民生AM VS 德望2nd-in

keikolau

ww2015 發表於 18-1-2 15:19
多謝你

我喺其他post都回應過，朋友教德小，我自己亦識幾個德中嘅學生，佢地都話我知加上我眼見，德望係一間好谷嘅學校，去年九月由德小升中一的一個女生同我講，小學因只收返5-6成上中學，所以大家同學都競爭得好辛苦，佢自己而家讀緊中一卻唔想再咁努力去讀，因為小六升中時chur得太盡。另外一個係高中嘅德望同學，佢話經常都要做功課做到半夜2，3點，有時甚至扮病請假喺屋企做功課，因為做唔切。德望係要求學生參加音樂/運動嘅課外活動，所以學生成日要放好多時間喺呢d方面，讀書時間要自己努力爭取，如果你地小朋友唔受得谷，真係諗清楚。當然有人會因為覺得德望出名而去校，我女都有考，冇2nd in，但因為我知以上情況都係當後備，自問唔想個女讀得太辛苦，面對太大競爭，而樓主呢個情況，有2nd in咪考到再諗啦，如果你想知多d德望中小學情況，都可以pm我，我每星期都會見到上述嗰幾個現讀同學同家長的

QQfishs

非男女校其實問題吾大, 因為現時大多數小朋友都有係出面外補或參加興趣班, 到時一樣可以識到其他小朋友仔一齊玩。我反而會關注小朋友主吾主動同朋友仔玩，多於關心佢同咩性別玩，其實男女校都會出現男有男玩女有女玩既情況。

momotaro

回覆 monodad 的帖子

好多謝你分享，令我了解多咗MS。

感覺上我一直聽好多前輩分享GH都係谷嘅，但係因為距離有offer十劃未有一撇所以都冇資格深究住。反而一直好想先了解MS係一間點樣嘅學校。哥哥讀開SC其實真係幾happy，谷其實都係家長外補谷，校內進度其實幾free。到妹妹我諗住讀MS開開心心又有半龍都幾好吖，點知身邊開始有好多聲音又話MS其實好谷，又話SC考小好過升上民小(妹妹都有SC offer)，搞到一時之間好混亂.....

monodad

momotaro 發表於 18-1-2 16:44
回覆 monodad 的帖子

好多謝你分享，令我了解多咗MS。

建議妳先了解SC喺龍年效應之下升小嘅成績結果再決定，哥哥讀SC應該好清楚升小嘅B1比率，我大膽講句，一定唔會夠有B1直屬龍小嘅幼稚園高，而且MSK一樣有唔少人考到神校同叩到神津，以穩陣計，我有MS, GH, SH, SPK, RC, TL etc呢類嘅龍幼一定唔會出去公海度升小搏多次。而且講配套，MS，GH絕對唔會比私小差。至於所謂唔谷嘅私小，真係俾妳升到名小亦未必跟到名小嘅程度，一分耕耘 一分收穫。（況且我根本唔覺得幼稚園可以谷得去邊，但小一就真係可以好谷）

angelfish228

monodad 發表於 18-1-2 16:59
建議妳先了解SC喺龍年效應之下升小嘅成績結果再決定，哥哥讀SC應該好清楚升小嘅B1比率，我大膽講句，一定 ...

非常同意。所以我都target半龍。除非今年有幸有cckg offer

momotaro

回覆 monodad 的帖子

好同意！尤其一句「一定唔會出去公海度升小搏多次」！哥哥而家k2, so far聽到k3前輩家長分享考小經歷我已經好頭暈

ww2015

keikolau 發表於 18-1-2 16:15
我喺其他post都回應過，朋友教德小，我自己亦識幾個德中嘅學生，佢地都話我知加上我眼見，德望係一間好谷 ...

多謝！如果我囡考到GH 到時再pm 請教你！唔該曬！

ww2015

monodad 發表於 18-1-2 16:09
因為就返哥哥同父母都喺港島區返工同返學，咁可以一家人搬去港島區，慳校車錢慳時間。

另外GH雖然有offer ...

見到你對MS commends 個心即刻定d

monodad

ww2015 發表於 18-1-2 17:36
見到你對MS commends 個心即刻定d

應該感恩

keikolau

另外，仲有一點未講，就係喺ek成日睇到家長討論學校排名或者分學校banding，其實就算你地心目中嘅神校，spcc都會有d差嘅學生，我因為自己本身從事嘅職業，見得太多，佢地某d科目嘅程度可能比唔上出面band2學校嘅學生，所以根本唔需要盲目去追求學校排名，最重要都係要揀適合小朋友嘅學校，有時我覺得有部分家長係虛榮心作祟，小朋友即使入左名校又跟唔上，最後都係苦了大家。人望高處係啱，但一定唔好太盲目追求名校啊

ww2015

keikolau 發表於 18-1-2 17:59
另外，仲有一點未講，就係喺ek成日睇到家長討論學校排名或者分學校banding，其實就算你地心目中嘅神校，spc ...

啱！幾時都話無最好既學校，只有最合適嘅學校:)

polly19

monodad 發表於 18-1-2 16:09
因為就返哥哥同父母都喺港島區返工同返學，咁可以一家人搬去港島區，慳校車錢慳時間。

另外GH雖然有offer ...

多謝分享，點解只讀過一年？

monodad

polly19 發表於 18-1-2 18:37
多謝分享，點解只讀過一年？

因為以超細女考咗入MS讀過一年