培道中學

leafun

回覆 little_yolky 的帖子

又路過搭咀，校長呢句說話，同九真校長所講一模一樣，又係話自己只有少數B2生。不過，其實我有懷疑，因為以我阿女小學做例子，因為聯繫關係，所以B1/B2都差不多入晒(最頂的就跳咗船)九真中。考完PRE-S1分班試後，學校用英文分入ABCD，另中文係用成綪分細組上堂。我見小學部上既起碼都去到第二勁果班，無人入中文班。如果用我間學校B2生做分界，九真中其實收好多B2生。

我估培道情況應該近似。

wongkaka

我朋友個女上年是培道學生, 佢成績當然不是名列前矛, 但都全科合格, 老師話佢女係B3, 明言叫佢地唔好選培中, 所以亦有可能學校用呢個策略, 讓自己多D位收出面的B1或B2頭學生

little_yolky

wongkaka 發表於 17-11-13 15:21
我朋友個女上年是培道學生, 佢成績當然不是名列前矛, 但都全科合格, 老師話佢女係B3, 明言叫佢地唔好選培中 ...

不是的, 學校老師很好, 不會這樣。因為聯繫位只for B1 & B2學生抽, B3是無份的, 小朋友全科合格是B3在培小是十分有可能的, 如果明知小朋友是B3而不明確告訴她, 浪費了寶貴的乙一, 派不到好一點的B2尾或B3頭, 就更是大鑊了。

little_yolky

hkpapa852 發表於 17-11-13 15:00
我都認為無乜可能係S1收大部份B1學生.....

九真較受歡迎, 但近年收生都可能只有一半左右B1學生......

家長會時好多小五同學家長, 因為佢哋唔多明白, 聽到校長咁講, 嚇到個個面都青埋, 問校長點解收咁少。但校長又無講清楚聯繫位收唔晒, 只係係咁耍太極。仲有家長有趣到問自行收幾多培小生。其實培小生有聯繫位, 聯繫位用唔晒, 仲點解要問自行位, 如果係B3生當然唔駛諗, 但如果係B1/B2生應該係好定當。所以, 家長其實去到小五都好唔熟個玩法。

不過, 到阿妹果年, 學童超咁多, 我都有D擔心了, 因為B2女生數量已經大大超過聯繫學額, 到時咁多人, 肯定會多咗人用聯繫位, 僧多粥少。

wongkaka

little_yolky 發表於 17-11-13 15:56
不是的, 學校老師很好, 不會這樣。因為聯繫位只for B1 & B2學生抽, B3是無份的, 小朋友全科合格是B3在培小 ...

不過叫家長自行選要B3, 我覺得.......最後小朋友考到一間不錯的直資, 依家讀得好好

little_yolky

wongkaka 發表於 17-11-13 16:10
不過叫家長自行選要B3, 我覺得.......最後小朋友考到一間不錯的直資, 依家讀得好好

...

這樣太好了。其實如果培小B3生, 第一時間應該去考直資, 尤其迦南, 因為培小年年都有入幾個, 即學校對學生滿意至會繼續收, 咁機會都大D, 無謂去搏自行或大抽獎。但如果考慮經濟問題就無法了。

如果我係家長, 小朋友係B3頭, 我會自行選兩間校風好既B2尾, 或一間校風好既B3, 一間B2。

Bubu0526

我有朋友小學係衣車升上去，確實係比較吃力，舊年須要repeat F.1,亦有朋友係MCPS升上去，中學部收唔番去，入到去讀得好開心，今年唔選擇係香港考dse 出左去讀，呢個校長好似接手左幾年，佢好似以前係GHS ，至於banding說法我都同意係無標準既 ，我估佢都係屬於B1尾

kwankwanchun

little_yolky 發表於 17-11-13 12:52
剛去完家長會, 我實在好懷疑校長話學校係B1C。佢同家長講, 大部份收既係B1, 有小量B2生, 這點我非常懷疑。 ...

現任校長都係2年前上任，係咪喱2年自行收b1... ？佢話自行收左2個培小，另外個6個即統一派入。咁個6個應該自行都會簡培中，一係無機會in, 一係in 左唔收， 但統一入左。
培中係去年考得好，好難一年就上b1. 無錯係b1 生未必會簡培中，亦好多一講拎培中做止蝕。想問如果培中真係b1c, 咁培小生b2 都仲有機會入？定都要係b1先收？

kwankwanchun

mybryan 發表於 17-11-11 16:06
點解咁少培小生入培中？一七年只有8個

你小朋友讀培小？

kwankwanchun

wongkaka 發表於 17-11-13 15:21
我朋友個女上年是培道學生, 佢成績當然不是名列前矛, 但都全科合格, 老師話佢女係B3, 明言叫佢地唔好選培中 ...

