越來越擔心亞仔呈分試

Yanamami

little_yolky 發表於 17-11-17 17:13
講到情緒影響小朋友, 其實小朋友情緒都好影響家長。大家都知我peah, 本來都算輕鬆, 點知阿大前兩日無端端伏 ...

升中係会有压力既~~你唔俾佢，老師会俾，同学间会討論，佢自己会諗……不过你女似乎爆左燈，要pillow talk下(鬆懈時可能会洩漏d野)~

little_yolky

Yanamami 發表於 17-11-17 17:38
升中係会有压力既~~你唔俾佢，老師会俾，同学间会討論，佢自己会諗……不过你女似乎爆左燈，要pillow talk ...

呈一都未考就爆燈, 幾時捱到呈三！阿媽我無壓力, 點解反而個女壓力咁大, 又唔係叫佢考神校。見其他JM都係自己有壓力而已, 小朋友都好輕鬆下, 唉。

Yanamami

little_yolky 發表於 17-11-17 18:10
呈一都未考就爆燈, 幾時捱到呈三！阿媽我無壓力, 點解反而個女壓力咁大, 又唔係叫佢考神校。見其他JM都係自 ...

可能佢对自己有要求

YmOra

vvmon 發表於 17-11-17 10:43
樓主，同仔仔講唔好比咩Band3學校嚇到，band3學校都有好校風，有肯讀書的同學！只是他們天份不在讀書，又或 ...

個案十分有"力"呢!實在太多人把""焦點""放响讀書成功人仕條路之上,以為多人行的路,有成功就代表"安全好行",忘記嗰條路嗰種行法嗰個結果都只是""適合嗰個人"",並不是代表你一定有相同的待遇和結果,始終每個人都是"獨一"的,要隨波逐流跟著人行吖?!還是行條未必有太多人睇好,但是至少有家中兩老支持嘅"""夢想之路"""呢!其實,香港教育真的需要多D推廣讀書以外的"""其他出路"""呀！

YmOra

開心老實人 發表於 17-11-17 06:55
亞仔本身有學障困難，昨天對我說好驚呈分試考得吾好（吾夠時間做、吾識做）會入band 3,佢講完我真係眼淚直 ...

同阿仔講:佢份"有心的態度"已經攞滿分了,無嘢好得過學習態度,只要佢對自己仍然有信心,將來亦可以走出一條令人羨慕嘅""成功之路""呢!Band3無問題架!無阻孩子成長!無阻孩子發掘啫好!更無阻孩子尋找理想!與其把時間對焦於Band1Band2Band3;倒不如多D對住塊境把焦點放响自己身上找找有D咩未發現的長處仲好呢!努力加油呀！

YmOra

little_yolky 發表於 17-11-17 17:13
講到情緒影響小朋友, 其實小朋友情緒都好影響家長。大家都知我peah, 本來都算輕鬆, 點知阿大前兩日無端端伏 ...

襯周末找機會好好與囡囡傾下,我認為小孩子的壓力,最重要係要讓小孩子知道和感受到不是只係她一人獨自努力中,爸爸媽媽亦在努力中,大家都是"""同行者"""呢!

HaYi

little_yolky 發表於 17-11-17 18:10
呈一都未考就爆燈, 幾時捱到呈三！阿媽我無壓力, 點解反而個女壓力咁大, 又唔係叫佢考神校。見其他JM都係自 ...

