....

PY-Sing

六年級, 有少少青春期, 太過嚴厲, 隨時令小朋友反感. 不如同佢傾吓, 問下原因, 問佢值唔值罰, 同罰咩嘢, 由佢決定.

little_yolky

ar_mak 發表於 17-12-21 15:49
老師果單野，我唔係諗你諗果樣野呀＝。＝
ｐｓ：喂，你成日都搵機會，曲線去話自己兩個女考試好高分，咁唔 ...

高分你個頭咩, 高分我就唔駛咁閉翳啦, 我依家係保緊阿妹做B2咋, 佢真係隨時B2不保架。阿妺係有時默書會100分或9X而已。不過, 雖然只係默書, 佢都有付出, 都要讚架。

little_yolky

IloveJJ 發表於 17-12-21 17:05
如果係我，我最想知係點解佢要講大話。
至於點罰，要視乎佢係咪有要罰既原因。
另外話禁打機，我唔覺得越 ...

「越禁會越打」只係家長單方面既迷思。正如我聽過有家長話：個個同學都打機, 佢唔打, 怕無話題。

其實細細個禁, 就唔會有乜問題, 但到小六咁大個, 仲禁得細耐? 咁大個就緊係越禁越相打了。

little_yolky

ar_mak 發表於 17-12-21 18:11
又曲線９０幾１００分＝。＝

一次半次, 實有既。

little_yolky

ar_mak 發表於 17-12-21 18:11
拿，是咁的，如果，罰左唔比佢打機，咁本來要黎打機既時間，又做ｄ嘜好呢？

即係我而家嚴厲責罰你，唔比你 ...

呢樣99絕喇。C6話佢哋細個曳, 99罰佢哋食白飯, 無餸。因為99話佢哋係佢個仔, 唔會俾佢哋肚餓, 但因為曳, 所以無餸, 得白飯食。

yovin

ar_mak 發表於 17-12-21 11:29
我本身鍾意小朋友講大話，多過佢連大話都費事講。了解清楚，小朋友報錯分，係佢真係報錯，定係佢真係講大話 ...

你好似我媽呀！
佢教我做人要不害人的情况下識講大話，但講大話要承受呃人一世的責任，如果無把握會俾人識穿的大話，那就寧願說真話！

佢成日話:< 忠忠直直、終需乞食！>
又話:<說自己唔講大話嘅人，咪講緊大話囉。>

yovin

Sammi8818 發表於 17-12-21 11:35
我就係同佢講, 如果你一早講出來, 係會失望, 但大家研究下點解低分, 係人都會失手, 只要下次可以有進步就可 ...

每次我唔理個仔，個仔又唔理我時，我有失戀嘅感覺！

我會好似我阿媽的講法，呃唔到人or不能自己一世承擔的大話，就 倒不如講真話！

後來發現一世承擔一個大話的責任，原來好辛苦，所以 除了善意的大話， 現在我好少講欺騙性的大話了 。

我好似媽咁，一樣咁教個仔，但我會加句，我哋一條根一個心，你對我講真話我一定幫到你。你呃我的話，我俾你呃死我死為止，但你因無法對最親的心坦誠 ，會好辛苦，是一世的懲罰。

紫蘿蘭

佢講大話係咪唔想咁早俾你地鬧，縮短「痛苦」時間？

題外話：實際分數同佢口中分數差幾多？

1998Ruby1998

我小一開始都會講大話報大數，因為低分阿媽會鬧同打，仲會因為佢嬲而鬧情緒，褫奪我娛樂時間。如果一個大話可以換來一段開心時間，我願意架！小六，係咪因為呈分試，你表現得好緊張分數，佢唔想你因為分數低而鬧佢，再冇打機呢個獎勵？

講大話係正常，唔識講大話你先驚（通常智力有問題先唔會講大話 ），你都一定有講大話嘅時候。

如果唔畀佢打機，咁你假期想佢做咩？如果要佢溫書做野，佢都一定心思思想打機，唔會同你認真溫。如果畀佢玩其他玩具，佢照樣係娛樂玩得開心，但係你又好似唔想個小朋友假期開心，想佢反省後悔？

mimi222shi

細個睇好多品德教育書，其實好有用。
其實，第一次講大話，家長應該好好教導/解釋
講得大話多，個膽會越來越大，而且越大越難教！

kkhon

為乜佢講大话報大分？会吾会你每次都好緊張分數？考吾好你会鬧佢？或者你会好低落吾开心？佢好大壓力？吾好吾彩佢啦，咁大個罚同鬧吾work喇。同佢倾下因乜要咁做，叫佢谂下咁做会有咩后果，叫佢承诺以后吾准再講大话，如有再发现佢会点/失去咩權利……细路仔有時做错野怕比人鬧而講大话一定有，我仔都试过想逃避责任講大话，我係好嬲佢吾敢承担仲講大话，唯有兩公婆一齊同佢倾。呈分吾派卷我已先发制人叫仔千祈咪報大分，话比佢知后果可大。

asweetmom

Sammi8818 發表於 17-12-21 11:35
我就係同佢講, 如果你一早講出來, 係會失望, 但大家研究下點解低分, 係人都會失手, 只要下次可以有進步就可 ...

下次沒有進步你會怎樣？不給飯吃嗎？

asweetmom

我的二女兒一向不主動報成績，學校也不是每次考測都派卷回家讓家長簽名。當然我始終會知道成績的，不過是晚一些。而二女兒這麼做既不用說謊逃避，也少給我駡/看我臉色一、兩星期，心理壓力比較少。從前我從群組知道派卷了，還很不識趣的逼問她，她死也不說。現在回想，我真傻。

1998Ruby1998

回覆 asweetmom 的帖子

下一步學我阿媽，飯唔畀食，佢所有衫都唔洗，唔畀訓床唔畀被。
講大話係人基本嘅生存技巧，每次講大話都代表佢知道錯咩，想盡力補救。但係小朋友要知道，冇必要同父母講大話，而父母亦都要清楚，每樣野自有佢來臨嘅時刻，審問／追問會適得其反，而問都需要有技巧。經常講大話嘅小朋友父母多數都係鬧人鬧得好甘，想小朋友對你坦承，首先需要控制好自身情緒同應對態度。小五小六開始「罰」已經唔管用，反而一句「你講大話令我好失望」會作用大 d。