今日見完個班主任,等於無見過咁

馬騮狗

chocolatebean 發表於 18-1-7 17:14
我答你:不是
老C好多都怕答錯，資訊也未必準確

我俾佢激到彈起,當時問佢又俾唔到答案我.轉頭打電話俾我老公,話同主科嘅老師傾過,阿囡呈分成績係個位.可以揀某幾間中學.我想話,班主任唔係應該做好功課,再同家長傾架咩,離哂譜,好嬲囉

chocolatebean

馬騮狗 發表於 18-1-7 18:21
我俾佢激到彈起,當時問佢又俾唔到答案我.轉頭打電話俾我老公,話同主科嘅老師傾過,阿囡呈分成績係個位.可以 ...

我哋當年都冇靠老C，家長互相比料
朋友，同事d仔女又係我教路点㨂，順利入讀心儀中學

馬騮狗

chocolatebean 發表於 18-1-7 18:25
我哋當年都冇靠老C，家長互相比料
朋友，同事d仔女又係我教路点㨂，順利入讀心儀中學
...

你就好,宜家D家長怕你同佢爭位,問完你.你問番佢,佢地唔答你架

mother904

angiehouse 發表於 18-1-7 15:27
我女學校反而無明確講名次，只系話band1ABC, Band 2ABC,另那些是邊缘人

講所屬banding，其實已有足夠資料判斷但樓主話只知班內名次，除非是頭幾名，否則我覺得唔足夠判斷真確banding，特別是邊緣人就更容易估錯

rulerL

chocolatebean 發表於 18-1-7 18:25
我哋當年都冇靠老C，家長互相比料
朋友，同事d仔女又係我教路点㨂，順利入讀心儀中學
...

上年我幫個仔揀自行同統一時，都係靠自己，家長日班主任有告知小兒banding，之後就無任何其他建議啦。

我問埋級名次後，根據上年間小學既派位結果來估計勝算而作出選擇。填模擬表交返學校，自行嗰張班主任都無任何嘢講，到統一時我填咗唔夠10間，班主任話太少，要我填多幾間，唔係一陣派咗去沙頭角就大件事。結果我都係隔硬加多一間就算，因為其他實在填咗都無意思，預派得唔好就去叩門。

2jkidsfather

rulerL 發表於 18-1-8 03:54
上年我幫個仔揀自行同統一時，都係靠自己，家長日班主任有告知小兒banding，之後就無任何其他建議啦。

我 ...

化繁為簡，正確

bb鼠

馬騮狗 發表於 18-1-7 18:21
我俾佢激到彈起,當時問佢又俾唔到答案我.轉頭打電話俾我老公,話同主科嘅老師傾過,阿囡呈分成績係個位.可以 ...

你都好吖會打返俾你，我直頭見果個都不是班主任考第幾？1-20啦⋯⋯呈三努力d, band幾都是我主動問先講

melodyc111

回覆 os_ecu 的帖子

那如果模擬名次高於考內第二次呈分名次即中學是看那個名次?

馬騮狗

bb鼠 發表於 18-1-8 09:47
你都好吖會打返俾你，我直頭見果個都不是班主任考第幾？1-20啦⋯⋯呈三努力d, band幾都是我主動問 ...

呢D真係煩

bb鼠

馬騮狗 發表於 18-1-8 09:51
呢D真係煩

問佢上年呢個名次入咩中學？佢話好難講㗎，年年家長喜好唔同我心諗我夠知啦

Eat_Sleep_Play

Arabellahk 發表於 18-1-7 15:08
你的小朋友是不是在私立小學？學校有無呈分試？正常情況，官立、資助小學都會告訴家長呈分名次的。
...

你調轉了，私小先至會比名次盡力協助同學升中，我哋小學係有呈一的呈分名次、呈一加呈二的呈分名次及校內名次，仲有全年的總名次，反而官校先至係最保守，乜都唔講

馬騮狗

bb鼠 發表於 18-1-8 09:59
問佢上年呢個名次入咩中學？佢話好難講㗎，年年家長喜好唔同我心諗我夠知啦
...

問非所答,最怕係呢D

bb鼠

馬騮狗 發表於 18-1-8 10:03
問非所答,最怕係呢D

所以見家長我都無問我揀邊間好費事激氣....

os_ecu

melodyc111 發表於 18-1-8 09:51
回覆 os_ecu 的帖子

那如果模擬名次高於考內第二次呈分名次即中學是看那個名次?

應該係間接睇模擬名次.

自行呢 part 中學會問教育局攞 ranking order，ranking order 係集合全部有報考呢間中學既人既名次再排一次順位 (e.g. 你嚮本校排第一，全部人一齊排時經過教育區既處理你可能變成第十, 不過如果同校有人一齊報既話你多數都會係排得前過佢既)

os_ecu

Eat_Sleep_Play 發表於 18-1-8 10:01
你調轉了，私小先至會比名次盡力協助同學升中，我哋小學係有呈一的呈分名次、呈一加呈二的呈分名次及校內名 ...

知道起碼兩間 官立、資助小學 都有模擬名次提供的. 一樣係呈一加呈二 (摸擬呈分名次及 校內全級名次)

唔係剩係 私小 先會 盡力協助同學升中的.

chanwendy

我地星期五先拎成績表, 不過上星期五就派咗張紙仔, 講呈二排位, 同埋呈一加呈二後的總排位.  不過只係一個範圍咋, 唔係實數.  我地的表示方式係劃開5組, 每20% 一組, 老師畫個圈表示你的位置, 呈一時的班主任個圈晝得好細架, 你會知道你喺嗰20%的頭中定尾.  但係今年的班主任畫到魚旦咁大粒, 個直徑已經等於嗰20%, 我地班家長都話畫咗等於冇畫, 完全唔知自己位置喺邊.  尤其是如果同呈一係同一個20%, 你都唔知自己係升咗定跌咗.

Eat_Sleep_Play

os_ecu 發表於 18-1-8 10:10
知道起碼兩間 官立、資助小學 都有模擬名次提供的. 一樣係呈一加呈二 (摸擬呈分名次及 校內全級名次)

唔係 ...

我幾時有話過"剩係"私小先會協助學生升中？你果間學校咪"至"盡力囉 唔係點襯得起你宇宙最強

M6

我嗰間都係講banding、同級名次，無講band a,b,c!問佢大概有幾多band 1位又話唔講得，見議一間較易入及校風好的給我，其實都冇乜意見資料比家長，感覺到學校好想爭取入讀首三自願入校比率，做好自己學校（業績）

小黃豆B

我小朋友間資助小學會將先問學生自行心儀學校，然後再根據佢地心儀學校同模擬呈分所屬組別，將學生同家長分不同小組由唔同老師傾同俾選校策略建議，我地私下問班主仼，佢都有私下提供邊幾間學校會比較適合，係放完長假前仲逐個家長打電話去傾揀左邊兩間。

今時今日首三志願升中率同派到咩出名學校已經係選小一重要指標，除非學校本身已經出哂名唔憂無勁人報，否則學校唔會唔緊張。

王家爸爸

馬騮狗 發表於 18-1-7 10:29
有,佢話,你揀嗰兩間都啱再問佢,如果揀某間中學又得唔得?佢答我,都得.再三問佢,呢三間學校,寫邊兩 ...

可能「點解呢屆小六生咁鐘意嗰間學校」係唔係問題，係陳述句。