佢感受到你期望，吾想你失望，所以壓力更大. 下学期才呈一，玩下储下力到真考才可正常發揮.

vvmon

有邊個家長唔想自己仔女十項全能，成龍成鳳；我都想我大女係Band1生，年年考級十內！但唔係個個都係讀書材料，有很多事實証明唔係讀書材料唔等於無出頭天，重點係父母如何引導小朋友發揮自己長處，遇到困難仍能堅持下去，才會有成功的機會

山海兒女

回覆 開心老實人 的帖子

唔清楚你小朋友究竟係band 3成績？還是band2成績，但怕考得唔好會跌去band3，個人認為兩者是有分别的。
如果本身已是級尾，band3成績，二，三綫直資好多時也是英語教學，你小朋友應付唔應付得來？

現階段我覺得你應該積極去搵一些校風好，關愛比較多嘅學校。

小兒當年有個同學仔，考級尾，想留班學校又唔比。每次考試壓力大到唔係發燒就係肚痛，小學老師覺得他是詐病，完全唔體量佢，仲鬧佢同比說話佢聽。

他媽媽積極為去尋找了一間校風好，關愛多的band3津校，升中後他開心了很多，晚晚唱住校歌來瞓覺。

而且中一已有機會被學校派去美國參加機械人比賽，其他同學全是中四五師兄師姐。

Band3津校未必一定是可怕的。

little_yolky

YmOra 發表於 17-11-17 19:57
襯周末找機會好好與囡囡傾下,我認為小孩子的壓力,最重要係要讓小孩子知道和感受到不是只係她一人獨自努力 ...

佢成日話唔知點解無端端會好唔開心。

little_yolky

HaYi 發表於 17-11-18 10:22
佢感受到你期望，吾想你失望，所以壓力更大. 下学期才呈一，玩下储下力到真考才可正常發揮.
...

我已經幫佢揀一間比較輕鬆可以入到, 就算自行入唔到大抽奬都好大機會入到, 就算都仲入唔到, 都仲有間唔錯既聯繫做support, 咁都仲要壓力大, 就無辦法了。佢近排根本就好似荷爾蒙失調咁, 無端端成日發脾氣, 無端端唔開心成日喊。

妹妹頭

回覆 little_yolky 的帖子

依D咪叫壓力囉, 小朋友佢地自己同同學朋友都會討論升中既野, 揀邊間中學, 邊間中學好, 自己成績又達到要求嗎? 好多好多既問號晌佢地之間出現, 我女小五都有依個情況, 同我講佢唔開心, 訓唔著, 有時做無端端喊.....

真係要傾下計, 我同佢講, 香港冇一間係一定好既中學, 亦冇一間一定差既中學, 只係岩自己興趣, 就一定會讀得開心, 讀得輕鬆, 呈一考完, 成績都唔差, 升上小六, 面對呈二, 又黍過, 額頭生滿暗瘡, 同佢睇皮膚醫生, 醫生話依D叫 "壓力瘡", 問阿女讀書辛苦嗎, 阿女答佢唔辛苦, 但唔知點讀至會考好D, 醫生同佢講, 佢當年讀小學都唔叻, 亦唔係名校出黍, 只要自己知道想行一條咩路, 目標清楚, 那怕升上那一間中學.... 仲叫佢盡力就可以

醫生講, 考完呈二, 暗瘡自己會消失, 唔駛怕

leafun

回覆 little_yolky 的帖子

你呢個情況，同我大女當年考呈二時一樣。當年，佢班主任有日打畀我，話我個女考ORAL中間爆喊，喊到唔可以繼續考，學校決定同佢搵日再考過。老師都有問係咪屋企畀佢好大壓力。其實我哋無畀壓力佢，反而係佢好想做好所以突然爆咗出嚟。

當時我都只係不斷同佢傾計，同埋傾計中叫佢唔好擔心派邊間學校。結果佢考完自行兩間學校面試，好決心咁同我講要返聯繫中學，叫我連叩門最多都只叩自己中學，高一級都唔去。佢下咗決心後，情緒就好番好多，考呈三都無話情緒波動得咁勁。

little_yolky

leafun 發表於 17-11-20 10:08
回覆 little_yolky 的帖子

你呢個情況，同我大女當年考呈二時一樣。當年，佢班主任有日打畀我，話我個女考 ...

