默書低分，你子女會唔敢俾你知嗎？

py84ko

我都相信這位媽咪應該俾唔少壓力嗰小朋友，因為我細嗰都係咁，好記得自己小學，數學考試定測驗取69分（100分滿），其實對我來說已經好高分，點知返屋企俾阿媽睇，就俾佢打到飛起，之後考試派成績表，見到數學紅色就敝加火，唔敢拎返屋企，更冇比阿媽簽名，更冇交回學校，老師亦冇問，自己收埋沿途上學的草叢堆，直至下學期考完試，老師要寫成績表才發現冇我張成績表，當然老師打電俾我媽，唔使講都知我當時下場。所以我自己從來唔會因為我小朋友成績差而要打，我自己知自己小朋友能力有限，更唔會將佢啲成績同其他同學比較。只會同佢自己比較，有進步，我一定會讚，同時我亦會針對佢學習態度，例如有冇用功，有冇盡力。

brother4

一様米養百樣人，一定有需求高家長。要時刻提醒自己，另同孩子講考試默書是人生一小部份，上到中學又洗牌，當家镸情绪差時叫孩子提醒自己，慶幸每次默書是食蛋，冇壓力 自己簽家長名等

py84ko

brother4 發表於 17-10-5 09:02
一様米養百樣人，一定有需求高家長。要時刻提醒自己，另同孩子講考試默書是人生一小部份，上到中學又洗牌， ...

所以有時做家長的要對子女降低要求，但唔等於冇要求。

babywoman

回覆 py84ko 的帖子

你的經歷同我老公一樣。低分時，我老公試過模仿奶奶簽名，俾奶奶知道（老師話）後又打到飛起。我自己父母從來唔會因為低分而打我，語重深長地教訓則有。

所以到今日為止，就算我仔小一時，英默28分，中文考試62分，  我地都冇打鬧過佢。我仲成日同佢講，如果真有心讀書，中學才開始認真都可以，不過，我地係傳統家庭，傳統教學，冇錢讀國際，冇錢出國，所以，小學的任務是考好呈分試。初小就玩多啲 ，高小就開始要認真了。。。。。暫時來講，我仔態度仍是正面的。佢喜歡打機，但每日都做好功課先玩，認真地做功課，認真地玩。晚晚7點半就同佢老豆玩科舉（熱血江湖內的小遊戲）

brother4

小孩不笨，每佪子女想默書考試高分，事與願違，因材施教

S-Kwok

IloveJJ 發表於 17-10-5 08:22
我個諗法只係，呢個小朋友好多事要暪住媽媽，其實佢媽媽係咪俾咗好大壓力佢呢？定個小朋友自己諗多咗呢？
...

我仔係唔想食嘅生果會攞返屋企，偷食咗糖會話我知，成績唔好會講（抱有歉意）、比人罰寫reflection letter都會講。從小我教佢，做錯唔緊要，最緊要認，我一定唔會鬧，相反，講大話的話，我一定鬧。這不謹是不誠實行為，連面對錯誤的勇氣都冇，將來點算。

wan_sosin

IloveJJ 發表於 17-10-5 21:33
係呀！我同你一樣，我啲仔都係，唔會講大話，亦唔會隱瞞。
原來同學講大話係好普遍，今日佢哋又再講我知， ...

小朋友講大話，一般動機當然是唔想人知佢做得唔好。
但點解咁輕易講大話，第一是唔認為講大話是大問題，最少無家長所認為的那麼嚴重，第二是小朋友唔太識去解決問題，講個大話逃避就最容易。
其實講大話又真係每個小朋友都經歷過，就算唔叫大話，都可能試過隱瞞父母一些事情。這些品格同價值觀的發展，有待家長好好引導，教導小朋友走返去用正確方法處事。
最怕係家長都完全拆穿唔到小朋友的大話，無機會教到小朋友之餘，還令小朋友覺得講大話是有效方法，所以寧可殺錯，唔好放過，如真的誤會了小朋友，就去向小朋友道歉，好過放過咗佢哋。
當然發現小朋友講了大話，亦唔好大發雷霆，只要嚴正指出其錯誤，讓小朋友知道講大話的後果，好好教導返處理事情的態度和方法，鼓勵返小朋友做個誠實孩子

