同期望，小一開學基本上每個星期都有邀請各方專家provide training畀家長，而有趣嘅係浸聯家長出席率都相當高

archie1728

q88p1234 發表於 18-6-25 21:01
你啱 (emoji)(emoji) 難得遇到浸聯家長，咁我都趁機問下，如果全職媽媽，冇咁多時間mon 住小朋友既功課， ...

2) 我仔仲係初小，答你唔到。不過剛讀完一年，可以話你知浸聯嘅課程未必係你想像中咁輕鬆，功課係少，默書/評估範圍亦唔算多/深(有啲係突擊/unseen冇預你溫)，但考得相當頻密，下學期每星期都keep住有兩、三個默書/評估/突擊測驗，雖然全部唔計分(或計極少分)，但我覺得學校有心想學生長期處於備戰狀態，如有發現跟唔上同學亦可及時跟進 [註: 學校有龐大家長義工團隊為學生提供支援/補底]

archie1728

q88p1234 發表於 18-6-25 21:01
你啱 (emoji)(emoji) 難得遇到浸聯家長，咁我都趁機問下，如果全職媽媽，冇咁多時間mon 住小朋友既功課， ...

3) 學校少功課少測考(計分嗰種)，今年9月仲要改時間表，lunch後完全唔上學術堂，逢星期三返半日，目的就係畀多啲時間學生睇課外書同參加課外活動，讓學生家長有更多自主空間，當然你絕對可以選擇咩都唔玩唔做，不過咁樣就會好嘥囉。至於你兩次提及家長mon住學生，我覺得"mon"嘅定義好闊: 一放學就坐喺佢隔離篤住佢做功課; 放工後幫佢對功課; 係咁倚對下手冊佢有無做齊功課...... 呢啲都叫"mon"。我覺得作為家長好難唔mon，不過mon到咩程度真係因人而異，我自己就真係係咁倚對下手冊有無做齊就算

q88p1234

archie1728 發表於 18-6-25 23:05
1) 家長嘅角色其實係無可替代！當然，搵食都好緊要，但盡可能做到平衡囉，浸聯對家長都有一定要求同期望， ...

非常詳細丫
好多謝你講得咁details,你既資訊好有用丫！！

Joanlpk

q88p1234 發表於 18-6-25 21:01
你啱 (emoji)(emoji) 難得遇到浸聯家長，咁我都趁機問下，如果全職媽媽，冇咁多時間mon 住小朋友既功課， ...

其實如果成功插班，成績肯定唔會差，唔使擔心，平日唯一可能要跟進嘅係數學高階課程，家長最好跟下，若學生如果能夠應付平日的高階課程功課，考試題目都係差唔多。

一學期各四次中英文默書（大概每月一次），我小朋友升小三，有通知既評估中英數每學期一次，冇通知既大慨兩次，評估不計分，但默書計考試分。長假如聖誕、新年、暑假，冇功課的，只要閲讀故事書，再紀錄返書名就ok 。

另外，浸聯冇分精英班的，家長少一份壓力。校長好平易近人，學生平日可自己組隊約校長午膳。

學校好鼓勵課外活動的，但當然不是強迫一定要參加。但呢個年代，最好多多少少學d嘢旁身，學校有各式各樣的校隊可以參加。

q88p1234

Joanlpk 發表於 18-6-26 09:59
其實如果成功插班，成績肯定唔會差，唔使擔心，平日唯一可能要跟進嘅係數學高階課程，家長最好跟下，若學 ...

多謝你既資訊丫，請問課外活動時間係咪每日放學後都會有架？ 大約係幾點到幾點丫？

Joanlpk

q88p1234 發表於 18-6-26 11:03
多謝你既資訊丫，請問課外活動時間係咪每日放學後都會有架？ 大約係幾點到幾點丫？

...