即係話, 要捱到2019年3月.........依家只係2017, 佢個壓力好似早咗D.............
佢噚日問我暑假可唔可以去幾日廣州旅行。因為我啱啱個暑假話, 去埋今次旅行就兩年都無得去, 因為家姐要呈分, 要讀書。不過我哋年年暑假都會上廣州慶祝太婆生日, 佢噚日就話不如stay多兩日玩。依家D細路點解咁鐘意去旅行。

leafun

回覆 little_yolky 的帖子

去旅行，人在異地，心情會放鬆，可以暫時唔諗測驗考試。

我哋屋企都係每年暑假去一次旅行，升小六個暑假我哋照去，我亦無特別要佢加操溫習。係升中果個暑假，因為唔知幾時上升中果啲適應班，所以就改咗復活節假(考完呈三)去旅行。

你同個女傾計時，都順手問問佢學校佢玩開果班同學仔點睇考呈分試，朋輩都會對個女心態有影響。

你個女有一個十分穩陣止蝕位，如果佢真係擔心派學校，就要同佢分析佢個止蝕位，仲要加句個止蝕位唔差嫁，希望可以幫佢減輕少少壓力。

妹妹頭

回覆 little_yolky 的帖子

唔好怪我多口 :

因為我啱啱個暑假話, 去埋今次旅行就兩年都無得去, 因為家姐要呈分, 要讀書。 <===依句已經係壓力

YmOra

little_yolky 發表於 17-11-20 09:26
佢成日話唔知點解無端端會好唔開心。

老實講句,這種情況我都見過一些個案,父母要慢慢誘導孩子道出心中的"憂慮"是甚麼?!"浸"响憂慮中越短時間越好,尤其是因為"學業"而造成的憂慮,因為還需要繼續好幾年的上學,唔係話即時離開就離開,在發現情緒開始的早期及早治療或了解和開解,發生抗拒讀書想離開的機會會是最少,講真的,我識的jm都係用唯一一種方法解決讀書壓力所帶來的情緒問題,就是"""退而求其次""",選低於孩子Banding以下的中學,例如,B1a選B1b,B1b選B1c,到孩子升上中學,人成熟多了才有更大的能力應付壓力和情緒,那時,就算面對公開試DSE亦無問題呢!這點亦是把問題放响較適合的年齡去解決,可大大提升解決問題的成功率呢!努力加油呀！

little_yolky

YmOra 發表於 17-11-20 11:39
老實講句,這種情況我都見過一些個案,父母要慢慢誘導孩子道出心中的"憂慮"是甚麼?!"浸"响憂慮中越短時間越 ...

我就是選低一band的方法了。而且佢今年响班入面個成績越來越突出, 我揀果間應該問題唔大, 所以我好懷疑佢唔係因為成績唔開心, 但問佢佢又話唔知點解, 總之就突然之間唔開心, 禮拜六果日仲話想跳樓。

mcl203

little_yolky 發表於 17-11-20 10:16
即係話, 要捱到2019年3月.........依家只係2017, 佢個壓力好似早咗D.............
佢噚日問我暑假可唔可以 ...

呢D可能對小朋友已經係無形壓力，係不少場合我都有提過，小朋友愛去遊樂場，基本上係適用於絶大部分。

你大囡認該識諗㗎啦，就算你唔提唔俾壓力，升小會自然從多途徑接收訊息，亦會帶來壓力。對一個懂事型既女孩子，分析和鼓勵已經好足夠，佢哋自己會去跑，從旁觀察俾支援可能已經足夠，令佢地有安全感。或許，呢次可參考你先生意見，男仕大路野既睇法都唔錯㗎～～～

little_yolky

mcl203 發表於 17-11-20 12:26
呢D可能對小朋友已經係無形壓力，係不少場合我都有提過，小朋友愛去遊樂場，基本上係適用於絶大部分。

你 ...

就係C6個發瘟仲要同個女嘈！之後佢帶阿妹去跳舞, 阿妹出門口之前都見到家姐行咗出露台, 佢居然乜都唔知, 乜都無理！好彩家姐今次話自己論盡又腳短, 估計自己抓唔過欄杆, 所以返番入屋。你仲旨意佢?