文靜乖巧學生被同學欺負?

greentea000

Jane1983 發表於 17-11-22 13:40
回覆 greentea000 的帖子

受害者特徵唔一定的。叻、成績好，老師錫多讚多，同學唔抵得，一樣可以bully你。 ...

呢Ｄ情況其實好普遍，周圍都有，大人都唔可能避免。但又未去到欺凌程度，無可能做到人人歡喜又唔妒忌排擠。

greentea000

YolandaTam 發表於 17-11-22 14:10
講漏咗樣：家境比普遍同學差，我細個就係因為呢樣嘢俾人欺凌。

同學間會資產調查？點知大家係咩身世？

YolandaTam

greentea000 發表於 17-11-22 14:59
同學間會資產調查？點知大家係咩身世？

我嗰代（近40年前）好易知啫：
1）地址：當大部份人地址係九龍塘、畢架山、何文田，差極都美孚黃埔，土瓜灣舊樓地址係十分「突出」嘅
2）有冇學樂器：考頭十同學中得我同另一位冇學，又係「突出」
3）有冇搭飛機去旅行 （試過開學第一篇作文題目係：暑假出外旅行所見所聞，我無經驗，連作都作唔出，同老師商量，老師好好，俾我作去離島，嗰篇又成
為範文當住全班面讀出，同學話老師偏心，老師如實解釋，咁咪全班知道囉。）
4）父母職業：大部分人父母係商人或專業人士，家父係自顧幫人抹車，報俾學校係勞工，家母係工廠女工，又一項「突出」

呢啲加埋堂堂畫公仔都攞學業獎，就係死罪，因為會令同學俾阿媽話俾個頑皮嘅窮鬼叻過佢。

woyj

Jane1983 發表於 17-11-22 13:40
回覆 greentea000 的帖子

受害者特徵唔一定的。叻、成績好，老師錫多讚多，同學唔抵得，一樣可以bully你。 ...

agreed , esp .受害人特徵

1998Ruby1998

回覆 greentea000 的帖子

會架，細個會打聽人地住邊，然後上網地產網睇買入價。地址呢個冇咩同學有戒心，說者無意，聽者有心。之後聽聽下，已經大概知道邊 d 地址係又殘又舊。我多同學住愉景新城、黃埔、漾日居、擎天半島、維港灣，甚至有人住法拉隔離，有埋相為證。
便服日，會睇咩牌子（十年前已經有，然後我果 d 衫....），平日文具、書包都會研究。女校係咁。

同樣作文，有 d 同學寫離島、返內地，就知道呢 d 同學冇搭過飛機。

問父母職業，呢個同樣冇咩戒心（我一早意識到，所以同人講阿爸係總經理，但係冇講係邊項邊間公司）。好多同學阿爸阿媽都係做醫生、工程師、地產（果幾位同學真係特別有錢）等。

再加上我人矮、嘈、英文又叻過好多人、老師公敵，咪畀人欺負。高小都算係多朋友，可以十幾個一齊玩，但係就係有另一個派別嘅同學特別睇我唔順眼，專欺負我。呢個派別多風紀，少少野都集名，冇事都集名。

greentea000

1998Ruby1998 發表於 17-11-22 16:16
回覆 greentea000 的帖子

會架，細個會打聽人地住邊，然後上網地產網睇買入價。地址呢個冇咩同學有戒心， ...

係女校既原因，愛八卦比較？我一直都係男女校，根本無人去打聽呢Ｄ，亦唔會自己講。

supermom1

自己讀傳統band 1女校，學校又係非常多事非，我成績好但讀得好唔開心。

Jane1983

呢d比較家境，咁勢利的嘢，係咪中學先有或者女校多d？

我以前間女校中學，同學對讀書成績好重視，好多女仔會白鴿眼，睇唔起成績差的同學。但屋企住邊、父母做乜職業、有無錢、着衫咩牌子，唔係咁care。

YolandaTam

Jane1983 發表於 17-11-22 17:18
呢d比較家境，咁勢利的嘢，係咪中學先有或者女校多d？

我以前間女校中學，同學對讀書成績好重視，好多女仔 ...

我當年係初小已經有

Jane1983

回覆 YolandaTam 的帖子

咁早

Jane1983

回覆 YolandaTam 的帖子

令你釋懷d，果d成績白鴿眼的嘴臉亦唔好睇，各有unpleasant之處。
本來敬重學術好的同學，係好事，但d人演繹出來，就係好卑鄙小人feel。

YolandaTam

Jane1983 發表於 17-11-22 18:53
回覆 YolandaTam 的帖子

令你釋懷d，果d成績白鴿眼的嘴臉亦唔好睇，各有unpleasant之處。

本帖最後由 YolandaTam 於 17-11-22 20:21 編輯

多謝你。我做咗四十幾年人，俾養母弟妹睇唔起，返教會俾人話我撬人牆腳，婚後俾99姑仔大伯圍住嚟鬧，做工發高燒都要返，相比之下呢啲唔算咩不得了嘅事。
另外我女面對欺凌，佢嘅處理手法都俾我好大啟發：原來對啲欺凌者唔需要斯文，有時反唇相稽將佢擊退，面對排擠，人哋避開佢，佢避開返人；人哋“jip"o佢，佢笑笑口“jip"返人哋，跟住對方呆住，無法對應。乜原來咁都得？

Jane1983

回覆 YolandaTam 的帖子

唉，幾十歳人，大家都總有d傷心往事。活在當下，盡量讓自己開懷。

1998Ruby1998

回覆 greentea000 的帖子

女校係特別多呢 d，咩都比較一餐，如果成績差／操行差／家境差，就一定畀人白鴿眼，有時候家長都會。試過有家長唔畀同學同我玩，原因係我住舊樓，屋企請唔起工人。

hirohiro

回覆 HaYi 的帖子

Agree

茄茄媽媽

IloveJJ 發表於 17-11-23 09:48
無錯，面對欺凌者，方法就係要「強」!

我仔係獨行俠，又係靜，以前係瘦，又leifei，完全係被欺凌對象。

非常讚成你所講，你越唔出聲 人地越蝦你 適當嘅反抗 是必需的 唔代表要你去蝦人 但俾人蝦 就必需要反抗

long0

https://hk.news.yahoo.com/%E8%A2 ... 6%BA-090702274.html
D欺凌者都唔夠間學校恐怖
大人推卸責任到如此
又一個無恥就最無敵的故事
常言道學校係社會縮影
難怪而今D人
自保口頭禪係
我見唔到 唔知邊個做 你吹我唔脹 唔存在我有錯的事實
哈哈

https://hk.news.appledaily.com/local/daily/article/20110626/15376701
呀校長果然係非常傳統的女性
次次都大事化無

brother4

HaYi 發表於 17-11-22 07:49
好多校園欺凌是發生在獨行俠上, 無論獨行的原因係太靜不合群, 太嘈討人厭, 太叻太英太乖招人忌, 太差俾人笑 ...

贊成，可惜自己成績差又留班又踢出校，就冇人做朋友，唔多事被欺凌或多事也被打

long0

欺凌係任何地方都存在
最重要係執事人/執法者 要以法達義
連大人都有法不依
仲要推卸責任
以後社會拳頭話事
此日可待
呢份報告教署收貨的話
學生返大陸讀書好過
起碼我知送禮比先生可保平安