B2尾入到培中會好辛苦？

little_yolky

kwankwanchun 發表於 17-11-13 22:26
現任校長都係2年前上任，係咪喱2年自行收b1... ？佢話自行收左2個培小，另外個6個即統一派入。咁個6個應該 ...

聯繫位係收B1 & B2, 所以培小生只要係B2女仔, 就基本上可以入到。

唔能夠質疑有個別例子培小B1會自行揀培中, 但過去因為B1/B2乙部乙一揀就100%入, 所以培小B1生自行用一個寶貴的機會揀培中, 真係難以理解。


至於係咪新校長這兩年自行收B1, 我覺得曾校長時代自行也是有收B1的, 否則佢點開到咁多英文班, 隔離區好多唔夠B1位, 邊緣人入培中其實好合適, 只係我哋九龍城B1女選擇多, 所以乙部大抽奬一般唔會揀而已。九龍城B1止蝕位仲有英中, 所以除非鐘意佢校舎, 唔係都唔駛揀佢做止蝕。

little_yolky

kwankwanchun 發表於 17-11-13 22:44
B2尾入到培中會好辛苦？

努力D囉, 俾D心機一定得既。

王家爸爸

little_yolky 發表於 17-11-14 10:54
聯繫位係收B1 & B2, 所以培小生只要係B2女仔, 就基本上可以入到。

唔能夠質疑有個別例子培小B1會自行揀培 ...

我估校長（新舊都好）一定想自行收多啲B1，維持英文班數目，問題係B1女仔選擇多，有無咁多B1女仔會揀佢哋？

little_yolky

kwankwanchun 發表於 17-11-13 22:44
B2尾入到培中會好辛苦？

B2尾要注意另一樣嘢, 係自行時培中一定唔收, 到大抽獎時, 係咪仲係B2尾? 定去咗B3頭? 因為係一個天一個地既分別, 始終banding係斷估無痛苦, 差一名已經可以唔同band, 所以B2尾女仔要考慮自己係咪真係B2。因為用咗乙一唔入, 表示小朋友一定係B3(依過去數字), B3生大圍亦唔會抽到培中, 所以乙二入唔入到, 家長有無乙二揀B3中學或較冷門B2中學補底, 策略上要充份考慮。新校長既感覺, 我覺得佢唔會再賣面子俾小學, 叩門都係要睇成績。

little_yolky

王家爸爸 發表於 17-11-14 11:01
我估校長（新舊都好）一定想自行收多啲B1，維持英文班數目，問題係B1女仔選擇多，有無咁多B1女仔會揀佢哋？ ...

隔離區B1位唔夠, 只要交通方便, 我估邊緣人會試。因為聽聞自行都有收B2小朋友的。我依家勁愁阿妹, 佢小三都仲係咁peah, 點搞呀。

王家爸爸

little_yolky 發表於 17-11-14 11:04
隔離區B1位唔夠, 只要交通方便, 我估邊緣人會試。因為聽聞自行都有收B2小朋友的。我依家勁愁阿妹, 佢小三都 ...

試聖家、九真既人會唔會多啲？

little_yolky

王家爸爸 發表於 17-11-14 11:06
試聖家、九真既人會唔會多啲？

I think so.

王家爸爸

little_yolky 發表於 17-11-14 11:08
I think so.

所以我估邊緣人去讀既機會大啲。如果係咁，其實學校既增值唔低，讀得過。

little_yolky

王家爸爸 發表於 17-11-14 11:10
所以我估邊緣人去讀既機會大啲。如果係咁，其實學校既增值唔低，讀得過。 ...

所以我唔明點解學校成日要話自己主收B1生, 只有小部份B2生。如果實情真係咁, 佢真係大鑊, DSE成績咁。佢哋應該對自己幫學生增值感到驕傲, 今年仲衰到收收埋埋, 發表數據又唔清唔楚, 連最基本既3322都無。所以, 我唔多鐘意新校長作風。

kwankwanchun

little_yolky 發表於 17-11-14 11:01
B2尾要注意另一樣嘢, 係自行時培中一定唔收, 到大抽獎時, 係咪仲係B2尾? 定去咗B3頭? 因為係一個天一個地既 ...

無錯，新校長真係未必賣人情俾培小。除非培小都要谷返上一線小學。如果唔係喱個聯繫真係有名無實