greentea000

我老豆一早發現我好多野唔同阿媽講，佢問過我，我話佢知我同唔同某個人講基本上係兩個考慮，我同果個人既互信程度，同埋講左有咩後果。中小學階段我只有兩件事無同老豆講，但有N件事無同阿媽講。

wan_sosin

greentea000 發表於 17-10-5 23:15
我老豆一早發現我好多野唔同阿媽講，佢問過我，我話佢知我同唔同某個人講基本上係兩個考慮，我同果個人既互 ...

你同你媽媽嘅關係，事實上比較特殊，基本上你嗰種是根本無去溝通，關係疏離，同唔同一個人溝通，當然同信任有關，你媽媽並不能取得你當期時的信任。
但其實你並非同你媽媽無關係，只係關係比較差，你都頗在意你媽媽，如果真正同嗰個人無關係可言，是直情不會記在心上。
我同我爸爸0關係，所以根本好自然地口中無佢，同學見我一直無任何事情提過爸爸，仲估我可能無老豆添，我係完全唔覺，同學同我講返，我先知我一隻字都無講過爸爸，所以在家也是0交流，我爸爸直情唔知我幾多歲，讀緊幾年班。

asweetmom

IloveJJ 發表於 17-10-5 09:13
係囉！考試默書只係人生小部分啫，仲係小二添。

小二能理解"人生"嗎？小二的人生除了讀書，還有別的出路嗎？

asweetmom

wan_sosin 發表於 17-10-6 01:15
你同你媽媽嘅關係，事實上比較特殊，基本上你嗰種是根本無去溝通，關係疏離，同唔同一個人溝通，當然同信 ...

我覺得她在意的其實是爸爸，為了爸爸愛屋及烏吧！

asweetmom

已經成為父母的各位，又是幾歲"逼不得已"向父母說謊的呢？

S-Kwok

asweetmom 發表於 17-10-6 07:40
已經成為父母的各位，又是幾歲"逼不得已"向父母說謊的呢？

我相信每個人都曾經講過大話（無論是大的、小的、善意的），但還是會向小朋友灌輸正確的人生態度吧！

brother4

asweetmom 發表於 17-10-6 07:35
小二能理解"人生"嗎？小二的人生除了讀書，還有別的出路嗎？

除了謮書外，還有？問得好，估其中一様做人道理，（養不教，父之過。。）如孩子不要做小學雞等

wan_sosin

asweetmom 發表於 17-10-6 07:37
我覺得她在意的其實是爸爸，為了爸爸愛屋及烏吧！

講到佢對媽媽完全無晒感情，我萬萬不敢，始終兩母女，而且媽媽並非不愛個女，只係用錯方法，如果咁樣都可以無晒感情，咁樣父母完全唔愛唔理子女嗰D，點算?

little_yolky

IloveJJ 發表於 17-10-5 09:11
嘩，咁你細個真係好大壓力喎! 不過，以前又係好多呢啲父母既。我仲以為而家唔會咁誇張。
...

我諗係雙方面, 一來父母要求嚴格, 二來小孩子亦唔想俾父母知自己做唔好。諗起我阿細舊年有次唔計分評估攞0分, 佢返到屋企好開心咁同我講：

媽咪我今次攞0分！

因為佢未攞過0分, 覺得0分好得意, 笑到卡卡聲。佢個EQ真係宇宙最強。其實父母唔鬧, 小朋友唔多介意自己分數的。

retriever

IloveJJ 發表於 17-10-4 14:25
尋日小二既仔派英文默書，佢個同學得6x分，跟著想收埋份卷唔俾媽咪睇。後來先發現要簽名，無得唔俾。

後來 ...

同學有無話呀媽知道有咩下場？

所以同歷朝治水差唔多，係下游堵唔係辦法。