住北區乙一可選大埔嗎?

hinhei

tpmon 發表於 17-11-26 22:06
本帖最後由 tpmon 於 17-11-26 22:09 編輯

To 喜洋洋

有時都要睇適唔適合，唔係勁就得。

鄧顯唔係係人都啱讀架！
我見好多1A學生都轉戰莫記，始終適唔適合最最要！

tpmon

hinhei 發表於 17-11-29 23:42
有時都要睇適唔適合，唔係勁就得。

鄧顯唔係係人都啱讀架！

如果個個都做同一樣嘢，反而增加競爭，到時入讀更難。因住大埔的人不能在统一階段報鄧顯，競爭只局限在北區，反而對你有利。

莫記和迦密柏雨在大埔區內提供的學位已很緊張，相信比區外位應很小。

nillnill

tpmon 發表於 17-11-30 12:26
如果個個都做同一樣嘢，反而增加競爭，到時入讀更難。因住大埔的人不能在统一階段報鄧顯，競爭只局限在北 ...

有道理。但在北區而已，band1位始終不足，家長心態往往就係走得就走。
人口回升，預期大埔沙田，都會多外區人

tpmon

nillnill 發表於 17-11-30 13:19
有道理。但在北區而已，band1位始終不足，家長心態往往就係走得就走。
人口回升，預期大埔沙田，都會多外區 ...

如你的孩子確定是全港和北區Band 1A, 就算北區Band 1 學位較少，一定根據最top排行次序會收到你的孩子。為什麽擔心要去他區爭?

反而是北區Band 1C 的孩子，因為區内Band 1 學位不夠，被迫讀Band 2。

tt106

非常同意各位的意見, 北區的band1a位始終不足,如果孩子係 band1 就一定根據最top排行次序派學校,但要留意個個都楝同一間中學，反而增加競爭，到時派咗去band1c
當年, 我女兒的同學, 佢係band 1a, 佢媽媽楝甲寅, 佢估大部份band 1a家長都楝鄧顯, 所以楝甲寅,到最後派咗去陳融,去甲寅叩門都係後備,結果女兒留係陳融, 就讀得好輕鬆和開心, 睇返轉頭可能係好事.
我就發現,如果個個都楝同一間中學，反而增加競爭，到時更難派到
鄧顯唔係係人都啱讀, 本身孩子要有能力,仲要能面對壓力,校內高手如云,課程偏深,鄧顯係一間好學校, 比其他學校學多好多知識
最緊要啱孩子讀

小時了了

tpmon 發表於 17-11-30 20:28
如你的孩子確定是全港和北區Band 1A, 就算北區Band 1 學位較少，一定根據最top排行次序會收到你的孩子。為什麽擔心要去他區爭?
反而是北區Band 1C 的孩子，因為區内Band 1 學位不夠，被迫讀Band 2。

Band 1A 與Band 1C係大抽獎甲部及乙部都係歸納為 Band 1 組別, 大家平起平坐無分別, 為何只有Band 1C 先至驚被迫讀Band 2? Band 1A 自行一及二一定收?  Band 1A 如果號碼差, 自行選兩校及大抽獎排位選校策略唔好 , 我絕對不同意Band 1A 唔洗驚, 亦有以下我女同學真實事實例子證明 (我女係北區算係熱門小學就讀, 不是寶校)

真人真事: 我女今年中一，舊年佢班內2位同學個別派位不幸例子:

i) 一個成绩好過我女B1A-B1B (偏向 B1A) 男仔派咗去馬錦明(中中微調英文班)，扣門扣甲寅扣唔到，依家係馬錦明做"學霸"(嗰位同學自我安慰咁樣形容自己)

ii) 另一個係成績遜息過我女啲B1B-B1C (偏向 B1C)，派咗去廖萬石 (中中), 當日派位後無扣門, 認命


B1A-B1B 同學成績相近嘅多數派鄧顯/甲寅; B1B-B1C 嗰位成績相近嘅多數派田家炳及風采.

學童升中由舊年開始回升, 相信以上北區校網個別不幸派位例子會愈來愈多.

P.S. 我女間學校都有十幾個派鄧顯, 田家炳及風采係大戶派入呢兩間嘅同學多過鄧顯, 甲寅都有但比鄧顯少, 零星個案派莫記(肯定派入, 因為阿女好奇問我點解嗰位B1A (級10名以內) 同學, 無去過莫記面試而入到嗰度讀)

tpmon

小時了了 發表於 17-12-1 06:57
Band 1A 與Band 1C係大抽獎甲部及乙部都係歸納為 Band 1 組別, 大家平起平坐無分別, 為何只有Band 1C 先至 ...

要區內好的小學，考名列前芧才是Band 1A; 區內水準較差的小學，全級頭幾名可能只是Band 1C。

你的例子可能是小孩 真正是Band 1C/Band 2A，但選錯了Band 1A ，收不到不出奇。所以要小學老師幫手，估對小孩的真正的Banding，才選到right school.

