名幼 vs 國際學校

babymu

islychiang 發表於 17-11-29 18:12
我本身傳統學校畢業，幫咗個仔報咗一大堆幼稚園之後，宜家分別有一間名幼同一間幾好既國際學校收咗，超掙扎 ...

名幼=SC?

islychiang

noody 發表於 17-11-29 22:20
你這樣說，感覺心中已有答案，為什麼要怕後悔？魚和熊掌不可兼得，兩種學校各有特色，研究決定之後就跟著一 ...

走IS基本上要肯定財政無問題，呢個亦都係考慮之一，我個人係偏好IS,最少我已經唔同意宜家小學咩一體一藝，但我偏好唔等如岩個仔，呢個先係我個諗最多個部分

islychiang

maomaofafa 發表於 17-11-29 22:33
我自己偏向LS，諗住真係搞唔掂先考慮IS，因c6有priority。始終覺得LS學術基礎較好，尤其中文。中文太重要 ...

所以我地都搵間中文深既國際（當然無LS深），而且爸爸台灣人話可以教佢，我都覺中文好重要而且中文根本就難過英文，但我個好堅持講英文（我地無姐姐，英文係youtube學番黎），其實而家係屋企好古怪，爸爸講國語，我講廣東話，個仔講英文，因為大家聽得明對方講咩，所以就用呢種各自表述黎溝通，唔迫我個都唔會講中文，所以如果IS,我都擔心中文有排追

maomaofafa

islychiang 發表於 17-11-30 01:22
所以我地都搵間中文深既國際（當然無LS深），而且爸爸台灣人話可以教佢，我都覺中文好重要而且中文根本就難 ...

講唔係問題，認字、寫、讀先難教。爸爸是否可以花咁多時間教中文？好多IS學生識講，但認寫讀需要好多年浸同練習。IS的中文再好一定不及LS。因為LS著重練習。不過睇你點睇。其實要熟練一定多workload，好難兩全其美。我地諗住至少中學先IS，想至少小學打好下中文基礎。辛苦也無辦法。中文不自小搞之後更加不會搞。

不過既然你已經決定了就唔好諗咁多啦。到時真係自己冇時間教或者出去補下中文又得。如果你認為讀得開心係最重要就唔好諗返轉頭。

fkltam

babymu 發表於 17-11-29 23:05
下，小朋友幾多歲

仲有2個月就3歲. (emoji)

Deutsche

有關IS中文的問題去國際版爬下文吧，很多本地家長都好有體會及方法
本地學校中文深過國際，但要諗下係咪為深而深囉，如果家裡有好的中文support, 只要小朋友對中文有興趣，讀is不一定比本地差，本地教得深不見得所有學生中文水平很高
反而你話小朋友已經不多說中文，小心讀了is會更抗拒中文，這是因爲個別人的特點而考慮,而非一概而論讀is中文一定不及本地，特別本身是中國人的is學生,這並非必然定論

Hoyinleung20166

islychiang 發表於 17-11-29 19:12
因為我個係仔，我主力訓練自理能力同解難能力(要似番個男仔)，logical thinking我放第二，第三先到academic ...

講得好好

RunningPig

名幼及 IS 係邊間? 間間都唔同，好難咁 abstract 比較

noody

islychiang 發表於 17-11-30 01:07
走IS基本上要肯定財政無問題，呢個亦都係考慮之一，我個人係偏好IS,最少我已經唔同意宜家小學咩一體一藝， ...

你提到的考慮因素都對，且已很全面，所以心中已有答案。至於大人的選擇未必是孩子的選擇，這種質疑說明你很站在孩子的角度考慮。但在孩子成人或能作出選擇之前，只能靠父母對孩子的細緻觀察和了解來幫助決定。比方講，觀察孩子是否樂於返學及喜歡老師和同學等。這裡題外話講一句，見到is的小朋友多數是比較開心的，當然一定有例外，但我個人至少還沒聽過有小朋友因為在is讀得不開心而轉到ls後就會變得開心起來。
至於中文教育的重要性不言而喻，這一點恰恰是我認為香港相比台灣或大陸做得最薄弱一環。這樣講絕沒有地域歧視的意思也不想挑起爭論。但從報章，媒體，出版物等的中文水平來說，這個結論顯而易見，有些報章的文章只是將口語書面話而已，談不上作文。這和香港長久以來把英語當成是官方語言有關係。一種語言要學得好，環境的力量很重要，要多說多用，只靠興趣班操練幾個小時而不在日常生活中運用是無效的。另外，閱讀習慣的建立也是提升語言及作文水平的關鍵之一。從這幾點來看，無論選擇ls或is，想要學好中文而非只是語文考試取得高分，整個家庭包括父母和孩子都還有很多可以做。
説得有點多，只是自己的個人感受，不要見怪。因為我也和你一樣在做權衡。

gv2017

就學習文化同內容黎講，IS真係同local好唔同，負擔得起我都會揀IS

sala222

islychiang 發表於 17-11-29 19:12
因為我個係仔，我主力訓練自理能力同解難能力(要似番個男仔)，logical thinking我放第二，第三先到academic ...

