有幾多小朋友升中後無再繼續學樂器？

lucial

pandamommy 發表於 18-2-2 18:41
學樂器要練習真用唔少時間。有無小朋友升中後因爲忙，或者發展其他興趣，放棄學咗好多年嘅琴？後嚟會唔會後 ...

我囡上年完成8級琴試後，暫休考試。咁啱音統招生，佢又係最後機會（將過年齡限制）。宜家係音統學double bass（初入門）。佢好喜歡音樂，成日係空閑時間會聽Bach 等音樂。亦會有時聽到好聽嘅音樂自己係網上搵琴譜出來彈。中學學業繁忙，出年高中兼揀科但只要佢鐘意嘅，佢點都會有時間去練習。好似 double bass 咁，佢會利用lunch 時間自己快趣吃完後自己返學問學校借練。所以只要佢有興趣，一定會繼續落去。

POWAHBB

kwunpa 發表於 18-2-2 23:41
無得逼，尤其是中學生。自己唔想學的話，勉强無幸福，棧嘥錢嘥時間。父母逼考完八級後，撕爛D 琴書，以後都 ...

我個朋友都是這樣

chanwendy

我女呈一二時都冇停學琴, 但就同老師講明, 只會星期五六日先練琴, 咁老師都明白.  過埋呈三, 我地都回復返每晚練琴.  嚟緊暑假我地仲會開始學另一種樂器.  九月就中一, 同亞女計劃好, 盡量學校做埋功課先返, 咁夜晚先有得練琴.  我地目標係可以中三前完成八級琴, 中五前第二樂器都完成五級.

黎小宝

考完五级就不学了，但是因为喜欢动漫，学校每天早上要她弹琴配乐唱歌，所以现在自己每天一有空就弹，自己下载弹琴吧，找曲谱，自己自学，9月中一，估计会要比较多时间适应，随她自己吧

TwinWong

pandamommy 發表於 18-2-2 18:41
學樂器要練習真用唔少時間。有無小朋友升中後因爲忙，或者發展其他興趣，放棄學咗好多年嘅琴？後嚟會唔會後 ...

最紧要係小朋友自己唔後悔
小時學樂器係家長想培育子女興趣
但小朋友仲細至聽你意思跟住去
隨時間成長會好多變化
除非小朋友本身熱愛音樂
夾梗來佢都唔會有昇華 仲阻礙佢發展

TwinWong

pandamommy 發表於 18-2-2 18:50
本帖最後由 pandamommy 於 18-2-2 18:50 編輯

明知佢有天份，本來佢亦喜歡彈琴，但因忙，同有其他更大興趣 ...

有音樂天份 佢中有一日會玩返
你阻唔到佢發展

silvia_ng

我仔由考完呈分先開始學流行鼓，學到而家中三。前排我見佢太忙，叫佢不如停左樂器啦，但佢唔肯，佢話呢個活動係成個星期最減壓的時刻。不過我之前係要求老師唔好幫佢安排考級，所以咁多年來，只知今年要交差比學校先求其考個二級，之後應該唔會再考級，繼續打佢想打既歌就好了！

HaYi

我都有哩個想法, 我個鋼琴同小提琴都是學到5級, 9月升中我覺得如果唔係好需要考高級, 會停一樣, 甚至2樣, 或pick 吹過的銅管或重新在中學選一樣如結他等, 因為樂器興趣他是有, 但是唔多肯同冇時間去practice, 鋼琴我見佢都喜歡跟網上的多過花時間在考級歌, 其實已有5級的底又唔打算去8級, 自己學下流行動漫歌當消閒都唔錯呵. 佢反而想專學vocal, 已是choir 多年, 不過都想等佢9月返實中學先真正決定.   

LJ3981

silvia_ng 發表於 18-6-4 07:27
我仔由考完呈分先開始學流行鼓，學到而家中三。前排我見佢太忙，叫佢不如停左樂器啦，但佢唔肯，佢話呢個活 ...

Rock and pop 新課程嘅歌貼地好多。其實唔考級也可以跟級數上。變化多好玩過打普通流行歌曲
當然中三中四已經有自己的方向
我仔考完6級，阿sir 俾街外歌我仔打。他沒什麼興趣。而家hea 住打多一兩首6級再試玩7級

anthony8899

請問學琴的，自己有買琴在家嗎？放棄后，又點處理部琴？
我的小朋友中學了，只是初級，也是一星期上一堂，聽你們說會放棄，不知要不要打算買琴呢。

1773

我仔升中前是管樂六級，升中後我們也訂下目標考八級，之後就由他自己決定是否繼續。結果拖拖拉拉至中三才考八級，幸運過關。照他意願繼續多學幾個月，但中三下學期要揀科實在太忙碌，暫停了，誰知一停就沒有再學了。以為他全面放棄，但又不是喎，有時候他會拿支管來吹下，又走去找d歌曲琴譜彈下琴（考過兩級琴），無端端又一邊溫書一邊彈結他（自學無考過試）。我旁觀覺得幾有趣

YDLFATHER

我女中三考完鋼琴演奏級長笛五級, 現又對小提琴有興趣, 她說考完DSE再學:ahmeowhappy:

20462046

kwunpa 發表於 18-2-2 23:41
無得逼，尤其是中學生。自己唔想學的話，勉强無幸福，棧嘥錢嘥時間。父母逼考完八級後，撕爛D 琴書，以後都 ...

WinnieCatCat

pandamommy 發表於 18-2-2 19:27
本帖最後由 pandamommy 於 18-2-2 19:28 編輯

本帖最後由 pandamommy 於 18-2-2 19:27 編輯

學音樂是樂趣，小學生不明白有付出才快樂，家長迫下不輕言放棄是好的。但去到中學又已學琴多年，真的不用勉強。中學越高年班越忙，如練琴成為壓力已不是樂趣，學來也沒意思。你的孩子因想試下另一些興趣而不想學琴，證明他懂得取捨，不是只懂加數不懂減數。放心啦，之前學左的不會白費。我有不少朋友是考公開試時停學，大學主動學返，甚至有人做緊野時才考返八級。就算唔再學，第時得閒彈下relax下也很好，不一定要考了八級才叫完成的。

kirstyau

中學要學一樣樂器，所以會繼續hea學鋼琴，因明知阿女冇咩天份。

Jasmine-4711

佢细個時自己揀學咩樂器，但大左冇興趣，小三已唔肯練，小五放棄了。