有些人自行好表現，其實學校已收了，但最後結果當然是你不知是自行成功，還是大抽獎成功。

小時了了

tpmon 發表於 17-12-1 09:06
要區內好的小學，考名列前芧才是Band 1A; 區內水準較差的小學，全級頭幾名可能只是Band 1C。
你的例子可能是小孩 真正是Band 1C/Band 2A，但選錯了Band 1A ，收不到不出奇。所以要小學老師幫手，估對小孩的真正的Banding，才選到right school.
有些人自行好表現，其實學校已收了，但最後結果當然是你不知是自行成功，還是大抽獎成功。

"你的例子可能是小孩 真正是Band 1C/Band 2A，但選錯了Band 1A" ---- 您推斷係錯, 我女成績仲差過嗰位同學, 我女當時係B1B-B1C. 另外我女幼稚園小學同學入到鄧顯, 佢係差過B1A-B 嗰個同學及我女的.  幼稚園阿媽當日同我講, 佢自一鄧顯, 自二無選學校, 甲一鄧顯, 甲二及三無填, 乙一鄧顯咁樣填. 當時我仲擔心佢, 仲同佢講做咩野咁勇, 自二仲咩唔選甲寅, 甲二,三又仲咩唔填, 佢話阿女鍾意鄧顯, 唔鍾意及唔想入甲寅. 佢媽跟阿女意思, 所以咁野填學校.

little_yolky

tpmon 發表於 17-12-1 09:06
要區內好的小學，考名列前芧才是Band 1A; 區內水準較差的小學，全級頭幾名可能只是Band 1C。

你的例子可 ...

小時了了女女間小學好似係北區好果幾間小學既其中一間嚟, 你睇佢哋同學派位就知。

如以1/9學生計B1A, 其實北區都有1XX B1A, 但自行只可收1/3, 間間收40人左右, 如果好多人報相同果兩三間, 係咪真係有信心自行入到真係唔敢講, 始終自行睇既嘢比較多。總之北區就係可憐。

小時了了

tpmon 發表於 17-11-30 12:26
如果個個都做同一樣嘢，反而增加競爭，到時入讀更難。因住大埔的人不能在统一階段報鄧顯，競爭只局限在北區，反而對你有利。
莫記和迦密柏雨在大埔區內提供的學位已很緊張，相信比區外位應很小。

純個人感覺, 升中選校就好似 JUPAS 選大學選學科, 選大學又要考慮三大定八大, 神科定水泡科....升中呢, 要考慮本身小朋友 banding, 又要考慮自己校網學位夠唔夠, 又要考慮升中學童上升, 又要心理評估其他家長可能會選咩野學校而避選儘量增加自己小朋友入讀理想中學機會... 升中, 真係令人煎熬嘅歷練.

求八大2017 admission score 網址: https://www.edu-kingdom.com/forum.php?mod=viewthread&tid=3557124&fromuid=1539350

tpmon

小時了了 發表於 17-12-1 10:46
純個人感覺, 升中選校就好似 JUPAS 選大學選學科, 選大學又要考慮三大定八大, 神科定水泡科....升中呢, 要 ...

未考中學，咁早想孩子入到邊間大學和讀乜科?

小時了了

tpmon 發表於 17-12-2 15:00
未考中學，咁早想孩子入到邊間大學和讀乜科?

嘻!嘻！我嗰個中一了，俾啲目標大學俾佢追求嘛！小三時開始俾阿女睇及參觀目標中學，最终佢考入最心儀中學，希望她考大學時亦是就好了

nillnill

小時了了 發表於 17-12-2 17:44
嘻!嘻！我嗰個中一了，俾啲目標大學俾佢追求嘛！小三時開始俾阿女睇及參觀目標中學，最终佢考入最心儀中學 ...

小時了了

適齡中一生回升　擬後年加派復位
https://www.edu-kingdom.com/foru ... 648&fromuid=1539350

北區料增逾14班　曾自願減班優先

　　(星島日報報道)不同地區適齡中一生升幅差異甚大，在「復位」暫未實施前，教育局將在學額需求較大的地區加班；北區及大埔下學年將會加班，北區將大增至少十四班，大部分學校可獲加班，其中參與「自願優化班級結構」而減班的十四所中學，將增至五班中一。

　　各區中學預料一九學年全面「復位」，但個別地區在一八學年已急需加班。按當局分區人口推算數字顯示，北區中一人口下學年大增兩成半，北區、大埔將會率先加班。北區中學校長會主席梁學圃指，因應中一人口增加，整區至少要增加十多班中一，十四所因「自願優化班級結構」減班的學校將優先加班，預計一九學年情況將會持續，屆時或有需要進一步加班。

　　據了解，大埔下學年亦要增加三班中一。大埔區中學校長會主席潘慶輝指，區內中一人口未來有增長，加上鄰近的北區學額需求較大，須向大埔區中學「借位」，已有共識一八學年起逐步加班，「視乎他們校情、課室數目，看看有沒有機會開多一班。」他指區內中學均是以「開四班」為大方向，以維持穩定的教育質素，強調「不急於，不需要一窩蜂去加班，而是有計畫、協調好去做。」

　　大埔的佛教大光慈航中學一五及一六學年開兩班中一，今學年回復開三班，校長劉子軒相信，已渡過收生艱難時期，強調教學質素不受開班數目影響。有資深中學校長指，學校對加班有不同取態，有中學已滿足於現時班數，亦有學校爭取開辦五班中一，在各有要求下，要決定學校加班先後次序，難免產生矛盾。

bb_2001

tpmon 發表於 17-11-26 22:06
本帖最後由 tpmon 於 17-11-26 22:09 編輯

To 喜洋洋

路過。。


上水的鄧顯勁過晒所有在大埔和沙田的中學?

你肯定?  有數據嗎？ 同邊間比較? 如何比較？


小心解讀每間學校的Annual Report，同升大學數據，會學到很多唔同文化。