本帖最後由 Joanlpk 於 18-6-26 11:35 編輯

星期一至五每日放學後都有課外活動，通常五點完，有第二輪校車，星期六上下午都會有課外活動，視乎你參加咗咩活動。

2018年9月開始有新時間表，下午不上學科堂，星期三放早一小時，主要原因係俾管/弦樂團早d開始訓練，至於課外活動時間會否更改，暫時未有資料。

q88p1234

Joanlpk 發表於 18-6-26 11:29
本帖最後由 Joanlpk 於 18-6-26 11:36 編輯

本帖最後由 Joanlpk 於 18-6-26 11:35 編輯

明白，唔該晒你丫

archie1728

Joanlpk 發表於 18-6-26 09:59
其實如果成功插班，成績肯定唔會差，唔使擔心，平日唯一可能要跟進嘅係數學高階課程，家長最好跟下，若學 ...

唔知係咪學校將評估/默書範圍拆細左，今年小一真係考得超密，尤其下學期，臨考試前都仲一星期3個，結果到考試其實都唔使點溫書   我自己都好buy呢種學習模式，等小朋友唔好做完功課就掛住玩，要佢地每日都溫下書  

花生糖糖

q88p1234 發表於 18-6-23 12:58
小朋友小一時111浸聯但被派寶校，所以幫佢插班，想問問大家意見，呢2間小學俾我既感覺都好好，如果插班，大 ...

樓主你好， 我小朋友都係今年111浸聯， 但亦係最終被派寶校
叩門全軍覆沒！
想問下你有乜野課外練習/公開考試對小二成功插班有幫助呢？
我小朋友不是學術型， 不知道應該點幫佢可令佢可以好好裝備自己為小二插班鋪路
請賜教！

q88p1234

花生糖糖 發表於 18-6-28 15:24
本帖最後由 花生糖糖 於 18-6-28 15:25 編輯

樓主你好， 我小朋友都係今年111浸聯， 但亦係最終被派寶 ...

其實我都係好彩，小朋友唔係好叻個啲，升小二時我都有幫佢考插班，但全軍覆沒，佢小一時既成績好過小二好多（我諗好多小一派得唔好既小朋友都會試下小二再轉，所以競爭應該大好多），到升小三（佢二年級張成績表其實唔太見得人）無論係考既人數同2nd in 既人數都少好多，相對競爭冇咁大，所以會易入啲，小二轉唔到都唔緊要，小三可以再試，唔好擔心

q88p1234

花生糖糖 發表於 18-6-28 15:24
本帖最後由 花生糖糖 於 18-6-28 15:25 編輯

樓主你好， 我小朋友都係今年111浸聯， 但亦係最終被派寶 ...

同埋插班并唔係出邊講到咁恐怖，一定要全級頭幾名先可以轉到，我小朋友一定唔係頭幾名。 我有買啲補充練習俾佢做下，同埋都會跟下佢唔明既地方，考插班試前可以做多少少練習，尤其是數學，有啲學校可能會考深少少，可以的話自己教埋學校未教完既課程，咁基本上都已ok.

Joanlpk

archie1728 發表於 18-6-27 18:24
唔知係咪學校將評估/默書範圍拆細左，今年小一真係考得超密，尤其下學期，臨考試前都仲一星期3個，結果到 ...

會唔會同今年小一上學期冇考試有關？不過考試前做下評估，俾學生熟習下測考模式都係好事

archie1728

Joanlpk 發表於 18-6-28 19:02
會唔會同今年小一上學期冇考試有關？不過考試前做下評估，俾學生熟習下測考模式都係好事
...

都有可能，小一開學頭兩個月真係勁hea，去到11月尾先慢慢開始黎料，4至6月係高峰！

至於你話可以熟習下我又唔覺得兩睇，因為d評估真係好少好短，好似數學卷二既評估，成份卷連bonus part可能都係得五六條題目，唔小心錯兩三條經已係跌落合格邊緣，但考試有廿幾三十條題目做成個鐘，錯幾條都仲可以好高分  

archie1728

q88p1234 發表於 18-6-28 17:49
其實我都係好彩，小朋友唔係好叻個啲，升小二時我都有幫佢考插班，但全軍覆沒，佢小一時既成績好過小二好 ...

非常值得參考  

記得上年我仔考宣小嗰陣，佢校長都有勉勵啲家長，考唔到唔好灰心，因為去到小四都仲可以插班  

brother4

見一線小學，學生和家長要努力