完全同意，亦係我的期望。呢家好多小朋友唔識解決問題，讀書幾叻都冇用，一個拜拜就走。

islychiang

noody 發表於 17-11-30 10:54
你提到的考慮因素都對，且已很全面，所以心中已有答案。至於大人的選擇未必是孩子的選擇，這種質疑說明你很 ...

多謝你詳細回覆，我自問A level中文考得幾好（完全同意係自細睇小說睇番黎），但因為傳統英中讀到大學，我以前係台灣做短期大學研究時我已經同個到啲professor講明我無辦法寫一份中文報告，要全英文交，環境同語境係重要過啲咩補習班，亦因為咁我覺得難選擇，因為我工作係同其他國家既人做啲global project,所以好了解講同寫中文同英文都好重要但香港好似好難平衡兩樣（當然我有見過咁既人，李寶椿出黎，本身外國番黎，中英都超勁）

noody

islychiang 發表於 17-11-30 13:25
多謝你詳細回覆，我自問A level中文考得幾好（完全同意係自細睇小說睇番黎），但因為傳統英中讀到大學，我 ...

的確，中英文都很強的人在ls及is都會有，但都是極個別。從這個意義上來說，並不是ls或is成就了他們，而是他們自身所做的。那也就不必把擇校因素看得太重太重，反而是選擇以後如何做多一些來彌補此種選擇的不足更為關鍵。比方講，選擇is以後怎樣培養小朋友閱讀中文書籍的興趣⋯⋯香港現實的教育環境使得兩種語言平衡受教的可能不太大(聽聞近幾年來私校如弘立，耀中，漢基等在這方面做得較好，但我還沒有仔細求證過），那就接受這個現實，多從孩子更樂於接受的教育模式去考慮。小朋友學得開心，保有對學習的興趣比任何習得的知識和技能都重要。只要他有興趣，就可以自發去學習各種東西，不用父母策劃太多。

islychiang

sala222 發表於 17-11-30 13:17
完全同意，亦係我的期望。呢家好多小朋友唔識解決問題，讀書幾叻都冇用，一個拜拜就走。
...

因為我幾乎每年都帶新人，好有體驗而家啲小朋友係咩都係張開口就叫，唔會先自己諗下點解決，common sense 唔再common,我真係唔覺係佢地問題，因為佢地既家長先係最大問題，從來你幫佢做曬你點預期佢會識解決問題? 到出黎做野就變咗由我呢啲奶媽去教去鬧，所以我真係唔想自己個仔係咁

islychiang

noody 發表於 17-11-30 14:08
的確，中英文都很強的人在ls及is都會有，但都是極個別。從這個意義上來說，並不是ls或is成就了他們，而是他 ...

完全同意，所以我努力做平衡，製造語境，上ls同is既playgroup,上山下海唔同地方既旅行就係希望佢見識多啲發展好啲自理能力高啲，so far我覺得ok既，只係去到選學校就大事好多要諗多好多

sala222

islychiang 發表於 17-11-30 14:14
因為我幾乎每年都帶新人，好有體驗而家啲小朋友係咩都係張開口就叫，唔會先自己諗下點解決，common sense  ...

請教一下你從事什麼工作，要帶學生？

islychiang

sala222 發表於 17-11-30 14:22
請教一下你從事什麼工作，要帶學生？

帶u grad,我做global project team,每年都有啲小朋友被送過黎要帶，我呢啲老seafood就要幫人教仔

halvard

樓主，我同你既想法都幾似
我會選擇IS而放棄LS

我都經歷傳統名校洗禮
身邊亦有吾少朋友讀書時轉去IS
IS除教學模式吾同，吾填鴨，視野闊，資源亦多好多
小朋友吾只係打籃球足球，可以接觸到ice hockey, water polo  
上堂學地理吾係度背tropical rainforests D layers
係諗下點解會有global warming, 我地有乜嘢責任令世界變得更好
眼界吾只係本地，只比較成績同名次

其實個社會吾再只係要讀書叻
香港人叻在乜都要快人一步，勤力，吾怕做
但係依家D年青人，只係想行捷徑，自我中心
就黎連少許優勢都俾比下去

我覺得溝通技巧，代人接物，國際視野，resilience 更重要
如果佢仲有諗頭，可以幫自己製造edge
甘就真係功德完滿

而我覺得LS 好難可以塑造到里D特質
所以vote for IS =)


  
  

islychiang

halvard 發表於 17-11-30 15:04
樓主，我同你既想法都幾似
我會選擇IS而放棄LS

多謝而我既諗法同你都好似，因為我條team係global，所以好早已經覺得本地同外國小朋友既落差，人地為咗攞經驗，一個由歐洲黎香港做intern，得19歲但又聰明又humble，好肯溶入本地文化（著拖鞋去百佳買杯麵），我知我地都有小朋友去外國working holiday,但人地既國際視野，eager to learn, humble,係我呢10年係香港少見，而且唔係1個，而係好少見例外，亦因為咁我對香港教育制度好懷疑，究竟邊到出問題，人地無分is或ls但真係培育到global citizen出黎但身為一個本地阿媽，我又唔想自己好似離曬地咁，話曬都重係香港生活緊，做另類要好有勇氣